«TƏRCÜMƏŞÜNASLIQ VƏ ONUN MÜASİR DÖVRDƏ ROLU» II Respublika tələbə elmi-praktik konfransı
6
qayıtdıqdan sonra tayfa başçısına “hacılıq” rütbəsi verilir.
Buna görədə kəndi onun
adı ilə Hacıhətəmli adlandırmışlar”.
Başqa bir fikrə görə Hacılılar türkdilli tayfalardır. Əvvəllər Şərqi Anadoluda
yaşayan Hacılılar Qaraqoyunlu dövlətinin (1410-1468) siyasi həyatında yaxından
iştirak etmişlər. Qubalı Fətəli xanın dövründə (1758-1789) Şahsevən Məhəmməd
xanın başçılığı ilə Ərdəbil əyalətindən Quba xanlığına köçüb. Müşkür və Şabran
mahallarında məskunlaşmış səkkiz Azərbaycan tayfası içində Hacılılar da var idi.
Bu kəndin əhalisisnin dilləri Qafqaz dilləri qrupuna daxil olan hapıt və qırız
dilidir. Bunları ləhcə fərqləndirir. Qırız dilində cins kateqoriyası olduğu halda, hapıt
dilində demək olar ki, yoxdur. Hapıt dilinin ləzgi dili ilə oxşarlığı aşkara çıxır.
Azərbaycan dili
Hapıt
dili
Ləzgi dili
Qız Riş
Rış
At Bəlkən Balkan
Çörək Xu
Fu
Su Xəd Yad
Qalacıq kəndi: Dağətəyi ərazidir. Yaşayış məntəqəsi yaxınlığındaki “Qalacıq”
adlı orta əsrlərə məxsus müdafiə istehkamının adı ilə bağlıdır. İstehkam XVIII əsrdə
Şamaxı xanı Mustafa xanın əmisi Qasım xan bərpa etdirdiyi üçün Qasım xan qalası
da adlanır. Qalanın IX-XIV əsrlərə aid olduğu göstərilir. Yerli əhali qalaya səngər
yeri də deyir. Toponimin kökü “qala” sözüdür. “-cıq” şəkilçisi isə Azərbaycan dilində
kiçiltmə mənasını ifadə edir. Toponim “kiçik qala” mənasını verir. Əhalisinin əksə-
riyyəti ləzgilərdir.
Çayqovuşan kəndi: Bu ad hidronim nəticəsində yaranmışdır. İki dağ çayı kən-
din yerləşdiyi yerdə bir-birinə qovuşur. Odur ki, kəndə Çayqovuşan adi verilmişdir.
Çayqovuşan kəndi, kiçik çayların (Zarat, Bığır, Keşməçay və Peşno)
birləşdiyi,
qovuşduğu yerdə salınmışdır. Kəndin ərazisində 20 ev var. Kəndin ətrafı yamyaşıl
dağlarla əhatələnmişdir
CƏLİL MƏMMƏDQULUZADƏ YARADICILIĞINDA
AZƏRBAYCANÇILIQ İDEYALARININ TƏRƏNNÜMÜ
Səkinə ƏKBƏROVA
ADPU-nun filologiya fakultəsinin II kurs 203-cü qrup tələbəsi
Elmi rəhbər: prof. Elman Quliyev.
Böyük demokrat, milli istiqlal mübarizi, bütöv bir məktəb- “Molla Nəsrəddin-
çilər” məktəbini yaratmış Cəlil Məmmədquluzadənin yaradıcılığı mövzu baxımın-
dan zəngin, üslub cəhətdən rəngarəngdir.
Sadəlik, təbiilik və real həyata yaxınlıq onun yaradıcılığının əsas məziyyətidir.
Müəllif öz xalqının həyatını, dünyagörüşünü yaxşı bilmiş və incə müşahidə qabi-
Materiallar
02 may 2009-cu il
7
liyyəti ilə yaradıcılığında Azərbaycan həyatını bütöv halda əks etdirmişdir. Cəlil
Məmmədquluzadə yaradıcılığında Arərbaycan və Azərbaycançılıq ideologiyası qır-
mızı xətlə keçir.
