Microsoft Word xeyb?Rcapa hazir 05. 06. 2014 ancaq m?Tn xeyber igideliyev doc
Yüklə 8,02 Kb. Pdf görüntüsü
|
Vaxt gələr, axtarıb gəzərlər məni 229 oxu vərdişlərinə, müstəqil düşünmə, məsələ və misalları sərbəst həll etmək qabiliyyətinə malikdirlər. Məktəbin fənn müəllim- ləri Səfiyyə müəllimdən razıdırlar. Onun yuxarı sinifə keçirdiyi şagirdləri bilikli və intizamlı olurlar. Otuz bir şagirddən yalnız beş nəfər şagird “3” qiymət almışdır. İbtidai sinif müəllimlərindən Lidya Nikifirovanın da iş üsulu təqdirəlayiqdir. Onun dərs dediyi III “B” sinfində birinci rübdə 90 faiz mənimsəmə olmuşdur. Şagirdlərdən iyirmi nəfəri “4-5” qiymətlərlə oxuyur. Adlarını çəkdiyimiz müəllim- lərin qabaqcıllığını təmin edən amillərdən biri də onların valideynlərlə sıx əlaqə yaratmalarıdır. Valideynlərin köməyin- dən istifadə etmədən şagirdlərin fərdi keyfiyyətlərini artırmaq, onların təfəkkürünü, bacarıq və qabiliyyətlərini inkişaf etdir- mək, dərslərdə fəallığa nail olmaq mümkün deyildir. Məktəbin kollektivi şagirdlərin kommunist tərbiyəsinə pedaqoji işin mühüm və ayrılmaz sahəsi kimi baxır. Gənc nəsildə yüksək mənəvi keyfiyyətlər aşılamaq üçün məktəbdə tez-tez maraqlı tədbirlər keçirilir. Ədəbi gecələr, toplanışlar, səhərciklər keçirmək, bayramlar, tarixi günlər şərəfinə şənliklər təşkil etmək burada ənənə halını almışdır. Sinifdənxaric tədbir- lərin keçirilməsində müəllimlərdən D.Əliyev və M.Cəbrayılov daha çox fərqlənirlər. Məktəbdə əyani təşviqat işi də çox yaxşı təşkil edilmişdir. Qəhrəman pionerlərin divarlar boyu asılmış portretləri şagirdlərdə vətənpərvərlik hissi oyadır. Məktəblərin iştirakı ilə burada “Böyük satirik”, “Vyetnam qalib gələcəkdir” sərgiləri tərtib edilmişdir. Pedaqoji kollektivin fəaliyyətində nöqsanlar da vardır. Məktəbdə ikiilliksiz işləmək hərəkatına heç də bütün müəl- limlər qoşulmamışlar. Birinci rübdə məktəb üzrə 81 nəfər şagird qeyri-müvəffəq qiymət almışdır. Müəllimlərin bəziləri belə mühakimə yürüdürlər ki, hələ qarşıda üç rüb vardır. Nöq- sanları dərs ilinin sonuna kimi aradan qaldırmaq olar. Bu, yan- lış üsuldur. Müvəffəqiyyət uğrunda sentyabrın birinci günün- XEYBƏR İGİDƏLİYEV 230 dən mübarizə aparmaq lazımdır. Məktəbdə komsomol və pio- ner təşkilatlarının fəaliyyəti zəifdir. Yeri gəlmişkən qeyd etmək lazımdır ki, 13 nömrəli səkkizillik məktəbdə ikiilliksiz işləmək, təlim-tərbiyə işlərini günün tələbləri səviyyəsində qurmaq üçün hər cür şərait vardır. Burada dərslər bir növbədə keçirilir. Günü uzadılmış 10 qrup təşkil edilmişdir. Məktəbin geniş klubu, kifayət qədər sinif otağı vardır. Pedaqoji kollektiv bu imkanlardan səmərəli istifa- də etməli, dərs ilini bu il də müvəffəqiyyətlə başa vurmalıdır. “İşıq” qəzeti UŞAQ KİTABXANASINDA Kitab hamının dostudur. Xüsusilə uşaqların. Dünyanın keçmişini, bugününü və gələcəyini başa düşməkdə, öyrənməkdə, həyat hadisələrinin mahiyyətini dərindən bilməkdə kitab uşaqlar üçün misilsiz bilik, məlumat xəzinəsidir. Kitab həm də tərbiyə edir, uşaq qəlbini mənəvi gözəlliklərlə zənginləşdirir. Kitabı uşaqlara sevdirmək lazımdır. Ailədə, məktəbdə, kitabxanalarda böyük mənəvi sərvətimizlə ümidimiz, gələcəyimiz olan yeniyetmələr arasında möhkəm ünsiyyət yaratmaq hamının borcudur. Bu sahədə Şəhər Mərkəzi Uşaq Kitabxanası müəyyən iş görmüşdür. Kitabxananın çox kiçik qiraət otağının divarları rəngarəng sərgilərin arxasında qalmışdı. Divarlarda boş yer yox idi. Sərgilər müxtəlif illərə, tarixi hadisələrə, əmək adamlarına, böyük partiya və dövlət xadimlərinə həsr edilmişdir. “Ataların yolu ilə”, “V.