268
beynəlxalq və regional təşkilatlarla münasibətlərə, ən son olaraq isə müxtəlif
rezident ölkələrin beynəlxalq pul və kapital bazarlarındakı əməliyyatlarına
xidmət edir.
Beynəlxalq kreditin baza mənbəyi – beynəlxalq maliyyə bazarlarına daxil
olan dünya ölkələrinin dövlət və özəl əmanətləridir.
Beynəlxalq investisiyalar üzrə öhdəliklərə aiddir: birbaşa xarici investisi-
yalar və portfel investisiyalar – beynəlxalq qiymətli kağız və istiqrazlar və s.
Beynəlxalq maliyyə bir tərəfdən isə kreditorlar və investor ölkələr üçün ümumu
gəlir mənbəyi rolunu oynayır.
Beynəlxalq kredit rəsmi və özəl ola bilər. Rəsmi kreditlər beynəlxalq və
regional kredit təşkilatları, dövlətin mərkəzi və yerli orqanları təklif edir. Rəsmi
kredit xərcləri ölkələrə imtiyazlı, qeyri-bazar şərtləri ilə təqdim olunur və
onların mənbəyi vergi ödəyicilərinin büdcə vəsaitləri hesabına olur. Beynəlxalq
ölkələrarası təşkilatlar həmçinin BVF, DB, Avropa Yenidənqurma və nkişaf
Bankı əsasən öz fondlarını üzv ölkələrin haqları hesabına həyata keçirir. Bəzi
təşkilatlar böyük borcları beynəlxalq maliyyə bazarları hesabına həyata keçirir.
Beynəlxalq kredit təşkilatları öz mənbələrini yalnız mərkəzi hökumətlərə,
bəziləri isə qəbul edən ölkələrin özəl layihələrinə ayırır. Beynəlxalq kredit təş-
kilatları tərəfindən mərkəzi hökumətə verilən borcların adətən əsaslandırılmış
və məqsədli istiqaməti olur. BVF, məsələn, fondun üzvü olan hər hansı ölkəyə
borc verdikdə ondan müəyyən öhdəlik proqramlarının qəbulunu da tələb edir.
BVF monitorinq həyata keçirərək qəbul edilmiş proqram çərçivəsində
nəzarət həyata keçirir. Ölkə tərəfindən öhdəliyin yerinə yetirilməməsi sonrakı
tranşın təqdim olunmaması ilə nəticələnə bilər.
Özəl xarici kreditləşməni özəl xarici banklar və digər kredit təşkilatları
həmçinin qeyri-kredit korporasiyaları həyata keçirir. Beynəlxalq kredit bazarı
bank kreditləşməsini, qiymətli kağızlar bazarını özündə cəmləyir.
Beynəlxalq krediti əldəetmənin əlamətlərinə görə təsnifatı aşağıdakı
kimidir:
1) Kreditialma mənbəyinə görə:
1.1. Beynəlxalq saziş üzrə, kreditin milli kredit bazardan təmin etmək;
1.2. Xarici kredit bazarından;
1.3. Beynəlxalq maliyyə mərkəzlərindən.
2) Borclunun kateqoriyasına görə:
2.1. Dövlət və beynəlxalq təşkilatlar;
2.2. Özəl istehsal və ticari şirkətlər.
3) Kredit sazişinin xarakterinə görə:
3.1. Kommersiya krediti;
3.2. Xarici-ticari əlaqələrə aid olmayan, başqa məqsədlərə istifadə edilən
maliyyə krediti.
4) Kreditin növlərinə görə:
269
4.1. kommersiya krediti, yəni kredit mal formasında, ixracatçı tərəfindən
alıcıya açılan kommersiya krediti;
4.2. kredit valyuta ilə, ancaq pul formasında, yəni banklar tərəfindən açı-
lan kredit;
4.3. qiymətli kağızları yerləşdirməklə beynəlxalq kapital bazarından və-
sait cəlb etmək.
5) Valyutanın mənşəyinə görə:
5.1. Kredit borclu ölkənin valyutasında;
5.2. Kredit kreditor ölkənin valyutasında;
5.3. Kredit üçüncü ölkənin valyutası ilə.
6) Kreditin müddətinə görə:
6.1. qısamüddətli, adətən 1 ilədək, bəzi hallarda iki ilədək;
6.2. orta müddətli, 1 ildən – 2 ilədək, 2 ildən – 5-ilədək;
6.3. uzunmüddətli – 5 ildən–10 ilədək.
7) Təminatına görə:
7.1. təminatlı;
7.2. təminatsız (bank) krediti.
8) Təyinatına görə:
8.1. ixracat krediti;
8.2. idxalat krediti.
Beynəlxalq iqtisadi münasibətlər sistemində beynəlxalq kredit ssuda ka-
pitalının hərəkəti olub, müxtəlif ölkələrin rezidentləri arasında kredit mü-
nasibətlərini əks etdirir.
