Vaxt gələr, axtarıb gəzərlər məni
51
Yar yarın könlünü gərək
Ala yalvara-yalvara.
Qolunu boynuna onun
Sala yalvara-yalvara.
Nə adətdir, qara gözlər
Könül ovlar, min qan eylər,
Bülbül eşqin bəyan eylər
Gülə yalvara-yalvara.
Az qalmışdı toyumuza,
Yar yenə saxladı yaza,
Qalmışam o insafsıza
Hələ yalvara-yalvara.
Xeybər deyər, a növrəstə,
Vəfa gərək sevən kəsdə,
Can verəydim sinən üstə
Xala yalvara-yalvara.
1960
XEYBƏR İGİDƏLİYEV
52
RUS QIZI
Sən gəldiyin o diyara,
Hörmətim var urus qızı.
Bizi qəlbən sevənlərə,
Ülfətim var, urus qızı.
Qulluğunda olasıyam,
Qadanı da alasıyam.
Mən Azəri balasıyam -
Şöhrətim var, urus qızı.
Şərəfinə məclis qurdum,
Sağlığına yüz də vurdum,
Gör nə gözəl elim, yurdum,
Adətim var, urus qızı.
Söz qanandır bizim Fatma,
Gəl yanında çox söz atma,
Qaş oynatma, göz oynatma,
Külfətim var, urus qızı.
BACARMADIM
Mən namərdlər arasında
Baş olmağı bacarmadım.
Namərdlərə, nakəslərə
Xoş olmağı bacarmadım.
Sağı gəzdim, solu gəzdim,
Axtardım düz yolu gəzdim,
Gözü-könlü dolu gəzdim -
Boş olmağı bacarmadım.
Ömrün neçə sərt qışında
Vaxt gələr, axtarıb gəzərlər məni
53
Ağardı lap göz-qaşım da.
Hər məclisdə iş başında
Döş olmağı bacarmadım.
Dönüklərə, paxıllara,
Qurd xislətli yaxınlara,
Dəstələrə, axınlara
Qoşulmağı bacarmadım.
Kimlə kəsim duz-çörəyi,
Gəldi mənə yüz kələyi,
Neyləyim ki, mən ürəyi
Daş olmağı bacarmadım.
GƏNCLİYİN SƏSİ
Bir parlaq Günəş kimi,
Zülmətlərə nur saçır.
Bütün çətinliklərdən
O, zəfərlərlə keçir.
Azadlıqdır, səadətdir,
Onun hər nəğməsi.
Dolaşır yer üzünü
Dalğa-dalğa,
Çarpışlara qalib gəlir
Gəncliyin səsi.
Gəncliyin “sülh” adlı
Şirin-şirin nəğmələri
Yayılaraq ellərə
Dildən-dillərə keçir.
Gəncliyin “günəş” adlı
Qızıl bayrağı
XEYBƏR İGİDƏLİYEV
54
Dalğalanır yer üzündə
Əldən əllərə keçir.
Nə qədər artsa da,
Nə qədər güclənsə də
Yırtıcılar,
Dollar qüvvəsi,
Basılmaz yenə də
Günəşli gəncliyin səsi.
Gəncliyin səsi bu gün
Dalğalanır
Misirdə, Çində.
Gəncliyin səsi
Əldə silahdır bu gün.
Vyetnamda – od içində.
Gəncliyin al şəfəqləri
Yer üzünə yayılacaq!
Gəncliyin gur çağrışıyla
Bütün dünya ayılacaq!
15.06.1954
QURBAN OLUM
Mən də baba oldum, Allah,
Qismətinə qurban olum.
Sağlığımda bəxş etdiyin,
Cənnətinə qurban olum.
Bundan şirin pay olarmı?
Buna kimsə tay olarmı?
Busəsindən doyularmı? -
Ləzzətinə qurban olum.
Mışıl-mışıl yatmağı var,
Vaxt gələr, axtarıb gəzərlər məni
55
Saçlarımdan tutmağı var,
Saqqalımdan dartmağı var -
Ülfətinə qurban olum.
Ay noğulum, ay nabatım,
Qoy bir az dincəlim, yatım.
Məndən sonrakı həyatım,
Xoş bəxtinə qurban olum.
