Microsoft Word inzibati huquq doc
Yüklə 3,57 Mb. Pdf görüntüsü
|
435
Ə n nəhayət bu sualın açıqlanmasında təlim-tərbiyə prosesinin iştirakçıları, onların vəzifələri və hüquqları, təhsil müəssisələrinin və təşkilatlarının beynəlxalq əməkdaşları barədə hüquqi biliklər əldə etmiş oldunuz.
Azərbaycan Respublikası Nazirlər Kabinetinin 1995-ci il 30 mart tarixli 72 saylı qərarı ilə təsdiq edilmiş Ali təhsil müəssisəsi haqqında Əsasnaməyə əsasən Azəraycan Respublikasında Dövlət ali təhsil müəssisəsi ali və orta ixtisas təhsili proqramlarını həyata keçirən hüquqi şəxs statusuna malik tədris müəssisəsidir. Ali təhsil müəssisəsi Azərbaycan Respublikasının Təhsil Qanununa, ona müvafiq olaraq Azərbaycan Respublikasında qəbul olunmuş digər qanunvericilik aktlarına, bu ə sasnaməyə və özünün Nizamnaməsinə uyğun fəaliyyət göstərir. Ali təhsil müəssisəsi Azərbaycan Respublikası Nazirlər Kabinetinin müəyyən etdiyi qaydada yaradılır, qeydiyyata alınır, yenidən təşkil olunur və ləğv edilir. Təşkilatlar hüquq formasına görə dövlət və qeyri-dövlət ali təhsil müəssisələri yarada bilərlər. Dövlət orqanları, Azərbaycan və xarici ölkələrin dövlət və qeyri-dövlət müəssisələri, təşkilatları, cəmiyyətləri, idarələri, habelə Azərbaycan və xarici ölkə vətəndaşları ali təhsil müəssisəsinin təsisçisi ola bilərlər. Qeyri-dövlət ali təhsil müəssisələri maarifçilik, xeyriyyəçilik niyyəti ilə yaradılır və şəxsi qazanc məqsədi güdmür. Təsisçilərlə təhsil müəssisələri arasında münasibətlər təhsil qanunvericiliyinə müvafiq müqavilələr əsasında qurulur. Ali təhsil müəssisəsi təhsil, tərbiyə, elm və mədəniyyət mərkəzi kimi aşağıdakı vəzifələri yerinə yetirir: - hər bir şəxsin intellektual, mədəni və mənəvi inkişafı, ali təhsil alma və ixtisasartırma tələblərinin ödənilməsi; - təlim-tərbiyə prosesinin yüksək səviyyədə təşkil edilməsi; - elmi araşdırmalar aparılması; - çoxpilləli ali məktəblərdə yüksək ixtisaslı elmi-pedaqoci, elmi kadrlar hazırlanması; - elmi-pedaqoci və elmi kadrların attestasiyasının keçirilməsi; - ixtisasartırma və kadrların yenidən ixtisaslaşmasının təmin edilməsi; - mədəni-maarifçilik, nəşriyyat, maliyyə-iqtisadi, təsərrüfat, elmi-istehsalat, təhsil sahəsi ilə bağlı kommersiya fəaliyyətinin və xarici əlaqəlrin təmin edilməsi. Ali təhsil müəssisəsinin filialları, fakültələri, hazırlıq şöbələri, kafedraları, elmi- tədqiqat laboratoriyaları, aspiranturası (yeni təhsil strukturlarına keçid müddətində) doktoranturası, əlavə ixtisas təhsili üçün tədris bölmələri, təcrübə təsərrüfatları, tədris teatrları və digər bölmələri ola bilər. Ali təhsil müəssisəsi tərkibində və onun nəzdində bilavasitə profilinə uyğun istehsalat və digər xarakterli (elm, tədris, təlim-tərbiyə və s.) müəssisə, təşkilat və idarələr fəaliyyət göstərə bilər. Ali təhsil müəssisəsinin struktur bölmələrinin (filiallardan başqa) yaradılması, dəyişdirilməsi və ləğv edilməsi ali təhsil müəssisəsinin nizamnaməsinə müvafiq özü tərəfindən aparılır və bu halda təsisçiyə məlumat verilir. 436
