KREDİT İTTİFAQLARINA KREDİT VERİLMƏSİNƏ DAİR
KREDİT TƏLİMATI
İCRAÇI KREDİT AGENTLİYİ
Səhifə:
15
C+ kateqoriyasına o Kİ-lər aid edilir ki, əməliyyatlarında əsaslı dəyişikliklər edilmədən fəaliyyətlərini
davam etdirə bilmirlər və İKA-dan vəsait almaq imkanına malik olmurlar. C+ kateqoriyasına aid
edilən Kİ-lər zəif fəaliyyət göstəricilərinə malikdirlər və ciddi nəzarət tələb edirlər.Əsas fəaliyyət
göstəriciləri ola bilsin ki, mənfi xarakter daşısın.
C kateqoriyası fəaliyyətlərini davam etdirə bilməyən və yaxud qeyri-qənaətbəxş fəaliyyət göstəriciləri
olan Kİ-lərdən ibarətdir belə ki, bu Kİ-lər İKA-dan vəsait almayacaqlar, onlardan bəzilərinin
fəaliyyətləri ləğv ediləcək və yaxud bu kredit ittifaqları yenidən təşkil ediləcəkdir.C kateqoriyası
qeyri-qənaətbəxş nəaliyyət göstəricilərini göstərir və burada nöqsanlar ciddi olduğundan
təxirəsalınmaz tədbirlərin həyata keçirilməsinin vacibliyini göstərir.
Kİ-lərin Hesablanması Sistemi AMB-nin müəyyən edilmiş prudensial əməliyyat normativlərinə (Kİ-lərin
yaradılması üçün minimum lazımı tələblər) və Kİ-lərin apardığı əməliyyatların əsas 5 ciddi elementinə:
Kapital adekvatlığı, Aktivlərin keyfiyyəti, İdarəetmə, Gəlir və Likviditliyə əsaslanır. Bu sistem ekspert
tərəfindən (auditor) Kİ-nin fəaliyyət göstəricilərini qiymətləndirərkən, qiymətləndirmə prosesində nəzərə
alınmalı bütün maliyyə və əməliyyat göstəricilərini əks etdirmək üçün tərtib olunmuşdur. Kİ-lər maliyyə
əmsalı və ekspert mühakiməsinin vəhdətindən istifadə etməklə təsnif edilir.Ekspert Kİ-lərin fəaliyyət
göstəricilərini təhlil edərkən, əmsalları bir kənara qoymalı və həm keyfiyyət, həm də kəmiyyət faktorlarını
nəzərə alaraq, peşəkar mühakimədən istifadə etməlidir. Çox zaman Kİ-lər vəziyyət göstəricilərinə görə geri
qaldığından, ekspert balları hesablayarkən, cari və nəzərdə tutulmuş əməliyyatların keyfiyyət təhlilini
aparmalıdır. Hər bir əmsal və göstərici üçün Kİ-lər A, B+, B, B-, C+ və ya C kateqoriyalarina bölünəcəkdir. A
kateqoriyası ən yüksək , C kateqoriyası isə ən aşağı kateqoriyadır.
Bu ayrı-ayrı kateqoriyalara əsasən, İKA hər bir Kİ üçün mürəkkəb dərəcə sistemini müəyyən
edəcəkdir.Bötöv dərəcə xüsusi dərəcələrin orta vəziyyətini göstərəcək və ekspertin Kİ-lərin əməliyyatları və
idarəetməsiniə dair bilik və mühakimələrinə əsaslanaraq, bir kateqoriya aşağı salına da bilər. Kateqoriya və
Bal sistemi Əlavə 7 -də verilmişdir.
KREDİT İTTİFAQLARINA KREDİT VERİLMƏSİNƏ DAİR
KREDİT TƏLİMATI
İCRAÇI KREDİT AGENTLİYİ
Səhifə:
16
4. Riskin idarə olunması
İKA tərəfindən kreditləşən sahə diqqətlə araşdırılmalı və veriləcək kreditin riski qabaqcadan
müəyyənləşdirilməlidir. Bu səbəbdən, aşağıdakı risk amillərinə xüsusi diqqət verilməlidir:
Layihə riski
İKA müştərilərin təqdim etdiyi layihələri hərtərəfli olaraq araşdırmalı və qarşıya çıxa bilən riskləri minimum
səviyyəyə endirməlidir. Odur ki, ləvazimatın çatdırılma və təmin edilməsi vaxtı, enerji təminatı mənbələri və
s. müəyyənləşdirilməlidir.
