58
2.2. Makromaliyyə sabitliyinin təmin olunmasında xarici iqtisadi fəaliyyətin
qiymətləndirilməsi
Xarici iqtisadi əlaqələrin inkişafı ayrı-ayrı ölkələrin milli iqtisadiyyatının
beynəlxalq təsərrüfat miqyasında inteqrasiyasının sürətləndirilməsinin əsas şərtidir.
Ölkələr iqtisadi inteqrasiya axınlarına qoşularaq bu yolla öz istehsal güclərini,
istehsalın səmərəliliyini və bütün bunların nəticəsində isə əhalinin ümumi rifah
səviyyəsini artırmağa çalışırlar.
Xarici qtisadi fəaliyyətin tənzimlənməsi ilə maliyyə sabitliyinin təmin edilməsi
qarşılıqlı əlaqədədir. Xarici iqtisadi əlaqələr ölkənin iqtisadi inkişafının mühüm
amillərindən biri hesab olunur. Belə ki, iqtisadi inkişaf maliyyə sabitliyi təmin
olunmadan əldə oluna bilməz. Azərbaycanda xarici ticarətin liberallaşdırılması
iqtisadi artıma, maliyyə sabitliyinin möhkəmlənməsinə, makroiqtisadi göstəricilərin
inkişafına zəmin yaradan bir vasitədir [28, səh.287].
Dünya ölkələrindən heç biri öz inkişafını xarici ölkələrdən təcrid olunmuş
şə
kildə təmin edə bilmədiyinə görə öz aralarında beynəlxalq və regional səviyyədə
iqtisadi əlaqələr yaratmağa çalışırlar.
Azərbaycan Respublikası müstəqillik əldə
etdikdən sonra xarici iqtisadi siyasətini artıq özü müəyyən etməyə başlamışdır.
Maliyyə sabitliyinin əsas göstəricilərindən biri isə tədiyə balansının və xarici
ticarət balansının kəsirlik səviyyəsidir. Tədiyyə balansı, ölkələrin müəyyən bir dövr
ə
rzində xarici iqtisadi və maliyyə münasibətlərinin vəziyyətini əks etdirir. Bir ölkənin
tədiyyə balansındakı tarazlıq və ya qeyri-tarazlıq halları, o ölkənin beynəlxalq ödəniş
qabiliyyətini, iqtisadi və maliyyə etibarını göstərir.
Bir sıra təməl iqtisadi dəyişən tədiyyə balansı ilə sıx əlaqəlidir: milli gəlir və
məşğulluq səviyyəsi; inkişaf tempi; valyuta kursları; inflyasiya səviyyəsi; gəlir
bölgüsü və xarici borclar.
Tədiyə balansı ölkənin beynəlxalq iqtisadi əlaqələrinin mədaxil və məxaric
formasında valyuta ilə ifadə olunmuş dəyəridir. Başqa sözlə tədiyə balansı beynəlxalq
iqtisadi əməliyyatların həyata keçirilməsi nəticəsində milli iqtisadiyyata daxil olan və
59
xaricə çıxarılan valyuta vəsaitləri arasında nisbəti müəyyən edir. Tədiyə balansı 3
hissədən ibarətdir: cari əməliyyatlar balansı; kapitalın və maliyyənin hərəkəti balansı;
ehtiyat aktivləri.
Cari əməliyyatlar balansı malların və xidmətlərin idxalı və ixracının, faktor
gəlirlərinin mədaxili və məxaricinin, habelə cari transfertlərin ümumi saldosunu
özündə ehtiva edir:
dxal – xaricdən ölkəyə gətirilən məhsulların dəyəridir. xrac – ölkə ərazisindən
satılmaq üçün xaricə çıxarılan məhsulların dəyəridir. dxal və ixrac arasındakı fərqə
xarici ticarət saldosu deyilir.
Xidmətlər balansı nəqliyyat, sığorta, rabitə, beynəlxalq turizm, maliyyə, tikinti,
elmi-texniki və istehsal təcrübəsinin mübadiləsi və s. xidmət növləri üzrə ölkənin
valyuta gəlirləri və ödənişləri arasındakı nisbəti müəyyən edir.
