21
Məsələ 125: Milçək və ya ona bənzər həşərat rütubətli nəcis bir əşyanın
üzərinə qonduqdan sonra, yenə yaş olan pak bir əşyanın üzərinə qonarsa, in-
san həşəratın özü ilə nəcasət daşıdığını bilərsə, həmin pak əşya da nəcis olar.
Əgər bilməsə, pakdır.
Məsələ 126: Bədənin tərli yeri nəcis olarsa, tərin sirayət etdiyi başqa yerlərdə
nəcis olar. Əgər tər başqa yerə sirayət etməsə, bədənin başqa yerləri pakdır.
Məsələ 127: Burun və boğazdan gələn qatı bəlğəmin içərisində qan olar-
sa, qan olan hissə nəcis, qalan hissə isə pakdır. Əgər bəlğəm ağızın və ya bu-
runun xaricinə toxunarsa, bəlğəmin nəcis olmuş hissəsinin toxunduğuna yə-
qin edilən yer nəcis, şəkk edilən yer isə pakdır.
Məsələ 128: Əgər altı deşik aftafa nəcis yerə qoyularsa və ondakı su
axaraq aftafadakı su ilə bir sayılacaq şəkildə altına yığılarsa, aftafanın suyu
nəcis olar. Əgər aftafanın suyu təzyiqlə xaric olarsa, həmin su nəcis olmaz.
Məsələ 129: Bədənə daxil olaraq nəcisə toxunan bir əşya bayıra çıxarar-
kən nəcisə bulaşıq olmasa, pakdır. Buna əsasən, qaitin çıxacağına daxil edi-
lən imalə alətləri və ya onun suyu, yaxud da bədənə batmış iynə, bıçaq bu ki-
mi əşyalar bayıra çıxararkən nəcisə bulaşıq olmasa, nəcis deyildir. Həmçinin
ağız və burunun suyu, ağız və burunun daxilində qana toxunarsa və bayıra
töküldükdən sonra qana bulaşıq olmasa, eyni hökmü daşıyar.
Məsələ_130'>Nəcasətin hökmləri
Məsələ 130: Qurani–Kərimin yazısını və vərəqini nəcis etmək haramdır.
Əgər nəcis olarsa, dərhal suya çəkib paklamaq lazımdır. Hətta vacib ehtiyata
əsasən, hörmətsizlik olmasa belə, nəcis etmək haram və suya çəkmək vacibdir.
Məsələ 131: Əgər Qurani–Kərimin cildi nəcis olsa və bu ona hörmət-
sizlik sayılarsa, onu suya çəkib pak etmək lazımdır.
Məsələ 132: Qurani–Kərimi qan və bu kimi eyni nəcisin üzərinə qoy-
maq, eyni nəcis quru olsa belə, ona hörmətsizlik olduğu halda haramdır.
Məsələ 133: Nəcis olmuş mürəkkəblə Qurani–Kərimi yazmaq – hətta bir
hərf olsa belə – onu nəcis etməyin hökmünü daşıyır. Əgər yazılmışdırsa, onu
suya çəkməklə, ya da buna bənzər bir yolla həmin yazı aradan qaldırılmalıdır.
Məsələ
134: Qurani–Kərimi kafirə vermək hörmətsizliyə səbəb olarsa,
haram və ondan almaq vacibdir.
Məsələ 135: Əgər Qurani–Kərimin vərəqi, ya Allahın, Peyğəmbər(s)-in
və imamlar(ə)-ın adı yazılan kağız kimi ehtiramı vacib olan bir əşya
ayaqyoluna düşərsə, xərc tələb etsə belə, onu çıxararaq suya çəkib paklamaq
vacibdir. Əgər onu çıxarmaq mümkün deyilsə, vərəqin çürüyüb aradan
getməsinə əmin olanadək həmin ayaqyoluna getmək olmaz. Həmçinin
ayaqyoluna türbət düşsə və onu çıxarmaq mümkün olmasa, onun tamamilə
aradan getməsinə əmin olanadək həmin ayaqyolundan istifadə etmək olmaz.
