www.achiq.info
3
Azərbaycan xalqı sürətli addımlarla siyasi, iqtisadi və mədəni maarif sahəsində getdikcə
böyük müvəffəqiyyətlər əldə edirdi.
Təkcə bunu qeyd etmək kifayətdir ki, milli hökumət Təbriz universitetinin binası üçün 2
milyon 500 min tümən təxsisat ayırmışdı.
Azərbaycanda yaradılan yeni mədəniyyət ocaqlarından bəhs edən «Demokrat» məcmuəsi
yazır ki, indi Azərbaycanın şəhər və kəndlərində hər gün minlərlə yeni mədəni maarif ocaqları
yaranmaqdadır. Məktəblərdə yoxsul uşaqlar üçün pulsuz təhsil imkanı yaranmışdır
6
.
İstibdad üsuli idarəsinin hökm sürdüyü illərdə Azərbaycan zəhmətkeşlərinin balaları
məktəblərdə oxumaqdan və təhsil almaqdan məhrum idilər.
«Azad millət» qəzeti bu haqda yazır: İranın iyirmi illik irticai hökumət dövründə İran
məmləkəti bütün ictimai və iqtisadi sahələrdə dala qalıb, həmin irticai dövlət uzun illər boyu
məmləkətin inkişafından ötrü heç bir faydalı iş görməmişdir.
Təhsil İranda yalnız dövlətli uşaqlarından ötrü idi. Hər kimin ki, pulu yox idi, onun uşaqları
oxumaqdan məhrum idi. Bu vəziyyət Azərbaycanda demokratik və milli hərəkatımıza qədər
davam etdi»
7
.
Milli hökumətin mühüm tədbirlərindən biri də keçmiş irticai quruluşdan xalqa miras qalmış
savadsızlığı az bir müddət içərisində ləğv etmək idi.
Azərbaycan Demokrat Firqəsi və milli hökumət ölkənin yaralarını sağaltmaq, onun mədəni
iqtisadi sahələrini inkişaf etdirmək üçün geniş xalq kütlələrinin kiçikdən tutmuş böyüyə qədər
savada və elmə yiyələnməsini günün zəruri və vacib məsələlərindən biri hesab edirdi. Məhz
buna görə də Azərbaycanın bütün şəhər və kəndlərində savadsızlığa qarşı mübarizə aparmaq
şüarı altında xüsusi siniflər təşkil edildi. Azərbaycanın maarif idarəsi və firqə komitələri bu
sahədə böyük iş gördülər.
Kəndlərdə kəndlilər öz qüvvələri ilə məktəb binaları tikirdilər. Xalq kütlələrinin bu zövqünü
və milli hökumətin tədbirlərinə olan sonsuz məhəbbət və əlaqəsini göstərən qəzet yazır:
bildiyimiz kimi, keçən ilin ərzində Azərbaycan kəndliləri öz xərcləri ilə 2 000məktəb binası
tikmişdilər. Bu xalqımızın mədəniyyətə, elm və sənətə olan əlaqəsini göstərir
8
.
Bunu göstərmək kifayətdir ki, milli hökumət yeni təsis olunacaq məktəblər, gecə kursları və
universitetin təkmilləşdirilməsinə 10 milyon 600 iyirmi min 230 tümən büdcə ayırmışdı.
İmperialistlər və onların əlaltıları olan İran hakim dairələri Azərbaycana hər sahədə zərbə
vurmuş, bu xalqın yeni nəslinin inkişafının qarşısını alaraq onu bədbəxtliyə, uçuruma və
məhvə doğru sövq etmişlər.
İran irticasının Azərbaycanın gənc nəslinə göstərdiyi bu düşmənçilik münasibəti nəticəsində
Azərbaycan uşaqlarının çox hissəsi yetim və başsız qalmış, böyük fəlakət içərisində idilər.
İmperializmin və İranın irticai üsuli idarəsinin bu çürük qayda qanunlarını ifşa edən və onları
damğalayan «Azərbaycan» qəzeti yazır ki, hər gün sayı artan bu dilənçilərin fikrini çəkən və
ölkənin heysiyyətini düşünən bir məmur, bir hakim, bir hakimiyyət orqanı yox idi. Dövlət
bunlara adi bir şey kimi baxırdı
9
.
Öz ölkəsinin, xalqının səadət və xoşbəxtliyi uğrunda böyük addımlar atan milli hökumət
www.achiq.info
4
yetim və sahibsiz uşaqların tərbiyəsi, onların qayğısına qalmaq sahəsində də bir sıra ciddi
tədbirlər həyata keçirtdi.
