Azərbaycan MEA Xəbərləri, Yer elmləri seriyası, 2012, №4, s. 81-86.
ALƏMİN ƏBƏDİ DÖVRANI PARADİQMASI BAXIMINDAN
KOSMOLOGİYANIN BƏZİ MƏSƏLƏLƏRİ HAQQINDA
H. Quliyev
Azərbaycan MEA, Geologiya İnstitutu
AZ1143, Bakı, H. Cavid prosp., 119
Aləmin mahiyyətcə strukturlaşması və onun informasiya formasının
enerji baxımından səciyyələrinin özünəməxsusluğu aləmin əbədi dövranı
paradiqmasında kosmologiyanın “zaman”, zamanın biristiqamətliliyi və
hər yerdə mövcud olması kimi bir sıra mürəkkəb və mübahisəli
məsələlərini aydınlaşdırmaq üçün zəmin yaratmışdır. Təqdim etdiyimiz
məqalədə şüurun yaratdığı gerçəklik, “qara” materiya, “qara enerji” və
“azad iradə”ilə bağlı məsələlər bu baxımdan nəzərdən keçirilir.
Aləmin əbədi dövranı (AƏD) paradiqmasının əsas müddəaları bir sıra əsərlərdə
(H. Quliyev, 2002; 2011 a,b; 2012) öz əksini tapmışdır. Onlardan birini aləmin şərti
olaraq mahiyyətcə müəyyən quruluşa malik olması yəni onun fiziki, bioloji və
informasiya formalarında kompleks (təşkil edən) halda mövcudluğu barədə təsəvvür
təşkil edir. Bu quruluşa daxil olanların hamısı bu və ya digər dərəcədə maddi və
energetik səciyyələrə malikdir. Aləmin ağıllı insanla bağlı olan informasiya
formasının növləri fiziki-kimyəvi anlamda, ümumilikdə qəbul edilmiş mənada, maddi
və energetik deyil, tamamilə özünəməxsus səciyyələrə malikdir. Bu növlərin özləri
birbaşa energetik və maddi səciyyələrlə təzahür etməyərək eyni zamanda,
özünəməxsus tükənməz “intellektual”enerji mənbəyi rolunu oynayırlar. Bu enerji
forması artıq məlum elmi biliklərin, ədəbi, bədii, musiqi və s. əsərlərinin istifadəsi
prosesində, ancaq ağıllı insana məxsus olan məqsədyönlü arzuların, ruh
yüksəkliyinin, şövqün, kədərin, həyəcanın, təbin və i.a. həyata kecmısi vasitəsi ilə
2
ortaya çıxır. Həmin informasiya forması bir növ tükənməz biliklər “xəzinəsi” rolunu
oynayır. Bu “xəzinə” yeni məlumatları, qanunauyğunluqları, mexanizmləri və i.a. və
onların arasında mövcud olan bütün əlaqələri aşkar etmək yolu ilə həmişə təzələnir və
zənginləşir. Ağıllı insan bu biliklərin bir hissəsini mənimsəməklə şüur səviyyəsini
artırır. Daha sonra “şüur”un özü informasiya formasının bir hissəsi olan bu bilikləri
yaradan, idarəedən, saxlayan və gerçəkləşdirən qüvvəyə çevrilir. Beləliklə, bir-birini
əmələ gətirən dərketmə strukturlarınlan və müvafiq dərketmə proseslərindən ibarət
olan dərketmə sisteminin (kognutiv) mərhələləri formalaşır.
AƏD paradiqmasında “nə birincidir – şüur,yoxsa materiya?” tipli suallara yer
yoxdur. Sualın belə qoyuluşu materiyanın mahiyyətcə strukturlaşmasının
anlanılmadığından doğan dolaşıqlıqla yaranır. Şüur materiyanın informasiya
formasının növü kimi materiyanın mahiyyət strukturuna aiddir və onları bir-birinə
qarşı qoymağın mənası yoxdur.
