9
- məcburi dövlət sosial sığorta haqları ödənilmdikdə və ya ödənilməsi,
gecikdirildikdə sığorta edənlərin hesablaşma və digər hesabları üzrə köçürmə
əməliyyatlarının (büdcəyə və digər icbari ödənişləri istisna olmaqla)aparılmasının
dayandırılmasına, eləcə də yaranmış borc məbləğinin sığorta edənlərin bank
təşkilatlarında olan hesabından tutulmasına dair qanunvericiliyə uyğun tədbir
görmək;
- qanunvericiliyə müvafiq olaraq maliyyə sanksiyalarının tətbiqi nəticəsində əldə
edilən vəsaitin işçilərin maddi həvəsləndirilməsinə və Fondun maddi- texniki
bazasının inkişaf etdirilməsinə yönəldilən hissəsinin xərclənməsi istiqamətlərini
müəyyən etmək;
- qanunvericilkdə nəzərdə tutulmuş digər hüquqları həyata keçirmək.
Dövlət Sosial Müdafiə Fondunun vəsaitləri aşağıdakı mənbələr hesabına
formalaşır;
- məcburi və könüllü ( əlavə) sosial sığorta üzrə daxil olan sığorta haqqı;
- dövlət büdcəsindən ayırmalar;
- maliyyə sanksiyaları və cərimələrin tətbiqi nəticəsində daxil
olan məbləğlər;
- sanatoriya- kurort xidmətindən ( yollayışlarının satışından) əldə edilən vəsait;
- bank
kreditləri;
- qanunvericiliyə uyğun əldə edilmiş digər gəlirlər.
Fondun əsas gəlir mənbəyi məcburi dövlət sosial sığorta haqlarından ibarətdir.
Bu mənbə hesabına fonda bütün gəlirlərin 70,5% - in daxil olması nəzərdə tutulur.
Mövcud qanunvericiliyə əsasən təşkilati- hüquqi formasından asılı olmayaraq
bütün dövlət idarə, müəssisəvə təşkilatlarından , kooperativ, firma, birgə müəssisə
və s- dən , dini təşkilatlardan, xaricdə olan diplomatik və s. nümayəndəliklərdən,
Azərbaycana məxsus xaricdə olan müəssisə və filiallardan , səhmdar
cəmiyyətlərindən, sığorta təşkilatlarından, ictimai birliklərdən, siyasi partiyalardan
və s. əməyin ödəniş fonduna hesablanan dərəcələrlə sosial sığorta haqları tutur.
Başqa sözlə, məcburi dövlət sosial sığorta haqları əməyin ödənişinə və gəlirlərə
faizlə hesablanıb tutulur. Əməyin ödənişinə və gəlirlərə bütün növ əmək haqqı,
KitabYurdu.az
154
10
əmək haqqına əlavələr, mükafatlar, məzuniyyət haqqı, sahibkarlıq fəaliyyətindən
əldə edilən mənfəət və s. aiddir.
Məcburi dövlət sığortasında sığorta haqqı əmək ödənişinə ( gəlirə) nisbətən
faizlə müəyyən edilir və sığortaedilənin( olunanın) vəsaitləri hesabına ödənilir.
“ Sosial sığorta haqqında” Azərbaycan Respubliasının Qanunun ( 18 fevral
1997- ci il № 250- İQ) 14- cü maddəsinə əsasən seçkili orqanlar və bütün
işəgötürənlər üçün hesablanmış əməyin ödənişi fondunun 22 % - i miqdarında
məcburi dövlət sosial sığorta haqqı ödənilir. Hər ay üçün hesablanmış sosial
sığorta haqqı sonrakı ayın 15- dən gec olmayaraq tam məbləğdə nağd və nağdsız
hesablaşma qaydasında sığortacıya ödənilir. Mülkiyyətində olan kənd təsərrüfatı
torpaqlarından istifadə edən şəxslər torpağın hər hektarına görə sosial sığorta
haqları ödəyirlər və dərəclər hər hektara görə torpağın münbitlik səviyyəsindən
asılı olaraq, ölkə üzrə müəyyən olunmuş minimum aylıq əmək haqqının 1- 6% - ni
təşkil edir.
