42
(çoxluq) Bomont və Fletçeri, Kristofer Marlonu,
Uilyam Şekspiri sifariş eləyirdisə, deməli, onun zövqü
heç də pis deyildi. Bu, həqiqətən belə idimi? Bax,
budur sual. Hərçənd fakt onu deyir ki, İntibahdan üzü
bəri yaşanmış dövrlərin intellektualları Şekspir
fenomeninin sirrini tapa bilməyiblər, onun
şedevrlərinə yalnız heyran olublar, əlbəttə ki, bəzi-
bəzi yazarlardan, tarixi şəxsiyyətlərdən savayı. Onda
belə çıxır ki, müəyyən hallarda kütlə heç də sürü
instinktlərinə adekvat olmur. Yox, və bir daha yox.
Şekspirin “Hamlet”inə axışan kütləni ilk növbədə
Hamletin atasının ruhu maraqlandırırdı, sonra isə
detektiv maraqlandırırdı: maraqlandırırdı ki, görəsən,
Hamlet atasının qatilini tapacaq, ya tapmayacaq, öz
intiqamını alacaq, ya almayacaq.
Kütlə (çoxluq) hər şeydə olduğu kimi sənətdə və
ədəbiyyatda da konkretliyi və aydınlığı sevir. Fəlsəfi
düşüncənin dolanbacları ilə üzləşəndə kütlə dilxor
olur və əsəbiləşir. Maariflənmək də kütlə üçün
darıxdırıcı məşğuliyyətdir və neqativ qıcıqdır. Kütlə
xoşlamır ki, onu öyrətsinlər; ona savadsız olduğunu
xatırlatsınlar. Odur ki, Maarifçilik dövrünün stilizə
edilmiş, estetik haşiyələrə götürülmüş teatrı,
ideyalar teatrı yalnız kübarlar və zadəganlar üçündür.
Maarifçilik kübarların kütlələrlə oynamaq, onları
“əhilləşdirmək”, kütlə içində özünü sınağa çəkmək
əyləncəsinin sosial-ideoloji maskasıdır. Kütlə öz
toplumsal mahiyyəti etibarı ilə tənbəlliyə və
avaralanmağa, toy və ya üsyan “tutub” bayram eləməyə
hazır olduğundan savadlanmaq ideyası onu tez yorur və
bezdirir.
Maarifçilərin teatrı heç vədə kütləni nəzərə
almayıb, onu süjetin cazibəsinə salmağı özünə ya-
raşdırmayıb. Təsadüfi deyil ki, maarifçilərin pyesləri
tribuna pyesləridir, sosial ideyalar pyesləridir və
geniş kütlə onlara heç vədə ciddi maraq göstərməyib.
Məhz bu səbəbdən XVII yüzildən etibarən teatr azacıq
belə ləngimədən kübarlaşmağa doğru gedir. Opera elə
43
bunun təzahürü. Bu prosesin astar üzü isə operetta.
Kübarlar bu çağlarda teatra adyulter üçün əlavə şans
kimi baxıblar, öz sevgi macəralarını
rəngarəngləşdirməkdən ötrü teatra gəliblər. Mövcudluq
tarixi boyu bu, həmişə teatrın gerçəkliyi olub.
Nəticədə isə teatr özünə varlı himayədarlar tapıb.
Deməli, faktiki surətdə XYII-XIX əsrlər intervalında
teatrın kütləviliyindən danışmaq nonsensdir. Məhz bu
çağlarda teatr daha çox kübar, zadəgan təbəqədən ötrü
əyləncədir, bekarçılığın məşğuliyyətidir.
Teatr bir də heç zaman qədim Ellada diyarında
olduğu qədər kütləvi tamaşaçı toplaya bilməyəcək. XIX
yüzildən başlayaraq müxtəlif teatr sənətçiləri buna
çalışacaqlar, teatrı kütlələrə sarı aparmağa və ya
kütlələri teatra gətirməyə, çoxluqla stabil kontakt
yaratmağa can atacaqlar. Amma bu işdən bir şey çıx-
mayacaq. Hətta Rusiya kimi bir teatr məkanında da bu
baş verməyəcək: nə XIX, nə də XX əsrlərdə.
Bu nəyin göstəricisidir? Teatrın topluma, toplumu
təşkil edən çoxluğa, yəni ki, kütləyə təsiri
minimaldır. Ona görə də teatr, kassa haqqında
düşünəndə belə, heç vaxt kütləni ciddi qəbul eləmir.
