97
Məsələn, tam inteqrasiya olunmuş meqatənzimləyicilər üç ölkədə mövcuddur,
iki dövlətdə tənzimlənmə əsasən bir institutda mərkəzləşib, bir ölkədə
konfederal sistem, altı ölkədə üç idarədən ibarət tənzimlənmə strukturu möv-
cuddur, daha ikisində isə mövcud sistem dəyişiklik prosesindədir. Mərkəzi
bankların iştirakına gəlincə, yeddi dövlətdə bank nəzarəti Mərkəzi Bankın daxi-
lindədir və ya onunla sıx əlaqədədir, beş ölkədə banklara nəzarət orqanının
Mərkəzi Bankdan heç bir asılılığı yoxdur, ikisində əsasən müstəqildir, bir
dövlətdə isə sistem yenidən nəzərdən keçirilməkdədir.
Bununla yanaşı, qeyd etmək lazımdır ki, inkişaf etmiş ölkələrin heç də
hamısı öz maliyyə bazarlarının meqatənzimləyicilərinin yaradılması yolu ilə
getməyiblər. Məsələn, ABŞ-da maliyyə sektorunun seqmentlərinə nəzarəti
müxtəlif təşkilatlar həyata keçirir. Onlardan heç biri hökumət strukturuna daxil
deyil, sığorta sahəsinin isə, ümumiyyətlə, federal tənzimləyicisi yoxdur.
Maliyyə bazarı dünyanın ən çox inkişaf etmiş bazarlarından olan ABŞ maliyyə
bazarının tənzimlənməsi istiqamətində islahatların gedişində (1999-cu ilin
ikinci yarısında qəbul edilmiş maliyyə qanunvericiliyinin modernizasiyası
haqqında qanun) meqatənzimləyicinin yaradılmasından imtina edib. ABŞ
funksional tənzimləmə prinsipinin inkişaf etdirilməsi yolu ilə getmiş və ma-
liyyə bazarlarının bir neçə idarəetmə orqanını qoruyub saxlamışdır. Sözügedən
qanuna görə, ABŞ-ın qiymətli kağızlar bazarında fəaliyyət göstərən kredit təş-
kilatlarının lisenziyalaşdırılması və nəzarəti SEC tərəfindən həyata keçirilir.
Qəbul olunmuş bir faktdır ki, bank işi etimada əsaslanır. Biz artıq
müştərilərin bir çox hallarda ayrı-ayrı bankların və bütövlükdə bank sisteminin
ə
manətləri qorumaq qabililyyətinə etimadını itirdiyinin şahidi olmuşuq. Sərt və
ciddi bank nəzarəti özlüyündə maliyyə sabitliyinin təmin olunması üçün kifayət
deyil. Maliyyə qeyri-sabitliyinin bank sektorundan kənarda çox sayda digər po-
tensial mənbələri var, odur ki, nəzarətin məqsədləri böhranın qarşısının
alınması üçün daha irəli getməlidirlər.
Maliyyə qloballaşması özündə ölkələr arasındakı maliyyə əlaqələrinin
dərinləşməsini, qiymətlərin liberallaşmasını və investisiya axınlarının artmasını,
millətlərarası maliyyə institutlarının (idarələrinin) yaranmasını ifadə edir.
Valyuta və avro-valyuta bazarlarının, xarici valyutada olan bank depozitlərinin,
beynəlxalq maliyyə bazarlarından cəlb edilən vasitələrin, institusional investor-
ların müştərək ehtiyatlarının, ayrı-ayrı ölkələrin sosial-iqtisadi inkişafında xarici
ehtiyat paylarının artan həcmi və yüksək dinamikası maliyyə qloballaşması
proseslərinin güclənməsini təsdiq edir.
Bank nəzarətini həyata keçirən orqanların növləri müxtəlif ölkələrdə
fərqlidir ki, bu da müxtəlif institusional, mədəni və inzibati şərtlərlə, həmçinin
iqtisadiyyatın inkişaf dərəcəsi və kapital bazarının həcmi ilə izah edilir. Bəzi
ölkələrdə vahid Mərkəzi Bank nəzarəti və tənzimi orqanı mövcuddur, digər bir
sıra ölkələrdə isə bu funksiyanı bir-biriləri ilə sıx əməkdaşlıq edən xüsusi
98
nəzarət orqanları icra edir, belə ki, pul-kredit siyasətinin və bank nəzarətinin
təkmilləşdirilməsi funksiyaları yenidən qurulur.