İ.Leninin həyat və fəaliyyəti”, “Respublikamız 50 ildə” sərgiləri buraya gələnlərin diqqətini cəlb edir. Böyük rəhbərimizin uşaqlıq və gənclik, alovlu inqilab illərindən bəhs edən müxtəlif şəkillər xüsusilə maraqlıdır. Kitabxananın müdiri X.Babayevadan kitabxanada aparılan mədəni-kütləvi işlər barədə danışmasını xahiş etdik. O dedi: – Sözümün əvvəlində onu deyim ki, məzuniyyətdən təzə qayıtmışam. Vaxt gələr, axtarıb gəzərlər məni 231 Kitablardan, kiçik dostlarımdan ayrı düşdüyüm üçün darıxmışdım. Fondumuz da, oxucularımız da ildən-ilə artır. Hazırda rəflərimizdə 14 mindən çox siyasi, bədii, elmi-kütləvi ədəbiyyat vardır. Təkcə bu il 500-ə yaxın yeni kitab almışıq. Yanvardan bu günə kimi kitabxanamıza xeyli məktəbli yeni üzv yazılmışdır. İliç adına DRES, şəhər birləşmiş uşaq bağçalarının tərbiyəçiləri ilə daim əlaqə saxlayır, vaxtaşırı qiraət, yeni kitablarla tanışlıq günləri keçiririk. – Hansı kitablarınız son vaxtlarda daha çox oxunur? – “Qorxulu nağıllar”, “Lenin poeması”, “Doğma və əziz insan”, “Leninqrad göylərində”, “Kosmosa yol”, M.Qorkinin heka- yələri, E.Ağayevin “Şiş papaq”, Ə.Babayevanın “Süsən, Sünbül”, Y.Vereysakayanın “Ağ kürk” və s. kitabları rəflərimizdə çox qalmır. Oxucularımız tərəfindən sevilə-sevilə oxunur. Kitabxananın işində nöqsanlar az deyil. Onun geniş qiraət zalına ehtiyacı vardır. Kitabxana üzvlərinin heç olmasa onda bir faizinin iştirakı ilə müəyyən bir tədbir keçirmək üçün şərait yoxdur. Burada kitabı sevməyə, təmiz saxlamağa, oxuyub dərhal qaytar- mağa çağıran yazılara, kitab haqqında görkəmli adamların sözlərinə rast gəlmədik. Rəflərdə səliqəsizlik vardır. Kitabxananın işi ilə tanış olduğumuz vaxt ərzində buraya bir nəfər belə oxucu ayağı dəy- mədi. İçəridə darıxdırıcı bir sakitlik hakim idi. Rəfləri bir-bir nəzər- dən keçirdikcə hələ nə qədər kitabın qatının açılmadığının şahidi olduq. Ümumiyyətlə burada kitab dövriyyəsi aşağıdır. Bir qədər də kitabxananın işçiləri barədə. X.Babayeva bildirdi ki, o, A.Zeynallı adına musiqi məktəbinin muğamat bölməsini bitirib, özü də həvəsini kitablara bağlayıb, 17 illik təcrübəsi var. Açığını deyim ki, uzun müddət bu sahədə çalış- dığına baxmayaraq kitabxana müdiri ilə apardığım söhbətdən o qədər də razı qalmadım. Kitabxanaçı isə orta təhsillidir. Kitabxanada “Oxucunun arzusu” adlı divar qəzeti bura- xılır. Qəzet məzmunlu və maraqlı çıxmır. Onun axırıncı nömrə- sində heç kimin imzası gözə dəymirdi. Kitabxana işçisi isə mən- bələrini yayanlardandır. Onun işi şərəfli hörmətə layiqdir. An- layış zövqü, dünyagörüşü çox olan oxucularla daim təmasda olan XEYBƏR İGİDƏLİYEV 232 kitabxanaçı çox mütaliə etməli, öyrənməli, kitabxanaya gələnlə- rin mehriban məsləhətçisi olmalı, rəflərdə yatıb qalan kitablar- dakı biliklərin beyinlərə nur paylamasına səy göstərməlidir... “İşıq” qəzeti, 1 noyabr 1970-ci il BAŞDANSOVDU KEÇƏN MƏŞĞƏLƏLƏR 13 nömrəli səkkizillik məktəbə günün hansı vaxtında gəlsəniz geniş həyətdə 10-15 nəfər şagirdin tər-su içində top- top oynadığını görərsiniz. İstər səhər tezdən gəlin, yaxud axşam qaş qaralanda. Meydançanı boş görməyəcəksiniz. Rezini pak- rışkasından partlayıb çıxmış, saysız-hesabsız zərbələrdən əs- kiyə dönmüş topa bir neçə şagirdin necə şığıdığının şahidi olacaqsınız. Elə bilirsiniz ki, bu, məktəbin futbol komandasıdır məşq edir, məktəb birinciliyinə hazırlaşır, xeyr. Belə olsaydı nə vardı ki... Məktəbin həyətində saatlarla vaxt itirən bu uşaqlar günü uzadılmış qrupların şagirdləridir. Onlar dərsdən çıxdıqdan az vaxt sonra yenə məktəbə qayıdır, qrup rəhbərlərinin – müəl- limlərin nəzarəti altında növbəti dərs gününün tapşırıqlarına hazırlaşırlar. Günü uzadılmış qrupa gələnlər ev tapşırıqlarını yerinə yetirməklə yanaşı, həm də mədəni istirahət etməli, əylənməli, ictimai faydalı işlərlə məşğul olmalıdırlar. Lakin 13 nömrəli məktəbin günü uzadılmış qruplarında təlim-tərbiyə işləri bizim düşündüyümüz kimi qurulmamışdır. Dərs ilinin başlanmasından üç aya yaxın vaxt keçməsinə baxmayaraq, bu- radakı qrup rəhbərləri təlim-tərbiyəni istənilən səviyyəyə qal- dıra bilməmişlər. Onların bəziləri hələ bu günə kimi nədən baş- lamalı, işi necə planlaşdırmağı belə öyrənə bilməmişdir. Budur, qrup rəhbəri Xumar Məmmədova ilə söhbət edirik. Tədris hissə üzrə direktor müavini Calal Məmmədov da yanımızdadır. Yüklə 8,02 Kb. Dostları ilə paylaş:
|