33
Davamlı inkişaf konsepsiyası üç şərti əsas götürür:
• Yer kürəsində zaman baxımından təbii ehtiyatların
əhalinin sayı nəzərə alınmaqla sabit saxlanılmasını;
• bərpa olunmayan, tükənən təbii sərvətlərin yeniləri ilə
əvəz olunması yollarının tapılmasını;
• cəmiyyətin uzunmüddətli öhdəliyi qlobal ekosistem olan
Yer kürəsində həyatın davam etdirilməsini iqtisadi səmə-
rəli və ekoloji düşünülmüş üsullarla idarə olunmasını.
Davamlı inkişaf konsepsiyasının əsas ideyası biosferdə
mühitin tənzimləyicisi olan ekoloji inkişafı, biosferdə sabitliyin
pozulmasına başlıca səbəb olan iqtisadi inkişafı və təbiət-
cəmiyyət münasibətlərinin səviyyəsini təyin edən sosial inki-
şafı əlaqələndirərək onların dinamik vəhdətinin yaradılmasıdır
(şəkil 2).
Şəkil 2. Davamlı inkişaf konsepsiyasının məkan-struktur
modeli
Davamlı inkişaf
konsepsiyası
Ekoloji
inkişaf
İqtisadi
inkişaf
Sosial inkişaf
34
Birinin digərindən asılı olması və ya birinin digərinə təsir
göstərməsi nəzərə alınmaqla bu üç müxtəlif inkişaf proseslə-
rinin vəhdətdə baxılması cəmiyyətin sağlam mühitdə davamlı
inkişafına zəmin yarada bilər.
Azərbaycan ərazisinin (8641.7 əkin ha) 49.3%-i (4.2 mln.
ha) kənd təsərrüfatı torpaqlarının payına düşür. Sovet dövründə
Azərbaycanda hər adam başına düşən kənd təsərrüfatına yararlı
torpaq sahəsinin həcminə görə (0.7 ha) 15 müttəfiq respubli-
kanın arasında 14-cü yeri tuturdu. Bu gün erməni işğalı altında
olan ərazimizi də nəzərə alsaq vəziyyətin daha da acınacaqlı
olduğu hamıya məlumdur.
1.4. Azərbaycan torpaqlarının ekoloji problemləri
Uzun illər ölkədə aqrar sənaye komleksinin ekstensiv
inkşafı, əkinçilik mədəniyyətinin aşağı səviyyədə olması və il
ərzində bir neçə öhdəlikləri özünə yük edən dövlət planları
torpaqlarımızda şoranlaşma, eroziya, kimyəvi çirklənmə, əkin-
altı qatın kipləşməsi kimi mənfi proseslərin təsiri altında böyük
ərazilərdə torpaq deqradasiyasına (torpağın bioloji və iqtisadi
məhsuldarlığının itməsi) səbəb olmuşdur.
Eroziya proseslərinin əsas səbəbləri yamaclarda maili
ərazilərdə eroziya təhlükəsini və torpaq-relyef xüsusiyyətlərini
nəzərə almadan torpaq istifadəçiliyinin düzgün təşkil edilmə-
məsi ilə, yay otlaqlarında və kənd ətrafı otlaq sahələrdə isə
mal-qaranın nizamsız otarılması ilə əlaqədardır. Dağlıq və
dağətəyi rayonlarında tətbiq olunan aqrotexniki qaydalar aran
zonası üçün nəzərdə tutulan qaydalardan heç cür fərqlənmirdi.
Eyni zamanda dağ yamaclarında meşələrin sistemsiz qırılması
və ərazidə nəzərdə tutulan meşə-meliorativ tədbirlərin həyata
keçirilməməsi vəziyyəti daha da gərginləşdirmişdi. Dövlət
Statistika Komitəsinin 1980-ci ildən etibarən bu günə qədər
təqdim olunan illik hesabatları bunu təsdiq edir.
