yana ustiga zichlanmagan go‘ng tashlab berish natijasida amalga oshiriladi.
Zichlanmagan qavatda mikrobiologik jarayon 60-70
o
S da boradi. Go‘ngda
ammonifikatorlar, nitrifikatlar va turli xildagi mezofil mikroorganizmlar
mavjud
bo‘ladilar. Go‘ngni, somon va xozonrezgilik, paytda tushgan barglar bilan
aralashtirib, azot, fosfor qo‘shib tayyorlangan kompost unumdorlikni yanada
oshiradi.
3. Rizosferadagi mikroorganizmlarning o‘simliklar uchun
ahamiyati.
O‘simliklar ildizlari va yer ustki qismlari yuzasida o‘simlik
organizmlari tomonidan sintez qilingan organik moddalar ajarlib chiqadi. Bu
xodisani ekzosmos deyiladi. O‘simlik hayoti davomida o‘z massasining 10%
ga yaqiniga shunday modda ajratib chiqaradi. Ildizdan ajraladigan
moddalarning ko‘pchiligini fiziologik aktiv moddalar (vitaminlar, stimulyatorlar,
ba’zan alkoloidlar), organik kislotalar, qand aminokislotalar bo‘lishi mumkin.
Shuning uchun ildizga yaqin turgan tuproqda (rizosferada) va ildizning
yuzasida xilma-xil mikroorganizmlar rivojlanadilar. Bunday
mikroorganizmlarga bakteriyalar (Psevdomonas, Mikobakteriyalar),
mikroskopik zamburuglar, achitqilar, suv o‘tlari va x.k.lar kiradi. Ayniqsa
simbioz mikroorganizmlar ko‘p bo‘ladi. Simbioz o‘simlik va zamburuglar
o‘trasida bo‘lsa mikoriz deyiladi. Mikoriz ham endotrof (zamburug giflari
ildizparenxima hujayrasi oraliklarida emas, hujayra ichiga ham kirib ketgan)
va ekzotrof (zamburug giflari ildizni zich, qinga o‘xshab o‘rab oladi va
giflarning turlari har tomonga tarqalgan) bo‘ladi. Mikoriz o‘simliklar
rivojlanishiga ijobiy ta’sir etadi. Agar rizosferada va ildizda mavjud
bakteriyalar bilan o‘simlik simbioz yashasa buni bakterioriz deyiladi va bu
ham o‘simlik oziqlanishida samaralidir.
4. Mikrobiologik preparatlarni qo‘llash samaradorligi.
O‘simliklarni
oziqlantirishda mineral va organik o‘gitlar bilan birga mikrobiologik
preparatlardan aniqrogi mikroorganizmlar faoliyatidan foydalanish ham yaxshi
samara beradi.
a) Azotobakteriyalar yashash sharoiti va faoliyati o‘rganilganidan keyin,
azotobakteriyalar kulturasi saqlagan preparatlarni yerga kiritishni akademik
S.P.Kostichev 30-yillarda tavsiya qilgan edi. Azotobakteriyani qo‘llashda
o‘simliklar ildiziga yuqtirish yo‘li, tuproqga kiritish yo‘li tadqiq etilgan va yaxshi
natijalar olingandir.
Tuproqni bakterizatsiyalash rizosferada ularning ko‘payishiga va
o‘simlik yaxshi rivojlanishiga olib keladi.
B) Fosforning organik shakllarini parchalab uni o‘simlik o‘zlashtiradigan
holatga o‘tkazuvchi spora hosil qiluvchi bakteriyalar (Basillus megaterium)
ekilayotgan uruglar bilan aralashtirilib tuproqqa kiritilganda o‘simlik
hosildorligini 10%dan ortiq ko‘payishi mumkin. Bu bakteriya ildiz o‘simlikni
yaxshilaydi, chunki Bas.megaterium tiamin, biotin, piridoksin, pantoten
kislotasi, nikotin kislotasi, vitamin V
12
kabi fiziologik aktiv moddalarni ishlab
chiqaradi.
V) simliklar azotlik oziqlanishini yaxshilash maqsadida ko‘k-yashil suv
o‘tlaridan foydalanish ham ko‘p mamlakatlarda o‘rganilgan. Bu mikroorganizm
kulturasini tuproqqa kiritishni algolizatsiya deb nomlangan. Hozirgi kunda
molekulyar azotni o‘zlashtiradigan 130 turdan ortiq ko‘k-yashil suv o‘ti
aniqlangan. Bu usuldan O‘zbekistonda ham galla, paxta, pomidor, bodring
ekilgan joylarda (qator rayonlarda) O‘zbekiston Fanlar Akademiyasi
mikrobiologiya instituti xodimlaridan alohida bir guruxi samarali ishlar olib
borishgan va olib borishmoqda. Algolizatsiya bizning sharoitimizda
sholchilikda kam o‘tkaziladi, chunki sholiga yetarli miqdorda azotli o‘git
beramiz. Ammo, Vetnam, Xindiston, Xitoyda ko‘p ishlatiladi. Ular ko‘proq suv
paparotnigi Azollani shu maqsadda ishlatadilar. Azollani kichikroq suv
xavzasida ko‘paytirib, uning suspenziyasini suv bilan yuborishadi. Suv yuzi
azolla ko‘payishidan yashil ko‘rpadek bo‘lib qoladi. Issiq ko‘tarilganda azolla
o‘ladi (sholi ruvaklash vaqtlarida) minerallashadi. Uni o‘simlik o‘zlashtirish,
natijasida hosildorlik oshadi.
O‘simliklar hosildorligi oshishida kremniyning ahamiyati ham juda katta.
Ammo, tuproqdagi alyuminiy silikatlari o‘simlikka o‘zlashtirilmaydi. Uni
o‘zlashtirish uchun parchalash lozim. Alyumosilikatlar SO
2
va kislotalar
ta’sirida parchalanadilar. Shu maqsadda V.G.Aleksadrov Basillus
mukilaginosus siliksus bakteriyalaridan foydalanishni tavsiya etgan.
Tekshirishlar «silikat»li bakteriyalar preparati ham samara berganini
ko‘rsatgan.
5.
Xulosalar.
Xulosa qilib aytadigan bo‘lsak, qanday yo‘llar bilan
bo‘lmasin tuproqning unumdorligini oshirishda mikroorganizmlar faoliyatidan
foydalanish o‘simliklar o‘sish-rivojlanishini yaxshilashga va ko‘p hosil olishga
imkoniyat tugdirar ekan.
SAVOLLAR:
1. Rizosferada mikoorganizmlar ko‘payishi uchun qanday qulay sharoit vujudga keladi?
2. Almashlab ekish ahamiyati nimada?
3. Go‘ng tayyorlash, kompost tayyorlash xillari qanday bo‘ladi?
4. Simbioz nima? Ahamiyati nimada?
5. Azotobakteriyalari nima, qanday qo‘llash mumkin?
6. Fosforobakteriyani qo‘llash ahamiyati nima?
7. Algolizatsiya nima? Ahamiyati nimada?
9-MAVZU: MIKROBIOLOGIYaNING DEHQONChILIKDA VA
ChORVAChILIKDAGI AHAMIYaTI.
Reja:
1. O‘simliklarni himoya qilishda mikroblarni qo‘llash
2. O‘simliklarni o‘stirishda mikroblarning ahamiyati
3. Chorvachilikda mikrobiologiya
A.Pichan va silos tayyorlash
B.Ozuqa oqsili, aminokislota va vitaminlar sintezi
V.Antibiotiklarni qo‘llash
4. Xulosa.
Adabiyotlar 2,3,4,6,7