Hamiləlik ağırlaşmaları və mamalıq fəsadlarında tibbi yardımın keyfiyyətinin qiymətləndirilməsi.
ÜST-nin "Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası"
10
2.1.3. Tədqiqat üçün meyarlara uyğun
gələn bütün qadınların müəyyənləşdirilməsi
Ölümlə nəticələnməyən hamiləlik ağırlaşmaları
və mamalıq fəsadlarının tədqiqi üçün bütün
uyğun gələn klinik halların müəyyənləşdirilməsi
çox əhəmiyyətlidir. Bütün münasib klinik
halların tədqiqata cəlb edilməsinə əmin olmaq
üçün təsvir edilən yanaşma əsasında tədqiqat
aparan qrup tibb müəssisəsinin fərdi
xüsusiyyətləri və növünə uyğun olaraq
əvvəlcədən müvafiq tədqiqat planı tərtib
etməlidir. Belə ki, tədqiqat kiçik tibb
müəssisələrində və ya ilkin səhiyyə xidməti
göstərən müəssisələrdə aparıldıqda, həmin
müəssisələrin əməkdaşları meyarlara uyğun
gələn klinik hal baş verdikdə, bu haqda tədqiqat
qrupuna xəbər verir. Bütün hallarda tibb
müəssisəsinin əməkdaşları tədqiqata daxil
edilmənin meyarları barədə detallı məlumat
almalı və bütün uyğun gələn halların
müəyyənləşdirilməsinin vacib olduğunu
anlamalıdırlar. Bu məqsədlə, məsələn, xəstəlik
və ya ambulator kartlarda müvafiq yaddaş
qeydlərinin qoyulması və ya şöbələrdə tədqiqata
dair (habelə tədqiqata daxil edilmənin meyarları
barədə) plakatların asılması faydalı ola bilər.
İkinci və üçüncü səviyyəli tibb müəssisələrində
tədqiqatın meyarlarının uyğun olan klinik
hallarının müəyyən edilməsi məqsədilə tədqiqat
qrupunun nümayəndələri və ya həmin
müəssisədə tədqiqata məsul olan şəxs hamilə
qadınlara xidmət göstərən müvafiq şöbələrə
(mama-ginekoloji şöbələr, təcili tibbi yardım
şöbəsi, doğum şöbəsi, reanimasiya şöbəsi və s.)
mütəmadi olaraq (ideal variantda hər gün) səfər
etməlidir.
Mama-ginekoloji şöbələrdə çalışan tibbi heyətlə
tədqiqatın məqsəd və vəzifələri barədə, habelə
tədqiqata daxil edilən klinik hallar barədə fərdi
və qrup müzakirələri aparılmalı, şöbələrin
divarlarında meyarları əks etdirən diaqramlar və
ya digər plakatlar asılmalıdır. Böyük çoxprofilli
xəstəxanalarda doğum və ginekologiya
şöbələrindən başqa digər şöbələrdə baş vermiş
reproduktiv yaşlı qadın ölümlərinin aşkar
edilməsi üçün müntəzəm olaraq meyitxanaya
qəbul edilmiş xəstələrin skrininqi tövsiyə edilir.
2.1.4. Məlumatların toplanması və
istifadəsi
Ölümlə nəticələnməyən hamiləlik ağırlaşmaları
və mamalıq fəsadlarının tədqiqi üçün
məlumatlar xəstənin ambulator kartı və ya
xəstəlik tarixindən əldə olunur. Adətən hər
müəssisədə bu cür məlumatlar arxivdə və ya
poliklinika şöbəsində saxlanılır. Əgər hər hansı
məlumatın dolğunluğu barədə suallar olarsa,
tədqiqatçılar müvafiq şöbələrin əməkdaşları ilə
əlaqə saxlamalıdırlar.
Hamiləlik və ya mamalıq ağırlaşması, həyat
üçün vacib əsas müdaxilələrin tətbiqi, intensiv
terapiya şöbəsinə yerləşdirilmə barədə qeydə
alınmış bütün klinik hallar müəyyən edilməli və
müvafiq məlumatlar toplanmalıdır. Həmçinin
hər bir klinik halla bağlı aşağıdakı mühüm
məlumatlar əldə edilməlidir:
–
xəstə ilə ilk kontaktın tarixi,
–
xəstənin hər hansı tibb müəssisəsinə
yönəldilməsi və onun tarixi,
–
tibb müəssisəsinə qəbul olunarkən xəstənin
klinik vəziyyəti,
–
hamiləlik, doğuş və ya doğuşdan sonra hər
hansı ağırlaşmaların olub-olmaması,
–
doğuşun növü (təbii, qeysəriyyə kəsiyi),
–
hamiləliyin nəticəsi (sağlam körpənin
doğulması, vaxtından əvvəl doğuş və s.),
–
ağır mamalıq fəsadlarının baş verməsinə
təsir edən digər faktorlar və ya yanaşı
xəstəliklər.
