Microsoft Word Suleyman Rustam -3 cild doc
Yüklə 2,71 Kb. Pdf görüntüsü
|
_____________Milli Kitabxana________________ 27 Gedirlər. Cümşüd bəy, koxanın və strajniklərin köməyi ilə kəndliləri zorla bayıra çıxarırlar. Nəbi odun yanr. N ə b i Yanıram içində alovun, odun, Bəy başı olaydı gərək bu odun! Onu bu baltamla yaraydım belə. T a p d ıq Qara günlərimiz daldadır hələ. Allah da, Quran da onlarınkıdır, Qanun da, divan da onlarınkıdır. N ə b i Belə getməyəcək, görəsən bir gün Bu fəsad ocağı olar sərnigün! V a s i l i Vasili, Vasili, taleyinə bax! Məzlumlar əlinlə edilir dustaq. N ə b i Qazaq, razısanmı bu əməlindən? Ayrılıb yuvandan, doğma elindən Nə üçün gəlmisən bizim dağlara? Sizin yerlər hara, bu yerlər hara?! V a s i l i Məni özünüzə bilməyin düşmən, Qafqaza gəlmədim öz xoşumla mən. Əsgəri xidmətin quluyam ancaq. _____________Milli Kitabxana________________ 28 N ə b i Düşmən deyilsənsə düz söylə, qazaq, Rusiyətdə nə var? V a s i l i (gülümsəyərək) Nə deyim? Nəbi (gülərək) Yenə. V a s i l i Niyə bu sualı verirsən mənə? N ə b i Bilmək istəyirik, orda kəndlilər Xoşbaxt yaşayırmı barı bir qədər? V a s i l i Qardaş, sən nə qoyub, nə axtarırsan? Hər yerdə iğtişaş, hər yerdə üsyan, Alovlu nəğmələr ucalır göyə. N ə b i Görünür hamının istəyi birdir, Bütün məzlumların ürəyi birdir. _____________Milli Kitabxana________________ 29 V a s i l i Çox yaxşı adamsan, duyuram ki, sən... Gözündən görürəm ürəyini mən. N ə b i Zindansız dustağam öz vətənimdə, Ağ gün həsrətilə yaram qan verir. Yanır xanimanlar, çapılır ellər, Əyri kefə baxır, doğru can verir. V ə l i (Daxil olur.) Nəbi, xoş görmüşük, kefin necədir? N ə b i Günəşli gündüzüm zülmət gecədir. V ə l i İndicə rast gəldim yolda bir qıza, Meydan oxuyurdu aya, ulduza. Anam-bacım olsun, göyçəkdi, göyçək, Gözləri badamdı, saçları ipək. O qiz, gözün aydın, səni axtarır. N ə b i Nə dedin, nə dedin?Məni axtarır? Bu an Həcər görünür.Nəbi cəld onu qarşılayır . N ə b i Həcər? Bu gördüyüm yuxudur, nədir? _____________Milli Kitabxana________________ 30 H ə c ə r Yuxu niyə olur? Gözünü sil bir! N ə b i Yox, yuxum çevrilib oldu həqiqət, Sıxdıqca ruhumu bir acı həsrət, Çaldıqca qapını ayrılıq daşı. Axdı ürəyimə gözümün yaşı. Bir daha çevrilməz göz yaşım selə. H ə c ə r Heç məni demirsən, yuxumda belə Nəbi, Nəbi deyib, çəkirəm haray. Sənsiz nə yeməyim, nə içməyim var. Birdir gözlərimdə sonsiz qış, bahar. Sənsiz nə ürəyim, nə üzüm gülməz. Quru bir cəsəddir Nəbisiz Həcər. N ə b i Ürəyi ürəkdən ayıra bilməz Ah, nə bu ayrılıq, nə də ki, xəncər. Nigaranam, Həcərim, çox. Kəndimizdə nə var, no yox? H e c ə r Kənd yenə o kənddir qışda, baharda, Ancaq nə edinı ki, sən yoxsan orda. N ə b i Nə deyim, ay Həcər, nə deyim sonə, Toy xərci gərəkdir, bilirsən, tnənə. _____________Milli Kitabxana________________ 31 H ə c ə r Bilirəm, ay Nəbi, bilirəm... Nəbi Onda Qoy dözək zəhmətə sənin yolunda Həcər, yadındamı, hər baharda biz Birlikdə çıxardıq dağa ikimiz. Baxardıq köpürüb axan sulara, Bu xoş tamaşadan ayrılıb sonra, Yığardıq meşədən biz ətək-ətək Yanağın, dodağın rəngdə çiyələk. O günlər düşəndə yadıma mənim Oynayır yerindən ruhum, bədənim. H ə c ə r Hərdən də çalardın mənimçün tütək... N ə b i Yenə o günlərlə döyünür ürək. H ə c ə r Kəndə qayıdardın qaş qaralanda. N ə b i Yoxsul daxmamızda çıraq yananda. H ə c ə r Mənciyəz anamdan yeyərdim töhmət. N ə b i Yüklə 2,71 Kb. Dostları ilə paylaş:
|