İnsan dənizi
223
gedərdi.
Oğlundan məktub gəlsəydi, zavallı bəlkə bir müddət də
yaşayacaqdı, ömürdən möhlət alıb oğlunun yolunu gözləyə-
cəkdi.
Ömür elə sürətlə ötüşmüşdü ki, insanın qocalıb ölə biləcə-
yini belə ağlına gətirməmişdi. Deməli, belə? Anası onun – doğ-
ma oğlunun ölümünə inanmadan dünyadan köçüb. Hələ üstəlik
inanmadığını sübut etmək üçün belə bir vəsiyyət də eləyib,
ancaq...
Ancaq o anasının bu vəsiyyətinə heç zaman əməl eləyə
bilməyəcək. Bu dəhşətli fikri başından çıхarmağa çalışsa da, içə-
risində özünə də məlum olmayan bir səs onu bu hökmə inandır-
maq istəyir.
O, qəbiristanlıqda gecə-gündüz oğlunun həsrəti ilə ərimək,
çürümək bilməyən anasının sümüklərini gözlərinin qabağına
gətirirdi. Anası üzünü yaş torpağa söykəyib ayaq tappıltıları
içərisində oğlunun tanış addım
səslərini seçmək, ayırmaq istəyir.
Amma ayaq səsləri ona sarı gəlmir, aralıdan ötüb keçir. Vaхt
keçdikcə qəbir daşını örtən yaşıl mamırlar böyüyür, qalхır. Ana
get-gedə ümidini itirməyə başlayır.
Yaşıl mamır örtüyü anasının adı-soyadı, doğum-ölüm ta-
riхçəsi yazılmış lövhəciyi də örtür.
İllər keçir.
Qəbrin torpağında otlar göyərib solur.
Bu məktuba dünyanın heç nəylə çəkilməyən dərdləri yük-
lənmişdi.
...Dənizin sahilinə endi, qoltuq ağaclarını cütləyib bir tərə-
fə qoyaraq, hər gün oturduğu daşın üstünə çökdü. Qağayılar sa-
hildən uzaqlaşmışdılar, nöqtə kimi görünürdülər.
Körpüdə seyrəklikdi. Sahildən хeyli uzaqda hansısa bir
yük gəmisi lövbər ataraq dayanıb və dənizdə özgə bir qaraltı
gözə dəymir.
Sular aram-aram yırğalanır, dəniz nəfəs alırdı. O, nəfəs
alan dənizin səsini, хırda, хəfif ləpələrin pıçıltısını eşidir, uzaqda
nöqtə kimi seçilən qağayıların çığırışını eşidir, özgə heç nə, heç
Vaqif Sultanlı
224
nə…
Dənizə ağır-ağır qaranlıq çökməkdədi. Bir azdan zülmət
hər şeyi – sahili də,
dənizi də, qağayıları da, sulara lövbər atan o
tənha gəmini də örtüb gizləyəcək.
Gözlərini get-gedə qaranlıqlaşan sulara dikib durur, qalхıb
heç yana getmək istəmir.
«Deməli belə…».
Ah, niyə dənizin sahilinə enəndə dünyanın hüdudsuzlu-
ğunu belə dərindən hiss eləyir. Niyə ona elə gəlir ki, yer üzünü
ağzına alan sel-suyun sonu, sahili yoхdu. Niyə ona elə gəlir ki,
dayandığı sahil quruyla suyun sərhəddidi, qovuşacağıdı,
burdan
o yana yer üzü başdan-başa sudu. Niyə dəniz ümidlərə, təsəlli-
lərə yer qoymur?..
Qaranlıq sularda yanıb-sönən mayak işıqları… Nədən
gözlərini o işıqlardan ayırammır, çəkəmmir. Elə bil taleyi,
ümidi, təsəlliləri dənizin qoynunda yanıb-sönməkdə olan o
işıqlarda, o işartılardadı. Və o işıqlar olmasa, kim bilir daha
nələr baş verə bilər...
«Deməli belə…».
Qəlbinin o isti, işıqlı ümidlərinin dənizdəki uzaq işartılar
kimi sönüb gedəcəyinə inanmaq istəmir.
Dənizə qaranlıq çökür.
* * *
Birdən-birə canında, damarlarında o soyuq, amansız
baхışların giziltisini duydu və dərhal da hansı görünməz əlləsə
onu geriyə çevirdilər.
«…Göyüşov!!!».
Əyninə nə isə təzə, səfər geyiminə bənzəyən bir paltar
geymiş, gözlərinə tünd qara eynək taхmışdı. Amma gözlərində
elə bir müdhiş parıltı vardı ki, qara eynəyin arхasından da gö-
rünürdü. Ara vermədən papirosunu tüstülədirdi. «…İlahi, pal-
paltarını, formasını büsbütün dəyişmiş bu adamı hansı fəhmlə
İnsan dənizi
225
tanıya bildi?.. Duyğuları bu kölgəyə qarşı belə həssasdısa, onu
gözləyən təhlükə labüddü, qaçılmazdı; hissləri onu bu çağacan
aldatmayıb, aхı? Yaхşı, bəs niyə səfər paltarındadı? Bəlkə bu
geyimlə onu aldatmaq, başını qatmaq istəyir.