Əlavə 2-də minimum indikatorlar üzrə
məlumatların toplanması üçün nümunəvi sorğu
vərəqi təqdim edilib. Bu sorğu vərəqində son
bölmədə “Yanaşı/əlaqəli hallar” başlığı altında
müvafiq göstəricilər yer alıb. Onlardan dördü
(anemiya, İİV infeksiyası, əvvəllər aparılmış
qeysəriyyə kəsiyi, uzanmış və dayanmış doğuş)
Hamiləlik ağırlaşmaları və mamalıq fəsadlarında tibbi yardımın keyfiyyətinin qiymətləndirilməsi.
ÜST-nin "Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası"
11
həmin bölmədə sadalanmışdır. Bununla yanaşı
yerli şəraitdən asılı olaraq əlavə göstəricilərin
bu bölmədə qeyd edilməsi mümkündür.
Məsələn, qripə bənzər xəstəlik, malyariya,
neonatal ölüm və s. göstəricilər də istifadə edilə
bilər.
Hər bir tibb müəssisəsindən toplanan
məlumatlara həmin müəssisədə aparılan
doğuşların ümumi sayı və sağ körpə ilə
nəticələnmiş doğuşların ümumi sayı da əldə
edilməlidir. Hər bir tibb müəssisəsi barədə
detallı məlumat da təqdim edilməlidir, o
cümlədən müəssisənin göstərdiyi xidmətlərin
səviyyəsi (ilkin, ikinci və ya üçüncü səviyyəli),
resursların mövcudluğu, əhatə etdiyi əhali və ya
coğrafi ərazi barədə məlumat da daxil
edilməlidir.
Toplanan məlumatlar xüsusi məlumat bazasında
əks edilməlidir. Məlumatların saxlanması və
təhlilinə imkan verən müvafiq kompüter
proqramları və ya cədvəllər istifadə edilə bilər
(19, 20).
Məlumatların keyfiyyətliliyini təmin etmək
üçün aşağıdakı prosedurlar tətbiq edilə bilər:
1. “Ölümlə nəticələnməyən hamiləlik
ağırlaşmaları və mamalıq fəsadlarının
tədqiqi metodikası”nın yerli ehtiyaclara
adaptasiyası əsasında tədqiqat protokolunun
tərtib edilməsi. Bunu etdikdə aşağıdakı
mühüm məqamlar daim diqqətdə
saxlanmalıdır:
a) Yeni indikatorların əlavə edilməsindən
çəkinmək tövsiyə olunur. Əlavə
edilmiş yeni indikatorların ciddi təhlili
və araşdırılması tələb olunur. Belə ki,
indikatorların çoxluğu həm
məlumatların toplanması prosesini
çətinləşdirə, həm də məlumatların
etibarlığına təsir göstərə bilər.
b) Ən ağır mamalıq fəsadları və ya ciddi
hamiləlik ağırlaşmalarının əsas seçim
meyarı kimi istifadəsi tövsiyə edilir.
Əlavə meyarların tətbiqindən çəkinmək
tövsiyə olunur.
2. Müəssisədə tətbiqi planlaşdırılan tədqiqat
protokolunun bütün addımlarını təsvir edən
təlimat hazırlanmalıdır.
3. Tədqiqatda iştirak edəcək tibbi və qeyri-
tibbi həyət üçün təlimlər təşkil edilməlidir.
Bu təlimlər vasitəsilə həm tədqiqat
protokolunun istifadəsi, tədbirlərin
aparılmasına dair təlimat və tədqiqatda
istifadə edilən terminlərin izahlı lüğəti, həm
də meyarlara uyğun olan klinik halların
aşkar edilməsi və seçimi, tələb olunan
məlumatların əldə edilməsi qaydaları və ya
prosedurları təlim iştirakçılarının diqqətinə
çatdırılmalıdır.
a) Həyat üçün təhlükə yaradan hallara və
ana ölümü ilə nəticələnən hallara xüsusi
diqqət yetirilməlidir. Nəzərə almaq
lazımdır ki, bir qadında həyat üçün
təhlükə yaradan birdən çox hallar
müşahidə edilə bilər. Ana ölümü isə,
adətən həyat üçün təhlükə yaradan bir və
ya daha çox halların baş verməsindən
sonra qeydə alınır. Ana ölümü və ölümlə
nəticələnməyən hamiləlik ağırlaşmaları
və mamalıq fəsadları hallarında həyat
üçün təhlükə yaradan bütün halların
nəzərə alınması ciddi ağırlaşmalarla tibb
müəssisəsinə qəbul edilən qadınların
intensiv terapiyaya ehtiyaclarını
müəyyən etməyə imkan verir.
4. Məlumatların toplanması prosesi başa
çatdıqdan sonra onların təhlili tövsiyə
edilir. Bu təhlili sayəsində məlumatlarda
çatışmazlıqları və ya uyğunsuzluqları aşkar
etmək mümkündür.
5. Məlumatların iki məlumat bazasına daxil
edilməsi mexaniki səhvlərin azaldılmasına
yardım edə bilər.
6. Tədqiqatda iştirak edən qadınlara dair
məlumatların konfidensiallığını qorumaq