12
Optimal temperatur həddi 15-30°C olduğundan, +2°C-dən aşağı və
+40°C-dən yuxarı temperaturlarda bakteriyalar öz inkişafını da-
yandırır.
Bakteriya xəstəliklərinin başlıca infeksiya mənbəyi torpaq,
bitki qalıqları, əkin materialları, hava, qrunt suları və aqrotexniki
tədbirlər zamanı profilaktiki tədbirlər aparılmayan sahələrdir. Hava,
yağış və müxtəlif atmosfer çöküntüləri ilə, həmçinin sirayətlənmiş
bitki qalıqları ilə patogen bakteriyalar torpağa düşür. Bu hər zaman
infeksiya mənbəyi rolunu oynayır. Meyvə ağaclarının bakterial
yanıq xəstəliklərinin törədicisi Erwinia amylovora (B.) Winst.
küləklə, yağışla və torpaqla əlaqəsi olan həşəratlar vasitəsilə bitki-
nin çiçək nektarlığına keçir. Agrobacterium tumefaciens, Pseudo-
monas Solanacearum bakteriyaları torpaqdan kök sisteminə keçir.
Toxum və əkin materialı vasitəsi ilə bakteriyalar daha sürətlə və
geniş ərazilərə yayılır.
Toxumların bakteriyalarla çirklənməsinin 2 növü vardır: Üzdən
çirklənmə və daxili orqanların sirayətlənməsi. Birinci halda dezin-
feksiya və sterilləşdirmə ilə xəstəliyin keçməsinin qarşısı asanlıqla
alınır. İkinci halda daxili infeksiyanın aradan qaldırılması çətinlik
yaradır. Bakteriyalar bu halda toxum rüşeyminin sorucu sistemində
qidalandığından kontakt təsirli dezinfeksiya vasitələri bunu aradan
qaldıra bilmir və xəstəlik yayılır. Belə bakteriyalardan pomidorun
xərçəng xəstəliyinin Clavibacter michiganensis sub sp. Michiga-
nensis Smith, paxlalı bitkilərin bakteriozunun törədiciləri Xantho-
monas phaseoli, Ps.medicaginis pv.phaseolicola, pambığın hom-
moz xəstəliyinin törədicisini Xanthomonas malvacearum və s. misal
çəkmək olar.
Göbələk xəstəlikləri
Göbələklər ( Fungi) aləmi müxtəlif həyat tərzi ilə seçilir. Onlar
bitki orqanlarında parazitlik edərək onun məhsuldarlığını, keyfiyyət
göstəricilərini aşağı salır. Hazır üzvü maddələrlə qidalanır. Başlıca
göbələk növələri mikroskopik ölçülərə malikdir. Onlar mitsellərdən
13
ibarət vegetativ orqana malikdirlər və onun vasitəsilə qidalanır, ço-
xalır, inkişaf edirlər. Xəstəlik törədən göbələklər bitki orqanlarında
yayılmasına görə ekzogen və endogen növlərə bölünür. Birinci hal-
da əsas çoxalma və inkişaf orqanları yarpağın üst qatlarına yayılır.
Belə göbələklərə unlu şeh xəstəliklərinin törədicilərini misal göstər-
mək olar. Onlar bitki üzərində örtüklər, kiflər əmələ gətirir.
Endogen göbələklərin mitselləri, hifləri hüceyrə arasında, hü-
ceyrə daxilində, su borularında, kök sisteminin sorucu və ötürücü
sistemlərində, meyvə və toxumun daxili toxumalarına yayılır. Yar-
paq, budaq, meyvə və gövdədə ləkəliklər, çürümələr, qaralmalarla
müşahidə olunan əlamətlər verir.
Bəzi göbələklər həm daxili, həm də xarici təbəqədə yayılma
qabiliyyətinə malikdir. Ağ çürümə ( Sclerotinia), Boz çürümə
( Botrytis) xəstəliklərinin törədiciləri bitki orqanlarının həm toxuma
daxilində, həm də bitki orqanları üzərində yayıla bilir.
Göbələklər yaşama müddətinə görə müxtəlif olur. Qısa ömürlü-
lər öz inkişafını bir neçə günə başa çatdırır. Bunlar efemerlər adla-
nır.
