21
15 iyul 1972 Asteroid
qurşağına çatmış ilk
aparat
ABŞ
“Pioner-10”
3 dekabr 1973 Yupiterin yaxınlığından ilk uçuş
ABŞ
“Pioner-10”
29 mart 1974
Merkurinin yaxınlığından ilk uçuş
ABŞ
“Mariner-10”
15 iyul 1975
İlk beynəlxalq idarəolunan uçuş
SSRİ
ABŞ
“Soyuz-Apollon”
8 fevral 2012
Azərbaycanın ilk telekommunikasiya peykinin
orbitə çıxışı
Azərb. “Azerspace-1”
2.2. Planetlərarası avtomatik stansiyalar (PAS)
PAS - planetləri və ya günəş sisteminin başqa fəza cisimlərini öyrənmək
üçün göndərilmiş cihazlardır.
İlk dəfə 1959-cu il 12 sentyabrda “Luna-2” PAS keçmiş SSRİ-nin gerbi
olan vımpeli Ay səthinə çatdırdı.
Həmin vaxtdan başlayaraq, PAS - Ayı, Marsı,
Merkurini, Veneranı, Qalley kometasını öyrənmək üçün göndərilmişdir. Ay sət-
hinin, PAS-da qoyulmuş xüsusi cihazlarla alınmış şəkilləri onun görünməyən
hissəsinin öyrənilməsinə imkan yaratmışdır. Beləliklə, Ay səthinin geoloji və
tektonik xəritələri tərtib edilmişdir.
1966-cı il 3 fevralda “Luna – 9”
PAS ilk dəfə olaraq, Bur oke-anının kə-
narında enərək, Ay səthinin dairəvi mənzərəsini yerə çatdırdı. Aydan alınmış
şəkillərin dəqiq təhlili onun səthində elmi tədqiqatlar aparmaq məqsədilə gön-
dərilən avtomatik idarəolunan «Lunaxod – 1,2»və «Apollon» ay modullarının
enməsi üçün əlverişli yer seçilməsinə imkan yaratdı.
Mars planetinin PAS köməyilə öyrənilməsi 1962-ci il noyabrın əvvəlində
“Mars-1” vasitəsilə başlanmışdır. Yerə planetin ilk şəkilləri 1965-ci ildə “Mari-
ner-4” vasitəsilə verilmişdir. Sonrakı illərdə “Mars”, “Mariner”, “Vikinq” seri-
yalı PAS-larla planet səthinin epizodik şəkilləri, 1976-cı ildə isə planetin mən-
zərə şəkli alındı. Həmçinin, Marsın təbii peykləri olan Fobos və Deymosun da
şəkilləri çəkildi.
“Mariner” kosmik gəmisi 1974-75-ci illər ərzində Merkuri planeti ətrafın-
da
üç dəfə dövrə vuraraq, onun səthinin 30 %-nin televiziya şəklini yerə gön-
dərmiş və nəticədə planet səthinin strukturu və relyefi haqqında məlumatlar
alınmışdır. Qalın bulud təbəqəsi ilə örtülmüş Venera planetinin öyrənilməsi
daha böyük maraq kəsb etdiyinə görə, 1970-ci
ildən başlayaraq, planet səthinə
artıq 10-dan artıq Rusiya və Amerika cihazları endirilmişdir. Onların və radio-
lokasiya planalmasının (RL) köməyi ilə Veneranın bir çox xüsusiyyətlərini
(səthinin temperaturu,
bulud örtüyünün tərkibi, fırlanma sürəti, səthinin relyefi
və s.) təyin etmək mümkün oldu. «Venera» seriyalı PAS-dan alınmış RL-
şəkillər planetin əksər hissəsinin xəritəsini tərtib etməyə imkan yaratdı. 1979-cu
ildə PAS-ın köməyi ilə amerikan mütəxəsislər Yupiter planetinin peyklərinin
(Hanimed, Kallisto, Avropa və s.) şəklini çəkmişlər. Peyklərin birində (İoda)
22
müasir vulkan fəaliyyəti qeydə alınmışdır. Həmçinin Saturn planetinin Titan,
Reya, Diona, Taoriya peykləri də öyrənilmişdir.
