__________________Milli Kitabxana__________________
__________________________________________________14
ideya istiqamətini "Bizim üçün islam xaricində nicat yoxdur" rubunda aparır, islami
dəyərlərin təbliğinə geniş meydan verirdilər.
Buna baxmayaraq, inqilab tufanının irəli atdığı bir sıra ictimai problemlər, həyat
həqiqətləri qəzetin səhifələrində özünə yer tapırdı. M.Ə.Sabirin "Beynəlmiləl" şeiri,
A.Səhhətin lirik əsərləri, Abdulla Surun, S.M.Qənizadənin, Ü.Hacıbəyovun,
H.Zərdabinin, N.Vəzirovun və b. felyetonları, elmi və publisistik məqalələri bu cəhətdən
səciyyəvidir,
N.Nərimanov "Həyat" qəzetində "Nər", "Arı bəy" imzası ilə çap etdirdiyi "Həftə
fəryadı", "Hərdənbir" felyetonlarında və məqalələrində ictimai-siyasi hadisələrə
müasirlərindən fərqli olaraq daha fəal münasibət bəsləyirdi. O, maarifçi baxışlarından tam
xilas ola bilməsə də, dövrün irəli sürdüyü problemlərin həllinə əsasən inqilabçı-
demokratik mövqedən yanaşırdı. N.Nərimanovun dünyagürüşündə baş verən təkamül
təsadüfi deyildi. İstər Odessada, istərsə də Bakıda inqilabi tufanların qaynağında olan
N.Nərimanov ümumxalq hərəkatını diqqətlə izləyir, ona böyük ümidlər bəsləyirdi. Məhz
buna görə də liberal-burjua məsləkli "Həyat" qəzetindən qabaqcıl ideyaları yaymaq, xalqa
həqiqəti başa salmaq və onu inqilabi mübarizəyə hazırlamaq üçün bir tribuna kimi istifadə
edirdi. Eyni fikri N.Nərimanovun "İrşad" qəzeti səhifəlrində "Nər" imzası ilə buraxılan
"Cüma söhbəti" felyetonları və siyasi publisist məqalələri haqqında da demək olar. Lakin
"İrşad" qəzeti "Həyat'a nisbətən mütərəqqi ideyaların yayılmasına daha ÇOX meylli
olmuşdur.
Burada N.Nərimanov, S.M.Əfəndiyev kimi hümmətçilər, F.Köçərli, Abdulla Sur,
F.Ağazadə, Ü.Hacıbəyov kimi maarifpərvər yazıçılar müntəzəm çıxış edirdilər. Qəzet
inqilabi hadisələrə həssas münasibət bəsləyir, bəzən inqilabi-demokratik mətbuatın təbliğ
etdiyi ideologiyanı yayırdı.'
Elə ona görə də, tərəqqipərvər ziyalılar "İrşad' millət üçün "mənbəyi-nicat, bir
mövqeyi-ümid və xilas" hesab edirdilər. Onlar hətta güman edirdilər ki, "'İrşad" qəzetınin
varlığı pəncərədən otağa düşən günəş şüası kimi yatmış insanları oyatmağa qadirdir.
Şübhəsiz, N.Nərimanovun "İrşad" redaksiyasında işləməsi qəzetin ideya istiqamətinə
ciddi təsir göstərmişdir. Onun qayğısı sayəsində redaksiya ətrafına toplaşan sağlam,
qabaqcıl dünyagörüşlü əməkdaşlar hümmətçilərin inqilabi, demokratik ideyaları yaymaq
üçün qəzetdən bir trıbuna kimi ıstifadə etməsinə imkan yaratmışdı. Məhz buna görə, bəzi
tədqiqatçıların "İrşad"ı hümmətçilərin ciddi təsiri altında olan və fəaliyyətinə bir çox
cəhətdən onlar tərfindən istiqamət verilən demokratik məsləkli mütərəqqi qəzet kimi
səciyyələndirməsi təsadüfi deyildir.
N.Nərimanov 1906-cı ildə liberal-burjua mətbuatında çap etdirdiyi məqalələrdə günün
ən zəruri tələblərini və ictimai-siyasi hadisələri inqilabi-demokratık dünyagörüşü
mövqeyindən şərh edirdi. Bu nöqteyi-nəzərdən N.Nərimanovun 1906-cı ildə "Həyat" və
"İrşad" qəzetlərində çap etdirdiyi məqalələri nəzərdən keçirmək maraqlıdır.
1906-cı ildə N.Nərimanov öz publisist məqalələrində Azərbaycanın siyasi-ictimai
həyatını əməli olaraq dəyişməyə kömək edən mütərəqqi ideyaları müdafiə elməklə
bərabər, xalqın azadlığı, tərəqqisi və səadəti yolunda mübarizə aparmağı bacaran adamları
birliyə, ittifaqa, əlbir olmağa çağırırdı.