Aləmin mahiyyətcə strukturlaşması varlığının qəbul edilməsi və materiyanin
informasiya formasının enerji baxımından səciyyələrinin özünəməxsusluğu AƏD
paradiqmasında kosmologiyanın “zaman”, zamanın biristiqamətliliyi və hər yerdə
mövcud olması kimi bir sıra mürəkkəb və mübahisəli məsələlərini (Кулиев, 2011 a,b;
2012) aydınlaşdırmaq üçün zəmin yaratmışdır. Bu məqalədə şüurun yaratdığı
gerçəklik, “qara” materiya, “qara” enerji və “azad iradə” ilə bağlı məsələlər nəzərdən
keçirilir.
Şüurun yaratdığı gərçəklik. Bu məsələni sadə bir misalın əsasında asanlıqla
izah etmək olar. Adi gənc bir adam hər-hansı bir sahə üzrə mütəxəssis olmaq istəyir.
Onun seçmək istədiyi peşə ilə bağlı biliyi əvvəl-əvvəl səthi xarakter daşıyır, daha
doğrusu, bu barədə informasiyası yetərincə aydın olmur. O, bu vəziyyətdə mütəxəssis
olmaq üçün intuitiv olaraq qərar qəbul edir. Onun şüuru bu prosesi planlaşdırır və
sonra idarə edir. O hazırlaşır və imtahan verir, ali məktəbə qəbul olur, müəyyən
həcmdə bilik (onun üçün yeni) qazanır, təkrar etmək yolu ilə qazandığı biliyi
şüurunda möhkəmləndirir (dərk edir), müəyyən vaxt keçəndən sonra artıq o, bu
sahədə yeni biliklər toplusuna sahib olur. Daha sonra o, bu biliklər toplusunu tətbiq
etməyin yollarını, üsullarını mənimsəyir və bu sahənin mütəxəssisi olur. Beləliklə,
3
şüur adamı deyil, mütəxəssisi yaradır. Mütəxəssis də, adam kimi, artıq gerçəklikdir.
Şüur bu mənada gerçəklik yaradır. Bu gerçəklik materiyanın informasiya formasının
AƏD – da iştirakının inikasıdır. Bu zaman dövranda insanla bərabər, ağıllı insana
məxsus olan dərketmə sistemi də iştirak edir. Bu yeni gerçəkliyin AƏD – da iştirakı
onun effektivliyini artırır və funksional imkanlarını genişləndirir, həm də aləmə,
enerji və maddi resursları dövrana cəlb etməkdə, onun lazımi mərhələlərində böyük
miqdarda enerji və maddi resursları məqsədyönlü şəkildə toplamağa və idarə etməyə
imkan yaradır. Qeyd etmək lazımdır ki, yeni gerçəklik (mütəxəssis) boş yerdən
yaradılmır. İnsan, onun arzuları, mütəxəssisin biliklər toplusu, praktikada onların
tətbiqi imkanları və i.a. – dərketmə prosesləri üçün zəruri olan elementləri təşkil edən
hər şey mövcud olmuşdur.
AƏD – na görə, gerçəklik – materiyanın müxtəlif miqyaslı dövranlarının
sonsuz məcmuudur (cəmidir). Qeyd edək ki, lap bu yaxınlarda astrofiziklərin böyük
bir qrupu geniş kosmik miqyasda dövranların mövcudluğunu təsdiq edən
müşahidələrin nəticələrini dərc etdirmişdir (De Yasperin etal., 2012). Maraqlıdır ki,
belə proseslər qara dəliklərdə də baş verir. Kosmosun şüurlu müşahidəçisinin
olmadığı hissəsində baxmayaraq ki, gerçəklik mövcuddur, gerçəklik haqqında söhbət
getmir. Ağılın iştirak etdiyi dövranlarda isə o saat belə bir sual ortaya çıxır –
gerçəklik nədir? Ağıllı insan Yer şəraitində onu əhatə edən mühit haqqında hər cür
informasiyanı hissiyyat formasında özünün hiss orqanları vasitəsilə qəbul edir.
