Milli Məsləhət Qrupunun 3-cü İclası
10 noyabr 2016-cı il, Bakı şəhəri, Azərbaycan
İclasın protokolu
Proqramın Qrup Rəhbəri Sergej Anagnosti görüşü açıq elan etdi və iştirakçıları salamladı. O,
iclasın məqsədinin fəlakət risklərinin idarəedilməsi üzrə milli maraqlı tərəfləri Proqramın regionda
və Azərbaycanda həyata keçirdiyi fəaliyyətlər barədə məlumatlandırmaqdan, fəaliyyət planlarını
müzakirə etməkdən, eləcə də nailiyyətləri və gələcək planları müzakirə etməkdən ibarət olduğunu
bildirdi. 1-3 mart 2016-cı il tarixində baş tutmuş Milli Məsləhət Qrupunun 2-ci İclasında 5 prioritet
sahə seçildi. Lakin Azərbaycan Respublikasının Fövqəladə Hallar Nazirliyindən Mülki Müdafiə üzrə
Könüllülük fəaliyyətinin Proqram çərçivəsində həyata keçiriləcək prioritetlərdən olmadığı barədə bir
neçə həftə bundan öncə məlumat daxil oldu.
PPRD East 2-nin Milli Proqram Koordinatoru Ceyhun Isgəndərli təqdimat üçün təşəkkür etdi və
mülki müdafiə könüllülüyü ilə bağlı MES-in mövqeyini şərh etdi. O qeyd etdi ki, könüllük fəaliyyəti
kompleks yanaşma tələb edir Belə ki bu yalnız könüllü qrupların yaradılması ilə məhdudlaşmır,
eyni zamanda həmin qrupalara təlimlərin təşkil olunması, sığortalanması, eləcə də avadanlıqlarla
təmin olunması və ümumiyyətlə könüllük fəaliyyətinin təşkili üçün maliyyənin ayrılması nəzərdə
tutur. Bu baxımdan MES mülki müdafiə üzrə konüllük fəaliyyətini gələcəkdə həyata keçirməyi
planlaşdırır, lakin bu, PPRD East 2 Proqramı çərçivəsində həyata keçirilməyəcək
Sergej Anagnosti A Fəaliyyət Sahəsinin təqdimatını davam etdirdi və daşqın risklərinin
idarəedilməsi (DRİ) və fəlakət risklərinin qiymətləndirilməsi (FRQ) sahəsində A Fəaliyət Sahəsinin
məqsədlərini təsvir etdi. Regional Daşqın Risklərinin İdarəedilməsi üzrə Təlimatlar hazırlanıb, DRİ
və FRQ üzrə bütün milli əlaqələndiricilər təyin olunub və PPRD East 2-nin 2016-2018-ci illər üçün
qəbul edilmiş İş Planına əsasən Tərəfdaş Ölkələrin bəzilərində daşqın risklərinin idarəedilməsi və
fəlakət risklərinin qiymətləndirilməsi üzrə razılaşdırılmış fəaliyyətlərin həyata keçirilməsi üçün
müəssələrarası milli işçi qrupları yaradılıb.
Sergej Anagnosti Daşqınlardan Müdafiə üzrə Dövlət Proqramının layihəsinin hazır olub-olmadığı
və İş Planında qeyd olunduğu kimi Proqramın ekspertlərinin bu istiqamətdə hüquqi yardım təmin
etməsi üçün həmin layihənin PPRD East 2 Proqramına təqdim edilməsinin mümkünlüyü barədə
sual verdi. Bundan əlavə, Anagnosti DRİ və FRQ üzrə İşçi Qrupların nə zaman yaradılacağı ilə
maraqlandı.