Ev təsərrüfatında muzdlu işçilərin( ev qulluqçuları, dayə, katibə, sürücü və s.)
əməyindən istifadə edənlər hesablanmış əmək haqqının 20% - i miqdarında sosial
sığorta haqqı ödəməlidirlər. Vəkillər kollegiyasının üvzləri, xüsusi notariuslar,
sərbəst auditorlar və mühasiblər üçün gəlirlərin 20 % - i miqdarında sosial sığorta
haqqı ödənilir. Müəlliflik qonararı ödəyən hüquqi və fiziki şəxslər üçün
hesablanmış qonararın məbləğinin 15%- i miqdarında məcburi dövlət sosial sığorta
haqqı ödənilir.
Mülki hüquqi xarakterli müqavilələrlə işləyənlər( sahibkarlıq fəaliyyəti ilə
məşğul olan şəxslər istisna olmaqla) ödəmə mənbəyindən tutulmaqla , ölkə üzrə
müəyyən edilmiş minimum aylıq əmək haqqının 80%- i miqdarında məcburi
dövlət sosial sığorta ödənişinə cəlb edilirlər.
Ticarət, nəqliyyat və tikinti sahələrində sahibkarlıq fəaliyyəti ilə məşğul olan
şəxslər ölkə üzrə müəyyən olunmuş minimum aylıq əmək haqqının 70%- i ,digər
sahələrdə sahibkarlıq fəaliyyəti ilə məşğul olan şəxslər üçün isə 40% səviyyəsində
sosial sığorta ödənişləri nəzərdə tutulur. Bakı şəhəri sahibkarları minimum aylıq
əmək haqqının 100%- i , Sumqayıt və Gəncə şəhərlərində 90%- i , Respublika
KitabYurdu.az
155
11
tabeli digər şəhərlərdə 80% - i, rayon mərkəzlərində, digər şəhərlərində və
qəsəbələrdə 60%- i, kənd yerlərində 50%- i miqdarında məcburi dövlət sosial
sığorta haqları ödəyirlər.
AR- nin Milli Məclisinin qərarı , prezidentin fərman və sərəncamları
ilə vəzifəyə
təyin olunan şəxslər, dövlət qulluqçuları, seçkili ödənişli vəzifələrdə işləyənlər,
prokurorlar, prokurorun müavinləri və köməkçiləri, prokurorluğun müstəntiqləri,
əmək müqaviləsi( kontraktı) ilə işləyənlər və kontraktla hərbi qulluğa qəbul
edilmiş hərbi qulluqçular hesablanmış əmək haqqının 3%- i miqdarında məcburi
dövlət sosial sığorta haqqı ödəyirlər.
Dövlət Sosial Müdafiə Fondunun vəsaiti aşağıdakı məqsədlərə istifadə edilir:
- əmək pensiyalarının verilməsi:
- könüllü sosial sığorta əsasında dövlət pensiyalarına əlavə;
- əmək qabiliyyətinin müvəqqəti
itirilməsinə görə müavinət;
- hamiləliyə və doğuma
görə müavinət;
- uşağın anadan olmasına
görə birdəfəlik müavinət;
- qanunvericiliklə nəzərdə tutulmuş yaş həddinə çatana qədər uşağa qulluqla
əlaqədar müavinət;
- sığorta olunanların sanatoriya – kurort müalicəsi üzrə xərclərin tam və ya qismən
ödənişi;
- məşğulluq tədbirlərinin
həyata keçirilməsi;
- əlillərin sosial müdafiəsi, tədbirlərinin həyata keçirilməsi qanunvericilikdə nəzərə
tutulmuş digər xərclər.
Azərbaycan Respublikasının Dövlət Neft Fondu
Dövlət Neft Fondu hüquqi şəxs statuna malik büdcədənkənar dövlət fondudur.
Fond neftin və qazın kəşfiyyatı, işlənməsi və hasilatın pay bölgüsünə dair
sazişlərin həyata keçirilməsi ilə bağlı Azərbaycan Respublikasının əldə etdiyi
gəlirlərin toplanması və səmərəli idarə edilməsi mexanizmidir.
KitabYurdu.az
156