22
formasında baş verir, tədricilik dayanır, yeni keyfiyyət yaranır.
Hərəkətin keyfiyyətcə müxtəlif formaları var: cansız, təbiətdə,
canlı təbiətdə və insan cəmiyyətində olan hərəkət.
Siyasi hərəkət ayrıca şəxsin, yaxud qrupun mövcud sistemin
hakimiyyət
və
tabeçilik
münasibətlərinə
şüurlu, dərin
müdaxiləsidir. Hərəkət siyasi sistemi müxtəlif qrupların əsl
marağını ifadə edən müəyyən məqsədlərə nail olmağa yönəldir.
Siyasətin bu və ya başqa istiqamətə yönəldilməsində əhəmiyyətli
yeri ideyalar tutsa da, siyasət, hər şeydən əvvəl, hərəkat olaraq
qalır. Siyasət birinci növbədə kollektiv hərəkətdir.
1
Siyasi
hərəkətin subyektləri bir-birilə həm ziddiyyətli, həm də
əməkdaşlıq münasibətlərinə girə bilərlər. Təbiidir ki, əsas
mübarizə mövcud ictimai və siyasi vəziyyətin qorunması ətrafında
gedir. Onlar konkret cəmiyyətin xüsusiyyətlərindən asılı olaraq
müxtəlif siyasi hərəkət vasitələrindən istifadə edirlər.
2
Nəticə
etibarilə siyasi hərəkət xaotik (qarışıq) yox, mövcud ictimai
normaların məcmusu (toplusu) çərçivəsində inkişaf edir. Yəni
istənilən siyasi sistemdə müəyyən hərəkət formaları mövcuddur.
Siyasi hərəkətdə iştirak edənlər sistemdən xaric olmamaq
(edilməmək) üçün qəbul olunmuş normalara riayət etməlidirlər.
3
Pozitiv (müsbət) və neqativ (mənfi) siyasi hərəkətlər mövcuddur.
Pozitiv siyasi hərəkət müəyyən məqsədə çatmaq üçün “nə isə
etməyi”, neqativ siyasi hərəkət isə müəyyən hadisələrin baş
verməsinə yol vermək üçün “nə isə olunmasına son qoymağı”
nəzərdə tutur.
4
Siyasi hərəkətlərin rasional və irrasional, ətalətli və
yaradıcı, kortəbii və mütəşəkkil tipləri də elmi ədəbiyyatlarda
göstərilir.
Siyasi hərəkətləri də ümumi və konkret vəziyyətlərə bölmək
olar. Belə ki, siyasi fəaliyyətin təşkil edilməsi, eləcə də dövlət
hakimiyyəti təsisatlarının ümumi siyasəti, ümumi fəaliyyəti
1
L.S. Sanisteban. Siyasət elminin əsasları. (ixtisarla). Tərcümə edəni Həmid
Baratlı. “Azərbaycan” nəşriyyatı, Bakı-1994, səh.23.
2
Həmin kitab, səh.24.
3
Həmin kitab, səh.26.
4
Bax, yenə orada
23
ümumi siyasi hərəkətdir. Lakin bunun əksinə olaraq, istənilən
bir sənədin imzalanması isə konkret hərəkət vəziyyətidir,
konkret sahələrdə münasibətləri tənzimləyir. Ümumi siyasi
hərəkət vəziyyətində siyasi proseslər ardıcıl olaraq baş verir.
Ümumi siyasi hərəkətlər konkret siyasi aktlardan, siyasi
hadisələrdən formalaşır. Bu baxımdan bir sahədə tez-tez
sənədlərin ardıcıl olaraq qəbul edilməsi və icrasının təmin
edilməsi, həmçinin digər müvafiq tədbirlərin tez-tez və ardıcıl
olaraq həyata keçirilməsi bu sahədə ümumi siyasi fəaliyyəti, siyasi
hərəkətləri formalaşdırır. Ümumi siyasi hərəkətlərin tərkibi, eləcə
də tətbiqi dairələri və obyektləri konkret hadisələrin, aktların
obyektlərindən, sahələrindən əmələ gəlir. Ümumi siyasi hərəkətlər
konkret siyasi hərəkətlərin, hadisələrin, aktların qarşılıqlı
mövcudluğunu təmin edir. Buradan belə bir məntiqi nəticəyə
gəlinir ki, konkret siyasi hadisələrin obyekt və subyektləri hərəkət
vəziyyətində olaraq ümumi siyasi hərəkətləri formalaşdırır.