22
Məsələ 136: Nəcisin yeyilib-içilməsi və başqasına yedirdib-içirdilməsi
haramdır. Amma uşaq və dəliyə yedirdilməsi caizdir. Əgər uşaq və dəlinin
özü, nəcis olmuş bir yeməyi yeyərsə və ya əli ilə yeməyi nəcis etdikdən son-
ra yeyərsə, onun qarşısını almaq lazım deyildir.
Məsələ 137: Paklanması mümkün olan nəcis əşyanı satmaq və ya başqa-
sına icarəyə verməyin eybi yoxdur. Amma iki şərtlə qarşı tərəfə onun nəcis
olduğunu söyləməlidir;
1. Qarşı tərəf şəri vəzifə ilə müxalifətə məruz qaldıqda; məsələn, onu
yemək və içməkdə istifadə etsin. Amma belə olmadığı təqdirdə demək lazım
deyil. Məsələn, qarşı tərəfə namaz qılmaq istədiyi libasın nəcis olduğunu
bildirmək lazım deyil. Çünki libasın pak olması əsil şərt deyil.
2. İnsan qarşı tərəfin, onun sözünə etina edəcəyinə ehtimal versin.
Amma qarşı tərəfin etina etməyəcəyini bilərsə, söyləməsi lazım deyil.
Məsələ 138: İnsana, bir şəxsin nəcis şey yediyini və ya nəcis libasla
namaz qıldığını görərsə, ona bildirməsi vacib deyil.
Məsələ 139: Əgər bir şəxsin evinin və ya xalçasının hər hansı yeri nəcis
olarsa, onun evinə girən şəxslərin bədəninin, libasının və ya başqa əşyasının
yaş halda həmin nəcis yerə toxunduğunu görərsə və işin səbəbkarı onun özü
olarsa, öncəki məsələdə deyilən iki şərtlə məsələni onlara söyləməlidir.
Məsələ 140: Əgər ev sahibi yemək əsnasında
xörəyin nəcis olduğunu
anlayarsa – keçən məsələdə deyilən ikinci şərtə əsasən – qonaqlara söyləmə-
lidir. Amma qonaqlardan biri xörəyin nəcis olduğunu anlayarsa, başqalarını
xəbərdar etməsi lazım deyil. Lakin həmin adamlarla elə ünsiyyətdə olsa ki,
onların nəcis olması ucbatından onun özü də nəcisə və vacib bir hökmə
müxalifət etməyə mübtəla olacaq mütləq onlara söyləməlidir.
Məsələ 141: Əgər insanın kirayə etdiyi əşya nəcis olarsa,
az öncə
deyilən iki şərtə əsasən, onun nəcis olduğunu sahibinə söyləməlidir.
Məsələ 142: Əgər uşaq bir əşyanın nəcis olduğunu və ya nəcis bir əşyanı
suya çəkərək pak etdiyini söyləyərsə, onun sözünü qəbul etmək olmaz. Am-
ma ağlıkəsən və pakı-nəcisi yaxşı şəkildə anlayan bir uşaq nəcis olmuş bir
əşyanı suya çəkərək pak etdiyini söyləyərsə, həmin əşya onun istifadəsində
olsa və yaxud onun sözündən əminlik hasil olarsa, onun sözü qəbul olunar.
Əgər həmin uşaq bir əşyanın nəcis olduğunu deyərsə, sözü qəbul olunar.
Mütəhhirat (Pakedicilər)
Məsələ 143: Nəcisi on iki şey pak edir və onlara pakedicilər deyilir:
1. Su; 2. Torpaq; 3. Günəş; 4. İstihalə (Əslin dəyişməsi); 5. İnqilab (Növün də-
yişməsi); 6. İntiqal (Köçürmə); 7. İslam; 8. Təbəiyyət (Təsirlənmə); 9. Eyni
nəcasətin təmizlənməsi; 10. Nəcis yeyən heyvanın istibrası; 11. Müsəlmanın bir
müddət gözdən qeyb olması; 12. Başı kəsilən heyvanın qanının axması. Bu pak-
edicilərin hökmləri növbəti məsələlərdə geniş şəkildə açıqlanacaq.