Mülki Müdafiə üzrə Əsas Ekspert Michael Elmquist B Fəaliyyət Sahəsi barədə və həmin sahə
çərçivəsində həyata keçirilən 4 əsas təlim kursu, 2 əməliyyat idarəetmə kursu və bir qabaqcıl təlim
2
kursu barədə məlumat verdi. Bundan əlavə, Yardım alan Ölkənin təmin etdiyi Dəstək üzrə hər bir
Tərəfdaş Ölkədə komanda-ştab təlimləri və Belarusiyanın paytaxtı Minskdə Qazanılmış Tərcübə
üzrə Regional Seminar keçirildiyini qeyd etdi. O, daha sonra Proqramın qalan dövrü üçün planları
şərh edərək Regional Komanda-Ştab Təlimi, eləcə də 2017-ci ildə Moldovada keçirilməsi
planlaşdırılan tammiqyaslı sahə təlimlərini təsvir etdi.
FHN-nin Baş əməliyyat idarəsinin rəis müavini Ələsgər Əliyev 2017-ci ildə Moldovada keçirilməsi
planlaşdırılan təlimin təcrübə mübadiləsinin həyata keçirilməsi baxımından Azərbaycan
xilasediciləri üçün də önəmli olduğunu qeyd etdi. Azərbaycan tərəfindən təlimə cəlb olunacaq
qüvvə və vasitələrin siyahısının dəqiqləşdirilməsi məqsədi ilə, Moldovanın Azərbaycandan uzaq
məsafədə yerləşməsini nəzərə alaraq və Azərbaycandan axtarış-xilasetmə texnikalarının
Moldovaya çatdırılmasında əhəmiyyətli vaxt sərf olunacağını qeyd edərək, keçiriləcək təlimdə
Moldova tərəfindən xilasedici bölmələrin hər hansı xilasetmə texnika və avadanlıqları ilə təmin
edilib-edilməyəcəyi barədə sualla müraciət etdi. O, eləcə də xilasetmə texnikalarının yanacaq
təminatı, axtarış-xilasetmə əməliyyatlarında tətbiq olunan oksigen balonlarının doldurulması və
digər məsələlərlə maraqlandı.
Michael Elmquist Moldova ilə bu barədə danışıqlar aparıldığını bildirdi. Moldovanın resursları
məhduddur. O, Ələsgər Əliyevdən hansı növ avadanlığın tələb olunduğunu dəqiqləşdirməsini xahiş
etdi ki, bu məsələni moldovalılarla müzakirə etsin. Yüksək təzyiqli hava doldurma və yanacaqla
bağlı çətinliyin olmayacağını qeyd etdi. 24 nəfərin daşınması Proqram tərəfindən qarşılanacaq.
Əlavə müşahidəçilərin xərclərini göndərən ölkə qarşılamalıdır. 24 nəfərə komanda rəhbəri,
OSOCC əlaqələndiricisi və xilasedicilər daxil olmalıdır. Əlaqələndirici ingilis dilində danışa bilməlidir.
Dövlət Gömrük Komitəsinin Gömrük Nəzarətinin Təşkili Baş İdarəsinin rəisinin müavini Səməd
Qaralov qeyd etdi ki, avadanlıqlar ölkədən çıxarılmamışdan öncə Gömrük orqanlarına bəyan
olunmalıdır. Bəyan olunmazdan əvvəl idxalına və ixracına müvafiq icazə tələb olunan mallar varsa
həmin icazələr alınmalıdır. Bəyan etmə həm də təyinat ölkəsində həyata keçirilməlidir. Bildirdi
ki, Təbii fəlakətlər və digər fövqəladə hallar zamanı zəruri olan malların və nəqliyyat vasitələrinin
gömrük rəsmiləşdirilməsinin güzəştli və sadələşdirilmiş Qaydaları mövcuddur. Lakin bu halda söz
təlimdən getdiyindən bu prosedurlar tətbiq olunmur.
FHN-nin Xüsusi Riskli Xilasetmə Xidmətinin rəisi Mustafa Rəcəbov qeyd etdi ki, xarici ölkələrdə
təmin edilən avadanlıqlardan istifadə zamanı çətinliklər yaranır. Belə ki, avadanlıqlar sıradan çıxır
və istismar zamanı çətinliklər yaranır. Xüsusilə, xilasedicilər və iştirakçıları təhlükəyə məruz
qoymamaq üçün xilasetmə əməliyyatlarında istifadə edilən kəndirlər sertifikasiyadan keçməlidir.