35
Azərbaycanda torpaqların şorlaşması prosesi kənd təsər-
rüfatına böyük ziyan vuran ən təhlükəli prosesdir. Hal-hazırda
kənd təsərrüfatına yararlı torpaq sahələrinin 1.62 mln. ha-ı şor-
laşmaya məruz qalmışdır və bunun da 627 min ha suvarılan
ərazilərin payına düşür. Torpağın şorlaşması suvarmanın düz-
gün normallaşdırılmaması, sistemsiz təşkili, ərazidə torpaq-
meliorativ xüsusiyyətləri nəzərə alınmadan su hövzələrinin və
su anbarlarının inşası nəticəsində qrunt sularının səviyyəsinin
qalxması səbəbindən baş verir. Digər tərəfdən suvarma kanal-
larında və kollektor-drenaj sistemlərində olan nasazlıqlar
şorlaşmanın əsas səbəblərindən sayıla bilər. Son 30-40 il
Azərbaycanda suvarma şəbəkəsində mövcud olan bərbad və-
ziyyət, o cümlədən bərpa işlərinin aparılmaması və bu sahədə
hökm sürən nəzarətsizlik torpaqlarımızın təkrar şorlaşmasına
səbəb olmaqla yanaşı ölkədə ərzaq təhlükəsizliyi proqramının
yerinə yetirilməsinə böyük mane yaradaraq iqtisadiyyatımıza
milyon manatlarla ziyan vurmuşdur. Əgər belə bir faktı nəzərə
alsaq ki, 1 ha şorlaşmış torpaq sahəsini özünün əvvəlki münbit
vəziyyətinə qaytarmaq üçün 1 milyon dollar vəsait tələb
olunur, onda ölkəmizdə şoran torpaqların meliorasiyası üçün
milyard manatlarla vəsaitin tələb olunduğunu görərik.
Buna baxmayaraq bu gün də vəziyyət gərgin olmaqla
davam edir. Ölkədə mövcud olan təsərrüfatlararası və təsərrü-
fatlardaxili kanalların yalnız 4.1%-i örtüklənmişdir, yəni
mövcud kanalların 95%-dən çoxu səth örtüyü olmadığından bu
kanallarda hər il 2.5-3.5 mlrd. m
P
3
P
su itkisi baş verir. Əgər bu
itkini 50% azaltmaq olarsa bu da suvarılan sahələrin həcmini
150-200 min ha artırmağa yetərli olan bir faktdır.
Uzun illər ölkəmizin təsərrüfatlarında (keçmiş kolxoz və
sovxozlarda) kənd təsərrüfatı bitkilərinin zərərvericilərinə və
xəstəliklərinə qarşı mübarizə üçün milyon tonlarla kimyəvi
preparatlardan və gübrələrdən (pestisidlər və herbisidlər və s.)
istifadə olunmuşdur.
36
Bu illərdə həmin məqsədlə tətbiq olunan kimyəvi
maddələrin miqdarı tələb olunan normadan 10-15 dəfə, bəzən
isə daha çox olmuşdur. Bu səbəbdən ölkə ərazisinin 13-15%-i
bu maddələrlə çirkləndirilmişdir. Hələ indi də respublikanın
pambıqçılıq və üzümçülük rayonlarında 1 ha torpaq sahəsində
mövcud olan qalıq toksiki maddələrin miqdarı 30-180 kg
arasında dəyişməklə beynəlxalq normativlərlə icazə verilən
həddən 50-60 dəfə yüksəkdir.
Son 30-40 il ərzində dağ-mədən işlərinin tullantıları, neft
məhsulları tikinti-inşaat tullantıları vasitəsilə ölkədə 30 min ha-
dan çox torpaq sahəsi çirklənmişdir. Bu torpaqların inventari-
zasiyası 1986-cı ildə çox səthi aparılmasına baxmayaraq nə
Ekologiya və Təbii Sərvətlər Nazirliyi, nə də Respublika
Nazirlər Kabineti tərəfindən hələ də ölkədə müxtəlif səbəb-
lərdən çirklənmiş torpaqların dəqiq inventarizasiyası və onların
rekultivasiyası istiqamətində aparılan işlər ləng gedir.
Azərbaycan üçün xarakterik olan və çox qorxulu proses-
lərdən biri də səhralaşma prosesidir. Bu gün bu proses Azər-
baycanda çox intensiv və özünə məxsus xüsusiyyətlərlə baş
verir. Bunun əsas səbəblərindən birisi ölkə ərazisinin 60%-ə
qədərini arid iqlim şəraitinə mənsub olmasıdır. Ərazimizin
40%-də quraqlıq əmsalı səhralarla analoji xarakter daşıyır.
Quraqlığın il boyu üstünlük təşkil etməsi əhalimizin təxminən
4.5 mln. nəfəri yaşayan arid zonada torpaqların deqradasi-
yasına və nəhayət səhralaşmaya səbəb olur.
Arid
ərazinin yüksək dağ silsilələri ilə sərhədlənməsi
yarımsəhra, quraqlıq-çöl və kserofit-kol formalarının yaran-
masına şərait yaradır. Digər tərəfdən insanın intensiv təsərrüfat
fəaliyyəti, landşafta düşən “yükün ağırlığı” arid və semiarid
zonalarda təbii komplekslərinin təbii strukturunun pozulmasına
səbəb olaraq antropogen landşaftın formalaşmasını sürətləndir-
mişdir.
Dostları ilə paylaş: |