Microsoft Word Xususi indikatorlar mmx
Yüklə 85,87 Kb. Pdf görüntüsü
|
| «Təsdiq edilmişdir» Azərbaycan Respublikasının Mərkəzi Bankı yanında Maliyyə Monitorinqi Xidməti Əmr № 008/a-MMX «25» «fevral» 2010-cu il
PUL VƏSAİTLƏRİNİN VƏ YA DİGƏR ƏMLAKIN CİNAYƏT YOLU İLƏ ƏLDƏ EDİLMƏSİ VƏ YA TERRORÇULUĞUN MALİYYƏLƏŞDİRİLMƏSİ İLƏ BAĞLI OLMASINA ŞÜBHƏ VƏ YA BELƏ ŞÜBHƏ ÜÇÜN KİFAYƏT QƏDƏR ƏSASLAR YARADAN HALLARIN AŞKARLANMASI MEYARLARI (XÜSUSİ İNDİKATORLAR)
ÜMUMİ MÜDDƏALAR
1. «Pul vəsaitlərinin və ya digər əmlakın cinayət yolu ilə əldə edilməsi və ya terrorçuluğun maliyyələşdirilməsi ilə bağlı olmasına şübhə və ya belə şübhə üçün kifayət qədər əsaslar yaradan halların aşkarlanması meyarları» (bundan sonra – xüsusi indikatorlar) Azərbaycan Respublikası Prezidentinin 2009-cu il 16 iyul tarixli 122 nömrəli Fərmanı ilə təsdiq edilmiş «Azərbaycan Respublikasının Mərkəzi Bankı yanında Maliyyə Monitorinqi Xidməti haqqında Əsasnamə»nin 10.3-cü bəndinə əsasən hazırlanmışdır. 2. Xüsusi indikatorlar monitorinq iştirakçıları və monitorinqdə iştirak edən digər şəxslər (bundan sonra – monitorinq subyektləri) tərəfindən pul vəsaitlərinin və ya digər əmlakın cinayət yolu ilə əldə edilməsi və ya terrorçuluğun maliyyələşdirilməsi ilə bağlı olmasına şübhə və ya belə şübhə üçün kifayət qədər əsas yaradan halların aşkar edilməsi üzrə minimum meyarları müəyyən edir. 3. Xüsusi indikatorlar məhdudlaşdırıcı xarakterli olmamaqla cinayət yolu ilə əldə edilmiş pul vəsaitləri və ya digər əmlakla əməliyyatların, terrorçuluğun maliyyələşdirilməsinin, habelə bu cür əməliyyatların aparılmasına cəhdlərin müəyyən edilməsi və qarşısının alınması məqsədini daşıyır.
Bu sənəddə nəzərdə tutulmuş meyarlar hər hansı bir əməliyyatda formal cəhətdən mövcud olsa da, lakin əməliyyat və müştərinin fəaliyyəti cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsi ilə bağlı olmasına şübhə yaratmırsa, monitorinq subyektləri tərəfindən «müştərini tanı» prinsipinə riayət olunmaqla əməliyyat daha ətraflı araşdırılmalıdır.
Hər hansı əməliyyatın əlamətinin bu sənəddə nəzərdə tutulmuş meyara uyğun olduğuna dair şübhə tam olaraq təsdiqlənmədikdə, əməliyyatı aparan müştərinin sonrakı fəaliyyətinə daha ciddi diqqət yetirilir və bu sənəddə nəzərdə tutulmuş meyarlara uyğun olan digər əlamətlər müəyyən edildikdə bu barədə məlumat Azərbaycan Respublikasının Mərkəzi Bankı yanında Maliyyə Monitorinqi Xidmətinə təqdim edilir.
