Z a m a n ı n s ı n a ğ ı n d a n k e ç ə n l ə r . . .
105
***
Ədalətli olanların ədalətindən, obyektiv olanların
obyektivliyindən, səmimi olanların səmimiyyətindən öz
məqsədləri üçün istifadə edənlər az deyildir.
***
Bu dünyada güvənməli, arxalanmalı adamlar çox-
durmu?!
***
Ağıllı adamlar özünə və zəhmətinə güvənirlər.
Digər güvənc yerləri əbəsdir.
***
Kiməsə arxayın olmaq məsuliyyətsizlikdir.
***
Arxa axtarmaq, kömək axtarmaq nə gətirəcək və
bunun nə gətirəcəyini kim bilir? Və bunun gələcəyini
haradan bilmək olar?
***
İnsanlar bir-birinin nəyinə vurulurlar?
***
İnsanlar çox vaxt hər şeyin sonunun nə ilə qurtara-
cağı barədə düşünmürlər.
B u l u d x a n X ə l i l o v
106
***
İnsanın dahiliyi qarşıya çıxan bütün çətinliklərlə üz-
üzə dayanır.
***
Mənim üçün keçmiş dəyərlidir. Gələcək isə dəyərli
olduğu qədər də gərəklidir. Bu gün isə keçmişlə gələcəyi
ayırandır. Bunların hər biri mənim üçün mənalıdır.
Bunların heç birinə biganə deyiləm. Biganə olanlara isə
inanmıram. Ona görə ki, onlar özləri üçün yaşayırlar.
Özləri üçün yaşayanlara keçmiş, bu gün, gələcək yoxdur.
Keçmişin, bu günün, gələcəyin onlara (biganələrə)
aidiyyatı yoxdur.
***
Bu dünyanın qıl körpüsü daha təhlükəlidir. Oradan
tarazlığını itirib düşsən heç kəs yiyə, sahib çıxmayacaq-
dır. Yiyə, sahib çıxacaqların başı elə qarışıbdır ki, öz
haylarındadırlar. Ona görə də bu dünyanın qıl körpüsün-
dən ehtiyatlı olmaq lazımdır. O biri dünyanın qıl körpüsü
barədə çox düşünüldüyü üçün bu dünyanın qıl körpüsü
çoxdan yaddan çıxıb. Yeri gəlmişkən bu dünyanın cənnət
və cəhənnəm əzablarına da biganə qalmaq olmaz. Cənnət
və cəhənnəmin nə olduğunu bilmək istəyənlər bu dün-
yanın cənnət və cəhənnəmini müqayisə edə bilərlər. Hə-
ləlik o dünyaya gedənə qədər bu dünyada cənnət və cə-
hənnəmi görmək, müşahidə etmək mümkündür. Ağıllı
Z a m a n ı n s ı n a ğ ı n d a n k e ç ə n l ə r . . .
107
adamlar qıl körpüsünü də, cənnəti də, cəhənnəmi də elə
bu dünyada dərk edirlər. Dərk olunan bir şeyi anlamaq
daha rahat olur. Elə ki anlamaq mərhələsi başlayır, onda
görürsən ki, qıl körpüsü də, cənnət də, cəhənnəm də
sənin həyatının, məişətinin tərkib hissəsidir.
***
Qəribədir bu dünyanın işləri. İnsanın ömür yolu
xəstəxanadan başlayır, qəbiristanlıqda qurtarır. Xəstəxa-
nada dünyaya gələn insan ömrünü burada da başa vurur.
Və qəbiristanlıq əbədi yeri olur. Ancaq insan bir şeyi fi-
kirləşirmi? Fikirləşirmi ki, onun sağlamlığını əlindən alan
yaşamaqdır. Özü də qaydasız yaşamaq. İnsan fikirləşirmi
ki, onun sağlamlığını əlindən alan şadlıq evləridir. O şad-
lıq evləri ki, cürbəcür keyfiyyətsiz yeməkləri ilə insanları
məhv edirlər. İndi maraqlısı odur ki, xəstəxanalar da,
şadlıq evləri də, qəbiristanlıqlar da çoxalıbdır. Həm də
maraqlı orasıdır ki, xəstəxanalar da, şadlıq evləri də, qə-
biristanlıqlar da gün-gündən çoxalırlar. Deməli, dünyaya
gələnlər, xəstələnənlər, dünyadan köçənlər dünyanın
başını qatıbdır.