Müxtəlif ölkələrdə istifadə olunan institusional yanaşmalardan asılı
olaraq ölkənin maliyyə sektorunun fəaliyyətinə nəzarətin həyata keçirilməsi
göstərilən funksiyaya əsasən və ya başqa şəkildə hökumət tərəfindən bu iş üzrə
səlahiyyətləndirilən müxtəlif orqanlar arasında bölüşdürülür. Digər bəzi
ölkələrdə koordinasiya problemləri idarələrarası işçi qruplarının, şuraların və
digər konsultativ orqanların yaranması yolu ilə həll edilir ki, yaradılan bu
qrupların, şuraların tərkibinə tənzimləyici (nizamlayıcı) və nəzarət orqanlarının
nümayəndələri daxil edilir. Bir çox ölkələrdə maliyyə təşkilatlarının fəaliyyə-
tinin tənzim olunması və ona nəzarət mərkəzi bankların, maliyyə nazirlik-
lərinin, həmçinin, banklara, sığorta şirkətlərinə və qiymətli kağızlar bazarının
iştirakçılarına nəzarət üzrə komissiyalar və s. bu kimi digər təşkilatlar
tərəfindən həyata keçirilirdi.
Beynəlxalq Valyuta Fondunun məlumatlarına görə, ölkələrin 76 %-ində
bank nəzarəti mərkəzi banklar, 4 %-ində Maliyyə Nazirliyi, 20 %-ində qarışıq
tipli orqanlar tərəfindən həyata keçirilir. Sonuncu üsul, məsələn, Fransada
həyata keçirilir ki, burada nəzarət xüsusi olaraq yaradılan orqan-Bank
Komissiyası tərəfindən Fransanın Milli Bankı ilə birgə icra edilir. Yalnız milli
banklara təhkim edilən prudensial nəzarət fikrini Mərkəzi Avropa Bankı israrla
dəstəkləyir.
Bir çox ölkələrdə fond bazarlarını nizamlayan orqanlar bankları
nizamlayan orqanlar ilə paralel olaraq işləyirlər. Buna misal olaraq Rusiyanı
göstərmək olar ki, burada nəzarət orqanları sistemindəki rəhbər bənd rolunu
Rusiya Federasiyasının Mərkəzi Bankı və Maliyyə Bazarları üzrə Federal
Xidməti bərabərhüquqlu şəkildə icra edir. Həmçinin Fransada da Bank Komis-
siyası, Birja Əməliyyatları üzrə Komissiya və Maliyyə Bazarları üzrə Şura ilə
paralel olaraq işləyir. Yaponiyada fond bazarları, Financial Services Agency
(FSA)–Maliyyə Xidmətləri Agentliyi tərəfindən müşahidə olunur, Yaponiyanın
Mərkəzi Bankı isə bank sektorunu tənzimləyir.
Avropa Birliyində bank nəzarəti orqanları Avropa Birliyi səviyyəsində
necə olmalıdır, onun səlahiyyətlərinə nələr daxildir, bu orqan mərkəzi bank
yanında fəaliyyət göstərməlidir, ya da tamamilə sərbəst, heç bir orqandan asılı
olmayan bir orqan olmalıdır və s. bu kimi mövzularda geniş müzakirələr
getməkdədir. 22 sentyabr 2010-cu il tarixində Avropa Parlamenti tərəfindən,
həmçinin Avropa Birliyinin (AB) maliyyə sistemində islahatların keçirilməsi
ilə bağlı qərar da bəyənilmişdir ki, bu islahatlar çərçivəsində maliyyə
bazarlarının tənzimi, risklərin milli səviyyədə fraqmentləşdirilmiş fərdi təhlil
problemlərinin aradan qaldırılması, həmçinin sistem risklərin erkən aşkar
edilməsi və qarşısının alınması sisteminin inkişaf etməsi arxitekturasının və
institusional quruluşunun təkmilləşməsi hesabına onun davamlılığını və
sabitliyini təmin etməyə yönəlmiş bir sıra qanunverici təşəbbüslər qəbul olun-