Məsələn, ayrı-ayrı sahələrdə qəbul edilən qanunlar, digər
normativ-hüquqi sənədlər ümumilikdə dövlətin qanunvericilik
siyasətinin tərkibinə aid edilir. Dövlətin ümumi qanunvericilik
siyasəti isə ayrı-ayrı sahələrdə hüquq normalarının yaradılmasını
zəruri edir.
Bir məsələni xüsusi olaraq qeyd etmək olar ki, hər bir ümumi
hərəkət tərkibə (istiqamətlərə) ayrıldıqda, ayrılmış tərkibə
(istiqamətlərə, hissələrə) konkret tərkib və hərəkətlər demək
olar. Konkret siyasi hərəkətlər konkret sahələrin idarəedilməsi və
bu sahələrdə münasibətlərin tənzimlənməsini yerinə yetirir.
Məsələn, dövlətin vergi siyasəti konkret istiqamətdir və vergilərin
yığılmasını əsas məqsəd kimi qarşıya qoyur. Konkret hərəkətlər
də digər konkret hərəkətlərə bölünür. Məsələn, istehsalın təşkili
iqtisadiyyatın təşkil edilməsi adlanan konkret hərəkətlər içərisində
konkret istiqamətdir, həm də başqa konkret hərəkətləri özündə
birləşdirdiyinə görə ümumi hərəkətlər xüsusiyyətlərinə də
malikdir. Bu baxımdan da özünün tərkibindəki konkret hərəkətlər
üçün ümumi hərəkət xassəsinə malikdir. İstehsalın təşkil edilməsi
içərisində istehsal müəssisələrinin tikilməsi, dəzgahların quraş-
24
dırılması, mütəxəssislərlə təmin edilməsi, istehsala başlamaq və
hazır məhsulun əldə edilməsi, inzibati işlərin həyata keçirilməsi
konkret hadisələrdir, hərəkətlərdir. Hər bir hərəkət onun
istiqamətlərini müəyyən edir. Siyasi hərəkətlər siyasətin obyekt və
subyektlərini müəyyənləşdirir. Siyasətin hərəkətləri sayəsində
onun obyektlərinin sayı da artırılır. Siyasi hərəkətlər bir-birilə sıx
surətdə bağlı olurlar.
Ümumi siyasi hərəkətlər çoxlu sayda konkret siyasi hadisələri
özündə birləşdirə bilər. Konkret siyasi hadisələrin birləşmiş
formada, vahid axın üzrə törədilməsi ümumi siyasi hərəkət axınını
və istiqamətini əmələ gətirir. Məsələn, dövlətlər arasında tez-tez
yaradılan əlaqələr və müvafiq hərəkətlərin törədilməsi dövlətlərin
beynəlxalq münasibətlərdə iştirakını müəyyən edir. Dövlətlərin
beynəlxalq münasibətlərdə iştirakının forma və məzmunu,
həmçinin istiqamətləri formalaşır. Siyasi hərəkətlərin edilməsi
zamanı siyasi hadisələr törədilir və siyasi hadisələrin törədilməsi
sayəsində siyasi təcrübə formalaşır. Məsələn, beynəlxalq
sənədlərin hazırlanması təcrübələrini buna aid etmək olar. Eləcə
də danışıqların aparılması qaydalarını da misal çəkmək olar.
Siyasi hadisə siyasətin subyektləri arasında mövcud olan
münasibətləri formalaşdırır. Formalaşmış münasibətlər növbəti və
ardıcıl hadisələrin törədilməsini təmin edir.
Siyasi hərəkət başlayan zaman siyasi akt da törənməyə
başlayır. Məsələn, istənilən bir sənədə imza edilməsi hərəkətdir və
eyni zamanda siyasi hadisədir, aktdır. Siyasi hadisə törəndikdən
sonra özündən sonrakı hadisələrin (növbəti hadisələrin) başlanğıcı
gəlir. Məsələn, dövlətin konstitusiyası qəbul edilir. Bu, bir ümumi,
həm də konkret aktdır. Bu hadisə özündən sonra digər hadisələrin
törənməsini, aktların qəbul edilməsini zəruri edir. Konstitusiyadan
qanunlar və digər hüquqi-normativ aktlar yaranır.
Siyasi hərəkətlər və bu hərəkətlər zamanı törədilən konkret
siyasi hadisələrin, siyasi aktların aşağıdakılar olduğunu qeyd
etmək olar:
-ümumilikdə ayrı-ayrı sahələri əhatə edən konkret siyasi
fəaliyyətin təşkil edilməsi;
Dostları ilə paylaş: |