43
ayrılıqda verilməsi xəstəliyin inkişafını artırır. Mineral gübrələrin
kompleks tətbiqi isə bitkilərin sarı pasa davamlılığını artırır, onların
qışı yaxşı keçirməsini və yaxşı kollanmasını stimullaşdırır. Taxıl
alaqlarına qarşı vaxtında mübarizə aparılması da bitkilərin inkişafını
təmin edir və sarı pasa qarşı müqavimətini artırır.
Kimyəvi mübarizə tədbirləri xəstəliyə güclü tutulan xəstəlik
əlaməti görünən kimi aparılmalıdır. Gecikdirilməyə yol verilsə, təd-
birin heç bir nəticəsi olmur. Kimyəvi mübarizə vasitəsi kimi, 25%-li
Tilt (250 qr/litr Propikonozol) 0,5 l/ha, 25%-li Bayleton (250 qr/kq
Triamidefon)1,0 kq/ha və yaxud 25%-li Folikur (250 qr/kq Tebu-
konazol) 0,5 kq/ha məsarif normasında istifadə etməklə çiləmə
aparılmalıdır. Çiləmə preparatlarının bir hektarlıq sahə üçün nəzər-
də tutulmuş norması 250-300 litr su ilə qarışdırılıb yerüstü çilə-
yicilər vasitəsilə həyata keçirilməlidir. Sarı pasa yoluxmuş toxum-
ların dərmanlanması da zəruridir. Taxıl bitkilərinin pas xəstəlikləri
ilə sirayətlənməsi 20-25%-dən artıq olmazsa, kimyəvi mübarizənin
tətbiqi iqtisadi cəhətdən effektli hesab edilmir.
Qonur pas
Xəstəliyin törədicisi Puccinia recondita Rab. Et Dest. F. Tritici
Eriks göbələyidir. Təsnifata görə Basidiomycota şöbəsinin , Uredi-
niomycetes sinifinin , Urediinales sırasının, Pucciniaceae fəsiləsinin,
Puccinia cinsinin nümayindəsidir. Qonur pas taxıl bitkilərinin,
xüsusilə buğdanın əsas xəstəliyi olub, taxıllar fəsiləsinə aid olan
bəzi ot bitkilərini də sirayətləndirir. Xəstəliyin səciyyəvi əlaməti
yarpaqlar üzərində dağınıq şəkildə kifayət qədər iri, qonur rəngdə
pustullar-uredosporların əmələ gəlməsidir. Uredosporlar heç vaxt
bir-biri ilə bitişik şəkildə olmur, ətrafları nekrotik və xlorotik ləkə-
lərlə əhatələnir.
Göbələyin qışlama mərhələsi: teleytosporlar xəstəliyin axırla-
rında yarpaqların alt hissəsində qara qonur rəngdə yağlı ləkələr şək-
lində əmələ gəlir. Qonur pasın uredosporları geniş temperatur həd-
dində, adi şeh damlasının mövcudluğu şəraitində 2-31°C-də çox
44
yaxşı inkişaf edir.
Xəstəliyin taxıl yerində bitmiş və erkən səpilmiş taxıl cücərtilə-
ri üzərində inkişafa başlayan uredomitselləri və uredosporları Azər-
baycan şəraitində bütün qış uzunu öz həyat qabiliyyətini saxlayır,
yalnız buğdanın süd və mum yetişməsi dövründə (iyun, iyul) kütləvi
şəkildə yayılır. Göbələyin uredosporları kifayət qədər nisbi rütubət-
də bütün yay boyu artıb çoxala bilir. Lakin temperaturun yüksək və
nisbi rütubətin aşağı olduğu şəraitdə uredosporlar öz həyat qabiliy-
yətini itirir və əksəriyyəti payız səpinlərinə qədər tələf olur. Göbələ-
yin inkubasiya (gizli) dövrü temperaturdan asılı olaraq 5-18 gün da-
vam edir. Qonur pas xəstəliyi respublikanın ayrı-ayrı regionlarında
hər il bu və ya digər səviyyədə yayılır. 200-dən çox ras və biotipləri
vardır (Şəkil 4).
Qonur pasın məhsuldarlığa vurduğu ziyan sarı pasla müqayisə-
də çox aşağıdır (6-10%). Bu onun vegetasiyanın sonunda (süd-
mum) mərhələsində əmələ gəlməsi ilə izah olunur.