3
Potensialın Artırılması üzrə Əsas Ekspert Antonin Petr B Fəaliyyət Sahəsinin bir hissəsi – Yardım
Alan Ölkənin təmin etdiyi Dəstək (YAÖD) üzrə təqdimat etdi. O, Yardım Alan Ölkənin təmin etdiyi
Dəstək üzrə keçirilən Komanda-ştab Təliminin nəticələrinə toxundu və Azərbaycan üçün edilən
tövsiyələrə YAÖD üzrə Standart Əməliyyat Prosedurlarının (SƏP) yaradılmasının, YAÖD üzrə
Ölkə Komandasının yaradılmasınıb və YAÖD üzrə potensialın artırılması/təlim proqramlarının daxil
olduğunu qeyd etdi. O, YAÖD üzrə Ölkə Komandasının nə zaman yaradılacağını və YAÖD üzrə
Standart Əməliyyat Prosedurlarının hazırlanmasına nə zaman başlanılacağını soruşdu.
Ceyhun İsgəndərli cavab olaraq bildirdi ki, YAÖD üzrə Ölkə Komandasının yaradılması nəzərdən
keçirilir. Bununla bağlı olaraq ilin sonunadək müvafiq maraqlı tərəflərin iştirakı ilə bu sahə üzrə İşçi
Qrupun yaradılması planlaşdırılır. İşçi Qrupun yaradıldılması bu məsələyə daha sistematik
yanaşmaq imkanı verəcək. PPRD East 2 komandası İşçi Qrupunun yaradılması barədə
məlumatlandırılacaq. İlk görüş gələn ilin əvvəli baş tuta bilər.
Sergej Anagnosti C Fəaliyyət Sahəsinin hədəfləri, o cümlədən Elektron Regional Risk Atlasının
daha da təkmilləşdirilməsi və fəlakət itkiləri üzrə milli səviyyədə məlumatın toplanılması barədə
təqdimat etdi.
FHN, İKT-nin rəis müavini Ülfət Rzayev qeyd etdi ki, bütün 6 Tərəfdaş Ölkələrin yenilənmiş ERRA-
dan ERRA vasitəsilə hesabatların, hesabatlarla əlaqədar təhlilin əldə edilməsi kimi oxşar
gözləntiləri var. İstismar zamanı müəyyən sualların yarana biləcəyini nəzərə alaraq o, təlimçilərin
təlimi üçün izahlı təlimat kitabçasının hazırlanmasını təklif etdi. Belə ki, cari linux əsaslı server
platformasından digər əməliyyat sisteminə keçdikdə FHN üçün çətinlik yaranmasın.
Sergej Anagnosti qeyd etdi ki, yenilənmiş ERRA üçün quraşdırma üzrə/istifadəçilər üçün təlimat
kitabçası hazırlanacaq. Proqram tamamlandıqdan sonra Tərəfdaş Ölkələrin sahib çıxacağı müvafiq
qurumu ERRA-ya texniki qulluq göstərməli, idarə etməli və yeni məlumatlar daxil etməlidirlər.
Digər iştirakçı təlimat kitabçasını iki formatda – istifadəçilər üçün və texniki işçi heyət üçün
hazırlanmasını təklif etdi.
Ceyhun İsgəndərli Proqram rəhbərliyinə təklif etdi ki, ERRA üzrə ekspertlər Bakıya göndərilsin və
Coğrafiya İnstitunda ERRA-nın təqdimatı keçirilsin, belə ki, ERRA fövqəladə hallar atlasının
elektron versiyası kimi istifadə edilə bilər. Elmlər Akademiyasının Coğrafiya İnstitutunun 2-ci ERRA
Regional Seminarında və FRQ Regional Seminarında iştirak edən ekspertlərinin ERRA üzrə
həmkarları üçün təqdimat keçirməsi razılaşdırıldı. Bundan əlavə, PPRD East 2 Proqramı Coğrafiya
4
İnstitutuna məktub göndərərək ERRA-nın fövqəladə hallar atlasının elektron versiyası kimi istifadə
olunmasının mümkünlüyünü araşdıracaq.
