İctimai təşkilatlar
yeni media dövründə
Necə faydalanmaq olar?
Qoy İnternet köməyiniz olsun!
(Giriş sözü əvəzinə)
Yeni media dövrü texnoloji tərəqqinin bizə bəxş etdiyi əvəzsiz ünsiyyət vasitəsi olan İnternetin
və həmçinin daha müasir məlumat daşıyıcısı olan yeni avadanlıqların dövrüdür. Bu media
qurğularına isə rəqəmsal video, audio və foto avadanlıqları, müxtəlif növ kompüterlər, mobil
telefonlar, smartfonlar, planşetlər, yaddaş daşıyıcıları, qadjetlər və s. texniki yeniliklər daxildir.
Çox böyük funksiyaları olan müasir kompüter proqramları isə bu avadanlıqlarla görülmüş işləri
daha effektli hala gətirməyə imkan yaradır. İnternetin hər gün artan yeni imkanları isə bizə
həmin məlumatları və mediamateralları böyük auditoriyalarda yaymağa imkan yaradır, yeni
əlaqələr qurmağa, ideyalarımızı və məlumatlarımızı başqalarına çatdırmağa, həmfikirlər
tapmağa, diskussiyalar açmağa, müxtəlif təlimlər, tədbirlər, görüşlər, kampaniyalar təşkil
etməyə kömək edir.
Bu, bəşəriyyətin həyatında yeni bir dövrdür. Ünsiyyətin görünməmiş mərhələsidir. Siz ən uzaq
ölkələrdə yaşayan tanımadığınız insanla bir an ərzində ünsiyyət qura, gərəkli informasiyaları ən
tez zamanda oxuya və paylaşa bilirsiniz. Sizin yeni dostlarınız, yeni dünyanız var. İnternet sizə
ciddi ictimai fəaliyyət planlarınızı həyata keçirməkdən tutmuş, əylənməyə qədər ən müxtəlif
ehtiyaclarınıza cavab verir.
1957-ci ildə ABŞ-ın Müdafiə Nazirliyinin yeni kompüter əlaqəsi layihəsi 1969-cu ildə İnternetin
yaranmasına gətirib çıxardı. 1989-cu ildə isə Tim Bernes Li internetin ümumdünya şəbəkəsinə
çevrilməsi ideyası ilə çıxış etdi, 1991-ci ildə ilk internet saytı yarandı. Lakin inkişaf dayanmadı.
Tezliklə hər kəsin özünün saytı – ünsiyyətin əvəzsiz forması olan bloqların yaranması ideyası
ortaya çıxdı. Sosial şəbəkələrlə İnternet tamam yeni mərhələyə daxil oldu.
İndi internetin imkanları daha böyükdür. Nədən ictimai qurumlar, qeyri-hökumət təşkilatları bu
imkanlardan bacarıqla yararlanmasın?
Web 2.0 dövrü ilə ünsiyyətin zirvələrinə doğru
Web 2.0 hansısa texniki anlayış deyil, ya da kompüter proqramının adı deyil. Bu, bir ictimai
anlayışdır, İnternetin yeni mərhələsinin adıdır. 1954-cü il İrlandiya doğumlu Tim O΄Reylli ilk
dəfə onu 2005-ci ildə dərc olunan " Web 2.0 nədir?” başlıqlı yazısında işlədib.
Bununla da Tim yeni bir dalğa yaratmağa başladı. Azad proqram təminatı və açıq kodlu (yəni hər
kəsin istifadə edə biləcəyi) proqram təminatları üçün mübarizə aparan bir hərəkatın tərəfdarı
olan Tim O΄Reylli WEB2 anlayışı ilə yeni mübarizə hədəfi göstərdi: hər kəs yaza, hər kəs yaya
bilməlidir! Sahibləri, idarəçiləri və redaktorları tərəfindən dəyişdirilən saytlar dövrü arxada qalır
və istifadəçilərin də saytların yenilənməsində iştirak etdiyi, hər kəsin öz saytı ilə çıxış edə
biləcəyi Web 2.0 dövrü başlayır.
Bu o deməkdir ki, daha çox istifadəçi cəlb olunmaqla vebdəki məzmun daha da yaxşılaşır,
zənginləşir, çoxalır, bütövləşir, tamamlanır, dəqiqləşir və təbii ki, yenilənir. Ən başlıcası, hər kəs
sözünü deyə bilir. Bu, bəşəriyyətin həyatında yeni dövrdür.
