Microsoft Word ?Li k?Rim doc
Yüklə 0,7 Mb. Pdf görüntüsü
|
- Bu səhifədəki naviqasiya:
- Tahirə Həsənzadə Tarix üzrə fəlsəfə doktoru Ön sözün müəllifi: Fikrət Qoca Sona Xəyal. Əli Kərim
- ÖN SÖZ ƏVƏZI
- Fikrət Qoca xalq şairi
- ƏLİ KƏRİM POEZİYASININ CAZİBƏSİ
| Əli Kərim 1 “Müasirlərim” seriyasından: Əli Kərim SONA XƏYAL ƏLİ KƏRİM (yaradıcılığı əsasında) Bakı — 2011 Sona Xəyal 2 Kitab Əli Kərimin yubileyinə ithaf olunur Redaktor: Tahirə Həsənzadə Tarix üzrə fəlsəfə doktoru Ön sözün müəllifi: Fikrət Qoca Sona Xəyal. Əli Kərim (yaradıcılığı əsasında). Bakı, ____ 2011, 102 səh. AMEA-nın Məhəmməd Füzuli adına Əlyazmalar İnstitutunun böyük elmi işçisi, Azərbaycan Yazıçılar Birliyinin “İRS” komissiyasının sədri Sona Xəyalın 70-ə yaxın (təlif və tərtib) kitabı nəşr olunub. Növbəti kitabında oxuculara “Müasirlərim” seriyasından Əli Kərim (yaradıılığı əsasında) monoqrafiyası təqdim olunur. Kitab 2006-cü ildə qələmə alınıb. Əli Kərim 3 ÖN SÖZ ƏVƏZI Qarşımda böyük şairimiz Əli Kərim haqqında yazılmış növbəti kitabın əl yazmasıdır. Bu kitabın müəllifi şair, ədəbiyyat araşdırıcısı Sona Xəyaldır. Bu kitab Sona xanımın “Müasirlərim” seriyasından olan on yeddinci kitabıdır. Sona Xəyalın hansı dərinlikdə işlədiyini bu giriş sözündə müzakirə mövzusuna çevirmək istəmirəm. Əhatə etdiyi ədəbiyyat ərazisi çox geniş və rəngarəngdir. O, ustad qəzəlxan Hacı Maildən Rəsul Rza, Nigar Rəfibəyli, Anar, Cabir Novruz, Məmməd Araz, Zeynal Xəlil, Elçin, Əli Tudə, Çingiz Əlioğlu, Vaqif Səmədoğlu, nəhayət, Əli Kərimə kimi geniş və fərqli bir ədəbiyyat ərazisini əhatə edir. Burada adlarını çəkdiyim, çəkmədiyim bu on səkkiz yazıçının hər birinin yaradıcılığını araşdıran bir tənqidçi var. Bəzi oxucular onlardan on altıncı şairi bəyənməyə də bilər. Lakin Əli Kərim mövzusunda, Əli Kərim nöqtəsində onlar hamısı Sona xanımla yanaşı fikir yoldaşı olacaq. Əli Kərim mövzusundan çıxanda yenə hər kəs öz səmtinə, öz mövzusuna doğru gedəcək. Sona Xəyal 4 Poeziya da bir vətəndir. Onun da öz pirləri, ziya- rətgahları var. İstəyirsiniz buna bütpərəstlik elementi deyin, istəyirsiniz qədirşünaslıq heykəli deyin, bunlar var. Oraya hər kəs öz inamını, məhəbbətini götürüb gəlir. Səcdə olunan şairin yaradıcılığı kimi ora gətirilən hədiyyə də müqəddəsdir. Hədiyyəni müzakirə etməzlər. Bu kitab da Sona xanımın hədiyyəsidir. Sonda Sona xanımın bu Əli Kərim ziyarətinin Allah və oxucular tərəfindən yaxşı qəbul olunmasını arzu edirəm. Fikrət Qoca xalq şairi Əli Kərim 5 ƏLİ KƏRİM POEZİYASININ CAZİBƏSİ Allah-təala peyğəmbərə şeirlə zinət vermədi, amma peyğəmbəri belə, mədh edə biləcək şairlər zümrəsi yarat- dı. Niyə yaratdı? Sözün sirrini, sehrini insanlara açmaq üçün yaratdı şairləri. Kimləri layiq gördü bu məqama? İlk şeiri kim yazdı? Dünyanın ilk şairi kimdir? Ümumiyyətlə, şeir nədir? Niyə bir adamın yazdığı bir misra birdən-birə bütün dünyanı belə silkələmək qüdrətinə malik ola bilir? Allah bu qüdrərlə nəyi bizlərə sübut etmək istəyib? Bu dəlilin, sübutun bəşəriyyətə nə xeyri olub? Kimlər bu yoldan gəlib keçib? Kimlər bu yolda başmaq dağıdıb? Kimlər düz yolla sona qədər addımlayıb? Kimlər şeytana uyub yolunu azıb?... Bütün bu suallar tam cavabı açıqlan- mayan suallardır. Bu sualların hər birindən onlarla, yüz- lərlə sual almaq olar ki, onların cavabı hələ tapılmayıb. Amma biz şeir oxuyanda bu sualların hansını düşünürük? Gərək ki, bizi həmin anda ancaq oxuduğumuz şeir maraq- landırır. Sözün sehrinə düşəndə yada başqa heç nə düş- mür. Bu, elə bir məqamdır ki, nə sən özün olursan, nə də Sona Xəyal 6 düşdüyün dünya gördüyün başqa dünyalara bənzəyir. Amma hər şair də səni sözünün sehrinə sala bilmir... Sovet dönəmində yaşayıb-yaradan şairlər içərisində çox sevdiyimiz, dönə-dönə oxuduğumuz şairlər də var, bəzi şeirləri yaddaşımızda ilişib qaldığı üçün xatırladığı- mız, qiymətləndirdiyimiz şairlər də var, sadəcə kitablarını ədəbiyyat xatirinə vərəqləyib bir kənara qoyduğumuz şair- lər də... “Müasirlərim” seriyasından əlimdə on yeddinci ki- tabdır. Anarla Elçini çıxsaq, yerdə qalan kitablar yalnız poeziyamızın müxtəlif nümayəndələrinə həsr olunub. Bu şairlərin haqqında yazılan məqalələri izləyəndə çox vaxt ancaq kitablar haqqında resenziyalarla rastlaşırıq. Amma bir neçə şair haqqında, onun yaradıcılığı haqqında yazılmış məqalələr diqqəti çəkir. Bu şairlərdən biri Əli Kərimdir. *** İlk şeirlər kitabı olan “İki sevgi” 1960-cı ildə çap olunub. Amma Əli Kərim haqqında bu kitaba qədər ona yaxın məqalə yazılıb. Diqqəti çəkən cəhət isə şairin ilk kitabının əvvəlcə rus dilində çap olunmasıdır. Bu məlumatı “İki sevgi” kitabında verilmiş bioqrafik qeyddən alırıq: ”İstedadlı gənc şair Əli Paşa oğlu Kərimov(Əli Kərim) 1931-ci ldə Göyçayda anadan olmuşdur. O, orta təhsilini də həmin şəhərdə almışdır. Sonra bir müddət Bakıda Teatr- şünaslıq İnstitutunda oxuyub, Moskvada M.Qorki adına Yüklə 0,7 Mb. Dostları ilə paylaş:
|