Beynəlxalq kredit milli iqtisadiyyatın inkişafında önəmli rola malikdir.
Adətən, beynəlxalq kreditin axını təkyönümlü hərəkətlə gedir, yəni inkişaf et-
miş ölkələrdən inkişaf etmiş ölkələrə doğru hərəkət edir və dünya praktikası
göstərir ki, beynəlxalq kreditin hərəkətində axsamalar milli ölkələrdə iqtisadi
böhranlara yol aça bilir.
Beynəlxalq kreditin inkişafının əsasını – beynəlxalq inteqrasiya, isteh-
salın ixtisaslaşması, dünya iqtisadiyyatının qloballaşması ilə əlaqədardır. Bey-
nəlxalq kredit bazarının subyektləri, özəl şirkətlər, dövlət müəssisələri, hö-
kumətlər, beynəlxalq və regional maliyyə qurumlarıdır.
Beynəlxalq kredit – valyuta kursu, qiymət, mənfəət, tədiyyə balansı və s.
bu kimi iqtisadi kateqoriyalarla sıx əlaqəsi vardır. Beynəlxalq kreditin üç əsas
mənbəyi vardır:
1. korporasiyanın pul formasında müvəqqəti sərbəst vəsaiti;
2. dövlətin valyuta ehtiyatları;
3. şəxsi pul yığımları.
Beynəlxalq kredit münasibətlərində ssuda kapitalının əsas maliyyə mən-
bəyini dövlətin kapitalı təşkil edir. Beynəlxalq kreditin əsas prinsipləri daxili
kreditin prinsipləri ilə eynidir, yəni müddətlilik, qaytarılmaq, ödənikli, təminatlı
və məqsədli.
270
Beynəlxalq kreditin əsas funksiyalarını aşağıdakılardan ibarətdir:
1. ölkələrarası ssuda kapitalının yenidən bölgüsü;
2. dövlət kredit təşkilatları vasitəsi ilə (Eksimbank), ixracat və idxalatı
tənzimləmək;
3. hesablaşmalarda ödəmələri sürətləndirmək və mübadilə xərclərini
ödəmək;
4. dünya iqtisadiyyatında inteqrasiya prosesi güclənir.
Beynəlxalq kreditin ölkələrarası iqtisadi əlaqələrin güclənməsində rolu
çox önəmlidir:
1. beynəlxalq ticarəti genişləndirir;
2. istehsalda texnoloji yeniliklərdə istifadəni stimullaşdırır;
3. milli məhsulların xarici bazara çıxışına şərait yaradır;
4. məhsuldarlığın və əmək məhsuldarlığının artımına ciddi təkan verir;
5. ölkənin dünya bazarında rəqabətqabiliyyətli mövqeyinin artırır;
6. həyat səviyyəsinin inkişafında mühüm təsir edir.
Bununla bərabər, beynəlxalq kredit ölkədaxilində tətbiq edilən səhv mo-
netar siyasətinin nəticəsi olaraq milli iqtisadiyyatında iqtisadi problemlərin
dərinləşməsinə yol açıla bilər, o cümlədən:
1. müəyyən iqtisadi sektorların inkişafına, digərlərin isə geriləşməsinə
nədən ola bilər;
2. dünya və milli iqtisadiyyatda disporsiyanın dərinləşməsinə yol aça
bilir;
3. beynəlxalq kredit «isti pullar» formasında hərəkət edərək dünya
valyuta sistemində sabitliyin pozulmasına və dünya iqtisadiyyatında valyuta
böhranlarına yol aça bilər;
4. həddindən yuxarı beynəlxalq kreditin cəlbi və onun qeyri-rasional
istifadəsi borc alan ölkəni finans bataqlığına sala bilir və hətta əhalinin həyat
səviyyəsinin düşməsinə nədən olur.
Beynəlxalq kredit Milli dövlət iqtisadi tənzimlənməsinin obyekti kimi
çıxış edir.
Beynəlxalq kreditin şərtlərinə aşağıdakılar daxildir:
1. kreditin valyuta mənşəyi;
2. ödəmənın valyuta mənşəyi;
3. kredit məbləği;
4. kreditin müddəti;
5. kredit açmanın üsulları;
6. kreditin istifadəsi və ödənilməsi şərtləri;
7. ortaya çıxa biləcək risklərin sığorta metodu.
Beynəlxalq kreditin spesifik funksiyalarında biri də kapital təmərküzləş-
məsi və mərkəzləşməsinin gücləndirilməsidir. Beynəlxalq kredit özəl şirkətlərin
səhmdar cəmiyyətlərə transformasiyasını, yeni şirkətlərin qurulmasında ciddi
rolu vardır.
Dostları ilə paylaş: |