O, ilkin hissi saf – çürük edərək törəmə hissi (qavramanı) yaradır. Bu törəmə
hissələrin əsasında qarşıya bir sıra, o cümlədən yuxarıda xatırladılan sualı qoyur.
Təbii ki, sual qoyulmamışdan öncə də gerçəklik, müşahidəçinin iradəsindən asılı
olmayaraq, mövcud idi. Müşahidəçi sualı qoyandan və ona cavab tapmağa çalışdığı
andan sonra hər şey başqa cür olur. Müşahidəçinin iradəsindən asılı olmayaraq var
olan o gerçiliklə yanaşı, onun şüurunun iştirakı ilə törəmə hiss şəklində yeni
gerçəklik yaranır, yəni materiyanın informasiya formasının dövranda daha aktiv
iştirak etməsi nəticəsində əmələ gəlir. İnsan fəaliyyəti ətraf mühiti dəyişdirir, bu
zaman onun özünün hiss etmə imkanları da dəyişir (o cümlədən onun özünün icad
etdiyi cihaz və alətlərin tətbiqi ilə). Onun əldə etdiyi biliklərin işlənmə və
4
interpretasiya sahəsi də genişlənir. Yeni gerçəklik yaranır. Yer planetində artıq əlavə
gerçəklik şəklində ölkələr, dövlətlər, yaşayış məntəqələri, müxtəlif sivilizasiyalar,
tarix, elm, din, mədəniyyət və s. və i.a mövcuddur. Bu gerçəkliklər müxtəlif miqyaslı
dövranlarda məhz şüurun iştirakı ilə yaradılmışdır. Yuxarıda deyilənlərdən belə
nəticə çıxarmaq olar ki, bu dövranlarda və yeni gerçəkliklərdə aləmin informasiya
formasının və hər şeydən öncə isə şüurun, yəni dərketmə sistemlərinin özünəməxsus
iştirakının əhəmiyyətli rolu vardır.
Şüurun yaratdığı gerçəkliyə başqa bir əyani misal kimi ağıllı insanın dünya
görüşünü göstərmək olar. Dünyagörüş, idrak prosesində elmi və dini yanaşmalar
əsasında formalaşır. Elmi yanaşma hər şeydə sübut olunmuş faktlara əsaslanır (burda
müşahidəçinin nəyin sübut olunmuş saydığının özü də sual doğurur). Dini yanaşma –
şərtsiz inama əsaslanır. Bu dərk etmə prosesində, yəni aləmin informasiya formasının
əbədi dövranlarda iştirakı zamanı maddə və enerjinin azadlığa can atması çox aydın
görünür. Hər yeni sübut nəzəriyyə və modellərin məsələlərində sərhəd və başqa
şəkildə iştirak edən məhdudiyyətlərinin bir hissəsini aradan qaldırır, daha doğrusu,
vəziyyəti daha az məhdudiyyət və qadağalar olan hala yaxınlaşdırır. Dində
yanaşmanın özü lap başlanğıcdan bütün məhdudiyyətləri və qadağaları aradan
qaldırır, yəni azadlığın əldə edilməsi yolu inamdan keçir. Dinə istinadən nəyi isə
qəbul edərkən hər – hansı məhdudiyyət və qadağaların mümkünlüyü belə kənara
atılır. İnamın özü – azadlığın rəmzidir. İnamın qəbul edilməsinə, doqmaya sözsüz
əməl edilməsinin sərt qadağaları kimi deyil, hər cür məhdudiyyət və qadağalardan
azad olmaq istəyi kimi baxmaq lazımdır. Bu mənada, adama elə gəlir ki, azadlığa nail
olmaq yolunda dini yanaşma metodoloji baxımdan analoji elmi yanaşmaya nisbətən
daha üstün mövqedə durur. Bundan başqa, elmi yanaşma ancaq ayrı – ayrı məsələlərə
tətbiq edilir. Dini yanaşma isə hər şeyi əhatə edir, baxmayaraq ki, azadlığın əldə
edilməsi ayrı – ayrı şəxslərin vasitəsilə gerçəkləşdirilir.
