Mirzə İbrahimov və xalq yaradıcılığı
9
Mirzə İbrahimovun dil haqqında,
Azərbaycan dilinin inki-
şaf yolları haqqında fikirləri ən dolğun şəkildə onun “Dilimizin
inkişaf yolları haqqında” (1943) məqaləsində öz əksini
tapmışdır. Dili insan ağlının qüdrətli silahı, insan həyatının
böyük neməti və tükənməz mədəniyyət xəzinəsi hesab edən
yazıçı dili canlı bir orqanizmə bənzədir: “Dil tam mənasıyla
canlı bir orqanizmdir. O da insan kimi doğur, törəyir, inkişaf
edir”. İki hissədən ibarət olan məqalənin birinci hissəsində
Azərbaycan ədəbi dilinin 1920-ci ilədək inkişaf mərhələləri,
ikinci hissəsində isə sovet dövründə ədəbi dilimizin inkişaf
məsələləri nəzərdən keçirilir. M.İbrahimova görə, Azərbaycan
xalqı öz varlığını və dilini saxlamaq üçün ağır mübarizə yolu
keçmiş xalqlardandır. Ədib torpağımız və xalqımız kimi ana
dilimizin də təcavüzə məruz qaldığını xüsusi olaraq nəzərə
çarpdırır: “Əsrlər boyunca dilimiz də torpağımız və xalqımız
kimi min bir təcavüzə rast gəlmiş, lakin aldığı yaralardan həlak
olmamışdır”. Azərbaycan dilini qədim tarixi olan dillərdən
hesab edən Mirzə İbrahimov doğru olaraq qeyd edir ki,
“hazırda keçmiş Azərbaycan dilini öyrənmək üçün əldə olan ən
qədim və ən böyük vəsiqə “Dədə Qorqud” dastanlarıdır”.
Müəllifin fikrinə görə, "Dədə Qorqud" lüğət və sintaksis
cəhətindən, XI-XIII əsrlərdəki Azərbaycan dilinin bütün
xüsusiyyətlərini özündə əks etdirir (118).
Mirzə İbrahimov 1944-cü ildə yazdığı “Dilimizin inkişaf
yolları haqqında”, yenə 1944-cü ildə maarif naziri işləyərkən
yazdığı “Dil və ədəbiyyat dərslərini nümunəvi təşkil edək” kimi
məqalələrində ana dilinə dair düşüncələrini ardıcıl şəkildə ifadə
etmişdir.
Yazıçının “Dil və ədəbiyyat dərslərini nümunəvi təşkil
edək” (1944) məqaləsində Azərbaycan dilinin cəmiyyətdəki
rolu haqqında qiymətli fikirlər var. Ədib Azərbaycan dilini
xalqın tükənməz xəzinəsi, dövləti, varı kimi səciyyələndirir. O,
sovet dövründə ana dilimizin inkişafında əldə edilən
nailiyyətlərdən danışarkən ədəbi dillə xalq dilinin bir-birinə çox
Fazil Əliyev
10
yaxınlaşdığını, bir-birinə üzvi surətdə bağlandığını və ikisinin
bir yerdə artıq kütləviləşdiyini göstərir. Ana dilinin qayğısını
çəkən bir sənətkar kimi o hesab edir ki, bütün xalq ədəbi dili
yaxşı bilməlidir, xüsusilə alimlər, ali məktəb müəllimləri,
böyük və kiçik idarə başçıları və başqa işçilər təmiz, saf
Azərbaycan dilini bilməyə məcburdurlar. Mirzə İbrahimova
görə, bu onların təkcə vətəndaşlıq borcu deyil, həm də
tutduqları mövqeyin tələbindən doğan dövləti borclarıdır və bu
məsələdə nöqsanlarımız daha çoxdur. Yazıçı dil və ədəbiyyat
məsələsini dövlət məsələsi, xalqın mənəviyyat məsələsi kimi
şərh edir: “Dil və ədəbiyyat məsələsi xırda, yaxud xüsusi bir
məsələ deyil; o böyük və ümumi bir dövlət məsələsidir, o,
xalqın mənəviyyatı, varlığı məsələsidir” (118).
