İKİ AYI BALASI
Bakı, Altun Kitab, 2009
Mətn – Gülşən Orucova
Redaktor – Rafiq İsmayılov
Rəssamlar – Elçin Cabbarov, Səidə Eyvazova
12 səh.
17 sm x 24 sm
Qiyməti: 1.00 AZN
İki ayı balası yağlı, iri bir pendir tapmışdı. Amma heç cür bölə bilmirdilər.
Qorxurdular ki, birinə az, o birinə çox düşər.
Bir tülkü onlara yaxınlaşıb dedi:
‐ Verin mən bölüm!
Onlar pendiri tülküyə verdilər.
Tülkü pendiri bərabər olmayan iki hissəyə böldü. Ayı balaları o saat qışqırdılar:
‐ Biri o birindən böyükdür!
Tülkü onları sakitləşdirdi:
‐ Dayanın, bu saat bərabərləşdirəcəyəm.
O böyük hissədən bir parça dişləyib yedi, ancaq bu dəfə həmin hissə o birindən
kiçik oldu.
Tülkü pendir tikələrinə baxdı:
‐ Deyəsən, yenə bərabər deyil!
O yenə böyük pendir tikəsini dişlədi.
Ayı baları bu dəfə narazı qaldılar.
Tülkü hey dişləyir, dişləyirdi. Ayı balaları isə burunlarını gah bu, gah da o biri
tikəyə çevirib narazı qalırdılar.
Tülkü doyunca pendirdən yedi. Axırda iki balaca tikə qaldı. O, bu tikələri ayı
balalarına verib dedi:
‐ Alın yeyin, az da olsa, bərabərdir.
Bunu deyən tülkü şələ quyruğunu qaldırıb öz yolu ilə getdi.