7
Müraciətə baxan Azərbaycan Respublikası Konstitusiya Məhkəməsinin Plenumu, 30
mart 2015-ci il tarixli Qərarında qeyd etmişdir ki, qanunvericilik normaları birmənalı, aydın,
ardıcıl və başadüşülən olmalı, eyni hüquqazidd əmələ görə məsuliyyət nəzərdə tutan hüquq
normalarının tərkibi qanunverici tərəfindən dəqiq və bir-birindən fərqli müəyyən olunmalıdır.
Əks hal hər kəsin hüquq və azadlıqlarının müdafiə olunmasını, hüquqtətbiq edənin
hərəkətlərinin proqnozlaşdırıla bilən olmasını çətinləşdirə və şəxsin qabaqcadan öz
hüquqazidd əməlinin nəticəsini bilməsini şübhə altına ala bilər. Belə hal şəxsin əsassız olaraq
cinayət məsuliyyətinə cəlb edilməsinə və ya əksinə təqsirli şəxsin törətdiyi əmələ görə
cəzasız qalmasına gətirib çıxara bilər. Eyni zamanda, bu şəxsin bir hüquqazidd əmələ görə
iki dəfə məsuliyyətə cəlb olunmasına şərait yarada bilər.
Nəticədə Azərbaycan Respublikası Konstitusiya Məhkəməsi müəyyən maddələrin
Qərarda formalaşmış hüquqi mövqeyə uyğun olaraq, hüquqi müəyyənlik və mütənasiblik
prinsipləri baxımından təkmilləşdirilməsi Azərbaycan Respublikasının Milli Məclisinə tövsiyə
etmişdir.
Eyni zamanda müvafiq normaların təkmilləşdirilməsi həyata keçirilənədək,
hüquqtətbiqedici orqanlar meşə fondu torpaqlarına qarşı yönələn hüquqazidd əmələ görə
təqsiri olan şəxsi inzibati və ya cinayət məsuliyyətinə cəlb edərkən, əməlin ictimai təhlükəlilik
dərəcəsini, mülkiyyətçiyə, ətraf mühitə və s. Vurulmuş zərərin ağırlıq dərəcəsini nəzərə
almaqla, onun hərəkətlərini müvafiq olaraq, Azərbaycan Respublikası Cinayət Məcəlləsinin
188-ci maddəsi və ya Azərbaycan Respublikası İnzibati Xətalar Məcəlləsinin 70-ci maddəsi
ilə tövsif edilmişdir.
6) Konstitusiya Mәhkәmәsi hansı әsas prinsiplәri daha çox tәtbiq edir?
Zәhmәt olmasa, sizin yurisdiksiyanızda konstitusiya nәzarәti qaydasında qәbul
edilәn qәrar daha çox tәsir etdiyi bir vә ya bir neçә konstitusiya prinsipini tәsvir
edin. Bu prinsiplәrin formalaşmasına vә inkişafına Konstitusiya Mәhkәmәsi
hansı töhfәni verib? Zәhmәt olmasa, Konstitusiya Mәhkәmәsi icraatından
misallar gәtirin.
Konstitusiya Məhkəməsinin daha çox tətbiq etdiyi prinsip - hüquqi müəyyənlik
prinsipidir. Bu implisit prinsipi “Konstitusiya Məhkəməsi hamı qanun qarşısında bərabərdir”
prinsipindən hasil etmiş, sonralar öz nəticəvi aktlarında daim inkişaf etdirib,
genişləndirmişdir.
Azərbaycan Respublikası Konstitusiya Məhkəməsi Plenumunun hüquqi mövqeyinə
əsasən, Konstitusiya hüququnun doktrinası hüquqi müəyyənlik prinsipini Azərbaycan
Respublikası Konstitusiyasının preambulasında öz əksini tapan qanunun aliliyinin əsas
elementlərindən biri kimi tanıyır. Hüquqi müəyyənlik prinsipi isə digər tələblərlə yanaşı ən
ümumi mənasında mövcud hüquqi vəziyyətə aid aydınlığı və müəyyənliyi nəzərdə
tutur. (“Azərbaycan Respublikası Mülki Məcəlləsinin 228.5-ci maddəsinin şərh edilməsinə
dair” Azərbaycan Respublikası Konstitusiya Məhkəməsinin 27 may 2008-ci il tarixli Qərarı).
Azərbaycan Respublikası Konstitusiya Məhkəməsinin 06 iyun 2014-cü il tarixli
Qərarında, Məhkəmə hüquqi müəyyənlik prinsipinin digər aspektinə nəzər yetirərək qeyd
edib ki, “qanuni qüvvəyə minmiş məhkəmə aktlarının qanunvericilikdə nəzərdə tutulmuş
müddətlər çərçivəsində deyil, qeyri-məhdud zaman kəsiyində mübahisələndirilməsi imkanının
mövcudluğu illyuziyasını yaradan belə vəziyyət, hüquqi müəyyənliyin tərkib hissəsi olan “res
judicata” prinsipinin, ədalət mühakiməsinin ağlabatan müddətdə həyata keçirilməsi tələbinin
inkar edilməsilə yanaşı, artıq həll olunmuş mübahisə üzrə qanuni qüvvəyə minmiş məhkəmə
qərarlarının sabitliyinə, davamlılığına xələl gətirir. Digər tərəfdən prosesdə iştirak edən
şəxslərin yekun məhkəmə aktlarının qanuniliyi və əsaslılığını şübhə altına alaraq onları daim
mübahisələndirmək təhlükəsini yaradır. Belə hal cəmiyyətin ədalət mühakiməsinə olan
inamını azaldır”.
