___________________________________________________7
Rəşad Gənc: Bəli, cənab prezident. Bu, Atatürk
Dil və Tarix Qurumunun
qərarı ilə yaradılmış bir mükafatdır. Ona görə də bununla bağlı işləri biz
görürük. Nəticədə təkliflərimizi hörmətli Baş nazirin rəhbərlik etdiyi yüksək
quruma ərz edirik. Mən də oranın üzvüyəm. Orada da görüşlər keçiririk və
nəticədə bir qərar çıxarırıq. Hörmətli cümhur başqanımıza ərz edildikdən,
onun təsdiqindən sonra da nəticə tam hasil olur.
Mən burada səmimiyyətlə ifadə etmək istəyirəm ki, Sizin bu sülh
mükafatını almağınız üçün namizədliyiniz hörmətli Süleyman Dəmirəl
tərəfindən verilmişdi. Təbii ki, cümhur başqanımızın namizədi kimi nəticə
hökmən belə olmalı idi. Amma nəticə etibarilə biz də hesab edirik ki,
həqiqətən bu mükafat layiq olduğu insana verilir. Onu hörmətli cümhur
başqanımızın söylədiyi kimi, XX yüzilliyin tarixində mütləq qeyd olunacaq
böyük bir dövlət adamının almasına biz çox şadıq, sevinirik. Bu mükafat
həqiqətən layiq olan insana verililədir.
Heydər Əliyev: Çox təşəkkür edirəm. Bizim dostluğumuz, qardaşlığımız
çox səmimidir. Mən sizi Azərbaycanda görmək istəyirəm. Bilirəm, siz elm
adamısınız, böyük elmi işlərlə məşğulsunuz. Amma mən sizi qonağım kimi
Azərbaycana dəvət edirəm. Sizin imkanınız olan zaman bizim böyük elçinin
vasitəsilə mənə xəbər verərsiniz. Nə proqram lazım olsa, onu da edərik.
Orada görüşüb ətraflı söhbətlər edərik. Çünki Azərbaycan-Türkiyə
dostluğunu, qardaşlığını hər gün irəliyə aparmaq lazımdır. Heç bir şey
yerində duranda yaramaz. Hər şey inkişafda olmalıdır. Dostluğumuz,
qardaşlığımız bu gün çox yaxşı bir vəziyyətdədir.
Rəşad Gənc: Cənab prezident, bu, Sizlərin sayəsində olmuşdur.
Heydər Əliyev: Sabah bundan da yüksək olmalıdır. Ona görə mən sizi
Azərbaycana dəvət edirəm. Sizi orada qonağım kimi görməkdən məmnun
olacağam. Türkiyə-Azərbaycan dostluğuna göstərdiyiniz xidmətlərə görə də
sizə təşəkkür edirəm.
Rəşad Gənc: Mənim üçün həyatımın ən böyük bəxtiyarlılığı Sizin -
dünya miqyasında böyük bir liderin, böyük bir dövlət adamının, hörmətli bir
prezidentin dəvətlisi olmaqdır. Bu, həqiqətən böyük şərəfdir. Mən böyük
elçinizlə görüşüb münasilə bir vaxtda gələcəyəm. İnşallah, onda
Azərbaycanda bir şadlıq vəsiləsi olacaqdır. Bakıda Millətlərarası Beynəlxalq
toplantı keçirilən zaman orada Sizi ziyarət etmək mənim üçün böyük bir
sevinc, şadlıq olacaqdır. Çox təşəkkür edirəm.
___________________________________________________8
TÜRKİYƏNİN BAŞ NAZİRİ
BÜLƏND ECEVİT İLƏ TƏKBƏTƏK
GÖRÜŞDƏKİ SÖHBƏTDƏN
Ankara, Çankaya köşkü
2 noyabr 1999-cu il
Bülənd Ecevit: Cənab prezident, xoş gəlmişsiniz. Sizinlə
görüşümdən son dərəcə məmnunam. Fürsətdən istifadə edərək Sizi
Atatürk Sülh Mükafatı almağınız münasibətilə təbrik edirəm.