***
Dünyada üç qoxunu heç nə ilə əvəz etmək, dəyiş-
mək, qarışıq salmaq mümkün deyildir. Onlardan biri
şehli otu biçən zaman ətrafa yayılan ot qoxusudur. Hələ
bu otun içərisində gül-çiçək olarsa, qoxu aləmi bürümüş
B u l u d x a n X ə l i l o v
108
olar. İkincisi körpə uşağın boynunun yanlarında olan
qoxudur. Olduqca şirin qoxudur. Üçüncüsü isə qış fəs-
lində soyuq yerlərdə küçəyə sərilmiş paltarda olan iydir.
Qışda yuyulmuş paltar küçəyə sərilən zaman havanın
şaxtalı, soyuq, bəzən boranlı olması nəticəsində paltar
qurumur, ancaq donur. Həmin paltarı içəridə isti bir yerə
sərib qurudurlar. Şaxtadan, soyuqdan donmuş paltarın
qoxusu özgə bir aləmdir. Soyuqdan, şaxtadan donmuş
paltara qışın təmiz havası da qonduğundan bu paltarın
qoxusu heç nədə ola bilmir.
***
İnsan nəyin barəsindəsə düşünürsə, demək düz
yoldadır. Düşünməyən insanların isə yolu, məsləki
olmur. Onlar hər şeyi kortəbii şəkildə qəbul edirlər. Onlar
hər şeydən kortəbii şəkildə istifadə edirlər. Onlar bu
dünyada elə-belə yaşayırlar. Bəzən uğurları da olur.
Bəzən yüksəlişləri də olur. Ancaq daxilən, mənən uğur
qazanmırlar, yüksəlmirlər. Daxilən və mənən kamil ola
bilmirlər. Bir sözlə, bir işi görən adam düşünürsə, o,
adamdır. Ona inanmaq olar.
04.05.2015
Z a m a n ı n s ı n a ğ ı n d a n k e ç ə n l ə r . . .
109
Mən - biz, sən - siz, o - onlar
barədə deyimlərim –
II yazı
Müşahidələr göstərir ki, tamahı olmayan, acgöz ol-
mayan, əsasən həyatını eyni şəkildə yaşayan insanlar
daha uzun ömürlü olurlar. Kimlərsə acgöz, hər şeyi çapıb
talayan insan olursa, onlar ömürlərini başa vurmaqda da
sanki tələsirlər. Yadıma görkəmli kamança ustası Habilin
müsahibələrindən birində dediyi belə bir məqam düşür. O
deyirdi ki, ona görə gümrah və sağlam qalıbdır ki, onun
uşaqlıq illəri müharibə dövrünə düşübdür. Mədəsini
dünya nemətləri ilə yükləməyibdir. Ona görə də cavan və
gümrah qalıbdır.
***
Tamahı çox olan, tamahı artıq olan adamları tamah
içəridən yeyir, çürüdür. Onların acgözlüklə qazandıqları
əslində onların qazancı deyil, xəstəliklərinin mənbəyidir.
Tez-gec acgöz adamların qazancı onları mikrob kimi
əhatə edir. Onlar mikrobun əlində əsir-yesir qalırlar. Be-
lələrinin acgözlüyü başqalarını narahat etdiyi kimi, mik-
roblar da onları narahat edir. Bir də görürsən ki, dünən
dövran sürənin birisi bu gün dünyada yoxdur. Yaxud
dünən dövran sürən bu gün pis bir vəziyyətdədir.
Dostları ilə paylaş: |