I. ÜMUMİ MEYARLAR
Aşağıdakı meyarlar bütün monitorinq subyektlərinə şamil edilir: 6.1. bəyan etdiyindən fərqli olaraq müştərinin əməliyyatı öz adından və ya öz hesabından aparmamasına dair şübhələrin yaranması;
müştərinin həyata keçirdiyi əməliyyatın məxfiliyini vurğulaması, yaxud əməliyyat haqqında məlumat verilməsinin qarşısını almağa cəhd etməsi;
real bazar qiymətlərindən aşkar şəkildə kənarlaşan (şişirdilmiş və ya azaldılmış) qiymət əsasında müqavilə bağlanılması və ya həmin müqavilə əsasında əməliyyat aparılması; 6.4. müştərinin cinayətkar fəaliyyətdə iştirakını etiraf etməsi; 6.5. xidmət göstərilməsi müqabilində müştəri tərəfindən rüşvətin və ya rüşvət xarakterli digər təkliflərin edilməsi;
əməliyyatın xarici dövlətlərin siyasi xadiminin iştirakı ilə və ya onun səlahiyyətli nümayəndəsi tərəfindən həyata keçirilməsi;
müştərinin davranışının aqressiv olması, əməliyyata dair sualların cavablandırılmasından yayınması, yaxud eyniləşdirmə prosedurlarının həyata keçirilməsinə etiraz etməsi; 6.8. girov üçün götürülən əşyanın və ya malın bazar dəyərindən çox aşağı qiymətləndirilməsinə müştərinin əhəmiyyət verməməsi;
eyniləşdirmə və verifikasiya zamanı müştəri tərəfindən aidiyyəti olmayan sənədlərin təqdim edilməsi;
müştərinin ona aid yazışma sənədlərinin və ya digər aidiyyəti sənədlərin onun yaşadığı və ya qeydiyyatda olduğu ünvana göndərilməsinə etiraz etməsi;
6.11. monitorinq subyektinin daxili nəzarət sisteminə müştərinin qeyri- adi dərəcədə maraq göstərməsi;
şübhəli əməliyyatlar haqqında məlumat verilməsinə dair qanunvericiliyin tələbləri barəsində müştərinin məlumatlılıq səviyyəsinin qeyri- adi şəkildə yüksək olması; 6.13. müştərinin öz vəsaitlərinin qanuni olmasını və onları leqallaşdırmağa cəhd etmədiyini həddən artıq ciddi cəhdlə inandırmağa çalışması; 6.14. müştərinin ev və ya iş telefonunun işləməməsi, yaxud hesabın açılmasından dərhal sonra müştəri ilə əlaqə qurmağa cəhd edildikdə, belə
nömrənin ümumiyyətlə aşkar edilməməsi; 6.15. müştərinin öz davranışına, yaxud fəaliyyət xarakterinə uyğun gəlməyən əməliyyat həyata keçirməsi;
müştərinin əməliyyat haqqında təqdim etdiyi informasiyada uyğunsuzluqların və ziddiyyətli məqamların aşkar edilməsi;
müştərinin bir sıra oxşar, lakin uydurma adlardan istifadə etməsi; 6.18. müştərinin həyata keçirdiyi əməliyyatların aparılmasının ümumi qəbul edilmiş bazar praktikasına aşkar şəkildə uyğun gəlməməsi;
müştəri tərəfindən məlumatların əsassız gecikmələrlə təqdim edilməsi, bu məlumatların yoxlanılmasının olduqca çətin və ya məsrəfli olması;
müştərinin fəaliyyət istiqamətinin aid edildiyi bazar iştirakçıları barədə məlumatsız olması;
müştərinin fəaliyyət xarakteri və növü ilə müraciət etdiyi xidmətlər arasında aşkar əlaqənin olmaması;
müştərinin ləğv olunmuş müqavilədən əldə ediləcək və ya üçüncü şəxslərə çatacaq vəsaitinin ilkin ödənişin həyata keçirildiyi (əvvəlki) hesaba deyil, digər hesaba geri qaytarılmasını təklif etməsi; 6.23. müştəri tərəfindən həqiqiliyi şübhə doğuran sənədin təqdim edilməsi;
müştərinin saxta, şəkli dəyişdirilmiş və ya dəqiqliyi hər hansı şəkildə şübhə doğuran şəxsiyyəti təsdiq edən sənəd təqdim etməsi;
müştərinin şəxsiyyəti təsdiq edən sənədləri təqdim etməkdən imtina etməsi, yaxud belə sənədlərin yalnız surətlərini təqdim etməsi;
özünə aid olmayan sənədlərdən istifadə etməklə müştərinin özünü eyniləşdirməyə çalışması;
müştərinin təqdim etdiyi eyniləşdirməyə və həyata keçirilən əməliyyatlara dair sənədlərində informasiyanın göstərilməməsi və ya təhrif edilmiş informasiyanın göstərilməsi; 6.28. müştərinin əvvəllər həyata keçirdiyi əməliyyatların məbləğlərinə uyğun olmayan əməliyyatlar həyata keçirməyə başlaması;
əvvəlki təcrübəsindən fərqli olaraq, müştərinin iri nağd pul məbləğləri ilə əməliyyatları tez-tez həyata keçirməyə başlaması;
monitorinqdən yayınmaq məqsədilə müştərinin məcburi qaydada hesabat verilməsi tələb olunan limitdən aşağı məbləğdə nağd əməliyyatları mütəmadi olaraq həyata keçirməsi; 6.31. müştərinin mütəmadi şəkildə xırda əskinasları daha iri əskinaslara mübadilə etməsi;
müştərinin yol çekləri ilə əməliyyatlarının qeyri-adi şəkildə intensivləşməsi;
adsız qiymətli kağızlarla iri əməliyyatların aparılması; 6.34. müştərinin və ya onun kontragentlərinin rəsmi fəaliyyəti ilə açıq-aşkar əlaqəsi olmayan xeyriyyə təşkilatının iştirakı ilə əməliyyatın həyata keçirilməsi; 6.35. şəxsin saxta və ya digər qeyri-qanuni müqavilə bağlamağa çalışması.