O da maraqlıdır ki, şüurun yaratdığı bir çox gerçəkliklər (hələ maddi və ya
energetik şəkil almamış) ancaq şərti mahiyyət daşıyır. Məsələ ondadır ki, həm elmi,
həm də dini yanaşmalar törəmə hiss sahəsinə aiddir. Törəmə hissin nəticələrinin
həqiqət və ya səhv olduğunu müəyyən edən standartlar mövcud deyildir. Burada hər
5
şey insanların öz aralarında gəldikləri razılaşmaya əsaslanır. Özü də bu zaman
"sağlam məna" əsas ölçü meyarı kimi çıxış edir. Eyni zamanda, “sağlam məna” nın
mahiyyətinin dərkində də variant müxtəlifliyi mövcuddur. AƏD – da “sağlam məna”
anlayışı adı altında sübut olunmuş (qismən – birbaşa müşahidə edilmiş) faktların,
nəzəriyyələrin, modellərin, biliklərin bütövlükdə cəmi nəzərdə tutulur. Sübut
olunmuş hər bir yenilik daxıla əlavə olunur. Bir çox hallarda ilkin hisslərin müşahidə
olunan hadisə və təzahürlərə intuitiv uyğunluğu (təkrar təsadüf etmə) səhv olaraq
“sağlam məna” kimi qəbul edilir. Buna görə də emal və interpretasiya yolu ilə əldə
edilmiş törəmə hisslərinin nəticələrinin gerçəkliyini müəyyənləşdirilmə prosesində
onlar “sağlam məna” nın aspektləri ilə tutuşdurulur. Yeni nəticələr “sağlam məna”
nın üstündən heç də xətt çəkmir, onun arsenalını daha da tamamlayır və
zənginləşdirir. Bir sıra elmi əsərlərdə (Арнтц и др., 2011; Уоттс, 2012) nədəncə bu
cür yeniləşmələr “sağlam məna” nın ölçü meyarı qismində istifadə oluna
bilinməməsinin sübutu kimi qəbul edilir.
Yuxarıda qeyd edilənlərdən nəticə çıxardaraq belə bir sualın qoyulmasını daha
düzgün saymaq olar: “Biz gerçəkliyi nə dərəcədə düzgün dərk edirik?” Dərketmə
prosesi iki mərhələdən keçir. İlk öncə, ağıllı insan onu əhatə edən hadisələri,
prosesləri və i.a. hiss edir. İkincisi, onun beyni ilkin hisslərin nəticələrini emal edir və
şərh edir. Bunların hamısı müəyyən növ enerjiləri qəbul, onları saxlamaq və emal
etmək yolu ilə gerçəkləşdirilir. Ağıllı insanı əhatə edən kosmosun enerji növlərinin
həcmi, intensivliyi, sıxlığı və müxtəlifliyi öz miqyasına görə ayrıca götürülmüş
insanın və bütövlükdə bəşəriyyətin imkanları ilə müqayisə olunmazdır. Ona görə də
belə bir nəticəyə gəlmək olar ki, dərketmə və idrak prosesləri, hər şeydən öncə,
sonsuzdur. Beləliklə, ağıllı insanın mövcud gerçəklikləri dərk etməsi dəqiq deyil,
onlar daima yeniləşdirilərək təzələnir. Bu gerçəklik də, öz növbəsində, ağıllı insanın
iştirakı ilə informasiya formasının AƏD – da iştirakının zəruri şərtidir.
Ağıllı insanın hiss orqanları istənilən halda ancaq yerli gerçəklikləri əhatə edir.
Onun ağılı təxəyyül baxımından böyük miqyasda gerçəklikləri təsəvvür etmək
gücünə malik olsa da, hər halda, kosmos hüdudsuz olduğundan onun sonsuz
ənginklərini əhatə etmək mümkünsüzdür.
6
Elmi ədəbiyyatda şüurun iştirakı ilə yaradılmış gerçəkliklər barədə müzakirə və
mübahisələr davam etməkdədir (Арнтц и др., 2011; Уоттс, 2012; Хокинг и
Млодинов, 2012).
