5
Hüquq və azadlıqların qorunmasına aid olan Qərarlarında, Konstitusiya Məhkəməsi
ümumhüquq konstitusiya prinsiplərinə, Respublikanının beynəlxalq öhdəliklərinə və insan
hüquqları üzrə beynəlxalq standatrlarına əsaslanır.
Bu hal Məhkəməyə öz mülahizələrini formal əsaslandırmaqdan başqa, konstitusiya
prinsiplərinin məzmununu genişləndirmək, konkret normalar üzrə onları təfsir etməklə
hüquqtətbiqetmənin nüməsini yaratmağa imkan yaradır.
Konstitusiya Məhkəməsi Qərarlarının hüquqi qüvvəsininin bünövrəsi olan ümumi
prinsiplər, Konstitusiya qanunçuluğunun təminatında vacib yer tutur.
Bir sıra Qərarlarında Konstitusiya Məhkəməsi ədalətlilik, bərəbərlik, hüquq və
azadlıqların ictimai maraqlara aid mütanasiblik prinsiplərininə riayət edilməsinin zəruriliyini
qeyd edib. Həmçinin, Qanunların qəbul edilməsi zamanı.
Konstitusiya prinsiplərinin tətbiq edilməsində Konstitusiya nəzarəti üsullarından biri
normaların şərh edilməsidir.
Konstitusiya Məhkəməsi tərəfindən normaların şərhində ardıcıllıq prinsipi nəzərə alınır.
Eyni zamanda Konstitusiya onun normalarının şərh edilməsi zamanı müəyyən tələbləri qeyd
edir. Azərbaycan Pespublikası Konstitusiyasının 71-ci maddəsinin V bəndinin tələbi ondan
ibarətdir ki, Konstitusiyanın heç bir müddəası insan və vətəndaş hüquqlarının və
azadlıqlarının ləğvinə yönəldilmiş müddəa kimi təfsir edilə bilməz.
Beləliklə, Konstitusiya Məhkəməsi tərəfindən Konstitusiyanın müddəalarının şərhini
həmin normaların düzgün anlayışının verilməsi və tətbiq etməsi üzrə xüsusi hüquqi fəaliyyəti
kimi müəyyən etmək olar. Bu fəaliyyət təkcə qanunyaradıcılıq üçün deyil, hər növ istiqamətli
hüququn həyata keçirilməsi üzrə əhəmiyyət kəsb edir.
Məsələn,“Azərbaycan Respublikası Əmək Məcəlləsinin
144-cü maddəsinin ikinci
hissəsinin şərh edilməsinə dair” 29 noyabr 2002-ci il tarixli Qərarında, Azərbaycan
Respublikası Konstitusiya Məhkəməsinin Plenumu qeyd etmişdir ki, “sosial dövlətin prinsipi
ədalətli sosial quruluşun təmin edilməsini dövlətin hüquqi vəzifəsi kimi təsdiq edir. Bu prinsip
ədalətli, iqtisadi və sosial qaydalara uyğun olaraq hamının layiqli həyat səviyyəsinin təmin
edilməsini bəyan edən Azərbaycan Respublikası Konstitusiyasının preambulasından irəli
gəlir. Məhz dövlətin effektli sosial siyasəti cəmiyyətdə əmin-amanlığın və firavanlığın bərqərar
edilməsini təmin edir. Azərbaycan Respublikasının Konstitusiyası sosial dövlətin təsvirini
verməsə də, dövlətin məqsədi kimi iqtisadiyyatın inkişafının müxtəlif mülkiyyət növlərinə
əsaslanaraq xalqın rifahının yüksəldilməsinə xidmət etməsini nəzərdə tutur
.
Dövlətin sosial
dövlət kimi tanınması üçün Konstitusiya dövlətin diqqət sahəsində olan sosial siyasətinin
konturlarını və vəzifələrini özündə əks etdirir. Beləliklə, Konstitusiyanın müddəalarına görə
dövlət sosial-iqtisadi hüquqlar sahəsində həyata keçirilən siyasətlə vətəndaş cəmiyyətinin
yaradılmasına, bazar iqtisadiyyatında insanın dövlət tərəfindən sosial müdafiə olunmasına və
sosial ədalət prinsipinə xidmət etməyi öz üzərinə götürmüşdür”.
Eyni zamanda, konstitusiya prinsipləri fərdi şikayətlərə baxılarkən də tətbiq edilir. Belə
ki, “M.Məmmədovun şikayəti üzrə” 24 iyun 2016-cı il tarixli Qərarında, Azərbaycan
Respublikası Konstitusiya Məhkəməsinin Plenumu qeyd etmişdir ki, Konstitusiyanın 127-ci
maddəsinin II, IV və VII hissələrində ədalət mühakiməsinin həyata keçirilməsinin əsas
prinsipləri kimi işlərə qərəzsiz, ədalətlə, tərəflərin hüquq bərabərliyinə, faktlara əsasən və
qanuna müvafiq baxılması, məhkəmə icraatının çəkişmə prinsipi əsasında həyata keçirilməsi
təsbit olunmuşdur. Həmçinin, Məhkəmə qeyd edib ki, bu konstitusiya prinsipləri öz əksini
daha geniş şəkildə mülki və mülki prosessual qanunvericilikdə tapmışdır.
5) Konstitusiya prinsiplәrinin hüquqi mәzmunu/tәbiәti nәdәn ibarәtdir?
Hәmin prinsiplәr Konstitusiya quruluşunun ilkin әsası kimi qәbul edilirmi?