Hər kəs öz şərhləri ilə məlumatlara münasibət bildirməyə, onlara əlavə etməyə, hətta təkzib
etməyə qadir oldu.
Hər kəs öz saytını – bloqunu yaratmaq imkanı qazandı. Hər kəs yaza və yaya bildi. Sosial
şəbəkələr, mikrobloqlar, video və foto paylaşmağa imkan verən platformalar yarandı. İnternetin
verdiyi imkanlar artdı, həm də bu imkanlara hər kəs sahib olmağa başladı.
QHT-lər üçün yaranan yeni media imkanları
Web
2.0
mərhələsində
İnternet
tamamilə
sosiallaşdı:
- hər kəs özünü və saytını istədiyi kimi təqdim etdi, məhz özünəməxsus bir virtual istifadə
məkanı yarada bildi və bura öz faylları, albomları, video və bloqlarını yerləşdirdi və s.
- İnternet məkanındakı kollektiv ağıla, kollektiv mövcudluğa, ünsiyyətə bir inam yarandı.
-
Özünütəsdiq,
paylaşma,
faydalılıq
internet
istifadəçilərini
birləşdirdi.
Ən vacibi odur ki, bloq yaratmaq, sosial şəbəkələrdə yazılar, fotolar və hətta videolar
yerləşdirmək, şərhlər yazmaq, şərhləri incələmək çox sadələşdi. Hər kəs özü bir KİV oldu. Xalq
jurnalistikası inkişaf etdi. İnternetin böyük imkanları hər kəsə açıq və əlçatan olmağa başladı.
Belə bir dövrdə QHT-lər yeni media dövrünün imkanlarından məharətlə istifadə edə bildilər.
Hazırda QHT-lər yeni media vasitələrindən və internetdən aşağıdakı məqsədlər üçün istifadə
edirlər və edə bilərlər:
1.
Təqdimat, məlumatlandırma, ideyaların təşviqi;
2.
Məlumatlar almaq;
3.
İctimai maraqların səsləndirilməsi üçüm kampaniyaların aparılması;
4.
İctimai problemlərə cəmiyyətdə diqqət yaratmaq;
5.
Etiraz və həmrəylik aksiyalarının təşkili;
6.
Uğur hekayələrinin yayılması və müxtəlif üsullarla vətəndaş fəallığının artırılması;
7.
Könüllülər tapmaq və maraq çevrələri formalaşdırmaq;
8.
Sorğu və monitorinq keçirmək;
9.
Ekspert müzakirələri və açıq forumlar, debatlar təşkil etmək
10.
Jurnalistlərin diqqətini çəkmək;
11.
İnternet üzərindən treninqlər təşkil etmək;
12.
Xeyriyyə kampaniyaları aparmaq ;
13.
Reklam və elanların yayılması;
14.
Sizin ideya və layihələrə qarşı olan fikirləri və adamları öyrənmək;
15.
Təşkilatın bloqunu, pulsuz saytını, sosial şəbəkələrdə səhifələrini yaratmaq;
16.
Təşkilatın müxtəlif yerlərdəki qurumlarını birləşdirmək üçün virtual ofis və arxiv
kimi istifadə etmək və s.
Hər bir təşkilat yeni media imkanlarından istifadə etməkdə sərbəstdir. Bunun üçün hər zaman
yeni istiqamətlər də düşünə bilər.
Mediakontentin hazırlanması
İstənilən ictimai təşkilat yeni media dövründə yaranan gözəl imkanlardan faydalanmaq üçün
bəlli qurğulara və vasitələrə, o cümlədən kompüter proqramlarına sahib olmalıdır. Odur ki,
təşkilat üçün qurğuları seçərkən onların müəyyən tələblərə cavab verməsi çox vacibdir. Geniş
təlimlərdə biz QHT nümayəndələrinə bu haqda ətraflı biliklər verir və onlarda bəlli vərdişlər
formalaşdırırıq. Bu kiçik vəsaitdə isə ümumi məlumat və məsləhətlərlə kifayətlənəcəyik. Lakin
işini diqqətli quranlar bunlarla da kifayətlənə bilərlər.
