22
inanırlar və “yalan-palan” ta əvvəlindən bu günə qədər Arxi-
medin dayaq nöqtəsi olub. Ədəbiyyatın gücü var, onun gücü
budur. Yalanlar, uydurmalar, saxtakarlıq, fantazilər onun
paltarı deyil, mahiyyətidir. Belə mahiyyət bakirə ola bilər-
mi?! Ondan qorxmamaq mümkünmü?!
Deyirsən, ədəbiyyat yalan-palandır və onun tərifini verə
bilmirlər. O yalan-palan dediyin fiksiyanın bir başqa adı da
uydurmadır. Uydurmanın isə fantaziya olması ilə razılaşma-
maq çox çətindir. Fantastik ideyalar daha çox yuxuda ikən
(ya həqiqi, ya da qeyri-həqiqi) təşrif buyurur. Və biz indicə
addım-addım sənin təyinindən yola çıxaraq Borxesin məşhur
“ədəbiyyat idarə edilən yuxudur” tərifinə gəlmiş olduq.
Burada bir əlavəyə ehtiyac var ki, bu yuxunu ədəbiyyatda
çox zaman primitiv şəkildə başa düşür və personajları yeri
gəldi-gəlmədi, ayılar-ayılmaz yenidən yatmağa göndərirlər,
onların gördükləri yuxuları uzun-uzadı təsvir edirlər. Bu yu-
xular isə Borxes deyən yuxu deyil. Borxes deyən yuxu əsə-
rin əvvəlindən axırınadək davam edir. Borxes deyən yuxu
müəllifin yuxusudur, personajın yuxusu deyil.
Ədəbiyyatın universal tərifə “gəlməməsinin” isə, mən-
cə, bir səbəbi də budur ki, ədəbiyyat həyatın bütün sferaları-
nın, bütün şaxələrinin fövqündə dayanır. Yəni, təxminən be-
lə: “Ədəbiyyat hər şeydir”. Havanın, suyun mənəvi tərifini
vermək nə cür mümkündürsə, ədəbiyyatın da tərifini vermək
o cür mümkündür. Yəni, mümkün deyil.
Belə olurkən isə, bayaq dediyimiz kimi, bu asan və sü-
rətlə məşhurlaşmaq yoluna qədəm qoymaq istəyənlərin sayı
təbii ki, az olmayacaq. Qəm çəkməyə dəyməz. "Ol zaman-
lar"da da belə bir hal mövcud idi. Həyat hər şeyi öz yoluna
qoyacaq. Unudulanlar unudulacaq, yaşayanlar yaşayacaq.
23
Yaşayanların yaşaması üçün unudulanlar hökmən olmalıdır.
Unudulan ədəbiyyat tramplindir, fondur, meyarın müəyyən-
ləşmə bazasıdır, səviyyənin qəbul edilmə şərtidir.
Səviyyəli oxucu isə, bunu da hökmən demək lazımdır,
həmişə olub və indi də var. Məsələ kəmiyyətdə deyil, ən az
sayda olsa belə, yetər. Əslində, “səviyyəli əsər” və "səviyyə-
li oxucu” fenomenləri bir-birini şərtləndirir, biri digərinin
formalaşmasını saxlayır. Bu, sonu olmayan kimyəvi proses-
dir, biri o birini doğurur, biri o birini yaşadır. Biz yaxşı oxu-
cularıq, çünki bundan öncə yaxşı dinləyicilər olmuşuq. Uzun
qış gecələri yuxuya getməzdən əvvəl gözlərimiz həzzdən
qıyıla-qıyıla nağıllara, dastanlara çox qulaq asmışıq. Nağıl
yazmaqda ərəblərin, nağıl danışmaqda farsların, nağıla qulaq
asmaqda türklərin misli-bərabəri yoxdur. Yaxşı dinləyicinin
(oxucunun) formalaşması nağılın (rəvayətin, romanın) səviy-
yəsinin yetərli olmasına bağlıdır və əksinə.
Bu gün "yazarlar"ın sayının oxucuların sayından çox
olmasını isə belə də başa düşmək olar: deməli, sözün deval-
vasiyası prosesi tam sürətlə getməyindədir. Bunun qarşısını
süni surətdə – əmrlə, göstərişlə, proyektlərlə almaq imkansız
və bivec xülyadır. Sözün buna, bu "canfəşanlığa" ehtiyacı
yoxdur, söz özü-özünü qoruyacaq. Devalvasiya əsl "mala"
ehtiyacı (həsrəti) yaradacaq. Söz özü-özünü yenidən doğa-
caq, özünün ikili-üçlü görüntülərini üzə çıxaracaq, kiminin
mətnində ilkin bakirəliyini nümayiş etdirəcək, bir başqasının
mətnində sürtük küçə qadınlarına dönəcək. Gözəgörünməz,
adi məntiqlə dərkedilməz hansısa bir çevrə qapanacaq. İnan,
bu belədir. Özü də söhbət eyni sözdən gedir. Başqa-başqa
mətnlərdə, başqa-başqa libaslarda, hətta başqa-başqa mahiy-
yətlərdə görünməyə pioner kimi hazır olan eyni sözdən.