M.İbrahimovun ana dili haqqındakı fikirlərinin müəyyən
hissəsi onun “Azərbaycan dili” məqaləsində (1945) əks
olunmuşdur. Ədib ana dilinin mahiyyətini hamının başa
düşəcəyi sadə bir şəkildə izah edir: “Hər bir xalqın öz vətəni,
adəti, rüsumu və əqidəsi olduğu kimi, öz dili də vardır. Bu dilə
ana dili, doğma dil, vətən dili deyilir… Ana dili o dildir ki, onu
bütün xalq bilir, bütün xalq o dildə danışır”. Dili xalqın mənəvi
cəhətdən birləşməsində qüdrətli bir vasitə hesab edən yazıçı
eyni zamanda onu xalqın milli varlığını bildirən və qoruyan
mühüm bir amil kimi qiymətləndirir. M.İbrahimov dilə xalqın
tarixində baş verən dəyişikliklərlə bağlı olan canlı bir tarix kimi
yanaşır. O, Azərbaycan dilinin tarixi haqqında qətiyyətlə yazır:
“Yəni Azərbaycan dilinin tarixi də böyük Azərbaycan xalqının
və müqəddəs Azərbaycan torpağının tarixi qədər qədimdir”
(118).
1956-cı ildə Azərbaycan SSR Ali Sovetinin sədri olduğu
dövrdə “Kommunist” qəzetində dərc etdirdiyi “Azərbaycan dili
dövlət idarələrində” adlı məqaləsində isə çox ciddi və cəsarət
tələb edən məsələlərdən bəhs olunmuşdur. O dövrdə M.İbrahi-
movun Azərbaycan dilinin işlənməsinə dair irəli sürdüyü
fikirlər onun ruslaşdırma siyasətinə qarşı cihadına çevrilmişdir.
Mirzə İbrahimov və xalq yaradıcılığı
11
1956-cı ildə SSR Ali Soveti Rəyasət heyətinin sədri Voroşilo-
vun razılığını alan M.İbrahimovun imzası ilə Azərbaycan SSR
Konstitusiyasına “Azərbaycan dili Azərbaycan SSR-in Dövlət
dilidir” bəndinin əlavə edilməsi ilə sanki başlanmış cihad başa
çatdı.
M.İbrahimovun Azərbaycan dili haqqında fikirlərinin
mühüm hissəsi onun 1957-ci ildə Azərbaycan SSR Elmlər
Akademiyası nəşriyyatında R.Rüstəmovun redaktəsi ilə çap
olunmuş “Azərbaycan dili” kitabında toplanmış məqalələrində
verilmişdir. Kitaba yazıçının müxtəlif illərdə yazdığı
“Dilimizin inkişaf yolları haqqında”, “Dil və ədəbiyyat dərslə-
rini nümunəvi təşkil edək”, “Azərbaycan dili”, “Azərbaycan
dili dövlət idarələrində” məqalələri daxil edilmişdir. “Azərbay-
can dili” kitabına görə, xüsusilə buradakı “Azərbaycan dili
dövlət idarələrində” məqaləsinə görə M.İbrahimov ciddi tən-
qidlərə məruz qalsa da, bütünlükdə bu kitab çap olunduğu dövr-
də xalq arasında ona böyük şöhrət gətirmişdi. Ana dilini bütün
varlığı ilə sevən, dil məsələlərinə həsr olunmuş məqalələrində
onun inkişaf yollarını və müasir vəziyyətini dönə-dönə təhlil
edən M.İbrahimov Azərbaycan dilini Azərbaycan xalqının
mənəvi dövləti və milli iftixarı kimi qiymətləndirmiş, bu dilin
qədim tarixli, yüksək dərəcədə inkişaf etmiş, dünyanın mədəni
və müasir dillərindən biri olduğunu qeyd etmişdir (118).