Heydər Əliyev: Təşəkkür edirəm. Azərbaycan ilə Türkiyə arasında
dostluq sarsılmazdır. Bütün Azərbaycan xalqı qardaş Türkiyədə baş
verən zəlzələnin müsiləətli nəticələrinin tezliklə aradan qaldırılması
üçün əlindən gələni etməyə hazırdır. Mən dostum, qardaşım Süleyman
Dəmirəllə zəlzələnin mərkəzində - Kocaelidə, İzmitdə oldum.
Çadırlarda müvəqqəti məskunlaşdırılmış insanlarla görüşdüm. Ağır
fəlakətlə üzləşmiş bu insanların iradəsinə, vətənpərvərlik və
dözümünə heyran oldum.
Bülənd Ecevit: Cənab prezident, yeri gəlmişkən Azərbaycanın
Türkiyəyə göstərdiyi humanitar yardıma görə, Sizə minnətdarlığımı
bildirirəm. Biz həmişə olduğu kimi, ağır günümüzdə də dost
Azərbaycanın qayğı və məhəbbətini, dəstəyini hiss etdik, onun əməli
köməyini gördük.
Heydər Əliyev: Ölkələrimiz arasında hərtərəfli əməkdaşlığı daha
da inkişaf etdirmək üçün həm Azərbaycan, həm Türkiyə həmişə
birlikdə çalışır və bundan sonra da çalışacaq. Biz Xəzər neftinin dünya
bazarlarına çıxarılması üçün çəki-
___________________________________________________9
ləcək Bakı-Ceyhan əsas neft kəmərinin tikintisi ilə əlaqədar bütün
məsələlərin uğurla həll olunması üçün əlimizdən gələni etməliyik.
Bülənd Ecevit: Bəli, biz bütün məsələləri hərtərəfli müzakirə
etməli, fikirlərimizi bir-birimizlə bölüşdürməliyik. Azərbaycan xalqı
bu gün Qarabağ faciəsini yaşayır. Sizin Dağlıq Qarabağ münaqişəsini
sülh yolu ilə nizama salınması sahəsində Azərbaycan prezidenti kimi
gördüyünüz işləri, etdiyiniz səyləri biz də çox qiymətləndiririk, Sizi
dəstəkləyirik.
Heydər Əliyev: Çox sağ olun. Dost Azərbaycan və Türkiyənin
qardaş xalqları ölkələrini maraqlandıran bütün məsələləri həll etməyə
çalışırlar. Mən Sizi, cənab Baş nazir, Azərbaycana rəsmi səfərə dəvət
edirəm. Bizi maraqlandıran bütün məsələləri birlikdə həll edəcəyik.
Bülənd Ecevit: Dəvətiniz üçün təşəkkür edir, məmnuniyyətlə
qəbul edirəm, cənab prezident.
___________________________________________________10
SƏFƏR BAŞA ÇATDIQDAN SONRA
VƏTƏNƏ YOLASALMA MƏRASİMINDƏ
BƏYANAT
Ankara, «Esenboğa» Hava Limanı
Türkiyə prezidenti Süleyman Dəmirəlin
bəyanatı
Hörmətli cümhur başqanı, əziz qardaşım Heydər Əliyev!
Sizi Türkiyədə görməkdən çox məmnunuq. Biz çoxlu görüşlər
keçirdik, Türkiyə ilə Azərbaycan arasında əlaqələrin daha da
genişləndirilməsi, bölgədə vəziyyət barədə ətraflı müzakirələr apardıq.
Biz Sizə Beynəlxalq Atatürk Sülh Mükafatını təqdim etdik. Sizinlə
birgə zəlzələ bölgəsini gəzdik, Azərbaycanın Türkiyəyə yardımını
həmin bölgəyə təhvil verdik.
Hörmətli prezident Heydər Əliyev Azərbaycana yola düşmək üçün
hava limanına gəlibdir. Mən istərdim ki, o, bir neçə gün də Türkiyədə
qalsın. Hörmətli Heydər Əliyev Azərbaycanda işləri çox olduğuna
görə mənim təklifimi qəbul etmədi. Amma o, qısa müddətdən sonra
yenə də Türkiyəyə gələcək, noyabrın 18-19-da ATƏT-in İstanbulda
keçiriləcək zirvə görüşündə iştirak edəcəkdir.
Mən hörmətli prezident Heydər Əliyevə uğurlar diləyirəm, «Xoş
gəldiniz, səfa gətirdiniz, gülə-gülə gedin» deyirəm.