Binalar arasında buraxılabilən ən kiçik məsafə – 12 metr olmalıdır.
12.1. Balıq emalı müəssisələrinin baş planının əsas obyektləri
Baş planın əsas obyektləri aşağıdakılardır:
1. İstehsal sexləri, xammal və yarımfabrikatların qısamüddətli saxlanması
üçün xammal meydançaları, zavod laboratoriyası, məişət otaqları, mexaniki –
təmir emalatxanası, sex anbarları və kontorlar, soyuducu qurğuların maşın
şöbəsi, sexin hazır məhsul anbarı yerləşdirilən baş (əsas) korpus;
2. Hazır məhsullar və yarımfabrikatlar (konserv, hisləmə zavodları və
balıq kombinatlarında hazır məhsullar, xammal və yarımfabrikatlar üçün anbar
kimi soyuducular istifadə oluna bilər), materiallar, tənəkə və çəllək tara
anbarları daxil olan anbar korpusu (və ya bir neçə korpus). Duzlama
zavodlarında ayrıca və ya digər anbarlarla birgə (blokşəkilli) anbar və ya duzun
saxlanması üçün xüsusi meydança hazırlayırlar. Kiçik zavodlar və ya ayrıca
sexlərdə bütün anbarlar baş korpusla birləşdirilə bilə;.
3 Zavod idarəsi, nəzarət – buraxılış məntəqəsi, yeməkxana və ona xidmət
göstərən otaqlar, tibb məntəqəsi, habelə bəzi hallarda məişət otaqları da daxil
olan inzibati – təsərrüfat korpus;.
4. Xammal və hazır məhsullar üçün yeşiklərin hazırlanması həyata
keçirilən, habelə çəlləklərin hazırlanması və təmiri həyata keçirilən talvarlı tara
sexi;
5. Yanacaq saxlamaq üçün meydançaya malik qazanxana.
Göstərilən obyektlərdən başqa baş planda avtomobil tərəzilərini, avtomobil
qarajlarını, bəzi hallarda isə hətta yanğın təhlükəsizliyi deposunu, yağlayıcı
materiallar və maye yanacaq anbarını, transformator yarımstansiyasını, dövriyyədə
olan taranı saxlamaq və hazırlamaq üçün meydançanı, zavodu su ilə təchiz edən
tikili və qurğuları (su rezervuarı, nasos stansiyası, artezian quyusu, su təzyiqi
yaradan qüllə, duz hasilatı qurğusu, çiləyici hovuz və s.), kanalizasiya şəbəkəsinə
xidmət göstərən qurğuları (çəkib – vurma stansiyası) da yerləşdirirlər.
4
Balıq emalı müəssisələrinin baş planının əsas obyektlərini və onların baş
planda yerləşdirilməsini nəzərdən keçirək.
12.1.1. İstehsal sexləri
Baş (əsas) korpusda yer tutan istehsal sexlərini bir qayda olaraq xammal,
yarımfabrikatlar anbarı və ya gəminin yan alması üçün qurulmuş körpü (xammal
dəniz və ya çaydan daxil olan zaman), zavodun hazır məhsul anbarı, tara, duz
anbarı və s. kimi obyektlərin yanında, onlara bitişik halda yerləşdirirlər.
Baş planda istehsal axını ilə əlaqədar olan bir neçə istehsal sexini
planlaşdıran zaman onları elə yerləşdirirlər ki, aralarında ən yaxın əlaqə olsun və
istehsal axını geriyə hərəkət etmədən və kəsişmədən həyata keçsin.
Tənəkə banka sexi. Tənəkə bankalar balıq konservləri üçün əsas tara növü
sayılır. Tənəkə bankaları, bu müəssisənin yaxınlığında yerləşən bir neçə konserv
zavoduna xidmət göstərən ixtisaslaşdırılmış müəssisələrdə istehsal etmək məsləhət
görülür. Bununla yanaşı, boş tənəkə taranı xeyli uzaq məsafələrə daşımaq,
nəqliyyatdan pis istifadə sayəsində əlverişsiz olur.