Azərbaycan SSR Konstitusiyasına Azərbaycan dili ilə
bağlı bəndin əlavə edilməsi Kremlin qəzəbinə səbəb oldu və
1959-cu il iyunun 16-da Azərbaycan KP MK-nin plenumu
Mirzə İbrahimovun “səhvləri”nə həsr edildi. Azərbaycan KP
MK-nın növbədənkənar plenumda tələb olunur ki, Mirzə İbra-
himov mətbuatda çıxış edərək səhvlərini boynuna alsın, üzr
istəsin. Böyük yazıçı isə ona olan haqsızlığı belə cavablan-
dırır: “Dil olmasa xalq ölüb gedər, yaşaya bilməz. Ağlı başında
olan kəs doğma dilini qorumalıdır” (121).
Azərbaycan xalqının milli ruhunu oyadan, milyonların
alqışını qazanan M.İbrahimova qarşı bir qrup “rayon və
Fazil Əliyev
12
respublika rəhbərlərinin” ittihamnamə-çıxışları Aleksandr
Qriçin sonralar çap etdirdiyi stenoqramda öz əksini tapmışdır.
Stenoqramda aydın olur ki, M.İbrahimov ideoloji basqınlara
sinə gərən millətimizin düşüncə və təfəkkür səviyyəsinin
inkişafında mühüm rol oynayan böyük şəxsiyyətdir. O, cənublu
- şimallı Azərbaycanın mənəvi vəhdətini, ədəbiləşdirən dahi
sənətkardır. Yazıçının “Gələcək gün” romanı xalqımızın birlik,
azadlıq idealına ədəbi, sönməz inamı yaşadan manifest kimi
meydana gəlmişdir. Bu əsərdə dövrün imkanlarından istifadə
etməyi bacaran, xalqın mənəvi yenilməzliyindən ilham alan
sənətkarlarla, XX əsrin siyasi mütəfəkkir şəxsiyyəti bir-birini
tamamlayır. M.İbrahimov şəxsiyyətinin tətbiqindən aydın olur
ki, o özünün fikir dünyasında, ömür kitabının səhifələrində şifa-
hi xalq ədəbiyyatına, onun araşdırılmasına, təbliğinə, öyrənil-
məsinə ən ülvi, ən uca yer ayırmışdır. Folklorumuzun elmi-
nəzəri səhətdən inkişafına xidmət göstərmiş, onun dərin
qatlarına enmək üçün ədəbi-tənqidi qüvvələrin yolunu işıqlan-
dırmışdır.
“M.İbrahimovun istər elmi və publisist, istərsə də bədii
yaradıcılığında irəli sürülən nəzəri mülahizələr, fəlsəfi müd-
dəalar, onun ədəbiyyatşünaslıq və dilçilik görüşləri Azərbaycan
elminin 1930-cu illərdən başlanan vəziyyətini öyrənmək baxı-
mından, eləcə də müasir nöqteyi-nəzərdən mühüm əhəmiyyətə
malikdir. Onun əsərləri insanın əqli həyat fəaliyyətinin bir sıra
sahələrinə dair nəzəri mülahizələrlə doludur” (24, 13).
M.İbrahimov və xalq anlayışının daxili məzmunundakı
tutumun təbiiliyindən danışarkən onun çoxcəhətli ictimai
fəaliyyətinin 1942-1946-ci illər dövrünü unutmaq olmaz. Hə-
min illərdə o, Azərbaycan SSR xalq maarif komissarı işlə-
mişdir. Xalq maarifinin müharibə dövründəki çətinliklərini gör-
müş, maarifin təşkili və inkişafı ilə bağlı məsələlərin həllində
xalqla daha yaxından bağlı olmuşdur. Yazıçının şəxsiyyətində
qərar tutan əsl xalq müəlliminə məxsus keyfiyyətlər bunu aydın
göstərir. Mirzə İbrahimov təlim və tərbiyəyə dair məqalə və