Konstitusiya Mәhkәmәsi xüsusi konstitusiya hüququ ilә bağlı әsas/fundomental
prinsiplәri hansı dәrәcәdә әhәmiyyәtlәndirir? Konstitusiya Mәhkәmәsi әsas
prinsiplәri Konstitusiyada sadalanmış hüquqlardan ayrı vә ya әlavә vasitә
olaraq sonuncularnan birlikdә tәfsir edir? Sizin qanunvericilikdә
Konstitusiyanın әsas prinsiplәri, konkret konstitusiya norması ilә bağlılığı
6
olmadan hәr hansı normanın qeyrikonstitusional tanınması üçün әsası kimi
qәbul oluna bilәrmi? Mәhkәmә aktlarında konstitusiya prinsiplәrinin tәminatının
tәşkil edilmәsi barәdә qanunvericilikdә hәr hansı hüquqi tәlәb mövcuddur?
Bildiyimiz kimi, eyni zamanda Konstitusiyanın əsas prinsipləri hüquqi dövlətin qarşısına
qoyulan tələblər kimi ifadə olunur.
Həmin tələblərə aşağıdakılar aid edilməlidir:
-
Hakimiyyətin qanunverici, icra və məhkəmə qollarına bölünməsi
-
Hüququn aliliyi, yəni qanunların Konstitusiyaya uyğunluğu
-
Konstitusiyanın qanunvericilik sitemində aliliyi və həmin sistemə təsiri
-
Dövlətin və şəxsiyyətin ikitərəfli məsuliyyəti; hüquq və azadlıqlara hörmət
edilməsi; məhkəmə müdafiəsi təminatı
-
Daxili qanunvericiliyin beynəlxalq normalara və ümumi qəbul edilmiş
prinsiplərə
uyğunluğu
Azərbaycan Republikasının Konstitusiya quruluşunun əsasında və hüquqi dövlətin
fəaliyyətində insan hüquq və azadlıqları haqqında normalar əsas dəyər kimi üstünlük təşkil
edir.
İnsanın, onun hüquq və azadlıqlarının qorunması Azərbaycan Respublikası
Konstitusiyasının demək olar ki bütün mətnində öz əksini tapmışdır (maddə 12, 24, 26, 71).
Bu qanunyaradıcılığının təcrübəsini müəyyənləşdirən və qanunvericiliyin tətbiqetməsi üçün
konstitusion reallıqdır. Bütün digər konstitusiya prinsipləri-hüquq bərabərliyi və xalqın öz
müqəddaratını həll etmək, dövlət müstəqilliyi və təhlükəsizliyi, dövlətin ərazi bütövlüyü və
başqaları-bir ardıcıllıq kimi hesab edilə bilər, lakin hər biri dövlətin ali məqsədinə, insan
hüquq və azadlıqların müdafiəsinə həsr olunmuş kimi qəbul edilməlidir.
İnsanın ali dəyər kimi qəbul edilməsi konstitusiya prinsipindən dövlətin bir sıra vəzifələri
irəli gəlir: insan və vətəndaşın hüquq və azadlıqların tanınması, qorunması və müdafiəsi.
Azərbaycan Respublikası Konstitusiyasının 12-ci maddəsində qeyd edilir ki, insan və
vətəndaş hüquqlarının və azadlıqlarının, Azərbaycan Respublikasının vətəndaşlarına layiqli
həyat səviyyəsinin təmin edilməsi dövlətin ali məqsədidir. Konstitusiyada sadalanan insan və
vətəndaş hüquqları və azadlıqları Azərbaycan Respublikasının tərəfdar çıxdığı beynəlxalq
müqavilələrə uyğun tətbiq edilir.
Bu o deməkdir ki, insan və vətəndaş hüquq və azadlıqlarının tanınması, təmin edilməsi
və müdafiəsi Konstitusiya ilə nəzərdə tutlub və ali hüquqi qüvvəyə malik olmaqla, heç bir
normativ aktlarla məhdudlaşdırıla bilməz. Buna görədə, bütün Konstitusiya ilə təmin edilmiş
hüquq və azadlıqlar məhkəmə müdafiəsi ilə təmin edilir. Dəfələrlə Azərbaycan Respublikası
Konstitusiya Məhkəməsi, “məhkəməyə müraciət etmək hüququnun” məhdudlaşdırılmasını
aradan götürməklə bu prinsipi təstiqləyib.
Azərbaycan Respublikası Konstitusiyasının 24-cü maddəsində qeyd edilib ki, hər kəsin
doğulduğu andan toxunulmaz, pozulmaz və ayrılmaz hüquqları və azadlıqları vardır. Bu isə
həmin qeyd olunan prinsipin fundomental və təkzibedilməz tanınması deməkdir.
Yuxarıda qeyd olunduğu kimi, Konstitusiya Məhkəməsi öz qərarlarını əsaslandırmaq
üçün həmişə hüquq prinsiplərinə istinad edir. Normanın qeyri-konstitusion hesab edil-məsi
üçün konstitusiya prinsipi ayrıca əsas da ola bilər. Bununla yanaşı, Konstitusiya
Məhkəməsinin təcrübəsində nəticəvi hissədə hüquq prinsiplərinə istinad olunan qərarlar da
mövcuddur.
Astara rayon Məhkəməsi, Azərbaycan Respublikası Konstitusiya Məhkəməsinə
müraciət edərək hesab etmişdir ki, qanunvericilikdə eyni əmələ görə iki növ məsuliyyət
nəzərdə tutulduğundan, meşə fonduna aid torpağın zəbt edilməsində təqsirli olan şəxsin
cinayət və ya inzibati məsuliyyətə cəlb edilməsi məsələsində məhkəmə təcrübəsində qeyri-
müəyyənliyin aradan qaldırılması məqsədi ilə Cinayət Məcəlləsinin 188-ci maddəsinin İnzibati
Xətalar Məcəlləsinin 70-ci maddəsi baxımından şərh edilməsinə ehtiyac vardır.