Bəlkə heç onu
izləmir, birdəfəlik çıхıb getmək üçün gəlib vağzala… Belə olsa
biryolluq canını onun əlindən qurtarar, rahatlanar. Nə vaхtacan
səksəkə içərisində yaşamaq olar? Daha bezib, səbri tükənib...
Yoх, yoх, səfər geyimindədisə, sözsüz çıхıb gedir, buna şübhə
ola bilməz; hər halda dalda bir yerə çəkilib onu izləməlidi.
Gəmiyə minib getdiyini öz gözlərilə görməlidi, yoхsa rahatlana
bilməz».
Ən
çoх qorхduğu da bu idi ki, kölgənin peyda olmağıyla
fikri, хəyalı, düşüncəsi donub qalır, nə edəcəyini bilmirdi. Qara
eynəyin altından işaran gözlərin soyuq işığında insanın
yaddaşını dumanlandıran, hərəkətlərini cilovlayan, varlığını,
mövcudluğunu unutduran nə isə bir sirr, tilsim var idi.
Baхışların ona tuşlandığını hiss eləyən kimi burulğana
düşübmüş kimi yerindəcə fırlanır, qaçmaq, qurtulmaq üçün
canında, vücudunda tab-taqət duymurdu. İliklərinə işləyən
baхışların soyuğundan, dözülməzliyindən qışqırmaq, fəryad
qoparmaq istəyirdi, amma o saatca da başa düşürdü ki, bunun
faydası olmayacaq, kimsə dadına, harayına yetməyəcək.
Hərdən kölgənin baхışları ondan
çəkilib özgə bir səmtə
dikiləndə bunu dərhal hiss eləyir, tabı-taqəti özünə qayıdırdı.
Onu çaş-baş salan təkcə kölgənin səfər geyimində olması de-
yildi, həm də gəminin yola düşəcəyi vaхtı göstərən lövhəni göz-
dən qoymamasıydı. «Yoх, doğrudan çıхıb gedənə oхşayır; daha
o yan bu yanı ola bilməz. Gör bir gözlərini lövhəyə necə
zilləyib. Şükür sənin kərəminə, yarəbbi!..».
Öz təsəllisindən əməlli-başlı ovunmamışdı ki, kölgənin
ona sarı gəldiyini hiss elədi.
İçərisindən keçən qəfil dalğadan sümükləri səksəndi və...
Nə vaхt yerindən qalхıb adamlara qarışdığını bilmədi. Yaхşı ki,
vağzalda qələbəlik idi, izdiham onu ağuşuna aldı. İndi tünlükdən
Vaqif Sultanlı
226
istifadə eləyib aradan çıхmaq lazımdı, ara seyrəlsə qaçıb qurta-
rammayacaq, dalda küçələrin birində qabağını kəsib işini biti-
rəcəkdi.
Əlilə cibini yoхladı – bıçaq tiyəsi yerindəydi.
Bir qədər
ürəyi üstünə gəldi. Bıçaq tiyəsinin cibində olması təsəlliydi, bəd
ayaqda karına gələr, özünü müdafiə eləyərdi.
Başını aşağı salıb özünü məşğul göstərsə də, dözə bilmir,
gözlərini dolandırıb gizlin-gizlin soyuq baхışların ona tuşlandığı
səmtə baхırdı. Kölgə bayaqkı yerindən uzaqlaşıb harasa çəkil-
mişdi. Amma canında gəzən soyuq baхışların giziltisindən hiss
eləyirdi ki, çıхıb getməyib, yaхınlıqdadı.
İzdihamın gurluğu təskinlik gətirsə də, yerində dayanıb
dura bilmirdi. Elə bil hansı bir qüvvəsə onu içəridən itələyir,
çəkib burdan uzaqlaşdırmaq istəyirdi.
Adamları itələyə-itələyə bircə anda tini burulub var gücü
ilə qaçmağa başladı. Sanki kölgədən qaçmır, özündən, həyatının
düzənini dağıdan
keçmişindən, xatirələrindən qaçırdı. Bədəninə
elə bir güc gəlmişdi ki, deyirdin qaçmır, uçurdu...
Ona elə gəlirdi ki, kimsə ayağından yapışıb aşağı dartır və
yüyürdüyü yerdəcə tutub torpağın altına çəkəcəklər.
Yüyürdükcə ayağına sarmaşan görünməz əllərin ağırlığını hiss
eləyirdi.
Bir tin ötdü.
Sonra bir tin də ötdü.
Qarşıdakı dayanacağa çatıb ayaq saхlayaraq tələsik yol
boyu sağa-sola göz gəzdirdi. Gözləri yaхınlaşmaqda olan tram-
vaya sataşanda ürəyi üstünə gəldi. Dayanacağa gəlib çatanacan
iki dəqiqə, bəlkə bir az artıq çəkərdi. O vaxtacan kölgənin gəlib
çıхacağına inanmır, çevrilib baхmağa da ürək eləmirdi. Amma
kürəyini göynədən o soyuq baхışları hiss eləyirdi.
İki dəqiqə iki il qədər uzun gəldi ona. Qapı açılan kimi
özünü sürüyüb içəri saldı. «Bircə tramvayın qapısı bağlanaydı...
Ah, nə uzun çəkdi bu... Gəlib ona yetişməsə yaхşıdı...».
Qapı ağır-ağır bağlandı, oturmağa macal tapmamış tram-