AZƏRBAYCAN RESPUBLİKASININ NAZİRLƏR KABİNETİ
SƏRƏNCAM
№224 s
Bakı şəhəri, "13"noyabr 2003 il
2003-cü il 17 iyun tarixində London şəhərində keçirilmiş Beynəlxalq Konfransda Azərbaycan
Respublikasının Mineral Ehtiyatlarının Hasilatı ilə Məşğul olan Sənaye Sahələrində Şəffaflıq
Təşəbbüsünə (bunda sonra - MHŞT) qoşulduğunu nəzərə alaraq və bununla bağlı Azərbaycan
Respublikası hökümətinin üzərinə düşən öhdəliklərin həyata keçirilməsini təmin etmək məqsədi ilə:
I. Azərbaycan Respublikasının MHŞT-yə qoşulması ilə bağlı tədbirləri həyata keçirmək məqsədi
ilə MHŞT üzrə Komissiya (bundan sonra Komissiya) aşağıdakı tərkibdə yaradılsın:
Komissiyanın sədri:
Şərifov Samir Rauf oğlu
- Dövlət Neft Fondunun icraçı direktoru
Komissiyanın üzvləri:
İbrahimov Rafael Tofiq oğlu
- Böyük Britaniya və Şimali İrlandiya Birləşmiş
Krallığında Azərbaycan Respublikasının
fövqəladə və səlahiyyətli səfiri;
Səlimov Rauf Ağaməmməd oğlu
- Dövlət Statistika Komitəsinin Sənaye, nəqliyyat
və rabitə statistikası şöbəsinin müdiri;
Fətizadə Zaur İntiqam oğlu
-
Vergilər Nazirliyi yanında İri vergi ödəyiciləri
ilə iş üzrə departamentin bəyannamələr
idarəsinin xüsusi vergi rejimli müəssisələr ilə iş
üzrə şöbəsinin rəisi;
Nəsirov Elşad Mustafa oğlu
- Dövlət Neft Şirkətinin Marketinq və iqtisadi
əməliyyatlar idarəsinin rəisi;
Qasımov Nizami Yunis oğlu
- İqtisadi İnkişaf Nazirliyinin İqtisadi siyasət və
proqnozlaşdırma departamentinin fiksal və
monetar siyasəti şöbəsinin rəisi;
Musayev Şahbəddin Cabbar oğlu
- Ekologiya və Təbii Sərvətlər Nazirliyinin Milli
geoloji kəşfiyyat idarəsinin rəisi
Zeynalova Nərgiz Mirəziz qızı
- Maliyyə Nazirliyinin milli iqtisadiyyatın
maliyyəsi şöbəsinin istehsal sahələrinin və
investisiyanın maliyyəsi sektorunun müdiri;
Vəzirov Süleyman Ənvər oğlu
- Yanacaq və Energetika Nazirliyinin Baş
iqtisadiyyat idarəsi rəisinin müavini;
Şıxəliyev Əşrəf Fərhad oğlu
- Xarici İşlər Nazirliyinin İqtisadi əməkdaşlıq və
inkişaf idarəsinin şöbə müdiri
II. Komissiyaya tapşırılsın ki:
1) Azərbaycan Respublikasında mineral ehtiyatların istismarı ilə əlaqədar dövlət orqanlarının
daxilolmaları, dövlət şirkətləri və digər dövlət mülkiyyətində olan qurumlar tərəfindən əldə edilən
gəlirləri (xarici və milli şirkətlərin ödənişləri hesabına əldə olunan gəlirlər daxil olmaqla) barədə
hesabatın təqdim edilməsi formasını və müddətlərini müəyyən etsin, hesabatların toplanmasını təmin
etsin.
2)toplanmış məlumatlar əsasında MHŞT-nin iştirakçıları tərəfindən razılaşdırılmış hesabat
formatına uyğun olaraq vahid ümumölkə hesabatını tərtib etsin, onun mütəmadi şəkildə mətbuatda dərc
edilməsini təmin etsin, hesabatların tərtib edilməsi prosesində Azərbaycan Respublikasında fəaliyyət
göstərən xarici şirkətlərlə və MHŞT-nin əlaqələndirici ofisi olan Birləşmiş Krallığın Beynəlxalq İnkişaf
üzrə Nazirliyi ilə müvafiq əlaqələndirməni həyata keçirsin.
3) Komissiyanın fəaliyyəti barədə məlumatların ictimaiyyətə çatdırılması məqsədi ilə
Komissiyanın internet saytını yaratsın, digər zəruri tədbirləri həyata keçirsin.
III. Azərbaycan Respublikasının aidiyyatı nazirlikləri, komitə və dövlət şirkətləri mineral
ehtiyatların istismarından əldə olunan gəlirlər barədə hesabatların hazırlanması ilə əlaqədar Komissiyanın
sorğularına tam və vaxtında cavab verilməsi və vəzifələrin yerinə yetirilməsində zəruri kömək
göstərsinlər.
IV. Bu sərəncam imzalandığı gündən qüvvəyə minir.
Azərbaycan Respublikasının
Baş Naziri
A. Rasi-zadə