Milli hökumətin qərarında göstərilir ki, «Azərbaycan milli hökuməti xalqın istiqbal, səadətini
və həmçinin gələcək nəslin mədəniyyət və səhhət cəhətindən tərəqqisini təmin etmək məqsədi
ilə yetim sahibsiz uşaqları küçələrdən yığıb tərbiyə etmək üçün pərvəriş və tərbiyə evləri
açmalıdır. Hökumətin qərarına görə 3 yaşından 14 yaşına qədər olan yetim, sahibsiz qız və
oğlan uşaqlarını tərbiyə etmək üçün birinci növbədə Təbriz şəhərində iki qız və iki oğlan
tərbiyəxanası təşkil ediləcək və başqa şəhərlərdə də bu cür müəssisələr yaratmaq üçün hazırlıq
görüləcəkdir»
10
.
Milli hökumətin bu tədbiri də Azərbaycan xalqı tərəfindən çox sevinc və hərarətlə qarşılandı.
«Urumiyyə» qəzeti xalqın bu sevincini belə ifadə etmişdir: «...Azərbaycan milli hökumətimiz
yetim sahibsiz uşaqların tərbiyəsi haqqında gözəlcə tədbirlər və xudapəsəndanə fikir və
təsmimlər nəzərə alıb. Milli hökumət yetim uşaqları və sahibsiz qızları öz nazpərvərdləri və
bir güldəstəsi kimi məhəbbət ağuşunda bəsləmək fikrindədir. Ona görə lazım görürük ki
Urmiyə əhalisinə müjdə verək. Sevgili hökumətimizin bu ali fikrinin parlaq şüası az bir
zamanda bu şəhərdə də hamının gözlərini işıqlandırıb yeni bir dünya və yeni bir səadətə sövq
etdirəcək»
11
.
Mili hökumət Azərbaycanın yeddi. şəhərində, ö cümlədən Təbriz, Urmiyə, Ərdəbil, Marağa,
Zəncan, Xoy və Əhərdə tərbiyə evləri açmaq üçün 1 milyon 500 min tümən təxsisat buraxdı.
İşsizliyə qarşı mübarizə aparmaq, yeni karxanalar və fabriklər yaratmaq, keçmiş dövrdə
bağlanmış karxanaları işə salmaq milli hökumətin qarşısında duran iqtisadi tədbirlərdən biri
idi. Məhz milli hökumət bu mühüm işin öhdəsindən bacarıqla gələ bildi. «Azərbaycan» qəzeti
bu haqda yazır ki: dayanmış «Pəşminə» toxuculuq karxanasını işə salmaq və beləliklə də neçə
yüz nəfər işsiz qalmış fəhlələri işlə təmin etmək üçün milli hökumətimiz xalq qoşunları
nazirliyinin sifarişlərini yerinə yetirmək məqsədi ilə o karxanaya bir milyon riyal pul
buraxmışdır
12
.
İrtica hakimiyyəti dövründə ölkədə hökm sürən işsizlik haqqında «Azad millət» qəzeti
yazmışdır ki, Azərbaycanda hərəkatımıza qədər fəhlələrin, əkinçilərin və aşağı təbəqələrin
həqqi həyat şəraiti olduqca ağır idi. İşsizlik xalqın həyatını təhdid. edirdi.
Milli hökumətdən əvvəl işsizlik bütün ölkəni. başdan başa bürümüşdü, təkcə bunu göstərmək
kifayətdir ki, Azərbaycanda 10 mindən artıq işsiz var idi. İranın başqa vilayətlərində də
işsizlik fəhlələrin və zəhmətkeşlərin həyatı üçün qorxu törədirdi. İran dövlətinin illər uzunu
həll edə bilmədiyi belə bir xəstə halı, işsizlik məsələsini yalnız Azərbaycanda xalqın milli
azadlıq hərəkatı nəticəsində yaradılmış milli hökumət həll etdi.
İndi üç dörd yüz fəhlə ailəsinin maaşını təmin edən «Bustan» karxanası hərəkatımızdan əvvəl
bağlanmaq ərəfəsində idi, «Pəşminə» karxanası idarə edənlərin xəyanəti nəticəsində
hərəkatdan əvvəl bağlanmış, nəticədə yüzlərlə fəhlə işsiz qalmışdı.. İndi hökumətimizin
binagüzarlığı nəticəsində həmin karxanalar işə düşüb, indi isə gecə gündüz işləyir
13
.
Milli sənayeni dirçəltmək, yeni fabrik və zavodlar açmaq və ölkənin sənayeyə olan
ehtiyaclarını təmin etmək kimi mühüm məsələ milli hökumətin diqqət mərkəzində dururdu.
Təbrizdə trikotaj «Zəfər» fabrikinin, «Azərbaycan» papiros və çay fabriklərinin açılması milli
hökumətin gördüyü iqtisadi tədbirlərdən biridir.