Azərbaycan Tarixi
5
bir anda onun başını bədənindən ayırır.
Filmdə isə Qazan xan
Aruzunun öldürülməsini oğlu Turala həvalə edir. Tural isə
Aruza aman verib onu buraxır. Bu fürsətdən istifadə edən Aruz
ox ilə Turalı vurub öldürür. Filmin yaradıcıları dastanın bu
epizodunu belə dəyişməklə demək istəmişlər ki, düşmənə aman
vermək olmaz, əgər sən onu öldürməsən, o səni öldürər.
Tarixi öyrənməklə əcdadlarının təcrübəsindən nümunə
götürən müasir gənc onu təhlil etmək və qiymətləndirmək
nəticəsində ayrı-ayrı kollektivlərin və bütövlükdə cəmiyyətin
idarə olunmasında şüurlu surətdə iştirak etmək vərdişləri
qazanır.
Tarixin öyrənilməsinin əhəmiyyəti haqqında
məşhur rus
mütəfəkkiri N.Çernışevski çox gözəl deyib: “Minlərlə elmlərin
hamısını dərindən bilməmək, lakin ziyalı olmaq mümkündür.
Tarix elmini isə yalnız əqli cəhətdən zəif inkişaf etmiş adam
sevməyə bilər.” Tarix hər bir şəxsdə ümumi bəşəri, humanis
keyfiyyətləri və vətənpərvərlik hissləri tərbiyə edir. Bu
baxımdan “Azərbaycan tarixi” kursunun əhəmiyyəti daha
böyükdür.
Azərbaycan dünyanın ən qədim insan məskənlərindən
biri olmaqla, dünya sivilizasiyasının qədim ocaqlarından da
biridir. Azərbaycan xalqı özünün beşminillik tarixi ərzində
dünya dövlət quruculuğu tarixinə 40-dan çox dövlət vermişdir.
Azərbaycanın tarixi ərazisinin şimal sərhədləri Baş
Qafqaz sıra dağlarının cənub yamacları boyu,
qərb sərhədləri
Baş Qafqaz sıra dağlarının Suram dağ silsiləsi, Kiçik Qafqaz
dağlarının qərb yamacları və Qotur dağ silsiləsi boyu cənuba
doğru uzanır. Onun cənub hüdudlarını Zaqros dağları təşkil
edir. Azərbaycan şərqdə Xəzər dənizi ilə və İranın Qəzvin,
Zəncan və Həmədan bölgələri ilə hüdudlanır. Azərbaycanın
tarixi torpaqlarının ümumi sahəsi 250 min kv.km-dən artıq
olmuşdur.
Azərbaycan xalqı qədim zamanlardan özünün yüksək
mədəniyyətini yarada bilmişdir. Bu mədəniyyəti həm öz kökü
Qəzənfər Rəcəbli
6
üzərində yaratmış, inkişaf etdirmiş, həm də digər xalqlardan
mütərəqqi cəhətləri mənimsəməklə öz
mədəniyyətini
zənginləşdirmişdir. Bu mənimsəmə və zənginləşmə qarşılıqlı
olmuşdur. Digər xalqlar da öz növbəsində Azərbaycan
xalqından onun mütərəqqi cəhətlərini götürməklə öz
mədəniyyətlərini inkişaf etdirmişlər. Beləliklə, bu qarşılıqlı
təsir nəticəsində bir-birini tamamlayan iki proses getmişdir. Bir
tərəfdən milli mədəniyyətlər zənginləşmiş və inkişaf etmişdir.
Digər tərəfdən milli mədəniyyətlərdə universal ünsürlər
yaranmaqla ümumbəşər mədəniyyəti də inkişaf etmişdir.