24
Salam: Çox düşündürücü fikirdir. Eyni söz həm bakirə
qız kimi, həm də sürtük küçə qadını kimi... Nə isə.
Söhbətimizin əvvəlinə qayıtmaq istərdim. Razılaşıram
sizin o fikrinizlə ki, «istedadla yazmaq»la «mütaliəli yaz-
mağ»ı qarşılaşdırmaq düzgün deyil. Bəs qarşılaşdırası olsay-
dıq, hansı mənzərə alınardı? Bədii yaradıcılıqda istedadın və
mütaliənin rolları, çəkiləri hansı nisbətdədir? Məncə, mütali-
ənin, nəzəriyyənin «ədəbi oyun»da yerini şahmatın debüt
hissəsinə bənzətmək olar: hamı bilir ki, debüt şahmatda nə-
zəriləşdirilmiş, əvvəlcədən hesablanmış hazır, əzbər gedişlər
sistemidir. Ancaq debüt özü oyunda uzaqbaşı 15-20-ci gedi-
şə qədər əhəmiyyətli olur, ondan sonra oyunçunun öz təfək-
kürü, öz talantı işə düşməlidir.
Kamal Abdulla. Məsələ burasındadır ki, axı debütə də
oyunçu (əsl oyunçu!) bəzi əlavələr edə bilir. Amma bunu na-
dir hallarda nadir oyunçular edirlər. Ona qalsa, söz də debüt
kimi hamı üçün eynidir. Hamı – yaxşı yazan da, pis yazan da
eyni sözlərdən istifadə edir. Həm istedadlı, həm də istedad-
sız qələm sahibinin eyni söz arsenalı var. Bəs bu istedadlılıq
aspektində adamlar arasında fərq nə zaman yaranır?!
Fərq cümlə səviyyəsində yaranır. Sözlərin yaratdığı
cümlələr müxtəlif mətnlərdə müxtəlif olur. Eynən adamlar
kimi, eynən istedadlar kimi. Onun üçün də kimin hardan gəl-
məsi önəmli deyil, kimin özü ilə nə gətirməsi, yəni, nə cür
cümlə qurması önəmlidir. Cümlə artıq fərdiliyin astanası, öz
içinin şəxsi mənzilidir. Məcazı davam etsək, söz daha çox
yataqxanaya (kimə daha xoşdusa – otelə) bənzəyir.
25
Ədəbi barrikadalar
Etimad. Son dövrün ədəbi prosesini, çox
güman ki, ardıcıl izləyirsiniz. Gənclərdən kimlə-
ri oxuyursunuz?
Kamal Abdulla. "Ardıcıl" sözü xeyli təm-
təraqlı səsləndi. Farslar demiş, "bə qədri-qüvvə"
izləyirəm. Gənclər dedikdə, mən yaş həddi mü-
əyyənləşdirməkdə çətinlik çəkəcəyəm. Amma
yeni müstəqillik dövrünün maraq doğuran bir sı-
ra imzalarını mən də bir oxucu kimi tanıyıram. Bunların
içində mənimki olan yazarlar da var, mənimki olmayanlar da
var. Amma deməliyəm ki, bu axırıncılar da ədəbiyyatın için-
dədirlər. Ayrı-seçkilik salmayaq. Adlara gəldikdə isə, əlbəttə
ki, Rafiq Tağının, Murad Köhnəqalanın, Aqşinin, Salamın,
Etimadın, Əli Əkbərin, Qismətin, Mövludun... adlarını çəkə
bilərəm. Onların yazdıqları mənim üçün çox maraqlıdır, çün-
ki professional bünyələri aşkardır. Bunlardan başqa Rasim
Qaraca var, Həmid Herisçi var, Şərif Ağayar var, daha kim-
lər var?! Əsəd Qaraqaplan var, Sərraf var, Ziyad var, Seyid
Sarı var... Əməlli-başlı imperiyadır.
Salam. Ədəbiyyatda imperiya yaratmaq meyli həmişə
olub. Tutaq ki, yazıçılar ədəbiyyata konkret ədəbi məhsuldan
qabaq onun manifestini gətirir, bütün ədəbi auranın bu nəzəri
2-úè ìÿãàì
Dostları ilə paylaş: |