Kompüterə minimum tələb
Kompüterlərdə ən ağır iş videofilm redaktəsi və qrafika işlərini görməkdir. Bəzən aşağı
göstəricilər olan kompüterlər bu işləri görərkən çox ləng işləyir, ya da donur. Odur ki,
videofilmlər üzərində işləmək istəyirsinizsə, aşağıdakı konfiqurasiyalı kompüterləri almağınızı
məsləhət bilirik:
Prosessor - i3 va ya i5, daha yaxşı olar ki, i7, keş minimum 1 MB;
Əməliyyyat yaddaşı – 4 GB DDR3, 6 GB DDR3, daha yaxşı olar ki, 8 GB DDR3;
Videokarta – minimum ATİ Radeon HD 4730, 512 MB, daha yaxşı olar ki, Quadro FX 5800, 4096
MB;
Səs kartı – 5.1 inteqrasiya edilmiş, daha yaxşı olar ki, 7.1 inteqrasiya edilmiş;
Yaddaş diski – minimum 750 GB və ya 2 TB, ən yaxşı halda iki müxtəlif ölçülü daxili yaddaş
qurğusu olsun, 1 ədəd isə xarici USB yaddaş qurğusu;
Əməliyyat sistemi: Windows 7.
Ən yüksək göstəricilərlə kompüter seçdikdə onun video axın kartı və TV tunerinin olması
məsləhətdir.
Böyük tələbkarlığı olmayan, az xərclə keçinmək istəyənlərə optimal və sadə bir variant da təklif
edə bilərik: Prosessor - i5, RAM - 6 GB DDR3, videokarta -1 GB.
Qeyd: Əgər sizin hazırkı kompyuteriniz bu tələblərə cavab vermirsə, o demək deyil ki, siz
videofilmlər hazırlaya bilməzsiniz. Hər bir Windows XP əməliyyat sistemi ilə işləyən kompüterə
pulsuz
Windows Movie Maker videoredaktoru əlavə edilib. Onun köməyi ilə siz asanlıqla kiçik filmlər
hazırlaya bilərsiniz.
Videokameraya olan tələblər
Video kameralar həmişə eyni keyfiyyətdə viddeogötrüntü qeydə almır. Ümumiyyətlə, 170-ə
qədər rəqəmsal video formatı var. Onlar keyfiyyət, ölçü, videonun sıxılması və axın sürətinə
görə fərqlənir, bəzən fərqli avadanlıqlar və ya vasitələr üçün nəzərdə tutulur. Bu səbəbdən
videokamera aldıqda onun imkanlarını nəzərə almaq lazımdır. Bir qayda olaraq, HD (High
Definition) və ya HD full keyfiyyətli videoçəkiliş yaza bilən kameralara üstünlük verin. Əsas
budur. Digər əlamətləri də nəzərə ala bilərsiniz. Bunun üçün peşəkarlardan məsləhət alın, yaxud
İnternetdə məlumat axtarın.
Fotoaparatlara tələb
Rəqəmsal texnologiya ilə işləyən fotoaparatlar hallogenid gümüş vasitəsi ilə işığa həssas matrisaların
(mikrosxemlerin) vasitəsilə görüntünü qeydə alır. Onları seçərkən təbii ki, siz fotoaparatın ZOOM
ölçüsünə və hansı meqapiksel çəkiliş etmək imkanına diqqət yetirirsiniz. Bunlar nə qədər böyükdürsə, bir
o qədər yaxşıdır. Təbii ki, qiyməti də nəzərə alırsınız. Daha sonra başqa bir çox keyfiyyətləri nəzərə
alırsınız. Amma həmişə fikir verin, aldığınız fotoaparat şəkilləri TİF formatında saxlaya bilirsə, bu, əla
şansdır. Bu formatda olan şəkillər az sıxıldığından daha keyfiyyətlidir.
Windows Movie Maker (Windows Live Kinostudiyası) vasitəsi ilə film
Videoçəkilişləri montaj etmək, ona müəyyən effektlər əlavə etmək, titrlər qoymaq, lazım
bilmədiyiniz səsləri silmək və yenilərini daxil etmək üçün müxtəlif videoredaktorlar mövcuddur.