Mübarizə tədbirləri. Qonur pas xəstəliyinə qarşı ən əhəmiy-
yətli tədbirlərdən biri davamlı sortlardan istifadə olunmasıdır. Azər-
baycanda rayonlaşdırılmış buğda sortları - “Qaraqılçıq-2”, “Bərə-
kətli-95”, “Şiraslan”, “Əlincə”, “Vüqar”, “Əkinçi-84”, “Əzəmətli-
95”, “Qobustan”, “Ruzi” qonur pasa davamlıdır. Taxılın vaxtında
yığılması, yığımdan sonra sahələrdə taxıl cücərtilərinin əmələ gəl-
məməsi üçün (cücərtilər xəstəliyin ehtiyat mənbəyidir) kövşən
qalıqlarının yumşaldılması, sahənin üzlənməsi (8-10 sm) və dərin
yay şumu aparılması zəruridir. Taxıl səpininin optimal müddətdə
keçirilməsi, azot, fosfor və kalium gübrələrinin (N, P, K) kompleks
şəkildə tətbiqi bitkilərin inkişafını gücləndirir və xəstəliyə qarşı
müqavimətini artırır. Azotun birtərəfli qaydada ayrılıqda verilməsi
bitkilərin qonur pasa davamlılığını azaldır.
Kimyəvi mübarizə vasitələrilə görülən tədbirlər sarı pasda ol-
duğu kimidir.
45
Buğdanın unlu şeh xəstəliyi
Təsnifata görə xəstəliyin törədicisi Erysiphe graminis DC
kisəli göbələklərin Ascomycota şöbəsinin , Leotiomycetes sinifinin ,
Erysiphales sırasının, Erysiphaceae fəsiləsinin, Erysiphe cinsinin
nümayindəsidir. Erysiphales sırasına aiddir. Dənli taxıl və yabanı ot
bitkilərinin əksəriyyəti unlu şeh xəstəliyinə tutulur. Xəstəliyə ən çox
bitkilərin aşağı yarus yarpaqları, kütləvi yayılma zamanı isə gövdə,
yuxarı yarus yarpaqları və qılçıqlar da sirayətlənir. Yarpaqların alt
hissəsində əvvəlcə göbələyin ağımsov mitseli təbəqəsi, onun
üzərində isə bir qədər bozumtul rəngə çalan unvarı ləkələr-konidilər
əmələ gəlir. Sonra bu ləkələr sıxlaşıb tündləşərək keçəyə bənzər
örtük əmələ gətirir və onun üzərində göbələyin meyvə bədəni-
kleystokarpiləri yetişməyə başlayır. Kleystokarpinin forması
dəyirmi, üzəri xırda çıxıntılarla əhatələnmiş, rəngi əvvəlcə qonur,
sonra qaralmış, ölçüsü isə 130-180 mkm olur. Kleystokarpinlərin
daxilində bir neçə kisə, hər bir kisənin içərisində isə rəngsiz,
elleptik formada 4-8 ədəd spor yerləşir. Bu kisə sporların 20-23×11-
13 mkm-dir. Payıza döndükdə kleystokarpilər partlayır, kisə və kisə
sporları ətrafa yayılaraq, bitki qalıqlarını sirayətləndirir. Burada
göbələyin konidi mərhələsi yenidən başlayır və payızlıq buğdanın
körpə cücərtiləri yenidən konidilərə yoluxur.
Unlu şeh xəstəliyinin törədiciləri yarpaq səthinə yapışmaq üçün
xüsusi apressorilər və bitki hüceyrələrindən qida maddələrini mə-
nimsəmək üçün qaustorilər buraxır. Erysiphe graminis çox mürək-
kəb bir cinsdir, onun bir və bir neçə növ bitkini xəstələndirə bilən
ixtisaslaşmış formaları var. Məs: E. graminis f. t ritici buğdanı, E.
graminis f. secalis çovdarı və s. xəstələndirir (Şəkil 5).
Ümumiyyətlə, taxılın vegetesiyası dövründə onu, unlu şehlə
sirayətləndirən konidilər payızdan başlayaraq vegetasiyanın sonuna
qədər bir neçə nəsil verir. Onlar bitkidən-bitkiyə, əsasən, külək vasi-
təsi ilə yayılır. Bitkilərin unlu şehlə sirayətlənməsi 60-100% nisbi
rütubət və 0-20°C temperarurda daha intensiv gedir. Havanın tem-
peraturu 30°C-dən yüksək olanda göbələyin inkişafı ləngiyir.
Dostları ilə paylaş: |