“Qara” materiya və “qara” enerji. Müasir təssəvürlərə görə, Kainatın kütləsinin
yalnız 4,4% - ə
qədəri adi barion materiyadan ibarətdir
(
http://en.wikipedia.org/wiki/Dark_matter
). Təqribən 23% - i elektromaqnit
baxımından güclü – qarşılıqlı təsirdə iştirak etməyən qeyri – barion materiyanın
payına düşür. O ancaq cazibə effektlərində müşahidə olunur (şək.1).
Maddənin inersiya səviyyəsi olan kütlə bu maddənin müxtəlif aqreqat
hallarında, hərəkət sürətlərində və miqyaslarda hərəkət ölçüsünü səciyyələndirən
enerji arasında, fiziki təzahürləri fərqli olan, müəyyən kəmiyyət əlaqələri mövcuddur.
Bu əlaqələr müxtəlif nəzəri modellər çərçivəsində konkret riyazi düsturlarla ifadə
edilir. Məsələn, Nyuton mexanikasında potensial və kinetik enerjilərin düsturlarını,
nisbilik nəzəriyyəsində Eynşteynin məşhur düsturunu, qazın sərbəst enerji, nüvənin
enerji əlaqəsi və s. düsturlarını buna misal göstərmək olar (Кулиев, 2012). Onlar,
nəzəri aslıqlar və müvafiq eksperimental tədqiqatlar hüdudlarında kütlənin enerjiyə
və əksinə çevrilməsinə sübutlardır. Aləmin fiziki və bioloji toplananlarının bilavasitə
öz kütləsi və enerjisi vardır, odur ki, onların AƏD – da iştirakı şübhə doğurmur.
Məsələnin qəlizliyi AƏD – da materiyanın informasiya formasının iştirakı mexanizmi
ilə bağlıdır. AƏD – da aləmin mahiyyət toplananlarına bölgüsü şərtidir. Aləm prinsip
etibarilə həmişə və hər yerdə həm fiziki, həm də bioloji hallarında maddə, enerji və
informasiya toplusundan (kompleksindən) ibarətdir. İnformasiya bloku halların özləri
və onların iştirak etdiyi proseslər haqqında məlumatlardan və onların ətraf aləmlə
mümkün olan bütün qarşılıqlı təsir qanunauyğunluqlarından ibarətdir. Beləliklə,
informasiya forması fiziki və bioloji formalarla birlikdə müxtəlif miqyaslı
dövranlarda iştirak edir. Lakin, aləmin informasiya formasının AƏD – da iştirakının
kəmiyyət göstəriciləri məsələsi açıq qalır. Maddə AƏD – da həmişə enerjiyə (və
əksinə) çevrilir. Bu prosesdə maddənin enerji halına keçən hissəsi mövcud
informasiyadan yararlanır, keçdiyi formada isə artıq başqa bir informasiya şəklini
alır. İnformasiya formalarının bu növləri tamamilə başqa səciyyələrə malik ola bilir.
7
Başqa sözlə, AƏD – nın ayrı – ayrı mərhələlərində aləmin fiziki və bioloji
formalarının informasiya şəkilləri, onların maddi və enerji toplananları fərqli ola
bilər. Məsələn, cazibə enerjisi ayrı – ayrı hallarda müxtəlif qanunauyğunluqları,
mövcud olma, saxlama, ötürmə və i.a. kimi xüsusiyyətləri özündə ehtiva edən
elektrik, istilik, kimyəvi və digər enerji növlərinə çevrilir.