II. XÜSUSİ MEYARLAR
Aşağıdakı meyarlar kredit təşkilatları, lizinq xidmətləri göstərən kredit təşkilatları, pul vəsaitlərinin köçürülməsi ilə məşğul olan poçt xidməti göstərən müəssisələr və lombardlara şamil edilir: 7.1. açılmış və uzun müddət ərzində istifadə olunmayan hesablardan həyata keçirilən əməliyyatların həcminin gözlənilmədən əhəmiyyətli dərəcədə artması; 7.2. müştərinin hesabdan birdəfəlik əməliyyatların aparılması üçün istifadə etməklə sonradan bağlanılması üçün müraciət etməsi;
ödənişin təyinatında onun həyata keçirilməsi üçün əsasın göstərilməməsi şərtilə xaricə, yaxud xaricdən köçürmələr;
ölkə xaricindən fiziki şəxsin adına (hesab açmadan) və ya hesabına müntəzəm olaraq vəsaitlərin (yaxın qohumlardan daxil olan vəsaitlər istisna olmaqla) daxil olması; 7.5. bir neçə hesabda yerləşdirilmiş vəsaitlərin bir hesaba, sonra isə ölkə daxilindəki və ya ölkə xaricindəki digər hesaba köçürülməsi;
qeydiyyatdan keçmiş digər təsərrüfat subyektlərinin adlarına oxşar adlarda hesabların açılması;
müştəri ilə aşkar iqtisadi əlaqələrə və inandırıcı səbəblərə malik olmayan üçüncü tərəfin zəmanət verməsi;
əsas fəaliyyəti üçün nağdsız formada hesablaşmaların xarakterik olduğu halda, müştərinin hesabına daxil olan nağd pul vəsaitlərinin həcminin əhəmiyyətli dərəcədə artması; 7.9. müştərinin əmanətin məbləği haqqında ümumi təsəvvürə malik olması;
müştərinin əmanət hesabına üçüncü şəxslər tərəfindən vəsaitlərin yerləşdirilməsi;
hüquqi şəxsi təmsil edən şəxsin həmin hüquqi şəxs barədə ümumi məlumata malik olmaması, o cümlədən hüquqi şəxsin fəaliyyət xarakterini, onun yerləşdiyi yeri və ya əlaqə məlumatlarını bilməməsi; 7.12. alınmış iri kreditin gözlənilməz şəkildə vəsaitin mənbəyi bilinmədən vaxtından əvvəl qaytarılması;
bir qayda olaraq, passiv təsərrüfat dövriyyəsinə malik hüquqi şəxsin və ya yeni yaradılmış hüquqi şəxsin böyük xərclər üçün vəsait əldə etməsi
məqsədilə qeyri-adi dərəcədə böyük dövriyyə və ya şişirdilmiş mənfəət haqqında məlumatlar təqdim etməsi;
yeni müştəri üçün iri hesab edilən və ya işgüzar münasibətlərin mövcud olduğu müştərinin adi fəaliyyətinə uyğun olmayan iri məbləğlərdə valyuta mübadiləsinin və ya bank əməliyyatlarının həyata keçirilməsi və yaxud da buna cəhd edilməsi;
rezident və ya qeyri-rezident kredit təşkilatının emissiya etdiyi çeklərin müntəzəm olaraq inkasso olunması üçün təqdim edilməsi;
sahibkarlıq fəaliyyəti ilə məşğul olmayan və müştəri ilə müqavilə münasibətlərinə malik olmayan şəxsdən müştərinin bank hesabına «borc», «kredit», «ssuda», «qabaqcadan ödəniş» və ya «qrant» təyinatı ilə pul vəsaitlərinin köçürülməsi;
müştərinin «kredit üzrə ödəniş», «borc üzrə ödəniş» və ya «növbəti ödəniş» təyinatı ilə müqavilə münasibətlərində olmadığı fiziki və ya hüquqi şəxslərə pul vəsaitlərinin köçürməsi; 7.18. kifayət qədər izah olmadan bir neçə şəxsin bir hesaba ödəniş etməsi;