Birilliklər öz inkişafını bir il müddətinə başa çatdırır. Bu qrupa
taxıl bitkilərində sürmə xəstəliyi yaradan Tilletia, Urocystis və baş-
qa göbələklər aiddir.
İki illik göbələklərin mədəni bitkilər üzərində parazitlik edən
çoxlu növləri var. Onlar öz inkişafını bitkinin vegetasiya dövründə
başlayır, bitki yarpaqları və qalıqlarında saprofit həyat tərzi keçirir-
lər və 2-ci ilin yazında bitki qalıqları üzərində sporlar əmələ gətirə-
rək yenidən yayılırlar.
Çoxillik göbələklər öz növlərinə və müxtəlifliyinə görə daha
geniş yayılmışdır. Bunlara mikorizalar, trutoviklər (bitki gövdələ-
rində parazitlik edirlər), soğanaqlarda, kökümsov gövdələrdə, kök
yumrularında, gövdələrdə, çoxillik ağac və kol bitkilərinin, həm-
çinin alaq otlarının su boruları daxilində parazitlik edən göbələklər
daxildir.
Xarici mühitin təsirindən göbələklərin meyvə bədənlərinin for-
masını dəyişmə funksiyasına malikdir. Müxtəlif səbəbdən olan də-
14
yişikliklər rizomorflar, xlamidosporlar, sklerosiyalar, mitsellərin
sıxlaşması, oidilər və başqa hallarda üzə çıxır.
Rizomorflar öz quruluşuna və xüsusiyyətinə görə xarici təsir-
lərdən az asılı vəziyyətdə olan şəkildəyişmədir. Bu formanı ala
bilən göbələklər müxtəlif şəraitlərdə (torpaqda, gövdə daxilində, çü-
rüntülərdə və s.) yaşama və qidalanma qabiliyyətini saxlayır.
Xlamidosporlar mitsel və hiflərin bir-birinə yaxınlaşması, sıx-
laşması nəticədə əmələ gələn, qalın membrana malik, xırda ölçülüvə
bir-birinə birləşmiş halda olan, uzun müddət həyatilik qabiliyyətini
qoruyub saxlaya bilən göbələk şəkildəyişməsidir.
Sklerosiyalar sıxlaşmış və bərkimiş göbələk hiflərindən ibarət,
müxtəlif formada, xitinləşmiş rəngli membranı olan müxtəlif həcmli
mikoloji orqanizmlərdir. Onlar əlverişsiz şərait nəticəsində bu hala
keçir və uzun müddət həyatilik qabiliyyətini qoruyub saxlayır.
Göbələklər fermentlər ifraz etməklə müxtəlif üzvü maddələri
parçalayır, onu mənimsənilən formaya salır və ya bitki orqanlarına
daxil olmasını təmin edir. Qidalandığı bitkilərin növ tərkibindən
asılı olaraq ifraz etdikləri fermentlərin tərkibi də müxtəlif olur. Belə
ki, əgər törədici bir bitki üzərində ixtisaslaşıbsa, onun hüceyrəsində
ferment ifrazı yalnız bir substrat üçündür. Polifaq (çox bitki ilə qi-
dalanan) göbələklərdə isə qida bitki elementi üçün uyğun fermentlər
mövcuddur. Demək olar ki, bütün qrup fermentlərdən göbələklərdə
aşkar olunur. Hidrolitik göbələklər proteolitik tərkibli zülali maddə-
ləri parçalayır. Pholiota mutabilis, Aspergillus və başqa göbələklər
proteoletik fermentlərin köməkliyi ilə zülalı ammiak bə başqa
azotlu birləşmələrə qədər parçalayır və mənimsənilən formaya salır.
Göbələklər karbohidraza fermentləri ilə üzvü karbohidratları parça-
layır. Bitkilər sellüloza, pektin, nişasta, liqnin maddələri ilə zəngin
olduğu üçün göbələklər bu maddələri sadə şəkərə qədər parçalayır
və mənimsəyir. Bu prosesdə müxtəlif fermentlərdən istifadə olunur.
Göbələklərin qidalanması, inkişafı və yayılmasında onların ifraz
etdikləri fermetlərin böyük əhəmiyyəti var.
Göbələklərin qida elementləri mənşəyinə görə müxtəlifdir. Qi-
dalanma mənbəyi və mənşəyinə görə başlıca yeri üzvü, qeyri-üzvü
Dostları ilə paylaş: |