AƏD paradiqması hüdudlarında “qara” materiya və enerji ilə bağlı
problemlərin tədqiqində cəlbedici perspektvlər açılır. Əvvəldə qeyd etdiyimiz
“intellektual” enerji prinsip etibarilə “qara”- dır, daha doğrusu, onu ayrı – ayrı fiziki
sahələrdə enerji (fiziki mənada) və maddəyə aid əlamətləri təsbit etmək yolu ilə
aşkarlamaq mümkün deyildir. Bu enerjinin potensialı biliklər mənbələrində (o
cümlədən hər cür toplayıcılarda), mədəniyyət əsərlərində və ağıllı insanın beynində
yer tutur. AƏD prosesində ağıllı insanın fəaliyyəti nəticəsində bu potensial ara
vermədən hey artır və bitməz – tükənməz bir hal alır. Haqqında söhbət gedən enerji
növü dərketmə sisteminin AƏD – də fiziki və bioloji formalarla qarşılıqlı təsirinin
nəticəsi kimi təzahür edir. AƏD – da bu potensialın ayrı – ayrı hissələrinin istifadə
edilməsi onun tükənməsinə və itkisinə səbəb olmur. Məsələn, Pifaqor teoremindən nə
gədər istifadə etsək də, onun mahiyyəti dəyişmir, Nizaminin, Şekspirin, Hötenin,
Puşkinin, Heminqueyin və başqa müəlliflərin əsərləri nə qədər çox oxunsa da, onların
məzmunu heç bir dəyişikliyə uğramır. Bədii, musiqi və digər əsərlərə də belə
xüsusiyyətlər xasdır. Baxın, Mosartın, Şopenin, Stravinçkinin, Çaykovskinin,
Hacıbəyovun və başqalarının əzəmətli yaradıcılıq məhsullarının hər bir ifası
milyonlarla dinləyicini təkrar – təkrar ruhlandırır, həyəcanlandırır, eyni zamanda, bu
əsərlər özlərinin bitib – tükənməz enerji potensialını saxlayaraq ilkin vəziyyətində
dəyişməz qalırlar. Bu potensial zəruri hallarda ağıllı insana müxtəlif proseslərin
(kompüter əməliyyatlarının, informasiya ötürülməsinin müxtəlif onlayn rejimlərinin,
fizika təcrübələrinin və i.a.) sürətini son dərəcə artırmaqa, ayrı – ayrı kənd təsərrüfatı
bitkilərinin məhsuldarlığını yüksəltməyə, uzaq məsafələri dəf etməyə və i.a. üçün çox
böyük miqdarda enerji resurslarını (məsələn, süni nüvə reaksiyasında,
sürətləndiricilərdə ki, eksperimentlərdə və i.a.) toplamağa, imkan verir. Bu
proseslərin hamısı aləmin müxtəlif dövranlarında baş verir, beləliklə də, fiziki
8
mənada enerji və maddəyə aid xassələrə malik olmayan enerji potensialı AƏD – da
iştirak edir. Nəticə etibarilə AƏD – da həmin iştirak enerji və maddənin sistemə
onların ümumi mənada qəbul edilmiş əlavə daxilolması şəklində baş vermir. Bu
tövhə elə bil ki “qara” - dır. Sözsüz ki, bu zaman materiyanın fiziki və bioloji
formalarının iştirakı nəzərdən qaçırılmır, lakin onlar sistemə məqsədyönlü,
əvvəlcədən hazırlanmış plana (bu planda AƏD – da “qara” xüsusiyyətə malik olur)
uyğun olaraq daxil edilir.
Ümumiyyətlə, müəyyən şərtlər daxilində dərketmə sisteminin AƏD – da
iştirakı, prosesə aşkar əlavə enerji və maddə resurslarını daxil etmədən də, nəhəng
dəyişikliklərə gətirib çıxarır. Kosmik miqyasda belə dəyişikliklər bəzən elə bir
səvviyədə baş verir ki, astrofiziklər onları müasir cihazların köməyi ilə müşahidə edə
bilirlər (
http://en.wikipedia.org/wiki/Dark_matter
). Nəticədə baş verən situasiyanı
əsaslandırmaq olduqca çətindir. Bir çox hallarda belə hadisələr sistemə “qara” enerji
və kütlələrin daxil edilməsi yolu ilə əsaslandırılır.
