Microsoft Word xeyb?Rcapa hazir 05. 06. 2014 ancaq m?Tn xeyber igideliyev doc
Yüklə 8,02 Kb. Pdf görüntüsü
|
Vaxt gələr, axtarıb gəzərlər məni 43 BULAQ Bir gözəllə seyrinə mən Gəldim dönə-dönə, bulaq. İnsafdırmı, bundan sonra Qəlb küsə, üz dönə, bulaq. Gör nə etdi o gülyanaq, Dağ üstündən çəkdi min dağ, Gəl sinəmin üstündən ax, Bəlkə odum sönə, bulaq. Ürəyimə salma güman, Yar gözündən içən zaman Öpmə onun dodağından, Qısqanaram sənə, bulaq. İNCİMİŞƏM Bilirsənmi, mən nə üçün? Gülüm, səndən incimişəm. Çox çəkmişəm aşiqinə Zülüm, səndən incimişəm. Üz döndərib tanrı məndən, Gəl sən dönmə barı məndən, Küsdürürsən yarı məndən - Dilim, səndən incimişəm. Köçüb neçə dostum, tayım, Allahdan bu ömür payım, Sona yetir günüm, ayım - İlim, səndən incimişəm. XEYBƏR İGİDƏLİYEV 44 Fürsət düşəndə naşıya, Fərq qoymaz pisə, yaxşıya, Yaxşını qoymur yaşaya - Ölüm, səndən incimişəm. Haçan qaçdım el tərəfə, El məni tutdu hədəfə, Gör dedimmi bircə dəfə, Elim, səndən incimişəm? XİLƏ TOYLARINDA El gələr mübarəkə Xilə toylarında. Kədər, qüssə dağılar Xilə toylarında. Çiçək-çiçək gözəllər, Bəy evini bəzərlər, Kəklik kimi süzərlər - Xilə toylarında. Həsrətlilər qovuşar, Sevinc sevincə qarışar. Aşıqlar da yarışar - Xilə toylarında. Toylar dalbadal olar, Subaylar halbahal olar, Hərdən qalmaqal olar - Xilə toylarında. Vaxt gələr, axtarıb gəzərlər məni 45 Bozbaşı bol, çayı bol, Xələti bol, payı bol, Biraz az iç, ayıq ol - Xilə toylarında. Hər evə səda düşər, Ağızlar dada daşər, Cavanlıq yada düşər - Xilə toylarında. MƏN ÖLƏNDƏ Mən öləndə qəbrim olsun Şahdağın ətəkləri. Üstümdən əsib keçsin Qafqazın sərt küləkləri. Qoy ətirli bənövşələr Sinələrin dağlasınlar. Saç yolaraq üzərimdə Çiçəklər qan ağlasınlar. Matəmimi saxlasın qoy Boz dağın boz təpələri. Gecə-gündüz ağlasın qoy Xəzərin göy ləpələri. BİZİM DAĞLARDA Səfalıdır bahar çağı Bizim dağlarda, dağlarda. Kəkliklərin şən oylağı Bizim dağlarda, dağlarda! XEYBƏR İGİDƏLİYEV 46 Çiçəklidir yamacları, Bitir meyvə ağacları, Ötür qəzəl turacları Bizim dağlarda, dağlarda! Şair könlüm dilə gəlir, Bülbül uçub gülə gəlir, Təbim coşub selə dönür Bizim dağlarda, dağlarda! Ətəyindən gül dərmişəm, Bulağından su içmişəm, Xeybər deyər, çox gəzmişəm Bizim dağlarda, dağlarda! 1950-ci il DÜŞƏRGƏMİZ Quru dəniz sahilində Məskən salıb düşərgəmiz. Yurdumuzun bu yerində Xoşbəxt keçir günlərimiz. Düşərgədən hər gün səhər Səyahətə çıxırıq biz. Uca dağlar zirvəsindən Bu yerlərə baxırıq biz! Nə gözəldir yurdumuzun Gəzmək üçün hər bir yeri. Üzümüzə şən açılıb Bu yerlərin səhərləri. Nə gözəldir ölkəmizin Bu günləri, bu çağları. Vaxt gələr, axtarıb gəzərlər məni 47 Bu yerlərdə yaşayacaq Azərbaycan uşaqları. 