Microsoft Word xeyb?Rcapa hazir 05. 06. 2014 ancaq m?Tn xeyber igideliyev doc
Yüklə 8,02 Kb. Pdf görüntüsü
|
Vaxt gələr, axtarıb gəzərlər məni 249 ŞAMİLİN ŞİKAYƏTİ, XUDANIN KƏRAMƏTİ Hörmətli redaksiya! Əlaqədar təşkilatlardan əlim üzül- dükdən sonra çarəsiz qalıb sizə müraciət edirəm. Hazırda yaşadığımız bina iki ildən çoxdur ki, dammaqdadır. Göyün üzü tutulan kimi evimizdə böyükdən-kiçiyə kimi hamının qanı qaralır. Çöldə yağış ara verəndən xeyli sonra belə bizim otaq- ların döşəməsinə dəyən damcıların səsi kəsilmir. Evimizin təmirə ehtiyacı olduğu barədə İliç adına Dres-in rəhbərlərinə, kommunal-mənzil şöbəsinin müdiri Xuda Babayevə dəfələrlə müraciət etmişəm. Lakin onlar məni hər dəfə boş vədlərlə yola salmışlar. Şamil Əkbərov, Energetiklər qəsəbəsi, A.Əhmədov küçəsi, bina 36, mənzil 22. Şamilin məktubunu aldıqdan bir-iki saat sonra təsadüfən redaksiyanın qarşısından keçən İliç adına DRES-in kommunal- mənzil şöbəsinin müdiri Xuda Babayev ilə qarşılaşdıq. Onu redaksiyaya dəvət edib Ş.Əkbərovun məktubu ilə tanış etdik. X.Babayevlə aramızda aşağıdakı söhbət oldu. – Məktubda yazılanlar barədə nə deyə bilərsiniz? – Tamamilə düzgün yazılmışdır. Ş,Əkbərovun yaşadığı binadan çoxdandır ki, damır. Əsaslı təmir edilməlidir. – Bəs nə üçün başlamırsınız? – Açığını deyim ki, bu, həm mənim, həm də məndən bö- yük yoldaşların səhlənkarlığı ucundandır. Bina haqqında dəfə- lərlə nəzərlərinə çatdırmışam. Onlar sərəncam verməsələr, mən nə edə bilərəm. Bir də gəlin belə danışaq, siz məktubu qəzetdə buraxmayın. Mən az vaxta kimi bu məsələni həll edərəm. – Neynək, Ağa durub, Ağacan durub. Baxarıq Xudanın kəramətinə. ...Az vaxtdan sonra Ş.Əkbərovun mənzilinə getdik. Onun yaşadığı bina Energetiklər qəsəbəsində salınan ilk binalardan- XEYBƏR İGİDƏLİYEV 250 dır. Binanın həyəti yaşıllığa qərq olmuşdur. Söyüd, küknar, çinar ağacları baş-başa vermiş, üzüm meynələri lap yuxarı mərtəbəyə qədər qol-budaq açmışdır. Binanın 2-ci dəhlizindən içəri daxil oluruq. Qəsəbənin kommunal-mənzil işçilərindən X.Babayev və R.Axundova da bizimlədir. Onların diqqətini pilləkənlərin, divarların, çərçivəsi yerindən qopmuş, şüşələri sınmış pəncərələrin natəmizliyinə, səliqəsizliyinə cəlb edirik. – Qəsəbənizdə təmizlik günləri, iməcilik, yaşıllığa baxış keçirirsinizmi? – Keçiririk, ancaq... Nəhayət üstünə 22 rəqəmi yazılmış qapını döyürük. Evin sahibəsinə redaksiyadan gəldiyimizi bildiririk. O, bizi mehriban qarşılayıb içəri dəvət edir. Uşaqlar oyuncaqlarından ayrılıb təəccüblə bizə baxırlar. Onlardan böyüyü: “Əmi, bax, oladan tökülür” deyə barmağı ilə tavanı göstərir. Yağış üç otaqdan ikisinin tavanını korlamışdır. Suvaqlar uçub tökülmüşdür. Tavandan süzülən damcılar döşəmənin rən- gini aparmışdır. İçəridən rütubət qoxusu gəlir. Yağışlı günlərdə bu ailənin nələr çəkdiyini təsəvvür etmək çətin deyildir. Biz qonşu mənzillərdə yaşayanlarla da söhbət etdik. Müəllim A.Əliyevin, sürücü Süleyman Həsənovun da yaşa- dıqları mənzillərdən damır. – Yoldaş Babayev, axı siz söz vermişdiniz ki, yaxın günlərdə binanın təmirinə başlayacaqsınız? Kimi gözləyirsiniz? – Axı, mən kiməm, nə ixtiyarat sahibiyəm? İşçi qüvvəsi, material verməsələr, mən bir daşı daş üstünə qoya bilmərəm. Gedin rəisimlə danışın. Mən onun nəzərinə çatdırmaqdan yo- rulmuşam. Bəli, iki ildir ki, Ş.