Vaxt gələr, axtarıb gəzərlər məni
157
Söylə, dəyişilən-dəyişən nədir?
Mən:
İndi öz əlimiz, öz başımızdır.
Öz çörəyimiz, öz bozbaşımızdır.
Süfrəmizdə artıb öz nemətimiz.
Öz rəhbərimiz var, öz dövlətimiz.
Artıb mədrəsəmiz, mollaxanamız.
İxtiyar babamız, qoca anamız
Oxuyur Quranı öz ləhcəsində.
Səhərlər açılır azan səsində.
Uca məscidlərin minarəsindən
Hər gün ibadətə səslənirik biz.
Belə məqamlarda əzizləriniz
Sizə də min rəhmət, dua oxuyur.
Dördüncü mərhum:
Bunların buzə bir faydası yoxdur,
Özünüz üçündür gördükləriniz.
Mən:
Ölkəmizdə savaş gedir nə vaxtdır.
Bu ittihamınız, vallah, nahaqdır.
Ağsaqqal:
Sənə iradım var. Etdiklərimiz
Dəryada damcıdır şəksiz, şübhəsiz.
O qədər güc, imkan sizdə ki vardı,
Dağı dağ üstünə qoymaq olardı.
Bilik çatırdımı biliyinizə,
Qibtə edirdilər birliyinizə.
Ağacı içindən qurd yesə əgər,
O çətin göyərər, çətin bar verər.
Yadlar pəncəsində qalarkən Vətən,
Çoxunuzun şahlıq keçir könlündən.
Yenə bölürsünüz, bölünürsünüz.
XEYBƏR İGİDƏLİYEV
158
Qoyub gəldiyimiz torpaqlar hanı?
Obalar, oylaqlar, ocaqlar hanı?
Əmanət vermişik onları sizə.
Satdınız çox şeyi düşmənimizə.
Mən:
Ayağa qalxmışıq bu gün hamımız,
Alınar, inşallah, intiqamımız.
Ağsaqqal:
Toxunuzdan indi çoxdur acınız,
Artır gündən-günə ehtiyacınız.
Bir çoxunuz çörək tapmır bir qarın.
Beş-on vətənsevən var aranızda,
Onları dinc qoymur bir paranız da.
Mənim sözlərimi sanma zarafat,
“Düşmən” dediyiniz dığalar bir vaxt
Bizim nökərimiz, qulumuz olub,
Əskimiz, silgimiz, qulumuz olub.
Biz zir-zibilimiz bilib keçmişik,
Dolayıb, sarıyıb gülüb keçmişik.
Biz adam saymazdıq o nankorları.
Yaman qudurtdunuz sizsə onları.
Sizin vaxtınızda pullandı onlar,
Kürsüdən-kürsüyə tullandı onlar.
Vəzifə, imarət, maşın, eh nələr...
Elə böyürdülər, elə şişdilər
Axırda dedilər: “Bizik ağası,
Bu yerin, bu yurdun bizik darğası.
İndi nə etməli bu halınıza,
Yanırıq məzarda əhvalınıza.
Ümid İsgəndərə qalıbdır ancaq.
Dirilik suyunu görəsən haçaq
Tapıb gətirəcək o igid bizə.
Bu zülmət içindən qalxaraq sizə
Vaxt gələr, axtarıb gəzərlər məni
159
O zaman köməyə gələ bilərik,
Ya düşmənlər ölər, ya biz ölərik
Beşinci mərhum:
Ağsaqqal, bağışla, kəsdim sözünü.
Çox saymaz aparır bu şəxs özümü.
Verilən təkliflər, mühakimələr,
Sizin dilinizdən çıxan kəlmələr
Təfavüt eləmir ona bir zərrə.
Qoyun cavab versin deyilənlərə.
Bizim qərarımız qətidir, qəti.
Yerlərdən səslər:
Danışsın, qoy bilək nədir niyyəti.
Mən:
Bağışlayın, - dedim, - əziz mərhumlar,
Nə etirazım var, nə iradım var.
Dediyiniz bir çox həqiqətlərə
Layiqiq, əlbəttə, bu töhmətlərə.
Ancaq hökmünüzə düzəlişim var,
Hələ bilmək olmaz kimdir günahkar.
Ədalətlə baxın bu işə bir az,
Ölüm işlərində tələsmək olmaz.
Ağsaqqal:
Bizə öyüd vermə, de son sözünü,
Günahkar bilmirsən yoxsa özünü?!
Mən:
Verdiyiniz qərar, məncə, çox sərtdir.
Yerlərdən səslər:
Gəlin imkan verək, qoy sübut etsin.
Mən:
Qulaq asın deyim, hamı eşitsin.