Buna görə də tənəkə banka sexlərini adətən, onları baş korpusla
bloklaşdıraraq konserv zavodunun ərazisində tikir və ya bilavasitə rahat nəqliyyat
əlaqəsi yaratmaqla onun yaxınlığında yerləşdirirlər.
Tənəkə banka sexində tənəkə və tənəkə tara anbarları, tənəkəni və ya
bankanı laklamaq üçün şöbə, bəzən də litoqraf şöbəsi yerləşdirirlər.
Belə ki, tənəkə adətən dəmir yolu nəqliyyatı vasitəsilə çatdırılır, məhz buna
görə də tənəkə anbarını dəmir yolu qolunun yaxınlığında yerləşdirmək məsləhətdir.
Tənəkə anbarını və tənəkə banka istehsalı üzrə axın xəttinin ilkin hissəsini
(qayçılar, preslər) tikilmiş binanın birinci mərtəbəsində yerləşdirmək məsləhət
görülür, axın xəttin qalan hissələri, habelə tənəkə bankaları saxlamaq üçün anbar
binanın ikinci mərtəbəsində yerləşdirilə bilər ki, bu zaman taranın birinci
mərtəbəyə və ya əsas istehsal sexinə göndərilməsi üçün xüsusi transportyor
növlərindən istifadə olunur.
5
Tənəkə tara anbarının yerləşdirilməsini istehsal sexlərinin düzüb – doldurma
şöbələri ilə yanaşı həyata keçirmək lazımdır.
Ağac taraları hazırlamaq və təmir etmək üçün sex. Ağac taraları da
tənəkə taralar kimi, mərkəzləşdirilmiş halda xüsusi müəssisələrdə hazırlamaq
olduqca müsbət nəticələr əldə etməyə imkan verər. Lakin boş taralar daşınarkən
nəqliyyatın istifadəsi səmərəsiz sayılır, buna görə də ağac taraları (xüsusilə də
yeşikləri) balıq emalı müəssisələrində yeşik komponentlərindən və çəlləkləri
xüsusi çəllək taxtalarından hazırlayırlar.
Bunun üçün tara hazırlamaqdan savayı dövriyyədə olan taraların təmirini də
həyata keçirən tara sexləri layihələndirilir. Bu sexlərin fəaliyyəti yeşiklər üçün
yeşik komponentlərini və çəlləklər üçün çəllək taxtalarını saxlamaqdan ötrü
anbarların, taraların hazırlanması və təmir edilməsi üçün emalatxanaların və hazır
taraları saxlamaq üçün anbarların və ya talvarların mövcudluğu ilə şərtləndirilir.
Sexlər tələb edilən yeşiklərin 50 % – nin hazırlanmasına hesablanır. Anbarın
yeşik komponentləri və çəllək taxtaları üçün tutumu mövsümün ən pik zamanında
taraya olan aylıq tələbat nəzərə alınmaqla hesablanır.
1 m
2
döşəmə sahəsinə, keçidlər də nəzərə alınmaqla 1,5 m
3
yeşik komplekti
və çəllək taxtası yerləşdirmək mümkündür ki, bu da müvafiq standart
normativlərlə tənzimlənir.
Emalatxananın sahəsi, burada işləyəcək işçilərin sayı nəzərə alınmaqla,
avadanlıqlar yerləşən sahəyə əsasən hesablanır. Köməkçi sahə istehsal sahəsinin 15
– 20 % – dək hissəsini təşkil etməlidir.
Hazır taralar üçün anbarlar və ya talvarlar, taraya olan sutkalıq tələbatı tam
təmin etməlidir.
Yanğına qarşı təhlükəliliyi əsas tutularaq ağac taralar hazırlamaq üçün olan
sexi, yanğınsöndürən maşınların bu sexə sərbəst yaxınlaşmasını təmin edən ayrı
binalarda yerləşdirirlər. Sex, hazır məhsullar sexi adlanan əsas tara istehlakçısı ilə,
məhsulları yığışdırmaq üçün çəllək və yeşiklər istifadə edilən sexlərlə, habelə
yeşik komplektləri və çəllək taxtaları çatdırılan dəmi yolu qolu ilə ərazicə əlaqədar
olmalıdır.
6
Dostları ilə paylaş: |