9
Hamılıqla qəbul olunmuş beynəlxalq hüquq prinsip və normaları, Azərbaycan
Respublikasının tərəfdar çıxdığı beynəlxalq müqavilələr hüquq sisteminin ayrılmaz
tərkib hissəsidir.
Konstitusiya prinsiplərini digər hüquq prinsiplərindən fərqləndirən əsas cəhət onların
hüquq sistemində xüsusi yerini müəyyənləşdirən dövlətin və cəmiyyətin əsas qanunu olaraq
ali hüquqi qüvvəsidir. Ona görə də, konstitusiya prinsipləri ümumhüquqi və sahələrarası
xarakter daşıyır və Azərbaycan Respublikasının bütün hüquq sistemi üçün əhəmiyyət kəsb
edir, pozitiv hüquq üzərində üstünlük təşkil edərək içtimai münasibətlərin tənzimlənməsinin,
yaxud müəyyən hüquq sahələrinin və qanunvericiliyin əsasını təşkil edir. Konstitusiya
prinsipləri dövlətin və cəmiyyətin əsasını, özülünü, infrastrukturunu təşkil edən, üzərində
bütün digər sosial əlaqələr qurulan və onların həyata keçirilməsinin müxtəlif saysız
formalarını nəzərdə tutan içtimai münasibətlər kəsiyinin geniş hüquqi ümumiləşdirməsi kimi
çıxış edir, konkret hüquq normaları isə bu prinsiplərin tətbiqinin yalnız ayrı- ayrı halları kimi
çıxış edir. Onlar bütövlükdə pozitiv hüququn yaxud onun bir neçə sahələrinin ideya əsasını
təşkil edir.
Azərbaycan Respublikasının Konstitusiyası beynəlxalq müqavilələri Azərbaycan
Respublikasının hüquq sisteminə daxil edərək milli qanunvericiliyin və beynəlxalq
müqavilələrin nisbətini müəyyənləşdirib. Azərbaycan Respublikası Konstitusiyasının 148-ci
maddəsinin 2-ci bəndinə əsasən” Azərbaycan Respublikası tərəfdar çıxdığı beynəlxalq
müqavilələr Azərbaycan Respublikasının hüquq sisteminin ayrılmaz tərkib hissəsidir”.
Beynəlxalq aktların hüquqi qüvvəsini təsbit edən Azərbaycan Respublikasının
Konstitusiyasının 151-ci maddəsinə əsasən Azərbaycan Respublikasının qanunvericilik
sisteminə daxil olan normativ hüquqi aktlar ilə Azərbaycan Respublikasının tərəfdar çıxdığı
dövlətlərarası müqavilələr arasında ziddiyət yaranarsa, beynəlxalq müqavilələr tətbiq edilir.
Azərbaycan Respublikasının Konstitusiyası və Referendumla qəbul edilən aktlar istisna təşkil
edir.
12-ci maddənin 2-ci hissəsinə görə “Konstitusiyada sadalanan insan və vətəndaş
hüquqları və azadlıqları Azərbaycan Respublikasının tərəfdar çıxdığı beynəlxalq müqavilələrə
uyğun tətbiq edilir”. Azərbaycan Respublikası Konstitusiyasının sadalanan müddəaları hüquq
sisteminin uzlaşmasında Azərbaycan hüquq sisteminin əsasını təşkil edir.
Qeyd etmək lazımdır ki, Azərbaycan Avropa İttifaqına üzv olmadığı üçün, Avropa
İttifaqı hüququ və milli hüquq nisbətinə dair suallar yaranmır.
2) Konstitusiya prinsiplәri bir-biri ilә necә әlaqәlәnir? Bu prinsiplәr arasında
müәyyәn
ierarxiya
mövcuddurmu?
Konstitusiya
daxilindә
ierarxiyanın
müәyyәnlәşmәsinә Konstitusiya Mәhkәmәsi necә yanaşır? Konstitusiya
Mәhkәmәsinin yurisdiksiyası imkan verirmi ki, Әsas Qanunun digәr müddәaları
ilә müqayisәdә konstitusiya prinsiplәri üstünlük tәşkil etsin?
Ali hüquqi qüvvəyə malik olan Konstitusiya normaları hüquqi tənzimləmə sisteminin
əsasını təşkil edir.
Konstitusiya - hüquq normaları məzmununa, hüquqi qüvvəsinə və tələbin xüsusiyyətlərinə
görə təsnif olunur. Konstitusiya normalarının əsas xüsusiyyəti sistemlık və qarşılıqlı əlaqədir.
Azərbaycan Respublikasının ərazisində qüvvədə olan bütün konstitusiya hüquq
normaları bir-biri ilə qarşılıqlı əlaqəlidir. Sistemlik həm də konstitusiya - hüquqi tənzimləməni
kompleks şəkildə, konstitusiya-hüquq institutları vasitəsilə həyata keçirilməsini nəzərdə tutur.
Konstitusiya-hüquq institutu eynicinsli içtimai münasibətlər qrupunu tənzimləyən qohum hüquqi
müddəaları ehtiva edir.
10
Azərbaycan Respublikasının Konstitusiyasında prinsiplər iyerarxiyası müəyyənləşdiril-
məyib. Konstitusiya prinsipləri bir-birini tamamlayaraq müəyyən sistem vahid yaradır. Onların
hər biri əhəmiyyətlidir və konkret içtimai münasibətlərin xüsusiyyətindən asılı olaraq ön plana
çıxa bilər.
