Microsoft Word xeyb?Rcapa hazir 05. 06. 2014 ancaq m?Tn xeyber igideliyev doc
Yüklə 8,02 Kb. Pdf görüntüsü
|
Vaxt gələr, axtarıb gəzərlər məni 103 Yaraşıqlı olub vağzallarımız, Hər gülün, çiçəyin min sığalı var, Gör necə bəzənib Gəncə qatarı, Onda gəlin aparmağın halı var. ...Göz-könül doymayır gözəlliklərdən, Bunları yaradan insan əlidir. Özü “Əhsən” deyib yaratdığına Daim yaşamalı, öyünməlidir. 1997 OLMUŞUQ (bir ziyafətdə deyilmişdir) Ulu Tanrı, günahkarıq qarşında, Biz sənə vəfasız bəndə olmuşuq. Dərgahından üz döndərib çoxları, Onların içində biz də olmuşuq. Qüdrətinlə yeri, göyü yaratdın, Düz yaratdın sən hər nəyi yaratdın, Bizlər üçün niyə meyi yaratdın? - Onunçün zəlili-zəndə olmuşuq. Yüzqramlar dəryasında boğulduq, Gah eybəcər, gah da şikəst doğulduq, Müqəddəsdik, görün nədən yoğrulduq, Mayası tutmayan kündə olmuşuq. Bu “Abu həyat” gör necə bulandı, Qəsdimizə hazır durmuş ilandı, Kim desə ki, “müsalmanam”, yalandı, XEYBƏR İGİDƏLİYEV 104 Hər küfr işin biz önündə olmuşuq. Bu günahı Araz yumaz, Kür yumaz, Bu günahdan danışmaqla qurtarmaz, Ulu tanrı, rəhmi-səbr qıl bir az, Biz sənə vəfasız bəndə olmuşuq. oktyabr 1988 BƏNÖVŞƏ Bir gözəl bəyəndim qızlar içində, Hər görəndə könlüm sızlar içindən. Bir bahar çağında gülzar içindən Mən səni bəyənib üzdüm, bənövşə. Müjdə çiçəyisən baharın, yazın, Məsum görkəmin var, yox işvən, nazın. Mən səni ilk dəfə bir vəfasızın İpək tellərinə düzdüm, bənövşə. O gözəl sinəmə çəksə də min dağ, Sənin tək boynumu bükmədim ancaq. Dedim, bir gen özü peşman olacaq - Hər dərdə mərdanə dözdüm, bənövşə. “İşıq” qəzeti, 16 oktyabr 1965-ci il Vaxt gələr, axtarıb gəzərlər məni 105 İNDİ Ey məni bir zaman bəyənməyən qız, Kimləri yandırıb yaxırsan indi. Kimlərdir sevimli aşinaların, Kimlərlə görüşə çıxırsan indi. Demədimmi, bir gün bu adət səni Gözdən salacaqdır nəhayət səni, Gör nə günə qoydu məhəbbət səni. Hər uzanan əli sıxırsan indi. Təravətdən düşüb camalın, solub, Sığalsız tellərin pərişan olub, Hər məni görəndə peşiman olub Ah çəkib arxamca baxırsan indi. Xeybərin sözünü eşitmədin sən, Artıq kim yeyibdir öz qismətindən. Sənin bu gününü istəyirdim mən - Mən deyən gündəsən axır sən indi. 1959 ETMƏDİNMİ? Düşməmişdim belə dərdə yaşımdan, Nə edim, çıxmayır sevdan başımdan, Bu gün bir oğlanla keçdin qarşımdan. Heç məndən utanıb ar etmədinmi? Mən sənə “Sevgili canan” demişdim, “Gözlərinə canım qurban” demişdim, Danışıb hər sirri pünhan demişdim. Sən yayıb aləmə car etmədinmi? XEYBƏR İGİDƏLİYEV 106 Yüz il də yaşasam həmdəmsiz, yarsız, Mən səni sevmərəm bir daha ay qız, Bu geniş dünyanı, ay etibarsız, Xeybərin başına dar etmədinmi? 1960 GEDƏNDƏ (xalq şairi Səməd Vurğuna) Əliboş dönərmi mahir bir ovçu Şikar bərəsinə oğrun gedəndə. Hansı səyyah yetib mənzilbaşına Yolları pərişan, yorğun gedəndə? Mən ovçu görmədim o insan kimi, Yenə ovlayacaq görəsən kimi? Donursan yerində bir heykəl kimi Arxanca ürəyin, duyğun gedəndə . Ey ana yurdumun söz ustadları, Gəlin axın-axın ellərə sarı. Ceyranlı çölləri, güllü bağları, Sizə tapşırıbdır Vurğun gedəndə. MƏN DƏ Ey könül həmdəmim, könül sirdaşım, Bir söz dedin, yandı bağrımın başı. Məni cavan görüb söyləmə “naşı” - Sən keçən yolları keçmişəm mən də. Hər yanda gördüyüm bu toy, bu büsat İlhama çağırır məni hər saat, Vaxt gələr, axtarıb gəzərlər məni 107 Üzümə dost kimi güldükcə həyat, Ömürdən nəşələr içmişəm mən də. Döndükcə ümmana eşqim, həvəsim, İstərəm yazmağa coşum, tələsim, Dostlar məclisindən gəlməsə səsim Bilin, bu dünyadan köçmüşəm mən də. 30.01.1962 DOST HƏSRƏTİ Ayağına getsəm, görəsən yenə O mənim qarşıma çıxacaqmıdır? Olub-keçənləri unudub tamam Əlimi dost kimi sıxacaqmıdır? Bəlkə günahımı bağışlamadı, Beləmi bitəcək dostluğun sonu. Nə qədər ağırdır yazdığım bu qəm, Yoxsamı əbədi itirdim onu? Onsuz keçən ömrə ömür demərəm, Bir an aram olmaz sinəmdə ürək. Ay dostlar, heç kimə qismət olmasın Həyatda ən əziz dostu itirmək. 02.11.1958 YAZMAQ EŞQİ Könül söz axtarır, könül söz gəzir, Yenə məndən üzü dönmüş ilhamın. Hüsnünə bir kəlmə yaza bilmədim Açılan səhərin, gələn axşamın. Görən yelkənini harda qurubdur, XEYBƏR İGİDƏLİYEV 108 Xəyalım həyana baş alıb mənim, Vərəqlər tər-təmiz durur önümdə, Sinəm yazmamışdan boşalıb mənim. Belə ötməyəcək günlər ömrümdən, Sular tək bihudə axmayacağam, Gələcək günlərin qarşısına mən Şeirsiz, nəğməsiz çıxmayacağam. Coşub çağlayacaq sinəmdə ilham, Qələm də yazacaq könül deyəni, Qolumda qüvvətin, qəlbimdə eşqin Tərənnüm edəcəm, ey Vətən səni. 03.03.1960 GÖRƏNDƏN BƏRİ Ay ellər, tükənib səbri-taqətim O gülə könlümü verəndən bəri. Heç bilmirəm nədir dinclik, rahatlıq Hər gecə yuxuma girəndən bəri. Vəslinə yetməyə çalışan mənəm, Sevən ürəkdirsə, alışan mənəm, Könlümü yandırır bu həsrət, bu qəm Ayrılıq hökmünü sürəndən bəri. Deyirlər, gözdədir sevgi, məhəbbət, Könüldən keçəni göz duyur fəqət, Dəli-divanədir onunçün əlbət Xeybər gözlərini görəndən bəri. 1958 ÜRƏK SÖZLƏRİM Yüklə 8,02 Kb. Dostları ilə paylaş:
|