Keçmiş Sovet və Avropa PAS-ları Qalley kometasını,
onun yerə
yaxınlaşması anında dəqiq öyrənilməsinə imkan verdi.
Qeyd etmək lazımdır ki, Günəş sistemi planetlərinin quruluşu haqqında
olan bütün yeni məlumatlar PAS-ın köməyilə alınmışdır.
2.3. İdarə olunan kosmik gəmilər (İKG)
İKG 1961-ci ildən təyyarəçi-kosmonavt Y.A.Qaqarinin “Vostok” kosmik
gəmisindəki ilk tarixi uçuşu dövründən məlumdur. Sonrakı illərdə “Vostok”,
“Soyuz”, “Soyuz-T” (keçmiş SSRİ), “Merkuri”, “Jemini”, “Apollon” (ABŞ)
tipli İKG-dən Yerin küllü miqdarda rəngli və ağ-qara şəkilləri çəkilmiş, vizual
müşahidələr aparılmışdır. Bu gəmilərdə həmçinin müxtəlif tibbi,
bioloji və tex-
noloji təcrübələr də aparılmışdır.
Yerətrafı uçuşlar geologiya elminə qlobal miqyasda yerin quruluşunun
öyrənilməsinə, nəzəri geologiyanın bir sıra məsələlərinin həll edilməsinə və
faydalı qazıntıların yerləşmə qanunauyğunluqlarının aşkar edilməsinə imkan
yaradan yüksək keyfiyyətli materiallar vermişdir.
1975-ci il 15 iyunda yerətrafı orbitdə “Soyuz” və “Apollon” kosmik
kompleksinin uçuşu gələcəkdə uzunmüddətli orbital stansiyaların yaradılmasına
gətirib çıxardı. İKG-dən Yer, o
cümlədən, digər fəza cisimlərinin ətrafında
uçmaq üçün də istifadə etmək olar. Məsələn, Amerika astronavtları 1969-cu
ildə “Apollon” proqramı üzrə ilk dəfə Aya endilər. İKG-dən alınmış kosmik
materialların müsbət nəticələri, mütəxəssis-geoloqun eksperimentdə iştirakı şə-
raitində onların rolunu daha da artıra bilər.
2.4. Uzunmüddətli orbital stansiyalar (UOS)
Dünyada ilk orbital stansiya 1969-cu ilin yanvarında «Soyuz-4» və
“Soyuz-5” kosmik gəmilərinin birgə uçuşu zamanı yaradılmışdır.
Cihazların enerji təminatını və elmi-tədqiqat fəaliyyətlərinin imkanlarını
artırmaq üçün 1971-ci ildən “Salyut” tipli xüsusi orbital stansiyalardan istifadə
edilir. Uzunluğu 16 m, çəkisi 19 t olan bu stansiya aşağıdakı hissələrdən ibarət-
dir: stansiyalararası keçid, işçi, aralıq, aqreqat və elmi cihazlar yerləşən hissələr.
Vizual müşahidələr və yer səthinin şəklinin çəkilməsi üçün gəmidə 20
illüminator (pəncərə) vardır. “Salyut” stansiyasında 10 nəfərə qədər heyət üz-
vü işləyə bilər. Bu - tədqiqatçılara, elmin müxtəlif
sahələri üzrə növbə ilə
müşahidələr aparmağa imkan yaradır. “Salyut-6”UOS-n işlədiyi müddətdə bö-
yük həcmdə elmi-texniki işlər görülmüşdür. Bu UOS-a 30-dan artıq idarəedilən
və idarəedilməyən yük gəmiləri birləşdirilmiş və ümumi davamiyyəti 2 ildən
çox olan ekspedisiyalar təşkil edilmişdir. “Salyut-6”UOS-n uçuşu zamanı el-