3) Sizin yurisdiksiyanızda Konstitusiyaya dәyişikliklәr necә edilir? Әsas
Qanun, Konstitusiyada dәyişikliklәr edilmәsinin hansı qaydasını nәzәrdә
tutur? İlkin olaraq Konstitusiya necә tәsis edilib vә dәyişilmәz (daimi)
müddәaların eksplisit mövcudluğunu nәzәrdә tuturmu? Konstitusiyanın ilkin
qәbul edilmәsi vә Әsas Qanunda dәyişikliklәr edilmәsinin mövcud qaydası
arasında fәrq varmı? Qanun dәyişikliklәrin Konstitusiyaya uyğunluğunun
mәhkәmә araşdırmasının qaydasını nәzәrdә tuturmu?
Azərbaycan Respublikası Konstitusiyasının 1-ci maddəsinə əsasən Azərbaycan
Respublikasında dövlət hakimiyyətinin yeganə mənbəyi Azərbaycan xalqıdır.
Azərbaycan xalqı öz hüquqları və mənafeləri ilə bağlı olan hər bir məsələni referendumla
həll edə bilər (Maddə 3). Referendumla həll onunan məsələlərdən, Azərbaycan Respublikası
Konstitusiyasının qəbul edilməsi və ona dəyişikliklər edilməsini qeyd etmək zəruridir.
Azərbaycan Respublikası Konstitusiyasının mətnində dəyişikliklər Azərbaycan
Respublikası Milli Məclisi və Prezidenti tərəfindən təklif oluna bilər.
Azərbaycan Respublikası Konstitusiyasının mətnində dəyişikliklər Azərbaycan
Respublikası Milli Məclisi və Prezidenti tərəfindən təklif olunduqda, Azərbaycan Respublikası
Konstitusiya Məhkəməsinin rəyi alınmalıdır.
“Konstitusiya Məhkəməsi haqqında” Azərbaycan Respublikası Qanununun 61.3-cü
maddəsinə əsasən, Azərbaycan Respublikası Milli Məclisinin və Azərbaycan Respublikası
Prezidentinin təkliflərinə mahiyyəti üzrə Konstitusiya Məhkəməsinin Plenumunda baxılması
onların dərc olunduğu gündən ən geci 7 gün keçənədək başlanmalıdır.
Həmin Qanunun 61.4-cü maddəsinə əsasən, Konstitusiya Məhkəməsi təklif olunmuş
dəyişikliklərin Azərbaycan Respublikası Konstitusiyasının 155-ci maddəsinin tələblərinə
uyğunluğu haqqında əsaslandırılmış rəy qəbul edir.
Azərbaycan Respublikası Konstitusiyasının 155-ci maddəsinə əsasən, Konstitusiyanın 1-
ci, 2-ci, 6-cı, 7-ci, 8-ci və 21-ci maddələrində dəyişikliklər və ya onların ləğv edilməsi haqqında,
3-cü fəslində nəzərdə tutulmuş insan və vətəndaş hüquqları və azadlıqlarının ləğvi və ya
Azərbaycan Respublikasının tərəfdar çıxdığı beynəlxalq müqavilələrdə nəzərdə tutulduğundan
daha artıq dərəcədə məhdudlaşdırılması haqqında təkliflər Referenduma çıxarıla bilməz.
Konstitusiyanın mətninə dəyişikliklər edilməsi ilə bağlı Referendum keçirilərkən səsvermə
bülleteninə Konstitusiya Məhkəməsinin rəyinin qısa xülasəsi daxil edilir.
Azərbaycan Respublikası Konstitusiyasının 154-cü maddəsinə əsasən, Azərbaycan
Respublikasının Konstitusiya Məhkəməsi referendumla qəbul olunmuş Azərbaycan
Respublikası Konstitusiyasının mətnində dəyişikliklərə dair qərar qəbul edə bilməz.
Azərbaycan Respublikası Seçki Məcəlləsinin 138.1 və 138.4-cü maddələrinə əsasən,
referendumun rəsmi nəticələrini referendumdan sonra 25 gündən gec olmayaraq Mərkəzi
Seçki Komissiyası elan edir. Ümumxalq səsverməsinə Mərkəzi Seçki Komissiyasının iclasında
yekun vurulur və yekunlar referendumun nəticələri haqqında rəsmi bildiriş kimi elan edilir.
Azərbaycan Respublikası Seçki Məcəlləsinin 140-cı maddəsinə əsasən referendum yolu
ilə qəbul olunmuş qərar və referendumun yekunları haqqında rəsmi elan referendum yolu ilə
qəbul edilmiş aktın mətni ilə birlikdə səsvermə günündən ən geci 30 gün keçənədək Mərkəzi
Seçki Komissiyası tərəfindən dərc edilir.
Referendum yolu ilə qəbul edilmiş akt dərc edildiyi gündən qüvvəyə minir. Referendum
yolu ilə qəbul edilmiş akt qətidir, Azərbaycan Respublikasının bütün ərazisində məcburi hüquqi
qüvvəyə malikdir və yalnız referendum yolu ilə ləğv oluna və ya dəyişdirilə bilər (Azərbaycan
Respublikası Seçki Məcəlləsinin 141 və 142-ci maddələri).