Yuxarıda deyilənlərə əsaslanaraq mümkün variant kimi ehtimal etmək olar ki,
“qara” enerji və maddələrin mövcudluğu təkcə yer mənşəli ağıllı canlıların deyil, həm
də kosmik ənginliklərdə məskunlaşmış ağıllı varlıqların miqyaslı fəaliyyəti ilə
bağlıdır. Təsəvvür etmək olar ki, astrofiziklərin uzaq qalaktikalarda aşkar etdikləri
anomaliyalar kifayət gədər inkişaf etmiş ağıllı məxluqların fəaliyyəti ilə bağlıdır.
Onların fəaliyyəti nəticəsində yaradılmış dərketmə sistemləri zəruri yerlərdə böyük
miqdarda enerji və maddi resursları toplamağa və idarə etməyə imkan verir. Həm də
bu resurslar müəyyən zaman ərzində (astronomik) ya səpələnir, ya da qara dəliklərdə
toplanır və az - çox tarazlıq vəziyyətinə, adətən müşahidə olunan vəziyyətə keçid baş
verir.
Azad iradə haqqında Burada söhbət mikroaləm səviyyəsində təsəvvür olunan
hadisələrə müşahidəçinin iradəsinin təsirindən gedir. Eksperiment və nəzəriyyələrdə
baş verən və ya gözlənilən hadisələrə (təzahürlərə) müşahidəçinin (eksperimentatorun
və ya nəzəriyyəçinin) iradəsinin təsiri ikinci dərəcəlidir. Eksperimentlərin,
nəzəriyyələrin və modellərin özləri onların müəlliflərinin iradəsinin hesabına
reallaşdırılır, onların nəticələrinin, yəni torəmə (ikinci dərəcəli) hisslərinin səhihliyi
9
və həqiqətə uyğunluğu (gercəkliyə) məsələsi açıq qalır. Bu eksperimentlər və
nəzəriyyələr çərçivəsində gözlənilən nəticələrə iradənin əlavə təsiri artıq üçüncü
dərəcəli olacaq. Buna görə də əvvəlki mərhələnin nəticələrinin səhihliyini axıra gədər
saf – çürük etmədən sonrakı nəticələri qiymətləndirməyə cəhd göstərməyin mənası
yoxdur. Müşahidə olunan hadisə və təzahürlərə “azad iradə” nin təsiri ilə bağlı
məsələdən söhbət salmaq prinsip etibarilə o deməkdir ki, tədqiq olunan prosesi bizim
hisslərimiz ya tam əhatə edə bilmir, ya da emal və şərh etmə proqramları mükəmməl
deyildir.
Kvant mexanikasının gizlin parametrləri ilə bağlı müzakirələrdə azad iradə
aksioması ortalığa çıxdı və aydın izahını tapmayaraq hələ də gündəlikdə açıq
qalmaqdadır. Determinist nəzəriyyələr dairəsində yaranmış “azad iradə” konsepsiyası
hazırda yeni aksiom – “hüdudsuz başlanğıc hal” şərtləri ilə tamamlanır (Хоофт,
2011). Belə hesab olunur ki, bu aksioma əsaslanan tədqiqatların nəticələri
determinizmə zidd deyildir və kvant mexanikasında səbəb və müəyyən yerdən kənara
çıxmamağa (lokallığa) dair başqa nəticələrə gətirib çıxarır. O cümlədən, kvant
sistemində nəticələrdən birini iradənin məhdud azadlığı təşkil edir: müşahidəçi ölçü
cihazının dalğasını dəyişə bilər, amma dalğa funksiyasının fazasına təsir göstərə
bilməz.