Onların olduqca gözəl imkanları var. Lakin onların əksəriyyəti lisenziya tələb edir, satın almaq
gərəkdir. Buna hamının imkanı və həvəsi çatmır, həm də həmin proqramların normal işləməsi
yüksək konfiqurasiyalı kompüterlər tələb edir. Odur ki, bloqçular, QHT fəalları Windows OS ilə
işləyən istənilən kompüterə pulsuz əlavə edilən Windows Movie Maker ( və ya onun yeniləşmiş
variantı olan Windows Live Kinostudiyası) vasitəsi ilə filmlər hazırlaya bilər. Çox sadə olsa da, bu
proqram kiçik filmlər hazırlamaq üçün normal imkanlara sahibdir. Onda işləməyi sərbəst olaraq
özünüz də bacara bilərsiniz, yaxud az bir müddətə kimdənsə bunu öyrənə bilərsiniz. İnternetdə
bu proqramda işləməyi öyrədən videodərslər də var.
Asan və kasıblar üçün Photoshop – Paint.net
Microsoftun Office proqramları paketinə daxil etdiyi Paintı yəqin tanıyırsınız və sevmirsiniz.
Çünki şirkət bu proqramı inkişaf etdirmir. Paint hara, Photoshop hara. Lakin sonuncunu da hamı
istifadə edə bilmir, üstəlik, bu, pullu proqramdır. Bunları nəzərə alan bir şirkət Microsoftun
acığına açıq kodlu Paint.net adlı fotoredaktor yaradıb. Bu pulsuz proqramdır və daim yenilənir,
üstəlik, Photoshop-un pulsuz və sadə alternativi sayıla bilər. Onu asanlıqla öyrənə bilərsiniz. Bu
proqramı
http://www.getpaint.net/
saytından yükləyə bilərsiniz.
Onlayn fotoredaktorlar
Əgər evdən və işdən uzaqdasınızsa, təcili foto üzərində işləmək lazımdırsa, həmişə fotoredkator
tapa bilərsiniz. Bunun üçün internetdə onlayn işləyən fotoredaktorlar var. Onların ikisinin
ünvanını sizə təqdim edirik:
http://www.splashup.com/
və
www.pixlr.com
.
İnternetdə foto albom
Fotoların rəqəmsal albomunu yaratmaq günün tələbinə çevrilib. Bəs onları harada toplamalı?
Artıq internetdə belə albomlar yaratmaq olur. Bunun sayəsində öz kompüterinizdən uzaqda
olduqda, hətta uzaq ölkələrə səfər zamanı sevimli fotolara əliniz çata biləcək. Həm də onları
başqaları ilə bölüşə bilirsiniz. Belə servislərdən ən populyarı Flickr-dir. Flickr
Web 2.0
rəqəmsal
foto servisidir. 2004-cü ildə yaradılıb. 2005-dən Yahoo tərəfindən alınıb. Buradakı fotolar yalnız
özünə, müəyyən qrupa, konkret şəxslərə və ya hamıya açıq ola bilər. Sizin qərarınızdan asılıdır.
Fotolara şərh yazmaq olur və s. Hər gün 80 milyon adam bu saytda girir. Pulsuz xidmət zamanı
hər ay 300 MB (ən böyük ölçü 15 MB olmaqla) foto yerləşdirmək olar. QHT-lərin də çox istifadə
etdiyi bir servisdir.
YouTube - ən populyar video paylaşma servisi
www.youtube.com
indi çoxlarının yaxşı tanıdığı bir xidmətdir. Ondan istifadə etməyə sizə heç
nə mane olmur. Burada video yerləşdirə və onun müzakirəsini təşkil edə bilərsiniz, şərh yaza
bilərsiniz. Siz və başqaları bu videonu başqa saytlarda, sosial şəbəkələrdə, bloqlarda yerləşdirə
bilərsiniz. Ondan istifadə sadə və rahatdır. O, dünyada ən çox daxil olunan üçüncü saytdır.
Videohostinqlər arasında isə birincidir.
Hamıya açıq olan səs redaktoru – Audacity
http://audacity.sourceforge.net
internet ünvanına daxil olun. Burada hamıya açıq olan, pulsuz
istifadə edilən, geniş imkanları olan bir proqram var – Audacity. Çox sevəcəksiniz bu proqramı.