__________________Milli Kitabxana__________________
__________________________________________________15
N.Nərimanov Azərbaycan ictimai həyatında fəsadların, özbaşınalığın baş verməsinin
əsas səbəblərini mənsəbpərəst ziyalıların xəyanətində, onların "istiqbala dair har məsələdə
kor olmağında, ümumxalq işinə etinasızlığında gorürdü.
Mübariz ədib millətin dərdinə qalan, onun tərəqqisinə çalışan mühərrirlərin
fəaliyyətini yüksək qiymətləndirirdi. N.Nərimanova görə, mühərrir millətin adət-
ənənəsini, tarixi keçmışini, mədəniyyətini yaxşı bilməsə, öz doğma vətənini bütün hissi,
varlığı ilə sevməsə onun dərdinə şərik ola bilməz. Mühərrirə həyat həqiqətinə sadiq
olmağı, nədən yazırsa-yazsın "insafı əldən verməməyi" məsləhət gorürdü. O deyirdi:
əqidəni, məsləki pula satmağın kütləvi "azara" çevrilməsi böyük fəlakətdir.
N.Nərimanov vətəndaş mühərridərə tövsiyə edirdi ki, məsləkini qara pula satan,
yaxşını yaman yerinə qələmə verən, beləliklə, milli tərəqqiya mane olan cızmaqaraçılara
qarşı amansız olsunlar, öz iti qələmlərini yüksək ideallardan ehtikar edən xırda burjua
ünsürlsrinə və hər şeyə öz mənafeyi nöqteyi-nəzərindən yanaşan adamlara qarşı
çevirsinlər.
M.Nərimanov avam kütlələrin gozünü açmaq, onlara yaxşı ilə yamanı anlatmaq,
beləliklə, milli ləyaqət hissi oyatmaq üçün tənqidi ən gözəl vasitə hesab edirdi. Məhz
buna gorə də xalqa xidməti hər şeydən üstün tutan mühərrirlərə felyetondan kəskin silah
kimi istifadə etməyi məsləhət görürdü.
Milli mədəni gerilik, maarifə, teatra, mətbuata etinasız münasibət, dini xurafat,
avamlıq və cəhalət qabaqcıl ziyalıların ictimai həyatda əl-qol açmasına imkan vermir,
ümumi tərəqqiyə mane olurdu. N.Nərimanov Azərbaycanın mədəni mərkəzi olan Bakının
ictimai mühitini öz felyetonlarının birində kinayə ilə təsvir edir. Burada publisist
dərəbəylik aləmini satira atəşıno tutur, zamanın tələbindən geri qalmağı "qeyrət
mücəssəməsi" olan bəylərın üzünə hiddətlə çırpırdı.
N.Nərimanov maarif sahəsindəki acıncaqlı vəziyyəti gənc nəslin tərbiyəsi məsələsinə
etinasız münasibətdə görürdü. Dövlət məktəblərində həftədə bir dəfə Azərbaycan dili
dərsi keçilməsini düzgün hesab etmirdi. Narahatlıqla bildirirdi ki, milli məktəbtərdə
"Nuhun əsrindən qalan üsul ilə dərs" verilir və bu da millət balalarının fəhmini, zehnini
korlayır. O, "Müəllimlər ictimainə dair" adlı silsilə məqalələrində dövrün ən zəruri
problemlərindən birinə - maarif və mədəniyyətin inkişafında ziyalıların və geniş
zəhmətkeş kütlələrin rolu məsələsinə toxunmuşdur.
N.Nərimanov yoxsul kütlələrin gələcək səadəti, xoşbəxtliyi və iqtisadi, mədəni
tərəqqisi üçün var-dövlət sahiblərinin maddi köməyinə arxalanmırdı. Əksinə, özlərini
xalqa millətin dərdçəkəni, "hamisi" kimi tanıtdıran, "millət, millət" deyə səsi gəldikcə
bağıran, əslində isə öz şəxsi mənafeyini güdənləri ifşa edir, onların həqiqi simasını fanatik
dindarlara, yoxsullara açıb güstərirdi. Məsələn, 1906-cı ildə "Həyat"da çap etdirdiyi
"Həftə fəryadı" sərlövhəli felyetonlarının birində yazırdı ki, millıtin dərdi, faciəsi bəzi
oxucuları maraqlandırmır. "Bunlar üçün gələcəkdə nə olacaq? Millət və ya vətən tərəqqi
edəcəkdir, ya yox? Bu təsəvvürdə olanlar üçün birdir, təfavüt yoxdur".
Əsrin əvvəllərində inqilabi fırtınalar dövrü başlanmış, zülm və istismar dünyasını
lərzəyə salmışdı. 1905-ci il inqilabı və Şərq xalqlarının milli azadlıq hərəkatına onun təsiri
tərəqqipərvər ziyalıları düşündürən ən zəruri ictimaı problemə çevrilmişdi. Azərbaycan
inqilabçı-demokratları, mütərəqqi ziyalılar bü dövrdə burjua-demokratik inqilabının tarixi