müştərinin plastik kartlardan istifadə etməklə etibarlılığı şübhə doğuran internet səhifələri vasitəsilə pul vəsaitlərini köçürməsi və ya qəbul etməsi;
7.20. müştərinin gün ərzində ümumilikdə 5`000 manat ekvivalentinə bərabər və ya onu keçən məbləğdə vəsaiti bankomat vasitəsilə köçürməsi (kredit ödənişi istisna olmaqla); 7.21. nağd xarici valyutanın mənbəyi haqqında heç bir izahat verilməməsi və ya verilən məlumatın həqiqətə uyğun olmaması;
bir şəxsin müxtəlif pul köcürmə sistemləri vasitəsilə eynitipli köçürmələr etməsi;
hüquqi şəxs tərəfindən sahibkarlıq fəaliyyəti ilə məşğul olmayan fiziki şəxsə 3`000 manat ekvivalentinə bərabər və ya onu keçən, həmçinin məbləğindən asılı olmayaraq mütəmadi şəkildə vəsaitin köçürülməsi; 7.24. fiziki şəxslər tərəfindən qiymətli kağızlarla (səhmlər, istiqrazlar, veksellər və s.) əməliyyatlar üzrə müntəzəm beynəlxalq hesablaşmaların həyata keçirilməsi; 7.25. malların alqı-satqısına (işlərin görülməsinə, xidmətlərin göstərilməsinə) dair müqavilənin tələblərini icra edilməməsinə görə rezident
tərəfindən qeyri-rezidentə təchiz olunmamış malların (görülməmiş işlərin, göstərilməmiş xidmətlərin) ümumi dəyərinin 10 faizindən artıq məbləğdə cərimənin (dəbbə pulunun) ödənilməsi; 7.26. lizinq müqaviləsi əsasında lizinq alan ilə lizinq predmetini satan eyni şəxs olması;
qabaqcadan razılaşdırılmış əməliyyatın şərtlərinə dəyişikliklərin daxil edilməsi.
8. Aşağıdakı meyarlar sığortaçılara, təkrar sığortaçılara və sığorta vasitəçilərinə şamil edilir: 8.1. müqavilənin daha səmərəli şərtləri ilə maraqlanmadan, müştərinin həmin müqaviləyə vaxtından əvvəl xitam verilməsinə dair şərtlər barəsində qeyri- adi marağın nümayiş etdirməsi; 8.2. sığortalının son nəticədə onun üçün maddi baxımdan əlverişli olub- olmamasının fərqinə varmadan, sığorta müqaviləsini vaxtından əvvəl dayandırması; 8.3. şəxs sığorta risklərinə və sığorta müqaviləsinin digər şərtlərinə mütənasib olmayan sığorta məbləğləri ilə müşayiət olunan sığorta etdirmək təklifi ilə çıxış etməsi; 8.4. şəxsin sığorta etdirmək üzrə maliyyə imkanlarına aşkar şəkildə mütənasib olmayan məbləğdə sığorta haqqının nağd və (və ya) birdəfəlik ödənilməsi; 8.5. müqavilənin qüvvədə olduğu müddətdə sığortalıya birbaşa aidiyyəti olmayan şəxsin faydalanan şəxs kimi təyin edilməsi;
sığortalının və ya sığorta olunan tərəfindən sığorta müqaviləsi üzrə faydalanan şəxs hesab edilməyən digər şəxsə sığorta ödənişinin verilməsi təklifi ilə çıxış etməsi; 8.7. şəxsin 3 ildən az müddətə həyat sığortası üzrə müqavilə bağlamaq təklifi ilə çıxış etməsi;
