İnformasiya
sistemləri menecmenti
12
Beləliklə, menecment sistemi yalnız о kateqoriya
müəssisələrə şamil edilir ki, onlar öz fəaliyyətlərini mən-
fəət əldə etməyə yönəldirlər.
Digər əsas cəhət ondan ibarətdir ki, menecment yalnız
sənaye təyinatlı müəssisələrə deyil, bazar ºəraitində müstəqil
təsərrüfat subyekti kimi fəaliyyət göstərən digər: qiymətli
kağızlar bazarı, informasiya kommunikasiya texnologiyaları,
bank, sığorta, turizm, mehmanxana, restoran, logistika, səhiy-
yə və s. sahələrə şamil edilir.
Müəssisənin təsərrüfat fəaliyyətinin mənası ondan iba-
rətdir ki, istehsal prosesi bütövlükdə zəruri material,
maliyyə
və əmək ehtiyatları ilə təmin olunsun və istehsalın vahid
texnoloji prosesi təşkil edilsin; elmi-texniki tərəqqinin və
fırmanın özünün elmi-texniki və təcrübi konstruktor işlərinin
nəticələri ardıcıl olaraq yeni və modernləşdirilmiş əmtəə
istehsalı və xidmət göstərilməsi üçün istehsalatda tətbiq
olunsun; yeni, daha mükəmməl texnika işlənib hazırlansın və
mövcud texnologiya təkmilləşdirilsin; tələbkar istehlakçıların
yüksələn tələblərinə cavab verəcək yüksək keyfiyyətli məhsul
istehsal olunsun; kommersiya əməliyyatları həyata
keçirilsin;
məhsula texniki xidmət təmin olunsun; istehsal prosesinin
maddi-texniki təchizatı ödənilsin; müəssisə maliyyə vəsaiti və
bütün səviyyələrdə əmək ehtiyatları ilə təmin olunsun.
Menecment öz fəaliyyət dairəsinə daxil olan funksi-
yaları həyata keçirmək üçün təsərrüfat fəaliyyəti prosesində
meydana çıxıb qarşılıqlı şəkildə fəaliyyət göstərən sosial-
iqtisadi, texnoloji, texniki,
sosial-psixoloji, sosial-etik prob-
lemləri həll etmək üçün özünün iqtisadi mexanizminə
malikdir. Menecmentin iqtisadi mexanizminin mövcudluğu
obyektiv olaraq onunla əlaqədardır ki, bazar iqtisadiyyatı
şəraitində müəssisənin təsərrüfat və idarəetmə sahələrindəki
fəaliyyətləri öz əsl qiymətini bazarda müxtəlif formada həyata
keçirilən mübadilə prosesi zamanı alır. Menecment firmanın
İnformasiya sistemləri menecmenti
13
uğurlu fəaliyyəti üçün elə şərait yaratmalıdır ki, mənfəət
firmanın fəaliyyət
göstərməsinin səbəbi yox, onun səmərəli
fəaliyyətinin nəticəsi olsun. Bunu isə istehsal olunan əmtəə və
göstərilən xidmətin istehlakçıların tələb və tələbatlarını nə
dərəcədə ödəməsindən asılı olaraq bazar müəyyənləşdirir.
Deməli, menecment fəaliyyətinin səmərəli olub-olmamasını
son nəticədə bazar müəyyənləşdirir. Mənfəət firmanın gələcək
fəaliyyətinin, onun genişlənməsinin, inkişafının yeganə tə-
minatçısıdır. Belə ki, bazar şəraitində əmtəələrin satılması ilə
əlaqədar olaraq tez-tez meydana çıxan gözlənilən və gözlənil-
məyən təhlükələri mənfəətdən ayırmalar hesabına yaradılmış
müxtəlif fondlar hesabına aradan qaldırmaq mümkündür.
Məlumdur ki, rəqiblərin vəziyyətindən, istehlakçıların
tələbatından,
maliyyə vəziyyətindən, bütövlükdə ölkədə olan
rəqabətin səviyyəsindən, beynəlxalq əmtəə bazarında ticarət
şəraitindən, ictimai-siyasi və iqtisadi amillərdən, ölkə daxilin-
dəki siyasi mühitdən asılı olaraq bazarda situasiya daim
dəyişikliyə məruz qalır. Bunların nəticəsində daimi olaraq hər
bir müəssisə üçün təhlükələr meydana çıxır.
Bununla əlaqədar
bu şəraitdə menecmentin məqsədi nəinki indiki, hətta
gələcəkdə də baş verə biləcək təhlükələri aradan qaldırmaq-
dan ibarətdir. Bunun da öhdəsindən gəlmək üçün ehtiyat
maliyyə vəsaitlərinin olması və dəyişən şəraitə daha tez
uyğunlaşıb, çevik tədbirlər görmək üçün menecerlərə təsər-
rüfat fəaliyyətinin idarə olunmasında müəyyən sərbəstlik və
hüquqlar verilməsi zəruridir.
Menecmentin iqtisadi mexanizmi dörd blokdan iba-
rətdir: müəssisədaxili idarəetmə; istehsalın idarə olunması;
işçi heyətinin idarə olunması; müəssisə ilə qarşılıqlı əlaqədə
olub, müəssisədən kənarda fəaliyyət göstərmək kimi amillər.
İnformasiya sistemləri menecmenti
14
1.2. Menecmentin elmi əsasları
Menecmentin məzmununa
idarəetmənin elmi və prak-
tikası, müəssisənin təşkilinin idarə edilməsi və idarəetmə
qərarlarının qəbulu prosesi kimi baxmaq olar.
İdarəetmənin elmi əsasları deyəndə, idarəetmə prak-
tikası bazasının nəzəri əsasları, yəni menecment prak-
tikasını elmi təkliflərlə təmin edən elmi biliklər sistemi
nəzərdə tutulur.
Elmi idarəetmə metodologiyasının birinci mərhələsini
qarşıya qoyulan məqsədə nail olmaq üçün görüləcək işlərin
məzmununun və onun əsas elementlərinin təhlili təşkil edir.
İkinci mərhələdə istehsal həcminin artırılması və əmək
məhsuldarlığının yüksəldilməsinə nail olmaq məqsədilə
həvəsləndirmənin müxtəlif formalarından sistematik
olaraq
istifadə etməyin zəruriliyi əsaslandırılır.
Elmi idarəetmənin əsasları ilə məşğul olan alimlər
aşağıdakı elmi məsələləri irəli sürüb əsaslandırmışlar:
-
konkret məsələlərin həlli və qarşıya qoyulmuş məq-
sədə çatmağın ən əlverişli yollarını müəyyən etmək üçün elmi
təhlil metodundan istifadə etmək;
-
konkret məsələləri həll edə biləcək yüksək ixtisaslı
kadrların seçilməsinin vacibliyi və onların öyrədilməsi;
-
qarşıya qoyulan məsələlərin səmərəli şəkildə yerinə
yetirilməsi məqsədi ilə işçilərin zəruri ehtiyatlarla təmin
olunmasının
vacibliyi;
- qarşıya qoyulan məqsədə nail olmaq üçün istehsal,
texnoloji və satış proseslərinin bütün mərhələlərində nəzarət
mexanizminin mümkün imkanlarından istifadə olunmasının
zəruriliyi.