Vaxt gələr, axtarıb
gəzərlər məni
37
YAŞAYACAQSAN
Mən bu sırada yox idim. Hətta Xeybər müəllim haqqında
kitabın çapa hazırlanmasından da xəbərsizdim. Yəqin bu da
Tanrının bir qismət payıdı, təsadüf elə gətirdi ki, nəşrə hazırlan-
ması bir ilə qədər uzunan kitabın son məqamda “yükünü çiyin-
lərinə götürmək” missiyası mənə həvalə olundu. Və kitab bir
neçə həftə ərzində çapa imzalandı...
Xeybər müəllim mənim doğulub boya-başa çatdığım
Hacıqabul şəhərində ata yurdumla qonşuluqda yaşayıb. Mənim
ADU-nun (indiki BDU-nun) Jurnalistika fakültəsinin tələbəsi
olduğum illər və Azərbaycan jurnalistikasında öz çəkisi, yeri,
nüfuzu olan Hacıqabullu jurnalist Xeybər İgidəliyev! Xeybər
müəllim yaddaşımın o illəri özündə yaşadan qatlarında bu doğ-
malıqda qalıb.
Və bir də qürurli yerişi, özünəməxsus ötkəm
danışıq tərzi, yaradıcılığa təzə gələn gəncliyə yol göstərən,
məsləhətlərini əsirgəməyən, qayğısını çəkən bir qələm əhli,
eloğlum dərəcəsində.
1969-1975-ci illər əyani təhsil aldığım tələbəlik ömrüm,
ondan sonrakı dövrdə isə Bakıda Azərbaycan Dövlət Televiziya
və Radio Verilişləri Komitəsində (indi Azərbaycan Televiziya
və Radio Verilişləri QSC) çalışdığımdan (və ailə qayğılarının
bolluğu içində “boğulduğumdan”) az-az görüşmək imkanında
olardıq.
Ancaq həmişə, hər yerdə Xeybər müəllimlə, onun həm-
yerlisi olmağımla qürurlanmışam.
...Son görüşlərimiz Xeybər müəllimin yataq xəstəsi oldu-
ğu və haqq dünyasına köç etdiyi günlərə düşdü.
***
...İndi, maşaallah, Hacıqabulda qələm əhli, jurnalist yara-
dıcılığı ilə məşğul olanlar çoxdur.
Ancaq bu yazarlar bolluğun-
da mənim həmişə qürur ünvanım olan və tanıdığımdan həmişə
qürurlanacağım “Xeybər İgidəliyev” adı, öz yaradıcılıq üslubu,
dəst-xətti olan “Xeybər İgidəliyev” imzası xüsusi.
XEYBƏR İGİDƏLİYEV
38
***
Bu gün təsəlli yerim bu ki...
“Vaxt gələr, axtarıb taparsız məni...” toplusunda Xeybər
müəllimlə yenidən “görüşdük”, Xeybər İgidəliyev siması yeni-
dən, lap elə o illərdə olduğu dərəcəsində gözlərim önündə ya-
şandı, yenidən “ünsiyyətdə” olduq.
Bir təskinlik yerim də bu ki, Xeybər müəllimin adını, ya-
radıcılığını tarixin yaddaşında əbədiləşdirən bu toplusunda
mənim də söz demək imkanım oldu...
***
Bizlər üçün yadigar qoyduğu əsərlərindən seçmələri azı
on dəfə oxudum, redaktoru olmağımdan qürur duydum. Və
içimdə bu kəlmələr dolaşdı: “Hacıqabulun eynən öz Səməd
Vurğunu varmış”.
Heyf, ay eloğlularım, nə bizlər özümüz, nə də Azərbay-
can Yazıçılar Birliyi şair Xeybəri zamanında
bu yerində görə
bilməmişik.
***
...Şirin xatirətək yaşayacaqsan səni tanıyanların, səni
bilənlərin, səni görənlərin yaddaşında, Xeybər müəllim. Hələ
ölümündən 42 il əvvəl özünün öz misralarında dediyin kimi,
duyan könüllərdə yaşadır yazdığın qoşmalar, qəzəllər səni.
Ayətxan Ziyad,
Azərbaycan Jurnalistlər birliyinin üzvü,
yazıçı-publisist
Vaxt gələr, axtarıb gəzərlər məni
39
I FƏSİL
POEZİYASI
GƏRAYLILAR
XEYBƏR İGİDƏLİYEV
40
AZƏRBAYCAN
Çiçəklənir gündən-günə
Azərbaycan, Azərbaycan!
Adın düşüb dildən-dilə
Azərbaycan, Azərbaycan!
Naxçıvanda duz yatağın,
Abşeronda neft bulağın,
Xalqımızın mərd dayağı
Azərbaycan, Azərbaycan!
Azaddır
qoynunda insan,
Gülür üzünə bu dövran,
Azad könül, azad insan -
Azərbaycan, Azərbaycan!
Yer üzündə yoxdur tayın,
Çiçəklidir yazın, yayın,
Xoş gəlibdir Aprel ayın
Azərbaycan, Azərbaycan!
Sevimlidir gözəl çağın,
Gəzmək üçün var yaylağın,
Hacıkəndin, Qarabağın -
Azərbaycan, Azərbaycan!
Gülür Bakı, gülür Xəzər,
Olmuş adın dildə əzbər,
Şeir qoşur sənə Xeybər
Azərbaycan, Azərbaycan!
17.05.1951
Vaxt gələr, axtarıb gəzərlər məni
41
BİR KİŞİNİN HÜNƏRİLƏ
(Ulu öndərimiz Heydər Əliyevə)
Tanındıqca
Azərbaycan
Bir kişinin hünərilə,
Dünya dönür bizə sarı
Bir kişinin hünərilə.
Odur bizim haqq səsimiz,
Məramımız, məqsədimiz,
Tanrı yolu tutmuşuq biz -
Bir kişinin hünərilə.
Dərdimizi çəkə-çəkə,
Gəzir ərzi ölkə-ölkə,
İnsaflaşdı dünya bəlkə
Bir kişinin hünərilə.
Başı uca, üzü açıq,
Hər bir səddi yaracağıq,
Bu davadan çıxacağıq
Bir kişinin hünərilə.
Göz yaşını,
ay anacan,
Siləcəkdir Azərbaycan.
Güləcəkdir Azərbaycan
Bir kişinin hünərilə.
Mərd xalqı, mərdi ordusu var,
Qoru onu, Pərvərdigar,
Ellərimiz nicat tapar
Bir kişinin hünərilə.
Kim deyir ki, azıq, təkik,
Əlli milyonluq millətik,
XEYBƏR İGİDƏLİYEV
42
Bir gün qalib gələcəyik
Bir kişinin hünərilə.
1997
OXUMA, BACIM, OXUMA
( Xalq artisti Zeynəb Xanlarovaya)
Nəsə deyim sənə, oxu...
Cəbhədədir bu gün çoxu.
Haram qatılıb yuxuma,
Oxuma, bacım, oxuma.
Nəğmən
bir sülh quşu idi,
Qarabağa qonmuş idi.
Tuş oldu düşmən oxuna,
Oxuma, bacım, oxuma.
Artıq qından tiyə çıxıb,
O ellərə yiyə çıxıb
Düşmən azıma, çoxuma.
Oxuma, bacım, oxuma.
Hər gündə bir şəhid gəlir,
Nalələr sinəmi dəlir,
Xəncər sancılır bağrıma.
Oxuma, bacım, oxuma.
Dönər bir gün o istək, meyl,
Qələbə uzaqda deyil,
Ay mahnı bacım, oxuma.
Oxuma, bacım, oxuma.