1950 GƏLİR Yar bağından bir nazənin Bir dəstə gül üzüb gəlir. Ovçu görmüş maral kimi Sağın-solun süzüb gəlir. Ağ gül kimi rəngi solub, Ala gözü yaşla dolub, Qəm, qüssəyə yoldaş olub - Hər cəfaya dözüb gəlir. Cida düşüb laylasından, Əl çəkməyir sevdasından, Məhəbbətin dəryasından Bir cüt sona üzüb gəlir. Qara qaşlar sünbül kimi, Al yanağı tər gül kimi, Şair Xeybər bülbül kimi Yar bağını gəzib gəlir! 05.06.1954 SƏNİ (mahnı) Gül mövsimi, bahar çağı Sevdim,nazlı gözəl, səni. Dolanarkən yaşıl bağı Sevdim, nazlı gözəl, səni. XEYBƏR İGİDƏLİYEV 48 Gəzdim könül otağını, Aldım güldən sorağını. Görüb nərgiz yanağını Sevdim, nazlı gözəl, səni. Canım qurban yar gözünə, Çünki meylim var gözünə. Aşiq oldum ay üzünə, Sevdim, nazlı gözəl, səni. Dərin dərya kamalını, Gözəllərdən həyalını, Bəyənib gül camalını Sevdim, nazlı gözəl, səni. BAHAR Əriyib dağların qarı, Çöllər girir yaşıl dona. Nəğmə deyir bağda bülbül Budaqlara qona-qona. Gülümsəyir kol dibində Tər yarpaqlı yasəmənlər, “Gəl qoynumda dincəl” deyir Yaşıl düzlər, göy çəmənlər. Bəzənmişdir ana yurdum Gül-çiçəklə başdan-başa. Göydə günəş, yerdə bahar Vətənimlə gülür qoşa. Vaxt gələr, axtarıb gəzərlər məni 49 Söhbətin var hər eldə, Şöhrətinə alqış, bahar! Novruzumun səhərindən Muştuluğa gəlmiş bahar! 15.02.1950 DÜZ DEMİSƏN (şair Əhməd Cəmilə) Deyirlər ki, “az yazırsan, Az-az gəlir səsin sənin. Hər ayda beş-altı misra Nədən olur bəsin səsin”. Sözün də öz ölçüsü var, Qiyməti var yer-göy qədər. Söz var əsrlər yaşayır, Söz də var deyilib hədər. Oxuduqca sizi, mən də, Artdı şeirə həvəs məndə. Yazdıqların, dediklərin Bir günlük, beşgünlük deyil. Guya ürək dəyirmandır Hər nə töksən tez üyüdə? Ürək odur daşdan keçən, Polad donlu söz üyüdə. Mən söz ona deyirəm ki, Bir şirin xoş arzu kimi, Yol tapıb hər qəlbə kimi, Az olsun, qoy yaxşı olsun. XEYBƏR İGİDƏLİYEV 50 Gecə-gündüz yorulmadan Sən yuxuna haram qatıb, Zəhmət çəkib, saç ağardıb, Doğrudan da söz demisən. Əbədidir dediklərin, Nə demisən, düz demisən. 01.12.1950 NİYƏ GEC-GEC GÖRÜNÜRSƏN Söylə görüm, a dilbərim, Niyə gec-gec görünürsən? Soruşmaq ayıb olmasın - Niyə gec-gec görünürsən? Sən ya dürsən, ya incisən, Ürəyimin sevincisən, Bəlkə məndən incimisən - Niyə gec-gec görünürsən? Xəbər aldım yasəməndən, Dedi, gəlib keçdi gendən, Gəl saxlama küsü məndən - Niyə gec-gec görünürsən? Dil də susar dinməzinə, Eşq atəşin sönməzinə, Şair Xeybər dönməzinə - Niyə gec-gec görünürsən? 1960 YALVARA-YALVARA Yüklə 8,02 Kb. Dostları ilə paylaş:
|