Azərbaycan SSR sovet gömrük sistemi şəraitində (1920-1991)
15
Respublikasının gömrükxanalarında, dəmiryolu və gəmi anbarlarında sax-
lanılan yüklər yalnız XTŞ-nin əmri əsasında daşına bilər.
Bu məsələyə aid
digər hakimiyyət qurumunun göstərişi icrası dayandırılır, bundan öncə dərc
edilən bütün sərəncam və qaydalar ləğv olunur [27,16, 28].
Digər tərəfdən, kəsmik, yerli istehsala məxsus pendir, təzə və
konservləşdirilmiş meyvə, qurudulmuş,
duza qoyulmuş göbələk, kələm, ev
quşları(diri və kəsilmiş halda), bal və bal məhsulları və at ətinin qeyri-
məhdud miqdarda daşınmasına icazə verilirdi [8, 226-227].
Azərbaycan Neft Komitəsi istisna olmaqla, XTŞ-nin tərkibinə 15
təşkilat daxil edilmişdi. Azərbaycan İnqilab Komitəsinin 1920-ci il 1 iyun
tarixli dekretinə əsasən AXTŞ xarici ticarət üzərində dövlət inhisarını həyata
keçirən ilk icra orqanı oldu.
Azərbaycan Hərbi İnqilab Komitəsinin “Tikinti materiallarının ixra-
cının qadağan edilməsi haqqında” 1920-ci il 11 iyun tarixli Dekretində
göstərilirdi ki, sənaye və nəqliyyata lazım olan tikinti materiallarına olan
kəskin ehtiyacı nəzərə alaraq, tikinti materialları Azərbaycan ərazisindən
yalnız Azərbaycan İnqilab Komitəsinin xüsusi icazəsi ilə çıxarıla bilərdi. Bu
dekretin pozulmasına görə məsuliyyət daşıyanlara
“inqilab dövrünün
qanunları qarşısında bütün ciddiliyi ilə cavab verəcəkləri” haqqında
xəbərdarlıq edilirdi [8, 28].
1920-ci il iyunun 29-da “Kommunist” qəzetində XTŞ-nin Əsasnaməsi
dərc olundu. Bu sənədə görə respublikanın ali dövlət təşkilatı olan XTŞ-nin
əsas funksiyaları aşağıdakılar idi: a) ərzaq
sahəsindən başqa, bütün istehsal
və bölgü işinin təşkili və nizamlanması; b) öz orqanları vasitəsilə dövlət
müəssisələri, birliklər və müəssisələrin bilavasitə idarə edilməsi; c) dövlət
xammal və yanacaq ehtiyatlarının yaradılması; d) müəssisələrin və təda-
rükün maliyyələşdirilməsi və hesabatı. AXTŞ-nin ilk sədri Moskvanın
emissarı A.P.Serebrovski oldu. XTŞ-nin 1920-ci ildə yeniləşmiş və ümumi
sayı 24-ə çatdırılan
strukturuna Rəyasət heyəti, işlər idarəsi, neft və
balıqçılıq komitələri, “Xalq təsərrüfatı” jurnalının redaksiyası ilə yanaşı 19
şöbə, o cümlədən gömrük şöbəsi də daxil edildi. Sonrakı illər ərzində bu
orqanın strukturu dəfələrlə dəyişdirildi. 1921-ci ildə isə XTŞ-nin tərkibindən
Azərbaycan Neft Komitəsi, Su nəqliyyatı və ticarət şöbələri
kimi müstəqil
təşkilatlara ayrıldı. Yeni iqtisadi siyasətə keçidlə əlaqədar olaraq Şuranın
tərkibində islahatlar aparıldı, müxtəlif istehsal sahələrini əhatə edən 12 idarə
yaradıldı. Lakin yeni strukturda gömrük şöbəsi saxlanılmadı.
Azərbaycan Hərbi İnqilab Komitəsinin 1920-ci il 6 iyul tarixli dekreti
ilə Bakı gömrükxanasının müstəsna əhəmiyyəti nəzərə alınaraq, müvəqqəti
də olsa, inzibati cəhətdən Hərbi-dəniz işləri Komissarlığına tabe edirdi.
