Vaqif Məmmədov xatirələrdə
2
Tərtibçi və
ön sözün müəllifləri:
Aypara Behbudova
Filologiya üzrə fəlsəfə doktoru,
dosent
Səbuhi Məmmədov
Hüquqşünas
Redaktor:
Səbuhi Məmmədov
VAQİF MƏMMƏDOV XATİRƏLƏRDƏ.
Bakı: “Elm və təhsil”, 2017, 356 səh.
Bu kitab ömrünün 40 ilini Azərbaycan təhsilinə, elminə,
mədəniyyətinə həsr edən tarix üzrə fəlsəfə doktoru, dosent, şair-
publisist Vaqif Məmmədovun keşməkeşli və nailiyyətlərlə zəngin
olan həyatına, elm aləmindəki uğurlu axtarışlarına həsr olunub.
Alim, şair, naşir, pedaqoq, ictimai xadim və ən əsası, İNSAN
Vaqif Məmmədovun həyat və yaradıcılığı xatirələrin,
sənədlərin dili
ilə tam dolğunluqla canlandırılmışdır.
Kitabda Vaqif Məmmədovun həyat və yaradıcılığı haqqında
görkəmli şəxslərin fikirləri, ithaf olunan şeirlər və ömrünün bir çox
anlarını yaşadan fotoşəkillər də verilmişdir.
ISBN 978-9952-8176-2-1
© “Elm və təhsil”, 2017
Vaqif Məmmədov xatirələrdə
3
Aypara Behbudova
Filologiya üzrə fəlsəfə doktoru, dosent
Səbuhi Məmmədov
Hüquqşünas
ÖN SÖZ
Doğurdan da hamımızın sonu axirət olduğu üçün insan
oğlunun dünyada qoyub getdiyi
bir mənəvi miras var ki, o da
insanlıq və yaxşılıqdır. Ulular bunu çox gözəl dərk etdikləri
üçün insanlara nümunə olacaq müdrik kəlamlar söyləmişlər.
Böyük sufi Hacı Bektaş Vəli demişdir ki, mənim üç dostum var:
mən öləndən sonra biri evdə qalar, biri yolda qalar, biri də
mənimlə gedər. Evdə qalan malımdır, yolda qalan yaxınlarımdır,
mənimlə gedən isə mənim yaxşılıqlarımdır.
Yaddaşımızı vərəqləyə-vərəqləyə, Vaqif Məmmədovu tanı-
dığımız illər ərzində onun bu dünyada qoyub getdiyi malının,
mülkünün, dostlarının, qohumlarının, onu sevən insanların çoxu-
nun şahidiyik. Bunların içərisində isə onun bu dünyada qazandı-
ğı ən qiymətli şey insanlara etdiyi xeyirxahlıqlar, yaxşılıqlardır.
Həyatda elə nadir şəxsiyyətlər olur ki, onlar sadəcə yaşamır-
lar, bütün ömürləri boyu şam kimi yanır, insanların ürəklərini,
şüurlarını işıqlandırır, necə yaşamağı,
ülvi əməllər uğrunda necə
mübarizə etməyi, vətən üçün faydalı vətəndaş olmağın yollarını
onlara öyrədir. Belələri insanları həmişə xöşbəxt görmək arzu-
suyla yaşayırlar. Vaqif müəllim də sadəcə olaraq yaşamamışdır,
bütün ömrü boyu şam kimi yanıb, ətafdakıların ürəyini işıqlan-
dırmışdır.
Belə bir ömür yaşayan Vaqif Məmmədovla bağlı xatirə
kitabı tərtib etmək, onun 67 illik ömür tarixini vərəqləmək və bu
illərdə gördüyü uğurlu, sanballı işləri ilə oxucuları tanış etmək
istədikdə, belə qərara gəldik ki, onu yaxından tanıyan, onunla
təmasda olan,
bir yerdə işləyən, dostluq, əməkdaşlıq edən insan-
lara müraciət edək. Fikirləşdik ki, onların dedikləri kitabı daha
Vaqif Məmmədov xatirələrdə
4
rəngarəng, oxunaqlı və maraqlı edər. İlk əvvəl bu insanların
siyahısın tutduq, amma bu siyahı çox geniş oldu, açığı buna
sevindik ki, Vaqif müəllim haqqında söz demək, fikir söyləmək
istəyənlər olduqca coxdur. Həm də xatirə yazan insanlar öz
sahələrində tanınmış alimlər, elm və incəsənət xadimləri, müəl-
limləri, iş yoldaşları, tələbəlik dostları, öz tələbələri və oxucula-
rıdır. Kitabı oxuyan zaman siz də bunun şahidi olacaqsınız ki,
xatirə yazan hər bir müəllifin fikirləri çox orjinal,
məntiqli və
maraqlıdır. Və biz də bu qənaətə gəldik ki, həqiqətən insanı ya-
şadan onun xeyirxah əməlləridir. Gördük ki, Vaqif Məmmədov
özünün xeyirxah, təmənnasız əməlləri ilə ətrafına yüzlərlə,
minlərlə insanları toplayıb. Maraqlıdır, bəs o, bunları necə əldə
edib? Axı, insanların çoxu ömrünün böyük hissəsini özü üçün,
övladları və gələcək nəsli üçün var-dövlət yığmaqa həsr edir. Bir
də ayılır ki,
ömür keçib, bu fani dünyada bir iz qoymayıb. Vaqif
müəllimsə bunların tam əksinə olaraq “Dövlətim, varım” adlı
şeirində də də dediyi kimi, ancaq onun bu dünyada dövləti, varı
şeirləri olub.
Henri Adams demişdir: “Müəllim əbədiyyətə qovuşur, heç
kəs deyə bilməz ki, onun ömrü nə zaman qurtaracaqdır.” Vaqif
Məmmədov bu mənada, uzunömürlü pedaqoq idi, insan psixolo-
giyasının mühəndisi idi. Onun xatirəsi
zaman-zaman nəsildən-
nəslə keçəcək və onu tanıyanların qəlbində həmişə yaşayacaq.
Ona görə ki, özündən sonra sanballı bir irs qoyub getmişdir.
Onun keçdiyi çətin, eyni zamanda, şərəfli yol böyük bir məktəb,
mükəmməl bir nümunədir. Bu yola nəzər salmaq, onu öyrənmək
və davam etdirmək yalnız gənc nəsillər üçün deyil, vətənini,
xalqını sevən hər bir azərbaycanlı üçün böyük şərəfdir.
Vaqif
müəllim həqiqətən, elə bir həyat yolu keçmişdir ki,
onun elmi-bədii yaradıcılığı o qədər genişdir ki, bu həyat yolu
araşdırlmağa, tədqiq edilməyə, öyrənilməyə və örnək göstəril-
məyə layiqdir. Çünki, belə şəxsiyyətlər dünyaya az-az gəlir və
özlərindən sonra isə böyük bir ədəbi irs qoyub gedirlər. Şair
Adil Babayev “Təzədən doğulur şair ölən gün” adlı şeirində
yazdığı kimi: