ХЫЫЫ – ХЫВ ясрляр ана дилли лирик шеиримизин инкишаф йолу
29
görünür və biz də sənətkarın
Təbrizdə doğulduğunu qəbul edi-
rik.
Nəsiminin təvəllüd tarixi də dəqiq şəkildə bəlli deyil.
Bu tarix
müxtəlif müəlliflər tərəfindən az qala 30 illik bir müddəti əhatə
edən sürəkli bir dövr ərzində aşağı və yuxarı sürüşdürülür. Daha
dəqiqi, bəziləri şairin XIV yüzilliyin 40-cı illərinin əvvəllərində
və ya 40-cı illərində, bəziləri 50-ci illərində və daha sonra, bəzi-
ləri isə 60-cı illərin sonlarında doğulduğunu söyləyir. Beləliklə,
bu tarixin başlanğıcı 40-cı illərin əvvəlləri, son hüdudu isə 1368-
70-ci illər göstərilir. Həm də bütün tarixlər gümana və təxminə
əsaslanır. XX əsrin 60-80-cı illərinin Azərbaycan nəsimişünasları
şairin 1369-70-ci illərdə doğulduğunu qəbul edirdilər. Bunu belə
bir faktla əsaslandırmağa çalışırdılar ki, əvvəl deyildiyi kimi Nəi-
mi “Vəsiyyətnamə”sində öz qızlarından birinin Seyid Əliyə ərə
getməsini vəsiyyət edir. Seyid Əli isə Nəsimidir. Əgər mürşid öz
cavan qızının ərə getməsini müridinə vəsiyyət edirsə, bu müridin
Nəiminin “Vəsiyyətnamə”ni yazdığı və edam edildiyi 1394-cü
ildə ən çoxu 25-26 yaşları ola bilərdi. Lakin yuxarıda dediyimiz
kimi, son illərin araşdırmaları göstərir ki, hürufi şeyxinin “Vəsiy-
yətnamə”də adını çəkdiyi Seyid Əli Nəsimi deyil.
Şairin XIV əsrin 40-cı illərində anadan olması da
bir o qədər
ağlabatan deyil. Onda sənətkar öz mürşidi ilə təxminən yaşdaş
olur. Halbuki onun çoxsaylı şeirlərindən də bəlli olur ki , Nəsimi
mürşidindən xeyli cavandır. Şair ona həm də nisbətən ahıl bir
İnsan kimi müraciət edir.
Bu iki şəxsin arasında 3-5 il yaş fərqinin olması qeyri-müm-
kündür. Azərbaycan şairinin 1369-70-ci illərdə doğulması da ina-
ndırıcı deyil. Nə üçün? Məlum olduğu kimi, Nəimi hürufilik təli-
mini 1386-cı illərdən yaymağa başlamış və elə ilk illərdəcə Nə-
simi bu təriqətə daxil olaraq onun müridliyini qəbul etmişdir.
Bunu belə bir fakt aydın göstərir ki, Nəsiminin fars divanında
yaxın münasibətdə olduğu Hafiz Şiraziyə ünvanlanmış mənzum
məktubları vardır. Qəzəl, qitə və tərcibənd janrlarında yazılmış
həmin məktublarda Nəsimi H.Şirazini hürufiliyə çağırır və ona bu
Yaqub Babayev
30
təlimi qəbul etməyi məsləhət görür. Fars şairi H.Şirazinin 1389-cu
ildə vəfat
etdiyini nəzərə alsaq, bu şeirlərin həmin ildən əvvəl
yazıldığını qəbul etməliyik. Digər tərəfədən Nəsiminin 1389-cu
ildə vəfat etmiş Osmanlı hökmdarı I Sultan Muradın hakimiyyəti
dövründə Bursaya getdiyi və orada tutularaq bir neçə ay həbsdə
saxlandığı barədə də məlumatlar var. Deməli, o, hürufiliyin
yayılmağa başladığı elə ilk illərdəcə bu təlimi qəbul etmiş və
onun təbliğinə başlamışdır.
Bu isə o deməkdir ki, sənətkar hürufiliyi qəbul edərkən artıq,
H.Şirazi kimi böyük bir şairə məsləhət verəcək qədər tanınmış,
püxtələşmiş, xeyli dərəcədə yaşa dolmuş, hürufi ideyalarını təbliğ
etmək üçün öz mürşidinin nəzərində yetkinləşmiş bir şəxs idi.
Digər tərəfdən, Nəsiminin hürufiliyi qəbul edənə qədər sufiz-
mə, onun qollarından
olan hüseyniyyə, həllaciyyə cərəyanlarına
və qələndəriliyə meyl göstərdiyi də məlumdur. Bu isə bir neçə il
vaxt deməkdir.
Nəhayət, şairin yaradıcılığından bəlli olur ki, Nəimi ilə görü-
şənə qədər o, yüksək mədrəsə təhsili görmüş, müxtəlif dini və
dünyəvi elmləri, xüsusilə, Quran, hədis və təfsirləri dərindən mə-
nimsəmiş, ərəb və fars dillərinə mükəmməl yiyələnmiş, dini-fəl-
səfi baxışları tamamilə kamilləşmiş bir ziyalı idi
və buna görə də
onun yaşı ən azı 25-30 ola bilərdi.Daha gənc yaşlarında bu
keyfiyyətləri qazanmaq qeyri- mümkün görünür.
Beləliklə, Nəsiminin təxmini olaraq XIV yüzilliyin
50-ci illə-
rində anadan olduğunu söyləmək mümkündür.
Nəsimi özünün də dediyi kimi “məkansız”, gəzəri bir həyat
keçirmiş, uzunmüddətli yaşayış yeri olmamışdır. Şairin:
Məkansız oldu Nəsimi, məkanı yoxdur anın,
Məkanə sığmayan ol biməkan məkani nеdər? – (92,288)
misralarında müəyyən məcazilik olsa da, birbaşa yer üzündəki
konkret məkansızlığa, yer-yurdsuzluğa işarə olunur.
Onun Təbriz, Şamaxı, Bakı, Şiraz, Bursa, Mərəş, Bağdad,
Şam, Misir, Hələb və s. yerlərdə olduğu bəllidir.
ХЫЫЫ – ХЫВ ясрляр ана дилли лирик шеиримизин инкишаф йолу
31
Orta əsr türk təzkirəçilərindən Qəstimonlu Lətifi və Alinin
verdiyi məlumata görə sənətkarın “Julidəmu” («dağınıq saçlı») lə-
qəbi ilə tanınmış Şah Xəndan adlı bir qardaşı da olmuş və o,
1426-cı ildə vəfat etmişdir. Nəsiminin hürufilik etiqadını qəbul
etdiyini eşidərkən təbiətən şair olan Şah Xəndan həyəcanlanmış
və öz qardaşına:
Gəl bu sirri kimsəyə faş eyləmə,
Xanü xası aməyə aş eyləmə.-(89,268)
misraları ilə başlayan təlaş dolu mənzum məktubunu yazmışdır.
Yalnız ilk misraları bəlli olan
bu məktubdan hiss olunur ki, Şah
Xəndan qardaşına bu sirri heç kimə açmamağı, seçilmişlərə layiq
süfrəni qara camaata, kütləyə xörək etməməyi, yəni ali məslək və
məqsəd sahiblərinin anlayacağı adamlara, bütün camaata bildir-
məməyi məsləhət görür.
Nəsimi isə məktubun müqabilində qardaşına:
Dəryayi-mühit cuşə gəldi
Kövn ilə məkan xüruşə gəldi. –(92,563)
misraları ilə başlayan təriqət ideyaları ilə yüklənmiş məsnəvisini
cavab yazır.
Əsərlərindən bəlli olur ki, sənətkar dövrün
kəlam, heyət,
fiqh, əruz, riyaziyyat, məntiq, fəlsəfə, tarix, təbiət və s. kimi
dünyəvi elmlərinə kifayət qədər bələd olduğu kimi Quranı, hədis
və təfsiri,
müxtəlif dini elmləri, həmçinin
ərəb, fars və
türk dillə-
rini də mükəmməl şəkildə mənimsəmişdir.
1394-cü ildə Teymurun göstərişi ilə onun oğlu Azərbaycan
hakimi Miranşah hürufilərin şeyxi F.Nəimini Şirvanda tutdurur və
bir müddət Naxçıvanda Əlincə qalasında həbsdə saxladıqdan
sonra edam etdirir. Ciddi şəkildə təqibə məruz qalan hürufi mü-
ridləri, o cümlədən Nəsimi Şirvan və Bakını tərk edir. Şairin fars
dilindəki şeirləri içərisində Bakıda olduğunu və buranı tərk etmək
istədiyini göstərən belə bir beyt vardır:
“Ey Nəsimi, Allah deyib
Yaqub Babayev
32
ki, yer üzü genişdir. Bakı torpağını tərk et, bura sənin yerin
deyil.”
Azərbaycanı tərk etdikdən sonra Türkiyəyə gedən şair onun
müxtəlif şəhərlərində yaşayır. Türk şairi Şeyxi ilə görüşür. Başqa
bir türk şairi Rəfii ilə yaxın olur. Nəsimiyə və hürufiliyə dərin
rəğbət bəsləyən Rəfiinin, hətta Nəsiminin
müridliyini qəbul etdi-
yini söyləyənlər də var. Belə bir məlumat da mövcuddur ki, Əbül-
həsən Əliyül Əla ilə birlikdə Türkiyəyə gələn şair bir müddət
bəktaşilər içərisində yaşamış, onlar arasında bəktaşilik əvəzinə
hürufilik ideyalarını təbliğ etməklə məşğul olmuşdur.
Türkiyədə də təqibə məruz qalan sənətkar müxtəlif şərq ölkə-
lərini gəzmiş və nəhayət, Suriyanın Hələb şəhərinə gəlib çıxmış-
dır. Nəimidən sonra o, hürufiliyin şeyxlərindən olmuşdur. Şairin:
“Əzəldən piri-eşqin sərvəriyiz, Təriqi-əhli Fəzlin rəhbəriyiz”-
misraları da bunu sübut edir. Türk alimi Ibrahim Olğun ərəb
qaynaqlarına əsaslanaraq belə bir məlumat verir ki,
Nəimi hələ
sağlığında Nəsimiyə müraciətlə söyləmişdir:
“Şəhərlər içərisində
Hələbə getmə, əgər getsən qəndilə (asılmağa) hazır ol.” Bu hüru-
fi şeyxinin öz müridinin faciəli taleyini əvvəlcədən duyması ilə
izah olunur.
Şairin
vəfat tarixi dəqiq şəkildə bəllidir. Bu tarix miladi
1417-ci (h.820) ildir. Onun tutulub edam edilməsi barədə isə
müəyyən rəvayətlər söylənilməkdədir. Bu rəvayətlərdə deyilir ki,
sənətkar müəyyən müddət Hələbdə yaşayır. Bir dəfə onun mürid-
lərindən olan bir gənc şairin belə bir beytini ucadan oxuyurmuş:
Həqbin nəzəri bayəd ta ruye-məra binəd
Çeşmi ke, bovəd xodbin key ruye-xoda binəd.(89,269)
(Həqiqəti görən göz lazımdır ki, mənim üzümü görsün,
Xudbin göz Allahın üzünü görə bilməz)
Şeir ruhanilərin diqqətini cəlb edir və onu küfrdə günahlandı-
rıb tutur, şeirin müəllifini soruşurlar. Gənc isə şeirin özü tərəfin-
dən yazıldığını söyləyir. Belə olduqda onu dardan asmaqla cəza-