XEYBƏR İGİDƏLİYEV
160
Diri olubsunuz siz də bir zaman,
Olub əlinizdə hər cürə imkan.
Vəzifəniz olub, pulunuz olub,
Çoxlu nökəriniz, qulunuz olub.
Bir fərmanınızdan, bir əmrinizdən
Yerlər də, göylər də titrəyib bəzən.
Qalalar, şəhərlər saldırıbsınız,
Bu Vətəni ərşə qaldırıbsınız.
Qoyub getmisiniz çox yadigarlar,
Məgər saymaq ilə qurtarmaq olar?
Ey aqil babalar, əziz babalar,
Siz də düşmənə çox inanıbsınız.
Yenə də talayıb var-yoxumuzu
Qırıblar, asıblar bir çoxunuzu.
Yenə də inanıb göz yaşlarına
Çəkibsiz düşməni ocaq başına.
Yanınızda rahat yer veribsiniz.
İnanıb demisiz, sirr veribsiniz.
Elə ki güclənib, artıb qüvvəti,
Düşmən evinizi yıxıb xəlvəti.
Ay müdrik babalar, avam babalar,
Zaman tez-tez edir tarixi təkrar.
Bugünkü düşmən də köhnə düşməndir.
Desəm, tanış gələr fitnəsi, fəndi.
Bizə sizdən keçib bu sadəlövhlük,
Azımız mərd olub, çoxumuz dönük.
Bəzən bir əliniz yaradıb, qurub,
O biri əliniz vurub uçurub.
Bunları tarixin yaddaşı deyir,
Vətənin torpağı, hər daşı deyir.
Danışımmı yenə, bəlkə də bəsdir.
Bu giley-güzarlar, bəlkə əbəsdir.
Günah axtarırıq bir-birimizdə,
Günahkarıq elə hər ikimiz də.
Vaxt gələr, axtarıb gəzərlər məni
161
Biz dərs almalıyıq səhvlərimizdən,
Bu gün bizi buna çağırır Vətən.
Ağsaqqal:
Bir çox mətləblərə toxundunuz siz,
Sözünüzdə həqiqət var, şübhəsiz.
Deyilənlər acı olsa da bir az,
Düz sözdən aqillər rəncidə qalmaz.
Mərhumlar bununçün əfv edir səni.
Unutma, onların dediklərini.
Bizdən salam apar, de ki, mərhumlar
Bəzinizdən ötrü çox darıxırlar.
Varsa aranızda əgər fərsizlər,
Kim ki ömrü-günü keçirir hədər,
El üçün, xalq üçün görmürsə bir iş,
Üstünə Əzrayıl göndərilməmiş
Gəlib bizə yoldaş olsa yaxşıdır.
Bir ovuc torpaq, daş olsa yaxşıdır.
Bunu da söylə ki sağlar, dirilər
Biz edən səhvləri eyləməsinlər.
***
...Bu dəm elə vurdu saatın zəngi.
O da ölüm hökmü almışdı sanki.
Ayılıb gördüm ki, öz evimdəyəm.
Başdan ayağacan tər içindəyəm.
O vaxtdan keçsə də həftələr, günlər,
Fikrimdən çıxmayır heç o “sakinlər”. 1991
KÜR
Çöllər sənə vurğun düşər,
El-obaya sorğun düşər,
Ay dolanar, yorğun düşər -
Yatar sənin sularında.
XEYBƏR İGİDƏLİYEV
162
Sənsiz qəlbim buza dönər,
Çöllərimə zülmət enər,
Göydə ulduz yanar, sönər -
Batar sənin sularında.
Nurmu ələnib suyuna,
Qağayı istər yuyuna.
Çinarlar boyun-boyuna
Çatar sənin sularında.
Sahillərin geyər atlaz,
Seçilməyir burada qış, yaz,
Sevənlər bir-birinə naz
Satar sənin sularında.
MƏHƏBBƏT DÖYÜŞƏ APARDI SİZİ
(Böyük Vətən Müharibəsi iştirakçılarına)
Nə zərli paqonlar, ordenlər eşqi,
Nə şöhrət döyüşə apardı Sizi.
Vətənin başının üstünü alan
Fəlakət döyüşə apardı Sizi.
Yanğınlar, alovlar yüksəlcək göyə,
Vətən haray çəkdi intiqam deyə.
Düşmənlə gəlməkçün süngü-süngüyə
Rəşadət döyüşə apardı Sizi.
Dörd qara qış keçdi, dörd qara bahar,
Geri qayıtmadı neçə oğullar,
Dediniz, əyilməz məğrur olanlar –
Bu qeyrət döyüşə apardı Sizi.
Orden-medalları, deyirəm yalnız
Bayramdan-bayrama taxmayasınız.
Dostları ilə paylaş: |