Faktor gəlirləri kimi xaricdə işləyən ölkə vətəndaşlarının qazancları, habelə yerli
investorun xaricdə qoyduğu kapitala görə əldə etdiyi gəlirlər də cari əməliyyatlar
balansında öz əksini tapır.
Cari transfertlərə humanitar yardımlar, xarici dövlətlərin rəsmi orqanlarından
alınan əvəzsiz maliyyə yardımları, beynəlxalq təşkilatlara üzvlük haqları, texniki
yardımlar, alimentlər və s. daxildir.
Kapitalın və maliyyənin hərəkəti balansı müxtəlif formalarda ölkəyə gələn və
ölkədən gedən kapitalın balansını əks etdirir. Birbaşa və portfel investisiyalar,
dövlətin və özəl sektorun xarici borcunun dəyişimi tədiyə balansının bu bölməsində
öz əksini tapır.
Ticarət, xidmətlər və transfertlər balansının məcmusu tədiyə balansının
saldosunu verir. Tədiyə balansının və kapitalın hərəkəti balansının saldosu ilə valyuta
ehtiyatlarındakı dəyişikliklərin məbləğinin cəmi həmişə sıfra bərabər olur.
Tədiyə balansı faiz, transfert ödəmələri, idxal-ixrac və həmçinin ölkənin ümumi
milli məhsulu və ümumi daxili məhsul ilə sıx əlaqədardır. ÜDM xərclər metodu ilə
hesablanan zaman idxal və ixrac da nəzərə alınır.
60
Tədiyyə balansındakı qeyri-tarazlığı aşağıdakı düstura əsasənmüəyyən etmək
olar.
B= Bc + Bk = ∆R
B- Tədiyyə balansındakı qeyri-tarazlıq
Bc - Cari əməliyyatlar balansı
Bk- Kapital hesabı balansı
∆
R- Rəsmi ehtiyatlar hesabındakı dəyişmə
Tədiyə balansının tarazlığının pozulma səbəbləri: ölkədə həyata keçirilən xərc
artırıcı siyasətlər; inkişaf tempinin nisbi olaraq yüksəldilməsi; texnoloji gerilik və
iqtisadiyyatın idarə olunmasındakı gerilik səbəbilə rəqabətin və ixracatın azalması,
bəzi xammallar baxımından xaricdən asılılığın hədsiz dərəcədə olması; ölkədəki
seçimlərin xarici mallar lehində dəyişməsi, iqtisadi dalğalanma; valyuta
spekulyasiyası və maliyyə krizləri.
Tədiyə balansının tarazlığına nail olmaq üçün düzgün xarici iqtisadi siyasət
seçilməlidir. Xarici iqtisadi siyasət dedikdə, digər ölkələrlə iqtisadi münasibətlər
sahəsində dövlətin həyata keçirdiyi razılaşdırılmış tədbirlərin məcmusu nəzərdə
tutulur və bu siyasət xarici ticarəti, beynəlxalq elmi-texniki və mədəni əlaqələri, birgə
proqramların həyata keçirilməsini, xarici kapitalın cəlbini əhatə edir. Azərbaycanın
xarici iqtisadi siyasəti ölkənini ümumi iqtisadi siyasətinin ayrılmaz tərkib hissəsi
olmaqla onun bütün cəhətlərini və əlamətlərinin özündə əks etdirir.
Azərbaycanın müstəqillik qazanması onun həm qonşu ölkələrlə, həm də dünya
dövlətləri ilə iqtisadi, həmçinin xarici ticarət əlaqələrinin artmasına təkan verdi. Ötən
ə
srin 90-cı illərinin əvvəllərində keçmişdə mövcud olmuş bir sıra əlaqələrin itirilməsi
səbəbindən iqtisadiyyatın bütün sferalarında böhran prosesləri nəzərə çarpmağa
başladı. Hətta təkcə Azərbaycan yox, bütün keçmiş sovet ölkələri çətinliklərlə
üzləşməli oldu. Çünki, iqtisadiyyatının birdən-birə bir iqtisadi sistemdən digərinə
keçməsi heç də asan proses deyil. Buna nail olmaq üçün iqtisadiyyatda bir sıra
islahatlar aparılmalı və onun strukturu müasirləşdirilməli idi.
Dostları ilə paylaş: |