Ali təhsil müəssisəsi nəzdində müxtəlif pillədən olan tədris müəssisələrinin (orta məktəblər, litseylər, peşə litseyləri, texnikumlar, kolleclər və s.) elmi-tədqiqat mərkəzləri və institutların yaradılması, yenidən təşkili və ləğv edilməsi Nazirlər Kabineti tərəfindən təsdiq edilmiş qaydalara əsasən həyata keçirilir. stehsalat müəssisələrinin, klinikalarının, ə czaxanaların və s. yaradılması, yenidən təşkili və ləğv olunması ilə müəssisələr haqqında Qanuna müvafiq olaraq həyata keçirilir. Ali təhsil müəssisəsi öz işini müstəqil surətdə planlaşdırmaq, təlim-tərbiyə, elmi- tədqiqat, metodik, maliyyə-təsərrüfat, iqtisadi-kommersiya və s. məsələləri sərbəst surətdə həll etmək, təlimin forma və metodlarını müəyyən etmək, müəssisəni kadrlarla komplektləşdirmək, o cümlədən başqa dövlətlərin vətəndaşlarını işə qəbul etmək, müəyyən olunmuş əmək haqqı fondu çərçivəsində müəssisəsinin quruluşu və ştat cədvəlini təsdiq etmək, maliyyələşdirmənin müxtəlif növlərindən sərbəst istifadə etmək, tədris-tərbiyə müəssisəsində iaşə üzərində ictimai nəzarəti həyata keçirmək hüququna malikdir. Təhsil müəssisələri öz aralarında sazişlər bağlamaq, elmi, istehsalat və digər müəssisə, təşkilat və idarələrin iştirak etdiyi tədris-tərbiyə komplekslərində birləşmək və tədris elmi- istehsalat birlikləri (assosiasiyaları) yaratmaq, ərazi tədris istehsalat birlikləri və assosiasiyalarına daxil olmaq hüququna malikdirlər. Belə kompleks və birliklərə daxil olan təhsil və digər müəssisələrin funksiyaları, strukturları, hüquqları onların nizamnamələri ilə müəyyən olunur. Hüquqi şəxs statusuna malik tərkib hissəsi olan təhsil müəssisəsi vahid təhsil müəssissəsi kimi fəaliyyət göstərir. Ali ixtisas təhsilini aşağıdakı təhsil müəssisələri həyata keçirirlər: - ali kolleclər; - institutlar; - konservatoriyalar; - akademiyalar, - universitetlər və s; Universitet ali təhsil müəssisəsidir, fəaliyyəti ali təhsil və ondan sonrakı təhsil mərhələsində elmin, texnikanın və mədəniyyətin təbiət, humanitar və başqa istiqamətlərində fundamental elmi tədqiqat işlərinə yönəlir. Universitet təhsilin və mədəniyyətin aparıcı inkişaf mərkəzi olmaqla əhali arasında elmi biliklərin yayılmasına və mədəni-maarif işlərinin həyata keçirilməsinə kömək edir; Akademiya ali təhsil müəssisəsidir, fəaliyyəti ali təhsil və ondan sonrakı təhsil mərhələsində elmin, texnikanın və mədəniyyətin əsasən bir sahəsinin inkişafına yönəlir. Akademiya öz fəaliyyət dairəsində aparıcı elmi və metodik mərkəzdir. Müəyyən sahə üçün geniş miqyasda yüksək ixtisaslı mütəxəssislər hazırlayır və rəhbər mütəxəssislərin yenidən hazırlanmasını həyata keçirir; nstitut müstəqil ali təhsil müəssisəsi kimi fəaliyyət göstərməklə elmin, texnikanın və bir sıra istiqamətləri üzrə təhsil proqramlarını yerinə yetirir və elmi tədqiqatları həyata keçirir; Ali kollec müstəqil ali təhsil müəssisəsi kimi tam və yaxud natamam ali təhsil proqramlarını yerinə yetirir; Konservatoriya ixtisaslaşmış ali təhsil müəssisəsidir, fəaliyyəti ali təhsil və ondan sonrakı mərhələsində musiqinin, sənətin və mədəniyyətin inkişaf mərkəzi olmaqla əhali arasında mədəni-maarif işlərinin həyata keçirilməsinə kömək edir.
Yüklə 3,57 Mb. Dostları ilə paylaş:
|