Mö GİRİŞ. Kursun ümumi MƏSƏLƏLƏRİ
MÖVZU 12. BALIQ EMALI ZAVODUNUN KOMPONOVKASI
Yüklə 5,01 Kb. Pdf görüntüsü
|
- Bu səhifədəki naviqasiya:
- MÖVZU 12. BALIQ EMALI ZAVODUNUN KOMPONOVKASI VƏ BAŞ PLANI
- II sinif – dəniz canlılarından piyin (yağın) əridilərək istehsalı ilə məşğul olan zavodlar (sanitar – mühafizə zonasının eni – 500 metr);
MÖVZU 12. BALIQ EMALI ZAVODUNUN KOMPONOVKASI VƏ BAŞ PLANI Balıq emalı müəssisələrində istehsal sexlərinin tərtibatını, yəni komponovkasını başa çatdırdıqdan və onların tələb edilən ölçülərini təyin etdikdən sonra zavodun bütün digər obyektlərinin əndazə ölçülərini tapır və baş planda yerləşdiriləcək bina və tikililərin siyahısını müəyyənləşdirirlər. Bundan sonra inşaat normaları və qaydaları, habelə sanitar – gigiyenik və yanğın təhlükəsizliyi normaları ilə texnoloji prosesi rəhbər tutaraq, bütün obyektlərin son tərtibatını həyata keçirirlər. İnşaat meydançasının düzgün seçilməsi və orada bütün obyektlərin yerləşdirilməsi üçün gələcək tikinti ərazisinin vəziyyət planına malik olmaq vacibdir. Bu ərazi atmosfer sularının (yağış, leysan və s.) axını, birbaşa günəş şüalanması, təbii havalanma, qrunt sularının durum səviyyəsi və havanın, suyun və torpağın istehsal proseslərindən zərərli maddələrlə çirklənməsi hallarını aradan qaldırmaq məqsədilə bəzi tədbirlərin həyata keçirilməsi baxımından bütün sanitar - gigiyenik tələbləri tam təmin etməlidir. Baş planı tərtib edərkən, imkan daxilində onu təşkil edən obyektləri ümumi binalarda yerləşdirmək lazımdır ki, ayrıca korpusların (binaların) sayı nisbətən az olsun. Ayrıca binalar nə qədər az olarsa, tikintinin dəyəri bir o qədər aşağı olar və inşaat meydançası daha səmərəli istifadə edilər. Bundan başqa, baş planın obyektlərini kompleks yerləşdirdikdə kommunikasiya xətlərinin uzunluğu azalar. Bloklaşdırma məsələlərini həll edərək, ayrı – ayrı binaların və tikililərin yanğın təhlükəsizliyini, həmçinin sanitar – gigiyenik tələbləri nəzərə alırlar. Binalar və tikililər yerləşdirilərkən sərbəst keçid imkanları, habelə yaşıllıq zonası diqqət mərkəzində saxlanılmalıdır. Balıq emalı müəssisələri üçün tikinti altında qalan sahələr, müəssisənin ümumi sahəsinin 25 – 35 % – ni təşkil edir. Baş plan obyektlərinin sadə, düzbucaqlı formada olması daha məqsədəuyğun və iqtisadi cəhətdən daha əlverişli sayılır. Baş plan obyektlərini yerləşdirərkən çalışırlar ki, balıq emalı müəssisəsində kommunikasiya xətləri (qovşaqları) minimum uzunluğa malik olsun. Əsas yük və insan axınları bir – biri ilə kəsişməsin. Baş planın qurulması digər sənaye obyektlərini və yaşayış – məişət binalarını, həmçinin əsas nəqliyyat magistrallarını rayon planlaşdırılmasının sxemi ilə uyğunlaşdırır. Balıq emalı müəssisələri kənd, qəsəbə və ya şəhərlərə nəzərən külək əsən tərəflərdə yerləşdirilməlidir. Müəssisələrlə yaşayış sahələri arasında, əhalini istehsal prosesləri zamanı ayrılan zərərli maddələrdən (qaz, tüstü, toz, his, qoxu və s.) qorumaq məqsədi ilə sanitar – mühafizə zonası yaradırlar. İstehsalın zərərliliyindən asılı olaraq sənaye