Azərbaycan, onun inkişafı, Azərbaycan vətəndaşının
ictimai taleyi,
vətənin gələcəyi kimi problemlər Mirzə Cəlil yaradıcılığında əsas yer tutur. Cəlil
Məmmədquluzadənin Azərbaycan dərdi ilə yoğrulmayan əsəri yoxdur.
Azərbaycançılıq ideologiyası geniş və daha emosional şəkildə “Anamın kitabı”
pyesində öz əksini tapır. Bu mənada C.Məmmədquluzadənin “Anamın kitabı” mi-
silsiz bədii keyfiyyətə malik olmaqla Azərbaycançılıq ideologiyasının bədii mani-
festi rolunu oynayır. Bizim günlərin milli ideologiyasının əsasını təşkil edən Azər-
baycançılıq faktı “Anamın kitabı”na yenidən və əsaslı şəkildə qayıtmağı zəruri edir.
Mirzə Cəlil bütün əsərlərində Azərbaycançılıq ideyası ilə yaşayan sənətkardır.
“Poçt qutusu”nda Novruzəlinin avamlığına, geriliyinə olan narahatlıq millət yanğı-
sından, Azərbaycançılıq ideologiyasından gəlir. “Usta Zeynal” bu ideyanın gerçək-
ləşməsi arzusundan yaranıb.
“Anamın kitabı” əsəri başdan-ayağa Azərbaycan dərdi ilə yoğrulub.Bu pyesdə
Azərbaycan qüvvələrinin birləşə bilməmək dərdi, oxumuş ziyalılarımızın
Azərbaycan
problmlərinin həllini başqa xalqlarda, özgələrinin müdaxiləsində axtarması öz dər-
dinə biganəliyi, dilinə və ənənələrinə hörmətsizliyi, vətənə və millətə etinadsızlığı
kimi onlarca məsələnin bədii həlli vardır.
Əsərdə qardaşların fəaliyyətində millətçilik, o tay, bu tay Azərbaycanın birləş-
dirilməsi və s. ideyalar axtaran senzor maraqlı bədii tapıntı kimi qiymətlidir. Qar-
daşların
səsli-küylü, əslində boşboğaz fəaliyyətinin səmərəsizliyini ifşa etmək
üçün senzor obrazı çox köməyə gəlir.
“Anamın kitabı” əsərində ana vətənin mənəvi həyatını əsas mövzu seçən, ictimai
qüvvələrin tənasüblüyünü verən ədib eyni zamanda əcnəbi
təsirlərin və bu təsirin
hər birinin mahiyyətini, iç üzünü məharətlə açmış və göstərə bilmişdir.
Əsərdə Gülbahar qardaşlarını müşahidə edib, onların paxrını açan bir obraz olsa
da, Zəhra bəyim isə Azərbaycanın, Vətənin timsalı olub bütövlükdə bu Vətənin
övladlarını birliyə dəvət edən müqəddəslik zirvəsinə yüksəlir. İfşaedici Gülbahar-
dan fərqli olaraq Zəhra bəyim bir ana kimi həlimdir, dərdi daha çox içində çəkəndir.
Oğlanlarını birgəliyə çağırır, ancaq səsi zəif və astadan çıxır.
Sadə xalqın
adi nümayəndəsi Qurban, ən azı, dilə münasibəti, ümumiyyətlə, öz
səmimiliyi ilə daha çox azərbaycanlı təsiri bağışlayır. Bu əsərin sonunda Zəhra
bəyim ananın daim qoltuğunda gəzdirdiyi kitabda səslənən ideyalar qardaşların
mərhum atalarının nəsihəti və bu nəsihətlər qarşısında onların Azərbaycan, Vətən
dərdini anlamaq anı, müəllifin estetik idealının gerçəkləşməsi yolunun başlanğıcı
kimi səslənir.
Qeyd etdiyimiz kimi, Azərbaycan və Azərbaycançılıq Mirzə Cəlil yaradıcılı-
ğının bel sütununu təşkil edir. Bu keyfiyyət ondan irəli gəlir ki, Mirzə Cəlil sənət-
kardan və sənətə məhəbbətdən çox əvvəl sözün böyük mənasında vətəndaşdır.