Sadə və rahatdır, həm də çox faydalıdır.
Açıq kodlu məşhur konvertor proqramı -
FormatFactory
Yeni media dövründə foto, audio və video faylların formatını dəyişdirməyə tez-tez ehtiyac olur.
Açıq deyək ki, bu, çoxları üçün çətin problemlərdən biridir. Çünki uyğun konvertor proqramı
tapmaq lazım gəlir. Onların çoxu isə pullu proqramlardır. Lakin bizə sizə bu problemin sadə bir
həll yolunu təklif edirik.
http://www.pcfreetime.com
saytına daxil olun və oradan
FormatFactory proqramını yükləyin.
Pulsuz istifadə olunan, sadə, faydalı bir proqramdır. Hətta onun Azərbaycan dilində olan
versiyası var. Keflə istifadə edin və i
stənilən formatda olan səs, foto, video faylı istədiyiniz
formata çevirin.
Dropbox fayl arxivi və paylaşması xidməti
Bu, olduqca faydalı və maraqlı funksiyaları olan fayl arxivləşdirməsi xidmətidir. Siz faylı
kompüterdə Dropbox qovluğunun daxilindəki istənilən qovluğa atırsınız. Həmin fayl avtomatik
olaraq sizin internetdəki Dropbox akkauntunuza yüklənir – eyni adlı papkanın içərisinə. Əksinə,
əgər siz hər hansı yerdə internetdən akkauntunuzu açıb ora bir fayl yükləsəniz, həmin fayl
kompüterinizdəki Dropbox qovluğuna yüklənəcək. Lakin iş bununla bitmir. Əgər siz öz
akkauntunuzu evdəki və işdəki kompüterinizə, nootbukunuza, smartfonunuza yükləsəniz,
bunlardan hansındasa Dropbox qovluğuna fayl qoyduqda həmin fayl bütün qurğularınıza
paylaşacaq. Həm internetdə olacaq, həm sizin kompüterlerin hamısında.
Siz başqa birisi ilə ortaq qovluq da yarada bilərsiniz, daha doğrusu sizdən biriniz mövcud
qovluğu o biriniz üçün açıq elan edə bilərsiniz. Bu zaman həmin qovluğa atdığınız faylı həmin
adam da görəcək. Burada bir qovluq var ki, hamı üçün açıqdır. Qalan faylar isə yalnız sənə
məxsusdur.
Müxtəlif insanlar və təşkilatlar bu faydalı xidmətdən həvəslə istifadə edir.
Necə uğurlu bloq qurmaq olar?
İnternetdə Azərbaycan dilində bloqçuluğu öyrədən təlim modullarını
http://bloqevi.xalqdan.info/
ünvanında tapmaq olar. Bu, bloqlar haqqında bloqdur. Orada sizə çox faydalı olacaq aşağıdakı 10 modulu
tapmaq olar:
Modul N1: Bloq nədir? Hamının bacardığı işdirmi? Sən də bacararsanmı?
MODUL N2: WEB2 yeni ictimai hərəkatdırmı? Bloq ünisyyət ümmanı... Özün özünə KİV - xalq jurnalistikası...
Modul N3: Qısa bloq lüğəti
MODUL N4: Bloqu necə və harada yaratmalı?
MODUL N5: Nədən başlamalı? Yaxud necə davam etməli? Bloqların növləri...
MODUL N6: Bloqlar funksiya və motivlərinə görə: onunla nələr etmək olar?
MODUL7: Bəs bloqda nədən yazaq, nə yazaq? Hər bir məlumatın özəlliyi...
MODUL N8: Böyüyən imkanlar: Podkastinq. Video. Mobil telefonda bloq...
Modul 9: Bloq xəstəlikləri. Nəyi etməməli?
Modul N10: Daha bir bloq xəstəliyi – bilmirsən ki, sən təksən...
Təhlükəsizlik protokolu - HTTPS Everywhere
HTTPS Everywhere –Firefox brauzerinə bir əlavədir. O sizin məlumatları, loqin və parolları
şifrələyən, başqası tərəfindən oxunmaz hala gətirən bir protokoldur. Tor layihəsi
(https://www.torproject.org) və Elektron Üfüqlər Fondu tərəfindən (https://eff.org/)
hazırlanıb. HTTPS Everywhere sizin çox məşhur saytlardakı işinizi sığortalayır, məlumatlarınızı
qoruyur, bura Google, Wikipedia, Facebook vəTwitter kimi saytlar daxildir.