Azərbaycan tarixini öyrənməklə bu prosesi dərk etməyin özü
hər bir şəxsdə humanizm və beynəlmiləlçilik tərbiyə etməklə
yanaşı, yüksək vətənpərvərlik duyğuları da tərbiyə edir. Ulu
öndərimiz Heydər Əliyev demişdir: “İnsanlar bütün bunları nə
qədər çox bilsələr, millətini, xalqını,
Vətənini və müstəqil
Azərbaycanı da bir o qədər çox sevəcəklər”.
Azərbaycan tarixinin qaynaqları. Minillikləri əhatə
edən Azərbaycan tarixinin ən mötəbər qaynaqlarından biri
arxeoloji qazıntılar zamanı əldə edilən tapıntılardır. Paleolitdən
tutmuş orta əsrlərə qədər bütün dövrləri əhatə edən zəngin
arxeoloji materiallar Azərbaycanın qədim və
orta əsrlər tarixini
öyrənməyə, bərpa etməyə və dəqiqləşdirməyə imkan verir.
Azərbaycan tarixini öyrənmək üçün epiqrafik abidələrin
də qaynaq kimi əhəmiyyəti vardır. Azərbaycan tarixinin
qaynaqları sırasında etnoqrafik materiallar da önəmli yer tutur.
Azərbaycan ərazisində baş verən tarixi proseslər qədim
və orta əsrlərə aid antik, ərəb – Suriya, fars, erməni, gürcü, rus
və qərbi Avropa yazılı qaynaqlarında, habelə yeni və müasir
dövrə aid arxiv sənədlərində öz əksini tapmışlar. Əlbəttə bu
yazılı qaynaqlara tənqidi, yaradıcı surətdə yanaşmaq tələb
olunur. Çünki həmin qaynaqlar məxsus olduqları ölkələrin,
dövlətlərin və xalqların maraqlarına xidmət etmişlər. Bu
baxımdan erməni qaynaqları tarixi həqiqətləri saxtalaşdırmaları
ilə xüsusilə fərqlənirlər. Bunu V əsr erməni mənşəli Bizans
Azərbaycan Tarixi
7
tarixçisi Moisey Xorenatsidən başlayaraq
XX əsrə qədər bir
çox erməni müəllifləri özləri də etiraf edirlər. XX əsr erməni
tarixçisi prof. Qarsoyan erməni müəlliflərinin tarixi
saxtalaşdırmalarını qeyd edərək yazırdı ki, biz ermənilər tarixi
necə var deyil, necə görmək istəyiriksə, elə də yazırıq.
Eramızın VII əsrinə qədər mövcud olmuş Azərbaycanın
bütün yazılı qaynaqları yadellilər tərəfindən – ilk dəfə
xristianlığın yayıldığı dövrdə xristian kilsəsi tərəfindən, sonra
isə erməni xristian din xadimlərinin çuğulluğu ilə ərəblər
tərəfindən məhv edilmişdir. Azərbaycanın yeganə qədim yazılı
abidəsi “Kitabi – Dədə Qorqud” isə dastan olduğu üçün tarixi
qaynaq kimi Azərbaycanın qədim və erkən orta əsrlər tarixini
tam bərpa etməyə imkan vermir.
Azərbaycan tarixşünaslığında qəbul edilmiş yanlış fikrə
görə M.Kalankatuklunun “Albaniya tarixi” kitabı Azərbaycanın
ən qədim yazılı abidəsi – tarixi qaynağı hesab edilir. Əvvələn
“Albaniya tarixi” tarixilik baxımından “Kitabi – Dədə
Qorqud”dan sonrakı dövrə aiddir. İkincisi, “Albaniya tarixi”
orijinalda bizə gəlib çatmamışdır, ermənicəyə tərcümə
variantında XIX əsrdə aşkar edilmişdir. Həm də mətndən aydın
olur ki, tərcümə zamanı erməni kilsə xadimləri tərəfindən
saxtalaşdırmaya məruz qalmışdır. Odur ki, M.Kalankatuklunun
"Alban tarixi" kitabını xalqımızın ən qədim yazılı qaynağı
hesab etmək olmaz.