Əkbərov X.Babayevə şikayət edir, o isə bu şikayəti rəisinin nəzərinə çatdırır. Mənzillərdən süzülən damcılar isə ara vermir. “İşıq” qəzeti, 15 iyun 1967-ci il Vaxt gələr, axtarıb gəzərlər məni 251 YAŞILLIQ QAYĞI SEVİR (Bizim yaz reydimiz) “Gözəllik ondur, doqquzu dondur” hikməti bizim özü- müzə aid olduğu kimi, qoynunda yaşayıb-yaratdığımız şəhər- lərə də aiddir. Özümüz gözəlliyin bu şərtlərinə əməl etdiyimiz kimi həyətyanı sahəmizi, küçələrimizi və yollarımızı, işlədi- yimiz yerləri də unutmamalıyıq. Onların da “donunu” tez-tez təzələməli, gülə-çiçəyə qərq etməliyik. Qazıməmməd şəhərinin sakinləri son illərdə şəhərin abadlaşdırılmasına və yaşıllaşdırılmasına diqqəti artırmışlar. Bir çox küçələr və məhəllələr öz görkəmini dəyişmişdir. Yeni neon lampaları, qaz və yaşıllıq şəhərin gözəlliyini, onun sakin- lərinin fərəhini daha da artırır. Baharın gəlişi burada özünü hiss etdirir. Evlər, hasarlar ağardılır, bağlar, həyətyanı sahələr sah- mana salınır. Hamı əlində bel həyətə, küçəyə çıxır. Arxlar çə- kilir, ağacların dibi yumşaldılır. Şəhərin ictimaiyyəti yaşıllıq və gözəllik fəslini bu il daha işgüzarlıqla qarşılamışdır. Buradakı idarə və müəssisələrdə demək olar ki, hər gün təmizlik və abadlıq işləri aparılır. Bizim yolumuz əvvəlcə Hacıqabul Lokomotiv Briqadalarını Dəyiş- dirmə Məntəqəsinə düşdü. Məntəqənin parkında çoxlu adam işləyirdi. Dəmiryolçular müəyyən edilmiş plana əsasən bu il 200 ağac və 5 min gül kolu əkməlidirlər. Bunun üçün məntə- qənin rəhbərləri bütün kollektivin qüvvəsini səfərbərliyə al- mışlar. Tez-tez iməcilik keçirilir. Məntəqənin ətrafındakı ağac- ların dibi yumşaldılmış, alağı təmizlənmişdir. Biz məntəqənin rəisi Ə.Sadayevdən Əlibayramlı Şəhər XDS İcraiyyə Komi- təsinin 14 dekabr 1966-cı il tarixli qərarına necə əməl etdikləri haqqında danışmalarını xahiş etdik. – Son iki ildə məntəqəmizin ətrafında xeyli ağac əkmişik. Gördüyünüz bu park son vaxtlarda salınmışdır. Fəhlələr yayın bürkülü günlərində boş vaxtlarını burada keçirirlər. Parka bir neçə skamya qoyulmuşdur. Havalar istiləşəndən sonra qırmızı XEYBƏR İGİDƏLİYEV 252 guşəmiz otaqdan parka köçəcək. Burada maraqlı oyunlar, söh- bətlər keçiriləcəkdir. Biz müəyyən edilmiş ağac əkini planını yerinə yetirmişik. – Yoldaş Sadayev, sizin kollektiv şəhərin hansı küçəsini hamiliyə götürmüşdür? – ......? Bizim həmin sualımıza vaqon sexinin rəisi İ.Astafurov yoldaş da sükutla cavab verdi. Sexin işçiləri kiçik bir əraziyə qulluq etməklə işlərini bitmiş hesab edirlər. Ümumşəhər imə- ciliklərinə çıxmırlar. 6 nömrəli Rabitə və işarəvermə distansiyasının işçiləri idarə binasının ətrafındakı sahəni hələ bir neçə ay bundan qabaq başdan-başa şumlaşmışlar. İndi buraya meyvə və bəzək ağacları əkilir. Binanın qarşısında iri hovuz düzəldilmiş, ətra- fına çoxlu ağac basdırılmışdır. Distansiyanın rəisi P.Dəmirov yoldaş bizə dedi: – Eşitdiyimə görə bizim idarənin ətrafında vaxtı ilə yaxşı bağ varmış. Lakin baxımsızlıq üzündən ağaclar tələf olmuşdur. İndi biz çalışırıq ki, buranın əvvəlki mənzə- rəsini bərpa edək. Hələlik 150-yə yaxın ağac və gül tingləri basdırmışıq. Demək olar ki, hər həftə iməcilik keçiririk. Bizim müəssisə şəhərin mərkəzində yerləşir. Bura təmiz və səliqəli olmalıdır. Hacıqabul Dəmiryol Stansiyasının ətrafı yaz gələndə daha gözəl olur. Perron boyu əkilmiş güllər-çiçəklər göz oxşayır. Bu il stansiya işçiləri yaşıllaşdırmaya diqqəti daha da artırmışlar. Ağacların dibi vaxtında yumşaldılmış, qol-budaq- ları daranmış, çoxlu yeni bəzək və meyvə tingləri əkilmişdir. Stansiyanın ətrafının yaşıllaşdırılmasında Həsən Qurbanovun əməyi çoxdur. O, bir neçə ildir bağbanlıq edir. Yazın nəfəsi duyulan gündən Həsən kişinin əlindən bel düşmür. Qayğıkeş bağban bu günə kimi 100-dən çox ağac əkmişdir. Stansiyanın ilk partiya təşkilatı katibi Ş.İbadov bildirdi ki, yaşıllıq və abadlıq işlərini heç vaxt unutmuruq, stansiyamızın təmiz və səliqəli olmağına çalışırıq. Yüklə 8,02 Kb. Dostları ilə paylaş:
|