Nə var-dövlət, nə xəzinə
Dəyməz bircə qəhqəhənə.
Sənə gələn gəlsin mənə -
Cənnətinə qurban olum.
Sən gələndə qucağıma
Sevinc dolur otağıma.
Gir lap isti yatağıma -
Cürətinə qurban olum.
Heç kimə çox görmə, Tanrı,
Bu ulduzgöz balaları,
Bəzəsinlər bu diyarı -
Nemətinə qurban olum.
ANA VƏTƏN
Doğmalıqda, şirinlikdə
Yer üzündə tayın yoxdur.
Hansımızın boynunda
Bol-bol haqqı-sayın yoxdur?
Minnətdaram sənə, Vətən!
Ana Vətən, ana Vətən!
Ağ günlərə yollar açdı
XEYBƏR İGİDƏLİYEV
56
Külüngüylə fərhadların.
Səndən əziz canını da
Əsirgəməz övladların.
Min yol yoxla, sına, Vətən!
Ana Vətən, ana Vətən!
Necə yaraşır hüsnünə
Bu şadlıq, toy-düyün sənin.
Sevinc payla yer üzünə -
Bayramındır bu gün sənin,
Qoy başına xına, Vətən!
Ana Vətən, ana Vətən!
05.11.1987
BİLMƏDİ
Ömrümü həsr etdim ona,
Neynim, bilmədi, bilmədi.
Dünya sevincim, fərəhim
Neynim, bilmədi, bilmədi.
Onu xarala qoymadın,
Şaxta, qar ala - qoymadın,
Vaxtsız sarala - qoymadın -
Gülüm bilmədi, bilmədi.
Bu dünya dolu hikmətdi,
Kim sevdi, o kama yetdi.
Məni də o Məcnun etdi -
Leylim bilmədi, bilmədi.
Fələk min top-tüfənf atdı,
O da ayıqları ayıltdı,
Neçə yol gəldi-qayıtdı
Vaxt gələr, axtarıb gəzərlər məni
57
Ölüm, bilmədi, bilmədi.
DEYİLƏM
Gözdə baxmaq adətsə də -
Gözümü yoran deyiləm.
Aqillərdə silah sözdür -
Sözümü yoran deyiləm.
Qəlbin odu yanar üzdə,
Məhəbbət çox yaşar gözdə,
Ov çoxsa da dağda, düzdə -
Tazımı yoran deyiləm.
Lap yüz yaşda, lap yüz sində
Düşmərəm şeir həvəsindən,
Anlamazlar məclisində -
Sazımı yoran deyiləm.
Zər atıram, şeşim durur,
Otuz iki dişim durur,
Qabaqda çox işim durur -
Özümü yoran deyiləm.
ƏZƏL GÜNDƏN
Əzəl gündən var-dövlətə
Nə sən uydun, nə mən uydum.
Könül verdik məhəbbətə -
Nə sən doydun, nə mən doydum.
Dözdük bəzən yana-yana
XEYBƏR İGİDƏLİYEV
58
Bu sevdanın acısına,
Biz çəkəni başqasına -
Nə sən qıydın, nə mən qıydım.
Sənsiz, vallah həyat heçdi,
Tale bizi həmdəm seçdi,
Ömür necə gəldi keçdi -
Nə sən duydun, nə mən duydum.
Getdi o hüsn, o yaraşıq,
Gözümüzdə sönür işıq,
Qocalmışıq, qarımışıq -
Nə sən oydun, nə mən buydum.
SƏN VARSANSA
Xoşbəxlərin xoşbəxtiyəm
Sən varsansa bu dünyada.
Yaşayaram dərdsiz-qəmsiz
Sən varsansa bu dünyada.
Əgər bir gün dara düşsəm,
Ən çıxılmaz tora düşsəm,
Xilas ollam hara düşsəm
Sən varsansa bu dünyada.
Nə güclüymüş məhəbbətin,
Ağlım, qəlbim, sədaqətim
Edər məni qorxmaz, mətin -
Sən varsansa bu dünyada.
Gör nə deyir ürək mənə,
Bata bilməz fələk mənə,
Boran, çovğun, külək mənə...
Dostları ilə paylaş: |