Proqramı buradan yükləyə bilərsiniz: https://www.eff.org/https-everywhere.
Tor – anonimliyi təmin etməyin yolu
Tor- The Onion Router açıq kodlu proqramdır. O, internet istifadəçisinə anonim qalmağa imkan
verir. Həmin istifadəçinin İP ünvanı anonim olur və onun hansı ölkədən, hansı provayderdən,
hansı kompüterdən internetə daxil olduğu bilinmir. Bu proqram insan haqlarını müdafiə edən
məşhur təşkilatların dəstəyini qazanıb və avtoritar ölkələrdə ictimai fəalların istifadə etməsi
üçün çox faydalı sayılır. Onun istifadəsi də sadədir. Proqramı
https://www.torproject.org
saytından yükləyirsiniz. Onu kompüterinizdə və ya flaşkartda saxlayırsınız. Proqramı hər dəfə
anonim qalmaq istədikdə yükləyir və bir qədər gözləyirsiniz. Bu zaman avtomotik olaraq brauzer
açılacaq. Siz məhz həmin brauzerdən istifadə etdikdə anonimliyiniz təmin olunur.
Proqramı flaşkartda saxlamaq daha məqsədəuyğundur. Bu halda istənilən yerdə ondan istifadə
edə bilərsiniz.
Sosial Şəbəkədən istifadə qaydaları
İnternetin sürətlə inkişaf etdiyi bir dövrdə sosial şəbəkələrin rolu da xüsusilə əhəmiyyətli olub.
Bütün dünyada sosial şəbəkələr sosial qarşılıqlı əlaqələr , sosial obyektlər (adamlar və ya
təşkilatlar) və kommunikasiyalar arasında sosial struktur düyünlərindən ibarət olan qrupdur.
Facebook-
sosial şəbəkələr arasında ən geniş yayılmış olanlardan biri də facebookdur.
Facebook 2004-cü ildə Harvard Universitetinin tələbəsi Mark Zukerberq tərəfindən yaradılıb.
Hazırda insanlar ictimai əhəmiyyətli informasiyaları facebook vasitəsilə alırlar. Statistikaya görə
Azərbaycanda facebook istifadəçilərinin sayı 2 milyondur. Facebook həm fərdi şəxslər, həm də
təşkilatlar üçün öz gördükləri işləri nümayiş etdirmək baxımından əhəmiyyətlidir. Facebook
şəxsi hesab, qruplar, səhifələr yaratmaq mümkündür. Qruplar qapalı və açıq qruplar ola bilər.
Xeyli sayda insanları yaratdığınız qrup və səhifələrə dəvət edə bilərsiniz. Facebook- da eventlər,
yəni tədbirlər yaratmaq olur. Pullu elanlar yerləşdirmək olur. Facebook –da istədiyiniz
məlumatı, fotonu, videonu yerləşdirə bilərsiniz və yaxud da başqasının paylaşdığı videonu sizdə
paylaşa bilərsiniz.
Facebook –da necə hesab açmaq olar?
Facebook- da hesab açmaq üçün ilk öncə
https://www.facebook.com/
saytına daxil olursunuz.
Siz bu saytda qeydiyyatdan keçməlisiniz. Bunun üçün səhifədə olan “sign up”(qoşulun) olan
hissəyə gəlməli, orada olan boş sahələri doldurmalısınız. Həmin boş sahələrdə adınızı,
soyadınızı, emailiniz, cinsinizi yazmalı və sonra sign up düyməsini basmalısınız. Qeydiyyatdan
keçdikdən sonra emailinizə təsdiq üçün link göndəriləcək. Siz həmin linkə daxil olmaqla hesabın
sizə aid olduğunu təsdiq edirsiniz. Hesabı təsdiq etdikdən sonra öz profilinzə özünüz haqqınızda
məlumatlar , eyni zamanda dostlar əlavə edə bilərsiniz.
Videonu Ustream-ə necə yükləmək olar?
Ustream-
Sizin komputer arxasında olmağınızdan və ya İPhone və ya Android telefondan
istifadə etməyinizdən asılı olmayaraq sizə videonuzu sosial şəbəkədə yayımlamaq imkanı verir.
