Microsoft Word zamanin sinagi-26. 10. 16. doc
Yüklə 2,49 Kb. Pdf görüntüsü
|
- Bu səhifədəki naviqasiya:
- Mən-biz, sən-siz, o-onlar barədə deyimlərim – VII yazı
B u l u d x a n X ə l i l o v 156 Mən-biz, sən-siz, o-onlar barədə deyimlərim – VII yazı Allah heç bir bəndəsinin pisliyini istəmir. Amma bəzi bəndələr şeytanla əlbir olub yollarından çıxırlar. *** Uşaqları ən yaxşı qoruyan valideynlərdir. Xüsusən də körpə uşaqları. *** Bəzən şeytana güc çatmır. *** Allahdan başqasına bel bağlayan çarəsiz qalar. *** Qaranlıqda insanın çirkin üzü görünməz. 09.09.2010-cu il *** Poeziya sözlərin riyaziyyatıdır, riyaziyyat isə rəqəmlərin poeziyasıdır. Düz deyiblər ki, qəlbi şair olmayan riyaziyyatçılar yaxşı riyaziyyatçı ola bilməz. 17.04.2011-ci il Z a m a n ı n s ı n a ğ ı n d a n k e ç ə n l ə r . . . 157 *** Niyə insanlar güclülərə xəyanət edirlər? Niyə insanlar güclü adamları qısqanırlar? Niyə insanlar güclü adamların əl-ayağına dolaşırlar? Niyə insanlar güclü adamlara qənim kəsilirlər? Niyə insanlar qorxaqlara, yaltaqlara meydan verirlər? 29.01.2012-ci il *** Bütün yeraltı, yerüstü sərvətlər nə vaxtsa tükənə- cəkdir. Ancaq dil elə zəngin sərvətdir ki, heç vaxt tükənmir. *** Söz və ağıl... Söz və səs... *** Övlad Allahın valideynə verdiyi nə mükafatdır, nə müjdədir. Bir sınaqdır. *** İstedadlı insanların ömür-gün yoldaşı olmaq da istedaddır. *** İnsan səbrin hesabına hər şeyi udur. B u l u d x a n X ə l i l o v 158 *** Filankəs xanım kişi kimidir demək onu söyləməyə əsas verir ki, deməli, kişilər öz funksiyasını yerinə yetirə bilmir. 04.XI.2011-ci il *** “Durğu işarələri cümlədə nəfəslik rolunu oynayır”. Xalq artisti Canəli Əkbərovla söhbətim zamanı bu fikri o söylədi. 25.03.2013-cü il *** Bizim hər birimiz (yaradıcı insanlar) kitablardan çox öyrənmişik. Kitablar kitabxanada saxlanılır. Bizim (yaradıcı insanların) yazıb yaratdıqlarımız da (kitablar) kitabxanada qorunur. Deməli, kitabxana bizi həm mənəvi cəhətdən qidalandırır, həm də bizi əbədi yaşadır. Ona görə də hər bir yaradıcı adam kitabxanaya borcludur. 31.01.2013-cü il *** Mirzə İbrahimovun belə bir sözü varmış: “Şərəfi şəkərə satan şərəfsizlər”. Bu fikrin nə ilə bağlılığı belə ol- muşdur: İranda seçki zamanı şəkərlə, şəkər verməklə insanları ələ almışlar. 26.05.2013-cü il Z a m a n ı n s ı n a ğ ı n d a n k e ç ə n l ə r . . . 159 *** Rəvayətə görə, ömür paylanan zaman bütün canlı- lara eyni ömür – 40 illik ömür verilmişdir. İnsan isə ömrünün azlığından şikayət etmiş və nəticədə Allah onun 40 illik ömrünün üzərinə 40 il də artırmışdır. Allah artır- dığı bu 40 ilin 20-ni eşşəyin, 20-ni isə itin ömründən kəsib insana vermişdir. Ona görə də insan həyatının müəyyən dövrünü (40-dan sonrakı) çox işləyir (məcazi mənada eşşək kimi işləyir), müəyyən dövrünü (60-dan sonrakı) çox deyingən olur (məcazi mənada it kimi hü- rür). Yəni, insan həm insana, həm eşşəyə, həm də itə aid olan ömür yaşayır... 26.05.2013-cü il *** “Allah bildiyi məsləhətdir”. “Allah bizi qarşıdakı daha qorxulu bəlalardan qorusun”. Bu deyimlərin çoxlu izahı var. Bir izah da belədir: Bir gün çoban öz sürüsünü çayın kənarında otarırmış. Görür ki, çayda bir kəllə var. O kəlləyə üz tutub deyir ki, niyə bu günə qalmısan? Kəllə deyir ki, buna da şükür, Allah bilən məsləhətdir, Allah qarşıdakı bəlalardan qorusun. Günlərin bir günü çoban görür ki, həmin kəllə çayın kənarındakı bir qayaya dəyib və sınıq-sınıq olubdur. Çoban onda başa düşür ki, kəllə ona deyəndə ki, Allah qarşıdakı bəlalardan qorusun, bax onda bunu deyirmiş. 26.05.2013-cü il B u l u d x a n X ə l i l o v 160 *** Məqalələrim, kitablarım, çıxışlarım xoşuna gələn bir adam məni hər dəfə görəndə deyir ki, bu gün işim yaxşı olacaq. Hətta onu da deyir ki, necə edim ki, hər gün səni görüm, işim yaxşı getsin... *** Ləyaqəti, böyüklüyü olmayan adamlar böyük işlər görə bilməzlər. *** Mən pul deyiləm ki, hamı məni sevsin. *** “Buqələmun” insan yaxşı insan ola bilməz. *** Səhvini etiraf et, görək səni bağışlamaq olarmı?! *** Məhəbbət suya, yağışa ehtiyacı olan cadar-cadar torpağa bənzəyir. *** Məhəbbət əbədi hissdir. *** İki nəfər bir-birilə torpaq üstündə döyüşürlər. Bir addım torpağın kimə məxsus olduğu barədə mübahisə Z a m a n ı n s ı n a ğ ı n d a n k e ç ə n l ə r . . . 161 edirlər. Bir ağıllı adamdan soruşurlar ki, bu bir addım torpaq kimindir? Həmin ağıllı adam qulağını bir neçə dəqiqə torpağa söykəyir və sonra ayağa durur. Deyir ki, mən torpaqdan torpağın kimə məxsus olduğunu soruş- dum. O isə dedi ki, torpaq üstündə döyüşənlər də, hər bir kəs də mənə məxsusdur. Torpaq üstündə döyüşənlər də, hər bir kəs də mənimdir. 1.08.2013-cü il *** Yayın isti günlərindən biri idi. Avtobusla evə gedir- dim. İsti olduğundan avtobusun qabaq qapısı açıq idi. Bir cavan qız avtobus dayanacaqlardan birinə yaxınlaşanda sürücüyə dedi ki, açın qapıları. Qız bu açıq qapının düz yanında dayanmışdı. Dayanacaqda düşmək istəyirdi. Elə bu zaman sürücü cavab verdi: “Neçə qapını açmaq lazımdır, sənə lazım olan qapı açıqdır”. *** Gənclik açılmamış mücrüdür. Onu yalnız qocalar aça bilir. 18.08.2013-cü il *** Yol ilə gedən yorulmaz. Doğrudan da, dağ ilə, dərə ilə, təpə ilə, daş-kəsəklə gedən tez yorulur. 15.09.2013-cü il Yüklə 2,49 Kb. Dostları ilə paylaş:
|