Əslində xalqımızın ən qədim yazılı abidəsi "Kitabi - Dədə
Qorqud"dur. "Kitabi - Dədə Qorqud"un VII əsrdə yazıldığı
qəbul edilmişdir. Bu tarix dastanın giriş hissəsində Dədə
Qorqudun Məhəmməd (s) peyğəmbərin zəmanəsində yaşaması
haqqında məlumata əsaslanır. Lakin dastanda bəhs olunan iç
oğuzlar və daş oğuzların Assur qaynaqlarında bəhs olunan
işquzlar və aşquzlar ilə eyni soylar olmasını nəzərə alsaq,
"Kitabi - Dədə Qorqud"un tarixinin daha qədim olması fikrini
irəli sürmək olar. Məlumdur ki, qədim yunan qaynaqlarında çar
skitləri adı ilə tanınan soyları, rus tarixşünaslığı vasitəsilə bizə
Qəzənfər Rəcəbli
8
skiflər adı ilə gəlib çıxmışlar. E.ə.
VII əsrdə Azərbaycanda öz
Oğuz dövlətlərini yaratmış həmin skiflər assur qaynaqlarında
işquzlar və aşquzlar adı ilə təqdim edilirlər. Bunlar da "Kitabi -
Dədə Qorqud"dakı iç oğuzlar və daş oğuzlara tamamilə
uyğundurlar. Deməli, "Kitabi - Dədə Qorqud"da e.ə. VII əsrdə
Azərbaycanda yaşamış və Ön Asiyanın ən qüdrətli dövlətlərini
belə xərac verməyə məcbur edən oğuzlardan (skiflərdən) bəhs
edilir. Bu da təbiidir. Çünki başqa tarixi dövrlərdə, nə Haxa-
manişilərin hakimiyyəti dövründə, nə Makedoniyalı Aleksand-
rın imperiyasında, nə Atropaten və Alban dövlətlərində
oğuzların xanlar xanının belə qüdrətə və nüfuza malik olması
haqqında tarixdə heç bir məlumat yoxdur. Bu dövrlərdə və
sonralar Azərbaycanda və Albaniyada xristianlığın yayıldığı
əsrlərdə oğuzların belə sərbəst yaşamalarından
və şan-şöhrətə
malik olmalarından bəhs edən dastan yarana bilməzdi. Ona
görə də "Kitabi - Dədə Qorqud"un e.ə. VII-VI əsrlərdə
yaradılması qənaətinə gəlmək olar.
Onu da qeyd etmək lazımdır ki, 1841-ci ildə yazılmış
A.Bakıxanovun “Gülüstani-İrəm” və Firidun bəy Köçərlinin
“Azərbaycan ədəbiyyatı tarixi” əsərləri də XIX əsrdə əl
yazması şəklində tarixi qaynaq hesab edilirdilər və ilk dəfə
1926-cı ildə çap olundular.
Azərbaycan tarixinin qaynaqlarına XIX əsrin sonu – XX
əsrin əvvəllərində Azərbaycan ziyalıları tərəfindən tərtib
edilmiş Azərbaycan xanlıqlarının tarixindən bəhs edən
səlnamələri də aid etmək olar. Bu qaynaqlar arasında Mirzə
Adıgözəl bəyin “Qarabağnamə”, Mirzə Camal Cavanşir
Qarabağlının “Qarabağ tarixi”, Əhmədbəy Cavanşirin
“Qarabağ xanlığının 1747-1805-ci illərdə siyasi tarixinə dair”
səlnamələrini xüsusi qeyd etmək lazımdır. Bu dövrdə yazılmış
Yesayi Həsən Cəlalyanın rus dilində olan “Alban ölkəsinin qısa
tarixi (1702-1722)” əsəri də Azərbaycan
tarixinin qiymətli
qaynaqlarındandır. Bu qaynaqlarda XX əsrin əvvəllərinədək