20
AUDİOVİZUAL NƏŞRLƏRİN TƏSVİRİ
Sənubər Mustafayeva
BDU, Kitabxana resursları və informasiya axtarış sistemləri
kafedrasının baş müəllimi
mustafayeva.s@ yandex.ru
Описание аудиовизуальных изданий
Резюме: Данная статья посвящена библиографическому описанию
аудиовизуальных материалов. Основная цель этой статьи заключается в том
чтобы показать описание отдельных видов (грампластинок, магнитных
фонограм, диафильмов, кинофильмов, дисков, СD-RОМ и др.) аудиовизуальных
изданий. В статье также изложены набор областей и елементов описания
аудиовизуальных изданий, последовательность их расположения, применение
предписанной пунктуации и сокращения слов.
Description of audiovisual publications
Abstract:This article is devoted to the bibliographic description of audiovisual
materials. The main purpose of this article is to show the description of individual
types (records, magnetic phonograms, filmstrips, movies, CDs, CD-ROMs, etc.) of
audiovisual publications. The article also sets out a set of areas and elements for
describing audiovisual publications, the sequence of their location, the application of
prescribed punctuation and word reduction.
Açar sözlər: Biblioqrafik təsvir, audiovizual nəşrlərin təsviri, qrammafon vallarının
təviri, kinofilmlərin təsviri, maqnit fonoqramlarının təsviri.
Kлючевые слова: Библиографическое описание,описание аудиовизуальных
изданий, описание грампластинок, описаниекинофильмов, описание магнитных
фонограм.
Keywords: bibliographic description, description of audiovisual publications,
description of gramophone shades, description of motion pictures, magnetic
phonograms.
Giriş
XXI əsr qlobal informasiya mühiti Azərbaycanda kitabxana işinin
inkişafında yeni meyarların formalaşmasını, modern informasiyalaşdırma
imkanlarının təmin edilməsini və gücləndirilməsini tələb edir. Məhz dünyada
qlobal problemə çevrilən əhalinin informasiya təminatı ölkəmiz
üçün bu gün
aktuallıq kəsb edir. İnformasiya bütün dövrlərdə ictimai münasibətlərin
formalaşmasında mühüm rol oynamışdır. İnformasiyanın yaradılmasında və
ötürülməsində başqa kommunikasiya vasitələri kimi kitabxanaların da mühüm
rolu vardır. Azərbaycanın müasir dövrdə davamlı inkişafını təmin etmək
məqsədilə ölkənin güclü intellektual potensialı yaradılmalı, informasiya
cəmiyyəti quruculuğu şəraitində ölkənin kitabxana-informasiya şəbəkəsi
vasitəsilə əhalinin bütün təbəqələrinin müxtəlif biliklərə və informasiyaya
tələbatı tam ödənilməlidir.
21
Müasir dövrdə kitabxana-biblioqrafiya proseslərinin avtomatlaşdırılması,
zaman və məkandan asılı olmayaraq hər bir istifadəçinin və cəmiyyətin hər bir
qurumunun operativ olaraq dolğun informasiya
ilə təmin edilməsi
kitabxanaların qarşısında duran əsas vəzifədir. Elm, mədəniyyət və təhsilin
informasiya təminatı məhz İKT-dən (İnformasiya Kommunikasiya
Texnologiyaları) istifadə etməklə və elektron məlumat bazalarının yaradılması
ilə mümkündür.
Azərbaycan Respublikası Prezidentinin son illər kitabxana sahəsinin
inkişafı ilə bağlı biri-birinin ardınca qəbul etdiyi çoxsaylı qərarlar, o cümlədən
ilk dəfə Azərbaycan Respublikasında kitabxana-informasiya sahəsinin 2008-
2013-cü illərdə inkişafı üzrə Dövlət proqramı (2) Azərbaycan Dövlətinin bu
sahəyə prioritet bir məsələ kimi baxdığını və kitabxana
ictimaiyyətinin bu
qərardan irəli gələn məsələlərin həyata keçirilməsi üçün çox böyük məsuliyyət
daşımasının vacibliyini ortaya qoymuşdur.
Hər bir xalqın, dövlətin mədəni səviyyəsinin göstəricisi olan kitabxanalar
ən böyük informasiya mənbəyi olub insanların bu qiymətli xəzinəsinin
qorunmasını, nəsildən-nəsilə ötürülməsini həyata keçirirlər. Xalqımızın əsrlər
boyu yaratmış olduğu qədim və bənzərsiz mədəniyyətin tərkib hissəsi kimi
kitabxanalar dünya mədəniyyətini misilsiz incilərlə zənginləşdirən mənəvi
sərvətimizin qorunub saxlanılmasına xidmət edirlər.
Hazırda kitabxanalarımızda
həm ənənəvi, həm də elektron kataloqlar
oxucuların xidmətinə verilmişdir. Kitabxana-informasiya proseslərinin
avtomatlaşdırılmasıayrı-ayrı proseslərdən başlayaraq, kompleks sistemlərə,
daha sonra inteqral və şəbəkə sistemlərə qədər inkişaf edərək yüksək
texnologiyalara əsaslanır. Müasir kitabxana fondları öz
tərkibi etibarilə
müxtəlif növlü və məzmunlu çap əsərlərini əhatə edir. Həmin əsərlərə geniş
oxucu kütləsi müraciət edir.
Bu sorğuların özü isə müxtəlif formalarda özünü göstərir. Oxucu
tələbatı yalnız o vaxt hərtərəfli təmin oluna bilər ki, kitabxanalar müxtəlif
quruluşlu və məqsədli kataloq və kartotekalar sisteminə malik
olsun.Kataloqların tərtibində biblioqrafik təsvirlərin qruplaşdırılması xeyli rol
oynayır. Biblioqrafik təsvirlərin qruplaşdırma xüsusiyyətlərinə görə kataloqun
bir sıra növləri meydana çıxır. Bu da bilavasitə oxucu sorğularının
xarakterindən irəli gəlir. Biblioqrafik təsvirlərin qruplaşma xüsusiyyətlərinə
görə kitabxanalarımızda ənənəvi və avtomatlaşdırılmış kataloqlaşdırma
fəaliyyət göstərir.
Məsələnin qoyuluşu
Kitab təsvirinə ehtiyac yazılı əsərlərin bir yerə toplanması ilə meydana
gəlmişdir. Hər bir növ kataloqun təşkili biblioqrafik yazıların
qruplaşdırılmasından ibarətdir. Kataloqlarda kitabxanada saxlanılan konkret
nəşrlər əks etdirilir. İlk kataloqların yaranması müxtəlif dövrlərin təsvir
qaydalarına əsaslanmışdır. Hazırda isə biblioqrafik təsvirlər müəyyən
standartlar üzrə tərtib edilir. Müasir dövrdə dünyanın müxtəlif ölkələrində