1920-ci ilin iyulun 29-da Xalq Xarici Ticarət Komissarlığı (XXTK)
yaradıldı. Komissarlığa Teymur Əliyev rəhbərlik edirdi. 1921-ci ilin apreli
14-də Respublika Ali İqtisad Şurası və Dövlət Plan Komissiyası, oktyabrın
Azərbaycan dövlətçiliyi tarixində gömrük işi
16
16-da Azərbaycan Dövlət Bankı təşkil olundu. Aprelin 26-da Tiflisdə
Azərbaycan, Ermənistan və Gürcüstan respublikaları nümayəndələrinin işti-
rakı ilə keçirilən iclasda,
RSFSR-in diktəsi ilə, xarici ticarət əməliyyatlarının
bir mərkəzdən idarə olunması məqsədi ilə Zaqafqaziya Xarici Ticarət
İdarəsi yaradıldı. Sentyabr ayından isə, Cənubi Qafqaz respublikalarında
RSFSR-in Gömrük tarifinin tətbiqinə başlanıldı.
1920-1921-ci illərdə Rusiyadan İrana Bakıdan keçməklə 3,5 mln.
manatlıq mallar göndərilsə də, Rusiya ilə İran arasında birbaşa heç bir
ticarət əməliyyatları aparılmamışdı. İran malları isə qonşu ölkəyə az
miqdarda olsa da, Azərbaycan üzərindən göndərilirdi. Həmin dövrdə
Azərbaycan SSR-in Gürcüstan və İranla ticarət müqavilələrinin olmaması və
hakimiyyət çevrilişi ilə bağlı siyasi hadisələr gömrükxanaların
işinə mənfi
təsir etmişdi. Xəzər dənizinin cənub sahillərində aparılan hərbi əməliy-
yatların nəticəsində İranla ticarət mübadiləsinin dayandırılması Astara və
Lənkəran gömrükxanalarının fəaliyyətini xeyli zəiflətmişdi. Gürcüstanla
Ermənistan arasında davam edən hərbi konflikt və sərhəddəki silahlı qarşı-
durmalar Ağstafa, Balakən və Muğanlı gömrüklərində durğunluq yaratmışdı
[146, 102].
Azərbaycan Xalq Təsərrüfatı Şurasının 1920-ci il iyunun 3-də
keçirilən yığıncağında fiziki şəxslərin və hərbi qulluqçuların dəmiryolunda
və gəmi heyəti tərəfindən normadan artıq ərzaq məhsulları və ilkin tələbat
mallarının daşınmasına qarşı nəzarətin gücləndirilməsi məsələsinə baxıldı.
Dəniz yolu ilə hərəkət edən sərnişinlərin yüklərinə baxışın həyata keçiril-
məsi Su nəqliyyatı idarəsinə, quru yollarda
və dəmir yolun sərhəd məntə-
qələrində isə Maliyyə komissarlığının tabeçiliyində olan gömrük mühafi-
zəsinə tapşırıldı. Sərnişin, gəmi heyəti və hərbi qulluqçuların özləri ilə
aparmalarına icazə verilən ərzaq və digər tələbat mallarının normalarını
Ərzaq Komissarlığı müəyyən etməli idi [215, 27].
Gömrük rüsumları şöbəsindən bütün gömrükxanalara göndərilən
məktubda bildirilirdi ki, Azərbaycan Xalq Təsərrüfat Şurasının 1920-ci il 19
iyul tarixli əmrinə əsasən pambıq mahlıcı, yun (yerli və ispan növlü),
barama, ipək və frizonun ixracı qadağan edilmişdi [4,11, 36].
Azərbaycan SSR-nin maliyyə sistemində bir sıra
struktur dəyişiklikləri
aparıldı. Maliyyə Komissarlığı üzrə verilmiş və komissarın müavini
H.Tağıyevin imzaladığı 1920-ci il 28 iyun tarixli 149 saylı əmrlə komis-
sarlığın tərkibində: 1) komissarlığın mərkəzi Dəftərxanası; 2)Vergilər
idarəsi - tərkibində a) Birbaşa vergilər və rüsumlar; b) Dolayı vergilər
şöbələri; 3) Büdcə-hesablama idarəsi – tərkibində: a) Büdcə şöbəsi və b)
Kredit şöbəsi olmaqla yeni idarələr yaradıldı. Əmrin 3-cü bəndində bil-
dirilirdi ki, Gömrük hissəsi və Sərhəd mühafizəsinin, gömrük və sərhəd
mühafizə şöbələri daxil olmaqla yenidən təşkil
edilənə qədər əvvəlki
əsaslarla fəaliyyət göstərməyə davam edəcəklər. Digər tərəfdən, Maliyyə