müştərinin iri məbləğdə sığorta haqqı ödənilməklə bağlanılmış sığorta müqaviləsinin qüvvəyə mindiyi tarixdən keçən qısa müddət ərzində həmin müqaviləyə xitam verməklə, sığorta haqqının qaytarılan hissəsinin nağd olaraq üçüncü şəxsə ödənilməsini tələb etməsi;
həyat sığortası müqaviləsinin bağlanılmasından sonra nağd və ya çek formasında geri qaytarılması üçün həmin müqaviləyə xitam verilməsi barədə müraciət olunması;
sığortalının gözlənilmədən həyat sığortası üzrə aylıq sığorta ödənişləri üsulunun illik sığorta ödənişləri üsuluna və ya birdəfəlik sığorta ödənişi üsuluna dəyişməsi təklifi ilə çıxış etməsi; 8.11. sığorta müqaviləsinin qüvvədə olduğu müddətdə sığortalının sığorta məbləğinin iri həcmdə artırılması təklifi ilə çıxış etməsi.
Aşağıdakı meyarlar qiymətli kağızlar bazarının peşəkar iştirakçıları olan brokerlərə, qiymətli kağızların idarə olunması üzrə peşəkar fəaliyyəti həyata keçirənlərə və investisiya fondlarına şamil edilir: 9.1. vəkil edilmiş şəxsin həyata keçirdiyi əməliyyatlarda benefisiarın və ya müştərinin adını eyniləşdirmək istəməməsi;
müştərinin öz hesabından digər hesaba qiymətli kağızları və ya pul vəsaitlərini köçürməsi;
müştərinin broker hesabını vəsait saxlamaq məqsədi ilə istifadə etməsi və bu vəsaitlə uzun müddət hər hansı qiymətli kağızın ticarətini həyata keçirməməsi; 9.4. eyni şərtlərlə qiymətli kağızların alışı və satışı istiqamətində tapşırıqlar verilərək ticarət təxəyyülünün yaradılması;
qısa müddət ərzində bir neçə müştərinin eyni qiymətli kağızların alqı satqısını həyata keçirmək məqsədi ilə hesab açması;
institusional investorun qeyri müəyyən üçüncü şəxslər adından 20 000 manatdan artıq həcmdə imtiyazlı və ya kiçik nominallı səhmləri birjadan kənar yollarla alması; 9.7. nəzarət orqanları tərəfindən qeyri-qanuni fəaliyyətlə məşğul olmaqla bağlı tənbeh tədbirləri və ya sanksiyalar tətbiq olunmuş şəxslərin ticarət əqdləri bağlaması; 9.8. monitorinq iştirakçılarının əməkdaşları və ya onların yaxın qohumları tərəfindən naməlum şəxslər xeyrinə əməliyyatlar aparılması;
bir biri ilə hər hansı əlaqəsi olmayan şəxslərin pul vəsaitlərinin eyni hesaba köçürülməsini tələb etməsi;
investorun qısa müddət ərzində investisiya fondunun paylarını (səhmlərini) alıb, geri satması və bunun üçün heç bir aydın məqsədinin
olmaması. 9.11. ölkə xaricində yerləşən qiymətli kağızlar bazarının tənzimlənməyən iştirakçıları tərəfindən, üçüncü şəxslərin adından çıxış edərək, investisiya fondunun payları (səhmləri) ilə bağlı əqdlər bağlanması.
şəxsin əldə etdiyi uduşları digər şəxsin bank hesabına daxil etməsini xahiş etməsi və ya digər şəxsin uduşunu nağd pula satın alması;
eyni bir şəxsin il ərzində iki dəfədən artıq 10`000 manata bərabər və ya ondan yuxarı uduşlar udması;
10.3. şəxsin üçüncü şəxsin adına udulmuş məbləğ haqqında yazılı arayış tələb etməsi.