Ustream-ə video yükləmək üçün siz öz cihazınızı Ustream-lə əlaqələndirməli və yaxud veb
kamera ilə videonu birbaşa olaraq Ustream interface –ində çəkməlisiniz. Əvvəlcədən çəkilmiş
videonu yükləmək üçün istifadəsi pulsuz olan Producer adlı Ustream proqramı tələb olunur.
Ustream interface-i birbaşa video yükləməni dəstəkləməsə də, həmin videonu Producer
proqramındakı re-record (yenidən çəkmək) komandasından istifadə etməklə yayımlamağa
imkan verir. Bu proses sadədir və canlı video yükləməsinə oxşayır.
Hazır videoların Usteam-ə yüklənməsi:
1.
Ustream.tv saytına daxil olub yeni hesab açın
2.
Hesabınıza daxil olun ustream.tv/producer linkinə keçin və Ustream Producer proqramın
pulsuz versiyasını yükləyin və proqramı açın
3.
Producer proqramına daxil olmaq üçün Ustream adınızı və şifrənizi daxil edin. Kanala
video əlavə etmək üçün ekranın aşağısındakı ustream kanalına klikləyin.
4.
Videonuzu görüntüləmək üçün producer proqramına sürükləyin və record düyməsinə
basın. Video başa çatanda record düyməsinə birdaha basın
5.
Fayla ad verin və vidoenu ustream-ə yükləmək üçün save (yadda saxla) düyməsini basın
Mobil Telefonla çəkiliş aparmaq üçün məsləhətlər:
Video çəkiliş üçün:
1.
çəkiliş zamanı təhlükəsizliyini və riskləri nəzərə alın
2.
Telefonunuzun kamera menyusunda ən yüksək çəkiliş keyfiyyətini seçin və
telefonunuzun yaddaşında kifayət qədər boş yer olub-olmadığını yoxlayın
3.
Çəkilən videoların telefona deyil yaddaş kartında saxlanması rejimini seçin
4.
Videolarınızı qısa-qısa çəkin
5.
Bacardığınız qədər hadisənin konteksini tutun(kim, nə harda, nə vaxt, nə üçün
suallarınızı videonuz cavablandırsın )
6.
Təhlükəsizdirsə hadisəni yaxından çəkin, çünki bu zaman səs və görüntü keyfiyyəti
yüksəlir.
7.
Çəkiliş zamanı kameranı əsdirməyin və hərəkət edən zaman asta olun
8.
Nəyin baş verdiyini öyrənmək üçün şahidlərdən müsahibə götürün, çünki sonra belə
şansınız olmaya bilər.
9.
Əgər mümkündürsə özünüzü çəkin və çəkiliş apardığınız yerdə nəyin baş verdiyini
mümkün qədər ətraflı danışın.
10.
Tarix və vaxtı da danışanda qeyd edin və öz fikrinizi də bildirin
Foto çəkiliş:
1.
Şəkil çəkərkən çalışın ki, çəkdiyiniz subyekt kameranın obyektivinin tam mərkəzində
olsun
2.
Miqyası böyütməyin, gəlin yaxından çəkin
3.
Çalışın ki, çəkdiyiniz şəkilləri telefonda yox, komputerdə daha effektli redaktə edən
proqramlardan istifadə edin
4.
Çəkiliş aparılan yerdə işığın çox olmasını təmin edin
5.
Panorama tipli şəkillər çəkmək üçün telefonun kamerasını panorama tipli rejimə keçirin
6.
Telefonda olan şəkilləri komputerə köçürün, çünki telefonunuz itə, xarab ola bilər
7.
Çəkdiyiniz obyektin günəşlə üzbəüz olmasından yayının, çünki bu zaman düşən kölgələr
şəkli keyfiyyətsiz edə bilər.
Çəkdiyiniz foto və videoları sosial şəbəkələrə yükləyə bilərsiniz. Bunun üçün telefonunuzdan
sosial şəbəkələrdəki hesablarınıza daxil olub, ordakı upload düyməsini basırsınız və sonra
foto və videonu telefonun yaddaşından seçirsiniz və sonra yükləyirsiniz.
Dostları ilə paylaş: |