Çünki o, bilir ki, kütlənin əbədiyyətə yolu yoxdur və
onun gücü mütləq şəkildə indiyə bağlıdır. Əyləncə
axtaran kütlə də tamaşa mərasiminin qanunlarını ciddi
saymır. Axı, tamaşaya baxmaqdan ötrü nələrəsə riayət
etmək gərəkir. Seyrçi teatra gəldiyi zaman fərddir:
onun şəxsi maraqları var, problemləri var. O, teatra
bu maraqlar, bu problemlər barədə söhbətləşmyə gəlir,
bu söhbətdən ləzzət aparmağa gəlir, gəlir ki, özünün
çoxluqdan fərqləndiyini, çoxluqdan yuxarıda
dayandığını göstərsin. Hərçənd tamaşaçı teatra daxil
olduğu andaca digər seyrçilərlə qarşılaşır və seyrçi
kütləsinin fraqmentinə çevrilir. Seyrçi salonunda
əyləşən hər bir fərd yüzlərlə özükimilərin əhatəsinə,
təsir dairəsinə düşür və beləliklə, teatrda birdən-
birə qaranlıq içrə əyləşmiş lal kütlə formalaşır. Bu
zaman hər bir seyrçi öz fərdiyyətini nə qədər qoruyub
44
saxlamağa çalışsa da yenə lal kütlənin məxfi,
rəsmiləşdirilməmiş hökmündən, onun reaksiyasından
asılı olur. Tamaşanın özü də bu lal kütlənin
girovudur: çünki hər an onun reaksiyasına möhtacdır.
Seyrçi kütləsi əksərən tamaşanı psixoz yaşantılarında
qavrayır. Tamaşa zamanı hər hansı bir qəfil reaksiya
(göz yaşı hıçqırtısı, gülüş pıqqıltısı və ya gözlənil-
məz çəpik səsi) kifayətdir ki, bu reaksiya həməncə
kütləviləşsin. Yalançı uğura imza atmaqdan ötrü teatr
sənətçiləri və ya teleşoular düzənləyən insanlar bu
effektdən vaxtaşırı yararlanırlar. Tamaşa zamanı bir
də görürsən ki, kimsə bərkdən ağladı, ya da güldü, ya
da ki çəpik çaldı. Bu kimsə teatrın ştat üzrə
əməkdaşıdır və onun funksiyası seyrçi salonunda
əyləşib rejissorun işarələdiyi məqamlarda müəyyən bir
reaksiyanı coşqulu şəkildə imitasiya eləməkdir. Bu
sayaq reaksiyalar kütlə içrə mütləq əks-səda verir.
Teleşoular zamanı efirlə məxsusi olaraq yayımlanan
qəhqəhələr (hırıldamalar), coşqulu fitəbasmalar da elə
bu məqsədi güdür.
Deməli, teatrda da seyrçinin bir fərdiyyət kimi
əvvəldən axıra kimi toxunulmaz qalması mümkünsüzdür.
Ona görə ki, kütlə teatr hüdudlarında da kütlənin
mövcudluq prinsipləri üzrə yaşayır. Ancaq teatr
tarixən hər vədə bunun əksinə çalışıb; çalışıb ki,
bacardığı qədər kütlə həmrəyliyini dağıtsın: çalışıb
ki, kütlə ilə yox, fərdlə danışmağı öz prioritet işi
saysın. Hər halda XX yüzil teatrı məhz bu missiya ilə
tarixiləşib. Teatr fərdiyyəti düşünməyə dəvət edir:
kütlə üçünsə düşünmək əziyyətdir, onun sazişsiz
həmrəyliyinin əngəlidir. Odur ki, seyrçi və səhnə
həmişə bir-birinə oppozisiyadır. Ol səbəbdən
oppozisiyadır ki, “teatr şəxsiyyətin sənətidir”
(A.F.Losev)
8
, individual başlanğıcın təmsilçisidir;
salonda əyləşənlər isə kütlədir. Teatrın sönən
işıqları kimsəni kimsədən fərqləndirməyə, şəxsiyyəti
tapıb seçməyə imkan vermir. Teatr tamaşası kütləyə
münasibətdə məxfi, gizli hücumdur, “basqındır”. Çünki
Dostları ilə paylaş: |