Aşağıdakı meyarlar öz fəaliyyətinin tərkib hissəsi kimi vəsait alan, toplayan, verən və ya vəsait köçürən hər hansı qeyri-hökumət təşkilatlarına və ya dini təşkilatlara şamil edilir: 11.1. qeyri-hökumət təşkilatının və ya dini təşkilatın hesabına onun məqsədlərinə uyğun gəlməyən təyinatla pul vəsaitlərinin daxil olması;
terrorçuluq fəaliyyətində iştirakı və ya belə fəaliyyətlə əlaqəli olması ehtimal edilən şəxsin donor qismində çıxış edərək qrant təklif etməsi.
Aşağıdakı meyarlar daşınmaz əmlakın alqı-satqısı üzrə vasitəçilik xidmətləri göstərən hüquqi şəxslərə şamil edilir: 12.1. daşınmaz əmlakla əməliyyat üçün əməliyyat iştirakçısı ilə əlaqəsi olmayan şəxsin ödəniş etməsi;
müştərinin daşınmaz əmlak satışından əldə etdiyi məbləği üçüncü şəxsin hesabına daxil edilməsini xahiş etməsi;
müştərinin daşınmaz əmlaka baxmadan onu almağa razı olması; 12.4. müştərinin daşınmaz əmlak üçün bazar qiymətindən daha çox ödəməyə razı olması;
müştərinin daşınmaz əmlak qiymətləndiricisindən qiymətləndirmə aktında daşınmaz əmlakın dəyərinin bazar qiymətindən daha yüksək və ya daha aşağı göstərməsini xahiş etməsi; 12.6. müştərinin yaşayış və ya kommersiya binalarını bazar qiymətindən baha icarəyə götürməyi arzu etməsi və ya icarənin qiyməti ilə maraqlanmaması.
şəxsin adi kommersiya fəaliyyətindən əldə etdiyi mənfəətinin və ya dövriyyəsinin həmin sektorda fəaliyyət göstərən təsərrüfat subyektləri ilə müqayisədə qeyri-adekvat olması və iqtisadi cəhətdən əsassız olması; 13.2. şəxsin fəaliyyət sferasına adekvat olmayan nağd pullarla əməliyyatların tez-tez həyata keçirilməsi;
şəxsin düzgün və ədalətli hesabatlılıqdan qaçmaq məqsədilə mühasibat uçotu sahəsində həmişə müxtəlif peşəkarlara müraciət etməsi (onları dəyişməsi); 13.4. əməliyyatlara cəlb olunmamış üçüncü şəxslərə və ya onlardan ödənişlərin həyata keçirilməsi;
şirkətin profilinə uyğun olmayan əmtəə və xidmətlərlə əməliyyatlar; 14. Aşağıdakı meyarlar notariuslar, vəkillər və hüquqi xidmət göstərən digər şəxslərə şamil edilir: 14.1. daşınmaz əmlakla əməliyyat üçün əməliyyat iştirakçısı ilə əlaqəsi olmayan şəxsin ödəniş etməsi;
satıcının daşınmaz əmlak satışından əldə edilmiş məbləği üçüncü şəxsin hesabına daxil edilməsini xahiş etməsi;
qeyri-rezidentlər tərəfindən daşınmaz əmlakla əməliyyatların həyata keçirilməsi;
alqı-satqı müqaviləsinin predmeti olan əmlakın qiymətinin faktiki bazar dəyərindən əhəmiyyətli dərəcədə fərqlənməsi;
qısa müddətdə eyni daşınmaz əmlakla əvvəlki əməliyyatdan əhəmiyyətli dərəcədə fərqlənən qiymət üzrə (əgər bu fərq daşınmaz əmlak bazarında qiymətlərin artması və / və ya azalması ilə bağlı deyildirsə) yeni əməliyyatın həyata keçirilməsi;
şəxsin öz adından fəaliyyət göstərməsinə şübhənin yaranması; 14.7. müştərinin hüquqi xidmət göstərən şəxsin vasitəsi ilə iri nağd məbləğdə əməliyyat həyata keçirmək niyyətində olması və əmlakın mənbəyi haqqında məlumatı təqdim etmək istəməməsi; 14.8. müştərinin notariusa və ya hüquqi xidmət göstərən digər şəxsə pulların yuyulması şübhəsi doğuran hər hansı digər təkliflə müraciət etməsi. Yüklə 85,87 Kb. Dostları ilə paylaş:
|