müəssisələrini əsas 5 sinfə bölürlər. Balıq emalı müəssisələri 2 – 5 – ci siniflərə aid edilir: II sinif – dəniz canlılarından piyin (yağın) əridilərək istehsalı ilə məşğul olan zavodlar (sanitar – mühafizə zonasının eni – 500 metr); III sinif – balıq vətəgələri (sanitar – mühafizə zonasının eni – 300 metr); IV sinif – yağ – un sexləri olan balıq konservləri və balıq filesi (sümüksüz ağ ət) zavodları, balıq kombinatları (sanitar – mühafizə zonasının eni – 100 metr); V sinif – konserv və hisləyici zavodlar (sanitar – mühafizə zonasının eni – 50 metr). Balıq emalı müəssisələrini şəhərin (yaşayış məntəqəsinin) kənarında yerləşdirdikdə, sanitar mühafizə zonasının eni, yerli hakimiyyət orqanları ilə razılaşdırmalara müvafiq olaraq müəyyənləşdirilir. Sanitar – mühafizə zonalarında yardımçı və xidmət təyinatlı binaları, məsələn yanğın təhlükəsizliyi deposu, mühafizə otaqları, avtomobil qarajları, yardımçı materiallar üçün anbarlar, hamamlar, camaşırxanalar, yeməkxanalar, tibb məntəqəsi və bu qəbildən olan digər binaları tikmək olar. Balıq emalı müəssisələrinin ərazisində yaşayış binalarının tikilməsi yolverilməz hal sayılır. 2 Layihələndirilən balıq emalı zavodunun fasadı yaşayış qəsəbəsinə və ya əsas nəqliyyat magistralına (yol, çay, dəniz və s.) tərəf olmalıdır. Zavodun üz tərəfində anbarların, təmir emalatxanalarının, qazanxanaların və bu tipdən olan binaların tikilməsi məsləhət deyil. Balıq emalı müəssisələrinin baş planını komponovka (tərtib) edərkən əsas istehsal proseslərindən və digər sahələrdən ayrılan çirkab sularının öz axını ilə asan axıdılmasını və olduqca az torpaq işlərini təmin edən ərazinin relyefini nəzərə alırlar. Baş planın obyektlərini yerləşdirərkən çoxillik müşahidələrə əsasən ilin isti dövrlərində orta əsim istiqamətlərinə görə qəbul edilən hökmranlıq edən küləklərin istiqamətini mütləq nəzərə almaq lazımdır. Qazanxananın tüstü borusu, dəmirçixanaya malik mexaniki emalatxana, hisin, tüstünün, xoşagəlməz qoxunun ayrılması ilə əlaqədar olan hisləmə istehsalının, yağ – un sexlərinin və digər obyektlərin tikilməsini küləklənən tərəflərdə həyata keçirmək lazımdır. П və ya Ш – şəkilli tikilmiş binalar arasındakı daxili həyətləri paralel və ya hökmranlıq edən küləklərə nəzərən 0 – 45 0 - li bucaq altında yerləşdirmək lazımdır, bu zaman həyətin tikinti olmayan hissəsi hökmranlıq edən küləklərin daha çox əsən tərəfində olmalıdır. Binaların hər tərəfdən həyətlərlə qapanmış halda qurulmasına, aşağıdakı şərtlərə riayət etməklə texnoloji və ya planlaşdırılmış mülahizələrə görə icazə verilir: a) həyətin daha kiçik tərəfi ətraf həyətlərdəki binaların ən yüksəyinin ikiqat hündürlüyündən böyük olmalıdır; b) həyətin küləklənməsi təmin olunmalıdır; v) belə binaların altından ikitərəfli keçidlərin eni 4 metrdən çox olmalı, hündürlüyü isə 4,5 metrdən az olmamalıdır. İşıqlandırma pəncərədən olduğu halda, paralel yerləşdirilən iki bina arasındakı məsafə, qarşı – qarşıya duran binalardan birinin yerdən karnizədək olan hündürlüyündən az olmamalıdır. 3 Yüklə 5,01 Kb. Dostları ilə paylaş:
|