Antonin Petr D Fəaliyyət Sahəsi çərçivəsindəki nailiyyətləri və planlaşdırılan növbəti addımlar üzrə
- Fəlakətlər barədə Məlumatlılığın Artırılması barədə təqdimat keçirdi və Milli Kommunikasiya
Strategiyasının hazırlanmasını xüsusilə vurğuladı. O, qeyd etdi ki, Milli Kommunikasiya
Strategiyasının hazırlanması üçün institutlararası milli işçi qrupu hələ yaradılmayıb, bu səbəbdən,
Proqram Azərbaycana bu sənədin hazırlanmasında yardım edə bilmir.
Ceyhun İsgəndərli cavab verdi ki, institutlararası milli işçi qrupu bu ilin sonundadək yaradıla bilər.
Antonin Petr eləcə də E Fəaliyyət Sahəsini – Mülki Müdafiə sahəsində Könüllülük (MMK) barədə
təqdimat keçirdi. O, qeyd etdi ki, Azərbaycan bu sahənin Proqram çərçivəsində əhatə olunmaması
qərarına gəlib, bu səbəbdən, Azərbaycanda milli səviyyədə hər hansı tədbir nəzərdə tutulmayıb.
Bununla belə, Azərbaycan bu Fəaliyyət Sahəsi çərçivəsində təşkil ediləcək bütün regional
tədbirlərə dəvət olunacaq. O, eləcə də qeyd etdi ki, könüllülər düzgün seçilməli, təlimləndirilməli,
ləvazimatlarla təchiz edilməli, təşkilatlanmalı və idarə edilməlidirlər. Qeyri-mütəşəkkil könüllülər
xilasetmə əməliyyatlarına mane ola bilərlər.
FHN-nin Layihələrin İdarəedilməsi Şöbəsinin əməkdaşı İlqar Həsənov könüllülərin fövqəladə
hallara cəlb olunmasının faydalı olduğunu qeyd etdi. Xilasetmə komandaları fövqəladə hal baş
verən məkana gələnədək yerli könüllülər yardım göstərə və böyük zərərin qarşısını ala bilərlər. O,
gələcəkdə Proqram çərçivəsində MMK sahəsində kiçik bir pilot layihəsinin keçirilməsini təklif etdi.
Bununla belə, FHN mülki müdafiə sahəsində könüllülüyü Proqram çərçivəsində əhatə etməmək
qərarına gəldiyindən bu sahədə milli səviyyədə heç bir tədbir keçirilməyəcək.
Sergej Anagnosti Proqramın işıqlandırılması və idarəedilməsi barədə danışdı. Proqramın və FHN-
nin öz loqolarını (linklərə keçidlə birlikdə) bir-birinin veb səhifələrində yerləşdirilməsinin
mümkünlüyü barədə sual verdi.
Ceyhun İsgəndərli bununmümkün ola biləcəyini bildirdi.
PPRD East 2-nin İdarəetmə Komitəsinin üzvü Səmədağa Səmədov söz alaraq görüşü bağlı elan
etdi. O qeyd etdi ki, Milli Məsləhət Qrupunun iclasında olduqca faydalı müzakirələr aparıldı.
Xüsusilə, Aİ MOLDEX 2017 tammiqyaslı sahə təlimləri barədə müzakirələr səmərəli keçdi. ERRA
üzrə yenilənmiş proqram təminatı və institutlararası milli işçi qrupun yaradılması üzrə müzakirələr
də faydalı oldu. O, Proqramın Azərbaycanda həyata keçirildiyinə görə ekspert komandasına və
Avropa İttifaqına təşəkkür etdi.
Dostları ilə paylaş: |