Bazar və kommersiya riski
Bu risk amilini araşdırmaq üçün müştərinin bazar payı, daxil olduğu sektorun xüsusiyyətləri, ölkədəki və ətraf
dövlətlərdəki siyasi və iqtisadi vəziyyət, mövcud valyuta kursları da təhlil olunmalıdır.
İstehsal və təchizat riski
Bu risk araşdırılarkən istehsal üçün əldə ediləcək xammalın və iş gücünün təchizatı və mahiyyəti, mövcud
bazar qiymətləri haqqında məlumatlar toplanmalı və yoxlanmalıdır.
İdarəetmə riski
Bu risk müasir texnologiyanın tələblərinə cavab verəcək iş yerlərinin olması, bazar şəraitində rəqabət edə
bilmə səviyyəsi, işçilərin və rəhbərlərin peşə ixtisasları və nailiyyətlərinin təhlil edilməsindən ibarətdir.
Maliyyə riski
Bu risk ilkin olaraq müəssisənin balans və gəlir hesabatlarının təhlili nəticəsində müəyyən olunmalıdır.
Burada kapital riskinə xüsusi diqqət yetirilməlidir. Belə ki,müəsisənin özünün lazımi vəsaitinin olmaması
gələcəkdə layihənin hər hansı bir mərhələdə yarımçıq qalmasına səbəb ola bilər ki, bu da ümumilikdə, işin
ahənginin pozulmasına və kreditin vaxtında ödənilməməsinə gətirib çıxara bilər. Maliyyə riskinin üç əsas
komponentləri mövcuddur: 1) Maliyyə proqnozlaşdırması – Hər bir layihə üçün kredit mütəxəssisi layihəni
əhatə edən müddət üçün pul dövriyyəsi proqnozunu planlaşdırmalıdır. Bu təhlil nəticəsində borca xidmət
göstərilməsi üçün nə qədər sərbəst pul əldə ediləcəyi aydınlaşmalıdır. 2) Göstəricilərin o cümlədən, adekvat
ehtiyyata malik olub olmamalarının, kredit portfelinin keyfiyyətinin, risklərin idarə edilməsinin, idarəçilik və
əməliyyat təlimatlarında göstərilmiş siyasət və prosedurlara əməl edilib edilməməsinin, maliyyə
göstəricilərinin və s. təhlili.
3) Qiymətləndirmə-təhlil zamanı toplanmış bütün faktlar layihənin yekun
qiymətləndirilməsində nəzərə alınmalıdır. Qiymətləndirmənin üç perspektivi olmalıdır:
İKA tərəfindən gözlənilən risk;
Borcluya fəaliyyətinin həyata keçirilməsinin inkişafında kömək etmə imkanları;
İKA üçün mənfəət.
Kredit riski
Bu risk çox diqqətlə təhlil olunmalıdır, belə ki kredit vəsaitlərindən maliyyələşəcək iş və əmtəələr təhlükəsiz
olmalı və ətraf mühitin qorunması nəzərə alınmalıdır. Belə olmazsa, bu, bir tərəfdən ekologiyanın
korlanmasına, digər tərəfdən isə dövlətin müvafiq qanunlarına görə əlavə xərclərə və kompensasiyalara səbəb
ola bilər. Bu əlavə xərclər və öhdəliklər isə öz növbəsində, İKA-yə kreditin vaxtında ödənilməsi baxımından
təhlükə yarada bilər, üstəlik, ətraf mühitə zərər vurulduğundan, təminatlı girovun da dəyəri əhəmiyyətli
dərəcədə aşağı düşə bilər. Bu isə, girovun kredit məbləğini qarşılaya bilməməsinə gətirib çıxarar. Bu qəbildən
olan risklərlə qarşılaşmamaq məqsədilə kredit verilməzdən əvvəl tədarük olunacaq avadanlıq və girov
götürüləcək əmlaklar barədə onların ətraf mühit çirkləndirməməsini sübut edən şəhadətnamə tələb
olunmalıdır.