01 dekabr 2010-cu il tarixli Qərarda, Konstitusiya Məhkəməsi qeyd edir ki, “Hüquqi
dövlətin təməl prinsiplərindən hesab olunan hüquq bərabərliyi prinsipi Konstitusiyanın 25-ci
8
maddəsində əks olunmaqla, məhz dövlət tərəfindən heç bir ayrı-seçkiliyə yol vermədən hər
kəsin hüquq və azadlıqlarının bərabərliyinə təminat verilməsini nəzərdə tutur.
Pensiya
təminatı sahəsində hüquq və azadlıqların həyata keçirilməsində bütün növ ayrı-seçkiliyin
aradan qaldırılmasına təminat verən hüquq bərabərliyi prinsipi eyni kateqoriyaya aid olan
şəxslərin pensiya hüququnun fərqləndirilməməsinə xidmət edir. Əks halda sosial təminat
sahəsində qanunverici tərəfindən müəyyən olunmuş güzəştlərin eyni hüquqi vəziyyətdə olan
şəxslərə eyni qaydada tətbiq edilməməsi sosial ədalətin və tarazlığın pozulmasına səbəb ola
bilər. Eyni zamanda, sosial təminat sahəsində münasibətlərin hüquqi tənzimlənməsi zamanı
eyni hüquqi vəziyyətdə olan subyektlər arasında ayrı-seçkiliyə yol verilməsı belə
tənzimləmənin bütün subyektlərə münasibətdə qüsurlu olmasına gətirib çıxara bilər”.
II. Konstitusiya prinsiplәri daha ali norma kimi Konstitusiya daxilindә ierarxiya
müәyyәnlәşdirmәk mümkündürmü? Konstitusiyanın dәyişilmәz müddәaları vә
mәhkәmә nәzarәti?
1) Әsas Qanunun digәr müddәalarına nisbәtәn Konstitusiya prinsiplәri
müәyyәn üstünlüyә malikdirmi? Beynәlxalq hüquq yaxud Avropa İttifaqı
hüququ ilә Konstitusiya prinsiplәri vә digәr Konstitusiya müddәaları hansı
nisbәtdәdir? Beynәlxalq hüquq yaxud Avropa İttifaqı hüququnda milli
Konstitusiya prinsiplәrindәn daha ali qüvvәyә malik olan müddәalaı
mövcuddurmu? Әgәr varsa, onda bu cür daha ali beynәlxalq müddәalar milli
Konstitusiya prinsiplәrinә nisbәtdә necә tәtbiq olunur?
Azərbaycan Respublikasının Konstitusiyası ali və birbaşa hüquqi qüvvəyə malikdir və
Respublikanın bütün ərazisində tətbiq edilir. Azərbaycan Respublikasında qəbul edilən qanun
və digər hüquqi aktlar Azərbaycan Respublikasının Konstitusiyasına zidd olmamalıdır.
Konstitusiya normalarının ali qüvvəsi adi qanun normaları ilə Konstitusiya normaları arasında
ziddiyət olduqda, Konstitusiya normalarının tətbiq edilməsini nəzərdə tutur. Hüquqi qüvvə
baxımından Konstitusiya normaları həmcins deyil və fərqləndirilərək qruplara bölünə bilər:
Azərbaycan Respublikasının Konstitusiya quruluşunun əsaslarını təşkil edən normalar
(Konst.II fəsli) ali sosial-siyasi və cəmiyyətin hüquqi dəyərlərini təsbit edir və Konstitusi-ya
çərçivəsində daha ali hüquqi qüvvəyə malikdirlər. Onlar Konstitusiyanın digər normaları ilə
müqayisədə xüsusi qaydada dəyişdirilə bilər. Konstitusiyanın başqa heç bir müddəaları
Azərbaycan Respublikasının Konstitusiya quruluşuna zidd ola bilməz.
İnsan hüquq və azadlıqlarına dair Konstitusiya normaları (konst.III fəsli). Onların
xüsusiyyəti insan və vətəndaş hüquq və azadlıqlarının ləğvi və ya məhdudlaşdırılmasına dair
qanunların qəbul edilməsinin birbaşa qadağan etməsidir. Ümumbəşəri dəyərləri təsbit edib,
Azərbaycan Respublikasının Konstitusiyası aşağıdakı prinsipləri müəyyən edir:
İnsan, onun hüquq və azadlıqları ali dəyərdir.
Azərbaycan xalqı suverenliyin daşıyıcısı və hakimiyyətin yeganə mənbəyidir.
Sosial siyasət insanın layiqli həyat səviyyəsi və azad inkişafını təmin etmək
üçün şərait yaradılmasına istiqamətlənib.
Mülkiyyətin dövlət, xüsusi və bələdiyyə növləri eyni dərəcədə tanınır və qorunur.
Dövlət hakimiyyəti hakimiyyətin qanunvericilik, icra və məhkəmə hakimiyyətlərinə
bölünməsi prinsipi əsasında təşkil edilir.
Hüquqi demokratik dövlətin əsas elementlərindən olan yerli özünüidarətmə
tanınır və təminat verilir.
İdeoloji və siyasi plüryalizm, çoxpartiyalılıq tanınır.
Heç bir ideologiya dövlət və ya məcburi xarakterdə ola bilməz.