Kvant – mexaniki proseslərinin determinist və kvant – mexaniki
interpretasiyası, müvafiq olaraq, Con Bel bərabərsizliyini ödəyir və ödəmir (Хоофт,
2011). Bunlarla əlaqədar olaraq determinist nəzəriyyələrində “azad iradə”
anlayışından istifadə olunur. Bu anlayışa görə hər bir “müşahidəçi”- nin ixtiyari
olaraq seçdiyi parametrin müşahidəsi və ölçülməsi üçün öz istəyinə uyğun olaraq
yerini və zamanını seçmək azadlığı var. Müşahidəçi qarşılıqlı surətdə dəyişməyən (не
коммутирующих) ölçülən kəmiyyətlərin dəstələri arasında seçim edəndə Bel
bərabərsizliyi ilə ziddiyyət ortaya çıxır. Bu mülahizələrdən çıxış edəndə
tədqiqatçıların bir çoxu belə nəticəyə gəlir ki, mikro aləmə klassik məntiqlə deyil,
“başqa növ məntiqlə” nəzarət olunur. Xoft (Хоофт, 2011) hesab edir ki, bu, yanlış
fikirdir və izahı çətin də olsa, yalnız bir növ məntiq mövcuddur. AƏD baxımından bu
sualları aşağıdakı qaydada izah etmək olar. Hesab olunur ki, məkan və zamanın
10
fluktasiyaları (dəyişməsi) model quruluşlarında baş verir, daha doğrusu, onların baş
verməsi törəmə hisslər (duyğular) sahəsinə aiddir. Kvant mexanikası hadisələr
haqqında konkret yox, ancaq onlarının necə paylanmasını haggında məlumat verir,
təsəvvürlər (anlayışlar) təkcə maddi mikroaləmi deyil, həm də AƏD terminlərində
müvafiq informasiya sahəsinidə əhatə etməlidir.
Yuxarıda qeyd edilənlərdən belə nəticə çıxır ki, iradənin azadlığı aksiomunun
rolunun aydınlaşdırılması və yaxud “hüdudsuz başlanğıc hal” aksiomu ayrı – ayrı
nəzəri modellərin və müvafiq təsəvvürlərin daxili məsələsidir. Bu problemin həll
edilmə dərəcəsindən asılı olmayaraq dövranlar reallaşır, mikro və makro miqyasda nə
baş versə də, AƏD davam edir. Bütün suallar isə onunla bağlıdır ki, biz onları necə
qəbul və dərk edirik.
Beləliklə, AƏD paradiqması kosmologiyanın müxtəlif problemli məsələlərini
yeni baxımdan tədqiq etməyə, yeni və bəzən də gözlənilməz nəticələr əldə etməyə
imkan verir.
Ədəbiyyat
АРНТЦ, У., ЧЕЙС, Б., ВИСЕНТЕ, М. 2011. Кроличья нора, или что мы знаем о себе и
Вселенной. Эксмо. Москва.
КУЛИЕВ, Г.Г. 2002. Вечный круговорот материи. Елм. Баку.
КУЛИЕВ, Г.Г. 2011а. О времени и его однонаправленности. Известия НАНА. Науки о Земле,
3, 59-69.
КУЛИЕВ, Г.Г. 2011б. Определение понятия «время». Известия НАНА. Науки о Земле, 4, 34-
43.
КУЛИЕВ, Г.Г. 2012. Парадигма вечного круговорота материи и о понятии "время". В трудах
XI Международной конференции Геоинформатика: теоретические и прикладные аспекты, Киев,
Украина.
СОКОЛОВ, А.А., ЛОСКУТОВ, Ю.М., ТЕРНОВ, И.М. 1965. Квантовая механика.
Просвещение. Москва.
УОТТС, Д. 2012. Здравый смысл врет. Почему не надо слушать свой внутренний голос.
Эксмо. Москва.
ХОКИНГ, С., МЛОДИНОВ, Л. 2012. Высший замысел. Торгово-издательский дом «Амфора»,
Санкт-Петербург.
ХООФТ, Г. 2011. О постулате свободы воли в квантовой механике. Вестник Российской
Академии Наук, 81, 10, 907-912.
11
DE GASPERIN, F., ORRU, E., MURGIA, M. et al. 2012. M 87 at metre wavelengths: the LOFAR
picture. Astronomy & Astrophysics, A56, 547, 20р. Published online: 26 October 2012.
http://en.wikipedia.org/wiki/Dark_matter
Dostları ilə paylaş: |